Morgunblaðið - 08.12.1985, Blaðsíða 32

32
MORGUNBLAÐIÐ, SUNNUD AGUR 8. DESEMBER1985
Jólamyndin 1985:
Jólasveinninn
Ein dýrasta kvikmynd sem gerö hef-
ur verió og hún er hverrar krónu viröi.
Ævintýramynd fyrir
alla f jölskylduna
Leikstjóri: Jeannot Szwarc.
Aðalhlutverk: Dudley Moore, John Lithgow, David
Huddleston.
Sýnd kl. 3,5,7 og 9.
Hækkað verö.
Anton Bruckner
Tónlist
Jón Ásgeirsson
Níunda sinfónía Bruckners er
ófullgert verk tónskáldið mun
hafa tjáð einum vina sinna, að
ef honum tækist ekki að ljúka
verkinu mætti nota Te Deum,
sem hann samdi tólf árum fyrr
(1884), fyrir lokaþátt. Þannig
var verkið frumflutt í Vínarborg
11. febrúar, árið 1903, undir
stjórn Ferdinand Löwe er var
nemandi Bruckners. Löwe mun
hafa gert nokkrar breytingar,
bæði á sinfóníunni og Te Deum
til að tengja verkin saman.
Aðdáendur Bruckners töldu að
Anna Júlíana Sveinsdóttir
breytingarnar væru skemmd á
verkinu en frumgerð Bruckners
var ekki flutt fyrr en 2. apríl
1932, í Múnchen. Tónlist
Bruckners er hástemmd og í
henni er að finna sanna trú á
leitinni eftir æðri fegurð, guð-
legri og yfirskilvitlegri að inni-
haldi. Um það verður ekki efast
að Bruckner trúði á hlutverk
listamannsins í þessari mikil-
fenglegu leit. Meö það í huga er
auðvelt að skilja Bruckner, auk
þess sem tækni hans og stór-
brotin útfærsla hennar er ekki
markmið í sjálfu sér, heldur
tæki til að megna það að festa
hönd á þeim gildum er að feg-
urðinni standa. Þrátt fyrir að
margt væri mjög vel gert í þess-
ari uppfærslu bar hún nokkuð
oft þess merki að ekki hefði
gefist tími til nægilegrar íhug-
unar, sem er ljóst að tekur
lengri tíma en að unnin verði
Kristinn Hallsson
fyrir einn konsert. Bruckner
þarf ekki aðeins að leika, heldur
ekki síður að læra að umgangast
og nærri því að alast upp við,
til að hafa virkilega tök á því
að túlka dýpt hans og dulúð.
Þegar tekið er tillit til þess
að hljómsveitin er nærri því að
frumleika Bruckner, var
frammistaða hennar ágæt.
Lokaþáttur tónleikanna var Te
Deum og voru flytjendur, auk
söngsveitarinnar Filharmóníu,
Anna Júlíana Sveinsdóttir, El-
ísabet Waage, Garðar Ck>rtes og
Kristinn Hallsson. Svo sem eins
og í sinfóníunni voru „tempóin"
svolítið laus í sér, of hröð þar
sem hægt átti að vera og of hæg
þar sem hratt mátti leika. Söng-
sveitin Fílharmónía var að
mörgu leyti góð, sérstaklega
kvenraddirnar, en eins og venju-
lega f íslenskum kórum voru
Garðar Cortes
karlaraddirnar of fáliðaðar og
ef ekki hefði komið til hjálp frá
þremur efnilegum söngnemum
f tenórnum er hætt við að tenór-
röddin hefði týnst. Einsöngvar-
arnir voru ágætir en helst
mæðir einsöngurinn á tenórn-
um, sem Garðar Cortes söng
mjög glæsilega. Kempan Krist-
inn Hallsson átti og nokkrar
strófur og er ávallt gaman að
heyra þróttmikla og „bassa-
svarta" rödd hans. Anna Júlíana
Sveinsdóttir og Elisabet Waage
sungu og vel en í heild eru ein-
söngshlutverkin að gerð í hálf-
gerðum kórrithætti, raddaður
söngur, er hljómaði mjög vel í
öruggum söng einsöngvaranna.
Trúlega hefur Karolos Trikoli-
dis ætlað sér of mikið með flutn-
ingi níundu, en vel var þess
virði, að hlýða á þessa tilraun,
sem að miklu leyti tókst ágæt-
lega.
Óli prik á kreik á ný
Hljómplötur
Árni Johnsen
Óli prik er kominn aftur á
stjá á plötunni Besti vinur
barnanna og það er Magnús
Þór sem á heiðurinn af þessu
framtaki, því það er mikill
fengur að fá þannig fslenskt
barnaefni, texta sem börn hafa
gaman af. óli prik inniheldur
níu lög, flestir textarnir eru
eftir Magnús Þór og sungnir
af Gísla Guðmundssyni sem er
13 ára gamall, en eitt lagið er
sungið af Ingu Dóru Jóhanns-
dóttur 10 ára gamalli. Þau
syngja bæði fallega, en
skemmtilegasta lagið á plöt-
unni eru hinar kunnu Gutta-
vísur í stórskemmtilegri túlk-
un Björgvins Frans Gislason-
ar, sjö ára gamals, en flutning-
ur hans á Gutta er meiriháttar.
Hann á eftir að verða góður
drengurinn sá ef hann fær að
njóta sín í lífsins kómidí.
Magnús Þór Sigmundsson
Nokkrir textarnir á plötunni
eru eftir Steingerði Guð-
mundsdóttur skáld, dóttur
Guðmundar skólaskálds, en
ljóð hennar eru einföld og
áhrifamikil.
Á hlið A er fyrst lagið Eins
og önnur börn sem fjallar um
þau vandræði óla priks að vera
ekki eins gerður af Guði og
önnur börn. Þá er söngur Óla
priks um það þegar hann verð-
ur stór og einn til um pabba
hans Óla priks. Leyndarmálið
heitir lag Magnúsar Þórs við
ljóð Steingerðar, en á hlið A
er eitt lag og texti eftir Jóhann
Helgason. Er það mjög gott lag
og textinn einnig. Á hlið B eru
m.a. lögin, Börn, Regn og
Guttavísur, sem fyrr er getið,
en í laginu Börn eru bakraddir
bama og lagið er eins konar
barnasaga í skemmtilegum
stfl.
Óli prik á ugglaust erindi til
margra barna og kannski ekki
síður til þeirra sem eru börn í
hjarta þótt aldurinn sé í hærri
kantinum. óli prik besti vinur
barnanna er vinur sem hægt
er að mæla með fyrir börn.