Morgunblaðið - 20.11.1985, Blaðsíða 7

MORGUNBLAÐIÐ, MIÐVIKUDAGUR 20. NÓVEMBER1985
7
Að vinna með börnum
er ánægjulegasta starfið
- segir Karvel Ögmundsson útgerðarmaður
BÖRNIN í ísaksskóla fengu sérstaka heimsókn í gær þegar þangaö kom
Karvel Ögmundsson, hinn aldni útgerðarmaður.
Þegar blaðamann og Ijósmyndara bar að garði var Karvel að ræða við
tvo átta ára bekki. Börnin sátu þögul og fylgdust af athygli með því sem
hann hafði að segja.
Eftir að Karvel hafði lokið máli
sinu kvöddu börnin hann á gangin-
um, mörg með handabandi. Karvel
var spurður hvað olli því að hann
fór að leggja leið sína í skóla til
þess að ræða við ung börn.
„Þetta byrjaði fyrir einum mán-
uði í Njarðvíkunum. Þá ræddi ég
við yngstu börnin í skólanum þar
um lífið og tilveruna í gamla daga.
Síðan fór Sólveig dóttir min þess
á leit við mig að ég talaði við
börnin i ísaksskóla.
Ég hef mikið unnið með bðrnum
og stjórnaði til dæmis barnastúk-
unni i Njarðvíkum í 15 ár. Það er
eitt af því ánægjulegasta sem ég
hef gert á ævinni," sagði Karvel.
Karvel ögmundsson er rúmlega
áttræður. Hann hóf sjómennsku
11 ára gamall og var orðinn for-
maður á árabátum 14 ára gamall.
Síðar varð hann skipstjóri og út-
gerðarmaður og gegndi auk þess
ýmsum embættum.
- Um hvað fræðir þú börnin
aðallega?
„Ég segi þeim frá lífsbaráttunni
i gamladaga. Ég held að það sé
mikils um vert að börn kynnist
lífsbaráttu aldamótakynslóðar-
innar. Ég segi þeim frá áraskipun-
um og hvernig sjómennirnir leit-
uðu eftir guðsvernd. Ég þekkti t.d.
engan formann á áraskipi sem
ekki var trúaður. Börnin fá að
heyra um brimlendinguna, sem
var hættulegasta stundin í róðrin-
um.
Þau fá einnig að heyra um ýmis
dýr, svo sem rjúpu, mink og ref,
sem er mjög viturt dýr. Ég segi
m.a. frá lifnaðarháttum og veiði-
aðferðum þeirra.
En ég brýni einnig fyrir börnun-
um að byrja hvorki að reykja né
drekka og að þau þurfi að spara
peninga til fullorðinsáranna. Það
þarf að byrja snemma að hafa
áhrif á börnin í þessum efnum.
Þau hafa miklu meiri skilning en
fullorðnir reikna með. Mér finnst
að ein dyggð, sem var höfð í háveg-
um í gamla daga, sé að mestu leyti
horfin nú, en það er sparnaður".
- Heldur þú að það hafi góð áhrif
á börnin að fá eldra fólk til þess
að tala við þau um lifið í gamla
daga?
„Já. Ég lít á það sem gæfu fyrir
alla þjóðina ef eldra fólkið fæst
til að segja frá gamla timanum.
Mér er enn i fersku minni það sem
gamalt fólk sagði mér þegar ég var
barn.“
- Hefur þú haft gaman af þessu?
„Ég hef haft geysilega gaman
af þessu og er ákaflega þakklátur
skólastjóranum og kennurunum
Morgunbladid/Júlíus
Börnin í ísaksskóla hlusta með at-
hygli á það sem Karvel hafði að segja
um liðna tíma.
fyrir að fá að koma hingað og
ræða við börnin. Ég hefði aldrei
getað trúað því að börn í svona
stórum hópi gætu verið jafn stillt
og prúð og þessi börn voru meðan
ég talaði við þau,“ sagði Karvel
Ögmundsson að lokum.
Þess má að lokum geta að Karvel
Ögmundsson afhenti bókasafni
ísaksskóla þriggja binda ævisögu
sina i gær.
Karvel ögmundsson sýnir börnum
líkan af áraskipi og segir þeim frá
lífi sjómanna í gamla daga.
Litlar borgir
þurfa
StÓrt hjarta...
„Fáum blandast hugur um að Reykjavík er lítil miðað við flestar höfuðborgir.
Eigi að síður veitir hún svipaða þjónustu og þær. Afl sitt sækir borgin í fjölþætt
atvinnulíf, viðskipti og þjónustu. Miklu varðar að ekki sé þrengt að þessu
„hjarta“ borgarinnar. Það er forsenda betri atvinnutækifæra og lifandi starfs í
menntun; menningu og listumí*
Árrti Sigfússon
Árni Sigfússon er frambjóðandi í prófkjöri sjálfstæðismanna í Reykjavík, sem fram fer um næstu helgi.