Morgunblaðið - 15.05.1986, Blaðsíða 7

7
MORGUNBLAÐIÐ, FIMMTUDAGUR 15. MAÍ 1986
Sinfóníuhljómsveit íslands:
Manuela Wiesler einleik-
ari á tónleikum í kvöld
Morgunblaðið/Þorkell
Stjórnandinn David Robertson og Manuela Wiesler flautuleikari.
Manuela Wiesler flautuleik-
ari leikur einleik með Sinfóníu-
hljómsveit íslands annað kvöld,
fimmtudagskvöld, á næstsíð-
ustu tónleikum hljómsveitar-
innar á þessu starfsári. Stjórn-
andi verður Bandarikjamaður-
inn David Robertson.
Manuela er löngu þjóðkunn
fyrir flautuleik sinn og starf í
þágu íslenskrar tónlistar hérlendis
sem erlendis. Hún bjó á íslandi í
tíu ár en fyrir þremur árum flutt-
ist hún til Malmö í Svíþjóð og
hefur búið þar og í Vínarborg til
skiptis síðan þá. Hún hefur haldið
fjölda tónleika á Norðurlöndunum
og í öðrum Evrópulöndum á þess-
um tíma auk þess sem út hafa
verið gefnar hljómplötur með leik
hennar. Fyrir jólin voru t.d. gefnar
út fjórar plötur.
Manuela sagði á blaðamanna-
fundi er haldinn var í tilefni tón-
leikana að mikið hefði verið að
gera hjá sér að undanfömu. „Ég
var búin að æfa mikið fyrir
Flautukonsert Sandströms, sem
fyrirhugaður var hér annað kvöld,
en sökum stutts æfingatíma, varð
verkið að bíða betri tíma. Ég vona
þó svo sannarlega að að því geti
orðið hér einhvem tímann. Sven
David Sandström er sænskt tón-
skáld og verkin hans em afar
spennandi. Hann fer alltaf aðeins
lengra í tónsmíðum sínum en
maður getur ímyndað sér að hægt
sé að takast á við.“
Manuela sagðist hafa næg
verkefni framundan. „Mín sér-
grein er að spila án nokkurs
undirleiks, en undanfarið hef ég
líka spilað nokkuð með fimm
sænskum slagverksleikurum sem
kalla sig „Kroumata". Ég fer t.d.
á föstudagsmorgun beint til
Stokkhólms til að æfa með þeim
fyrir listahátíð sem haldin verður
í Björgvin í Noregi eftir tíu daga.
Þar ætlum við að fmmflytja verk
eftir Norðmanninn Ketil Hvoslef.
Síðan ætlum við saman á næsta
ári í tónleikaferð til Japans en
þess á milli ferðast ég ein um og
spila í Evrópu." Manuela sagðist
endilega þurfa að komast til
Malmö fyrir nk. laugardag þrátt
fyrir annir en þá ætlar hún að
ganga í hjónaband. „Ég vona bara
að ég missi ekki af brúðkaupinu,"
sagði Manuela.
Stjómandinn David Robertson
er 27 ára gamall og kemur hingað
til lands nú í fyrsta skipti. Hann
fæddist í Kalifomíu. Atján ára
gamall fór hann til London og
lærði homleik og tónsmíðar í
Royal Academy of Music í þijú ár
samhliða hljómsveitarstjóm.
Hann hefur unnið til verðlauna
fyrir hljómsveitarstjóm og stjóm-
að víða í Evrópu en er nú stjóm-
andi Sinfóníuhljómsveitarinnar í
Jerúsalem. Auk þess er hann tón-
skáld og hafa mörg verka hans
verið flutt í Bretlandi, Belgíu og
Hollandi.
„Ég hef aldrei unnið með
Manuelu áður, en þó hef ég hlust-
að á plötumar hennar og fór m.a.
á tónleika í Iðnó sl. mánudags-
kvöld þar sem hún spilaði á vegum
Musica Nova. Mér líst vel á ísland
og finnst mér Iandið mjög ólíkt
hinum Norðurlöndunum. Islensk
tónlist er líka öðmvísi en gengur
og gerist í nágrannalöndunum.
Satt að segja skiidi ég hana eigin-
lega ekki fyrr en nú er ég hef
sjálfur séð umhverfi ykkar Íslend-
inga enda hljóta tónskáld að mót-
ast af því,“ sagði David.
Verkið sem Manuela leikur á
fimmtudagskvöldið er Flautukon-
sert í D-moll eftir Carl Ph. E.
Bach, sem kemur í staðinn fyrir
Flautukonsert eftir Sven David
Sandström sem áður hafði verið
auglýstur. Manuela sagðist hafa
valið þetta verk vegna þess að
hún hefur sérstaklega gaman af
að leika tónlist sem ekki fylgir
nkjandi tónlistarhefð hvers tíma.
í þessu verki brýtur C. Ph. E.
Bach allar reglur sem vom ríkj-
andi og er verkið byltingarkennt,
tilfinningaríkt og ástríðufullt.
Fyrsta verkið á efnisskránni er
„Læti“ eftir Þorkel Sigurbjöms-
son, sem hann samdi árið 1970,
þegar Sinfóníuhljómsveit íslands
var minni en hún er nú. Verkið
er að vissu leyti vísbending um
nauðsyn þess að stækka hljóm-
sveitina því það er skrifað fyrir
hljómsveit og hljómsveit á segul-
bandi til að ná fullkomnum hljómi
stórrar sinfóníuhljómsveitar. Að
sögn Þorkels hefur nafngiftinn
„Læti“ fleiri merkingar en hvers-
dagslegur hávaði, t.d. hljóð, hátt-
arlag, fagnaðarlæti og harma-
hljóð.
Síðasta verkið á efnisskránni
er Sinfónía nr. 5 eftir Prokofief,
sem var fmmflutt árið 1944 þegar
síðari heimsstyijöldin stóð sem
hæst og ber verkið merki þess.
Prokofief sagði sjálfur að með
þessu verki vildi hann syngja „óð
um glaðar og frjálsar mannvemr,
furðulegt þrek þeirra, hugpfyði
og andlegan hreinleika".
Tónleikamir hefjast kl. 20.30 í
Háskólabíói.
Kosningaút-
varp hafið í
svæðisútvarpi
Reykjavíkur
KOSNINGAÚTVARP hófst hjá
svæðisútvarpinu í Reykjavík á
mánudagskvöldið. Dagskrá
svæðisútvarpsins hefur verið
lengd um 15 mínútur hvern út-
sendingardag og eru þessar mín-
útur notaðar til þess að kynna
framboðslista og sveitarstjómar-
mál á höfuðborgarsvæðinu, Suð-
urnesjum og Akranesi. Auk þess
verður útvarpað sérstakri kosn-
ingadagskrá nokkur kvöld í viku
frákl. 20.30-22.30.
Kosningaútvarpið hófst með
dagskrá um borgarstjómarkosning-
amar f Reykjavík á mánudags-
kvöldið, eins og áður sagði. Þá lagði
ungt fólk spumingar fyrir fram-
bjóðendur. Seltjamarnes og Grinda-
vík vom kynnt á þriðjudagskvöld
og í gærkvöld vom Hafnarfjörður
og Sandgerði á dagskrá.
Fyrirhugað er að hafa beina út-
sendingu frá framboðsfundi í Kefla-
vík þriðjudagskvöldið 20. maí. Það
kvöld verður einnig fjallað um
Gerðahrepp og um Kópavog og
Bessastaðahrepp kvöldið eftir, mið-
vikudaginn 21. maí. Öðmm fram-
boðsfundi verður útvarpað beint
mánudaginn 26. maí frá Akranesi
og þriðjudaginn 27. maí verður
fjallað um Garðabæ og Mosfells-
sveit. Kosningaútvarp svæðisút-
varpsins verður í síðasta sinn mið-
vikudaginn 28. maí og þá verður
aftur fjallað um borgarstjórnar-
kosningamar í Reykjavík.
Leiðrétting
I FRÉTT Morgunblaðsins í gær um
formlega afhendingu Seljahlíðar,
dvalarheimilis aldraðra í Breiðholti,
stóð í myndatexta að forstöðumað-
ur félagsstarfs Seljahlíðar héti
Kristfinnur Jónsson. Hann heitir
Gylfi Jónsson.
Morgunblaðið biður hlutaðeig-
andi velvirðingar á þessum mistök-
um.
Þú svalar lestrarþörf dagsins
Við óskum
fegurðar-
drottningunum
góðs gengis í fötum
frá