Morgunblaðið - 08.11.1985, Blaðsíða 7

MORGUNBLAÐIÐ, FÖSTUDAGUR 8. NÓVEMBER1985
7
„Hengi þolinmæði
mína upp á vegg“
— segir Hildur Hákonardóttir sem sýnir verk sín í Listmunahúsinu
& ■ .
:
A •
HILDUR Hákonardóttir opnar sýn-
ingu á verkum sínum í Listmunahús-
inu, Lækjargötu 2, á morgun, laugar-
dag, kl. 14.00. Þetta er þriðja einka-
sýning Hildar en þá fyrstu hélt hún í
Gallerf-SÚM við Vatnsstíg árið 1972.
önnur sýningin var í Bókasafni Sel-
foss árið 1974 og auk þess hefur hún
tekið þátt í fjölda samsýninga bæði
hérlendis og erlendis.
Blaðamaður Morgunblaðsins
ræddi við Hildi í tilefni sýningar-
innar i vikunni, en verkin eru unnin
á sl. tveimur árum. Þau eldri eru í
tengslum við íslenska náttúru en sl.
ár dvaldi Hildur í Vancouver í
Kanada og í verkum sem þar eru
unnin gætir áhrifa kínverskrar
menningar, sem borist hafa með
innflytjendum yfir Kyrrahafið.
Hildur býr nú á garðyrkjubýli á
Straumum i ölfusi og vinnur tölu-
vert út frá því landslagi sem hún
sér í kringum sig.
„Ég sætti mig mjög vel við sveita-
lífið. Birtan og víðáttan er dásamleg
í kringum mig og fæ ég mikinn
efnivið í verk mín úr náttúrunni
sjálfri. Ég er jaðarsbarn, en því
nafni eru þeir kallaðir sem alast upp
á mörkum borgar og sveitar. Ég ólst
upp innst á Bústaðaveginum í gamla
daga og er mér því mjög auðvelt að
aðlaga mig bæði sveita- og borgar-
samfélagi. Það er ekki svo ýkja frá-
brugðið að búa nú í ölfusi i saman-
burði við Bústaðaveginn i gamla
daga.“
Aðspurð að þvi hvernig henni
likaði úti á landi sagði Hildur að
Reykjavík væri mikil menningar-
miðstöð, sérstaklega fyrir lista-
menn og eðlilegt væri fyrir þá að
vilja komast í snertingu hvem við
annan. „Þó kann ég ákaflega vel við
kyrrðina. Ég t.d. hef ekki þolinmæði
til að horfa á sjónvarp. Mér finnst
sjónvarpsgláp reyna óskaplega á
þolinmæði einstaklingsins á meðan
aðrir segjast geta slappað af fyrir
framan skjáinn. Aðrir hafa á hinn
bóginn undrast yfir hversu mikla
þolinmæði ég þyrfti til að sitja yfir
verkum mínum í fleiri mánuði —
sérstaklega hefur verið talað am
þetta viðvíkjandi verki minu „Sam-
skipti himins og jarðar“ sem ég
gerði á heilu ári. Verkið sýnir liti
himins og jarðar yfir heilt ár þar
sem ég óf eitt teppi á hverjum mán-
uði og tengdi það síðan saman. Ég
get þó a.m.k. hengt þolinmæði mina
upp á vegg.“
Hildur sagði þau verk sem snertu
tímann væru í beinu framhaldi af
þvi sem gerðist fyrir nokkrum árum
i lífi sinu þegar fyrst var vakin
athygli almennings á kjörum
kvenna í þjóðfélaginu. „Ég fór virki-
lega að velta þvi fyrir mér hvað það
tæki i raun langan tíma að breyta
heilu menningarmynstri. Mér
fannst það álíka og ætla að fara að
skilja sjálfa náttúruna. Það þýðir
litið fyrir einn fámennan hóp að
gjörbreyta viðhorfi almennings.
Samstaðan þyrfti að vera slik að
hver ný kynslóð skynjaði það sama
og þessi gamalgróni hópur rauð-
sokka og myndi koma fram fyrir
skjöldu og tala sinum málstað. Ég
fór að skynja að eðli þjóðfélags-
breytinga var svo skylt þvi sem
gerðist i náttúrunni. Þjóðfélags-
breytingar verða að líða fram eins
og áin fyrir framan húsið hjá mér
— eins og stöðugur straumur. Ef
stifla myndast i ánni, veldur það
erfiðleikum en aflið liggur i þessum
stöðuga straumi.
Rauðsokkahreyfingin kom allt i
einu fram eins og flóðbylgja niður
ána. Mér finnst jákvæðar breyting-
ar hafa átt sér stað á viðhorfi karl-
manna til kvenna og vjðhorfi
kvenna til sjálfra sfn en þvi miður
finnst mér efnahagsleg kjör kvenna
ekki hafa breyst — jafnvel versnað
ef eitthvað er.“
Hildur sagði að í kínverskri
menningu væri talað um tvenns
konar náttúruöfl: annars vegar
„yin“ — hið kvenlega afl sem fyrir-
finnst t.d. i jörðinni, myrkrinu og
vatninu — og hins vegar „yang“ —
hið karlmannlega afl sem kemur
m.a. fram i birtunni, sólinni og
himninum. „Allt sem gerist i nátt-
úrunni og mannlífinu eru breyting-
ar milli þessara tveggja afla. Ef
komið er of mikið af öðru hvoru
aflinu, hlýtur það sjálfkrafa að
breytast í andstöðu sína t.d. er
vatnið yin og frostið lika. Ef það
tvennt kemur saman, er orðið of
mikið yin. Þvi er isinn yang —
harður og karlmannlegur.
Hið mannlega eðli má túlka eins.
Þegar menningin okkar hefur of
mikið yang, hlýtur hún að breytast
smátt og smátt í andstöðu sina, yin,
eða skapa samræði á milli. A.m.k.
þori ég ekki annað en að taka mark •
á kínverskri speki þar sem hún er
svo ævaforn. í nútimaþjóðfélagi
þolum við alls ekki meira yang með
þann ógnvald sem mannkynið nú
býr við - árásarkennd og tortíming-
arhættu sem gerir samskipti mann-
anna gleðisnauð og laus við allan
mjúkleika.“
Sýning Hildar stendur til 24. nóv-
ember f Listmunahúsinu og er opin
virka daga kl. 10.00 til 18.00 nema
mánudaga og um helgar frá 14.00
til 18.00.
Hildur Hákonardóttir við eitt verka sinna i Listmunahúsinu.
Föstudaaskynning
Kynnt veröur ný kynslóö
&
Husqvarna
Micronett örbylgjuofna sem er þrisvar
sinnum betri.
★ Helmingirýmraofnhólf(40l)
★ Brúnarmatinn
★ Sjálfvirkhitamæling
Komiö og sjáiö hvernig hægt
er aö matreiöa marga
réttiíeinuí
tveggja hæöa
Husqvarna
Micronett
örbylgjuofninum!
rr FJALLKONGINN
Ockelbo 5000
Vél: Rotax 447
40 hestöfl
447 cu
Gírar: Hár — Lágur
og afturábak
Tvöfalt diskahelmakerfi
Beltisbreidd — 45 sm
Beltis lengd — 387 sm
SANNKALLAÐUR
FERÐALANGUR
Lengtl: 219
Breidd: 100 sm
Þyngd: 225 kg
(7\ Gunnar Ásgeirsson hf.
' Suóurlandsbraut 16 Sími 9135200