Morgunblaðið - 20.11.1985, Blaðsíða 1
48 SÍÐUR
STOFNAÐ1913
263. tbl. 72. ár;
L
MIÐVIKUDAGUR 20. NÓVEMBER 1985
Prentsmiðja Morgunblaðsins
Leiðtogafundurinn f Genf:
Ræddust við í ein-
rúmi öllnm að óvörum
Reagan dró Gorbachev afsíðis — Engar
upplýsingar fyrr en að viðræðum loknum
FÓRU VEL AF STAÐ
Ronald Reagan ræðir við Mikhail
Gorbachev fyrir utan Fleur D’Eau
í Versoix skammt frá Genf.
AP/Símamynd
Geaf, 19. nóvember. Frá Önnu Bjamadóttur, fréttaritara MbL
MIKAIL Gorbachev, leiðtogi Sovétríkjanna, og Ronald Reagan, forseti
Bandaríkjanna, töluðu mun lengur saman í einrúmi á fyrsta fundi leið-
toga stórveldanna f 7 ár en búist var við. Þeir ræddu einir saman með
aðstoð túlka í rúman klukkutíma á þriðjudagsmorgun áður en utan-
ríkisráðherrar þeirra og aðrir ráðgjafar bættust í hópinn. Reagan lagði
til, öllum að óvörum, í lok síðdegisfundarins, að þeir gengju tveir saman
ásamt túlkum niður að Genfarvatni og ræddust við. Þeir gengu að húsi
við sundlaug, sem er við vatnið og inn á lóð Fleur d’Eau. Fundur leið-
toganna í morgun fór fram í sama húsi. Þeir settust niður í „sundlauga-
húsinu” fyrir framan arineld og töluðu saman í tæpa klukkustund.
Bann hefur verið lagt við frétta-
flutningi af fundi leiðtoganna en
talsmenn þeirra voru sammála um
að hann hefði farið vel af stað og
andrúmsloftið væri gott. Larry
Speakes, talsmaður Reagans, sagði
að fundarbragurinn væri annar en
á fundi Georges Shultz, utanríkis-
ráðherra Bandaríkjanna,, með
Gorbachev í Moskvu fyrr í þessum
mánuði. Þar þótti Gorbachev helst
til ákveðinn og óþolinmóður og
leyfði viðmælenda sínum ekki allt-
af að ljúka máli sínu. Menn kunn-
ugir Reagan sögðu að það væri
góðs viti að hann gæti rætt við
Gorbachev í einrúmi þar sem for-
setinn væri mjög „snjall og sann-
færandi" í einkasamtölum.
Reagan var frakkalaus þegar
hann tók á móti Gorbachev í heim-
keyrslunni að Fleur D’Eau á
þriðjudagsmorgun. Það virtist létt
yfir Gorbachev og þeir brostu báð=
ir þegar þeir stoppuðu á tröppun-
um áður en þeir gengu inn. Gor-
bachev gaf til kynna að Reagan
hefði átt að vera i frakka í kuldan-
um, sem hann og var þegar hann
tók á móti Gorbachev eftir há-
AP/Sfmamynd
Raisa Gorbachova og Nancy Reagan hittust fyrir utan Maison de Saussure,
dvalarstað Reagan-hjónanna í Genf. Leiðtogafrúrnar drukku te saman meðan
eiginmenn þeirra ræddust við.
Fylkisaukning hjá
flokki Schliiters
Kaupmannahorn, 19. nó.emhír. Fri Ib Björnbak, fréUaritara Morfpinblahmna.
FYLGI íhaldsflokks Pouls SchlUter og Sósíalíska þjóðarflokksins jókst mikið
f sveitar- og bæjarstjórnarkosningunum, sem fram fóru f Danmörku í dag.
Sósíalíski þjóðarflokkurinn bætir við sig helmingi fleiri fulltrúum í sveitar-
og bæjarstjórnum, en hann hafði fyrir kosningarnar.
Margir héldu að sambandið milli
tveggja stjórnarflokkanna, íhalds-
flokksins og Venstre, af fjórum
myndi versna, ef Venstre tapaði
miklu í kosningunum. Sú varð ekki
raunin. Venstre kom vel út úr kosn-
ingunum, þótt flokkurinn hafi
misst nokkra fulltrúa f bæjar- og
s veitarstj órnum.
Staða Sósíalíska þjóðarflokksins
styrktist til muna, en vinstri sósíal-
istar töpuðu í nokkrum kjördæm-
um. Aftur á móti halda Sósíaldemó-
kratar sínu án þess að þeim aukist
fylgi-
Flokkur Mogens Glistrup, Fram-
faraflokkurinn, tapaði mestu í
kosningunum og þurrkaðist flokk-
urinn nánast út. Radikale venstre,
sem styður stjórnina í umhverfis-
verndarmálum, töpuðu fylgi, en
athygli vekur að flokkur græningja
kom nokkuð mörgum fulltrúum f
stjórnir sveitarfélaga og amta.
degi. Fréttamenn spurðu Gor-
bachev hvort orð Gromykos um
að hann hefði „hlýlegt bros en
tennur úr stáli“ væru sanngjörn.
Gorbachev sagði að þessi orð hefðu
ekki verið staðfest, hann hefði enn
sínar eigin tennur „en til að svara
því sem felst í spurniqgunni get ég
sagt að bæði Reagan forseti og ég
höfum góðar ástæður til að ætla
að við getum átt góðar viðræður."
Gorbachev tók á móti Banda-
rfkjamanninum Jessie Jackson f
hádeginu á þriðjudag. Jackson
afhenti honum undirskriftalista
þar sem þess er krafist að kjarn-
orkuvopnaframleiðslu verði hætt
þegar f stað. 1,2 milljónir Banda-
ríkjamanna hafa skrifað undir
listann. Þeir töluðu saman f 40
mínútur og Jackson greindi frá þvi
að fundinum loknum að Gorbachev
hefði sagt að leiðtogarnir hefðu
átt alvarlegar viðræður og Sovét-
menn legðu höfuðáherslu á af-
vopnunarmál.
Gorbachev-hjónin buðu til
kvöldverðar í húsakynnum sov-
ésku sendinefndarinnar í Genf í
kvöld. Reagan-hjónin mættu
stundvíslega klukkan átta. Aðrir
þátttakendur í viðræðum leiðtog-
anna voru einnig boðnir. Leið-
togafundurinn heldur áfram f
fyrramálið en þá mun Gorbachev
taka á móti Reagan.
Sjá frekar af leiðtogafundinum á
síðum 20 og 21.
ísraelar skjóta niður
sýrlenskar herþotur
Tel AtW, 19. nóvember. AP.
TVÆR ísraelskar orrustuþotur skutu í dag niður tvær sýrlenskar orrustu-
þotur yfir austurhluta Líbanon. Talsmaður ísraelska hersins tilkynnti í
dag að ísraelsku þoturnar hefðu verið á könnunarferð, sem flogin er
reglulega, þegar sýrlensku þoturnar flugu í veg fyrir þær. Sýrlendingar
halda aftur á móti fram að ísraelsku herþoturnar hafi verið í sýrlenskri
lofthelgi og sýrlensku flugmennirnir hafi stuggað þeim á brott.
Talsmaður israelska hersins
sagði að orrustuflugmennirnir
hefðu skotið flugskeytum á sýr-
lensku þoturnar og grandað þeim.
Sýrlensku þoturnar eru af gerð-
inni MiG-23 og framleiddar í
Sovétríkjunum. Heimildarmaður
úr líbanska hernum staðfesti að
þoturnar tvær hefðu verið skotn-
ar niður.
Yitzhak Rabin, vamarmálaráð-
herra ísraels, varaði Sýrlendinga
við og sagði að ísraelar yrðu
neyddir til að skjóta á sýrlenskar
orrustuþotur, ef reynt væri að
trufla ísraelskar þotur f könnun-
arflugi. Rabin tók þó fram að
ísraelar óskuðu ekki eftir átökum
við grannríki sitt.
Þetta er fyrsta skipti, sem ísra-
elar skjóta sýrlenskar orrustuþot-
ur niður síðan sumarið 1982. Þá
kom til mikilla átaka f lofti milli
Sýrlendinga og ísraela eftir að
ísraelar réðust inn f Líbanon og
ísraelar grönduðu 80 til 90 sýr-
lenskum orrustuþotum.
Loftbardaginn átti sér stað um
það leyti sem Gorbachev og Reag-
an ræddust við í Genf, en Sýrlend-
ingar eru bandamenn Sovétríkj-
anna og Israelar bandamenn
Bandarfkj amanna.
Talsmaður Sýrlendinga segir
að MiG-þoturnar hafi komið að
F-15-þotum Israela í sýrlenskri
lofthelgi og þvingað þær til að
hverfa á braut. Hann segir að
ísraelsku flugmennirnir hafi
hörfað án þess að ná settu marki
sínu og Sýrlendingar hafi hvorki
orðið fyrir mannfalli, né öðru
tjóni.
Talsmaður breska utanríkis-
ráðuneytisins harmaði f dag að
til átaka hefði komið milli ísraela
og Sýrlendinga.
Talið er hæpið að Sovétmenn
hvetji Sýrlendinga til átaka við
ísraela. Sovétmenn vildu frekar
reyna að stuðla að friði fyrir botni
Miðjarðarhafs.