Tíminn - 09.10.1965, Blaðsíða 8

TIMINN
ÆSKUNNAR
8
LAUGARDAGUR 9. október 1969
NÁNARA SAMSTARF VINNANDI STÉTTA
HNEKKIR VALDI STJÓRNARFLOKKANNA
Annað þing Sambands ungra Framsóknarmanna á Norður-
landi eystra var haldið að Laugum í Þingeyjarsýslu dagana
3. og 4. september s.l.
Fráfarandi formaður, Kristján Helgi Sveinsson, Akureyri,
setti þingið og bauð þingfulltrúa velkomna. Þingforsetar
voru kjörnir Bjarni Svavar Ottesen, Akureyri, og Ari Teits-
son, Brún- Ritarar þingsins voru þau Gunnur Sigþórsdóttir,
Raufarhöfn^ og Ingólfur Sverrisson, Akureyri.
Þingið staríaði í þremur nefndum, stjórnmálanefnd, alls-
herjarnefnd og skipulagsnefnd, og verður birtur hluti af
þeim samþykktum, sem gerðar voru, hér á eftir.
Karl Kristjánsson, alþingismaður, flutti ávarp og hvatning-
arorð til þinggesta og hlaut mjög góðar undirtektir.
í stjórn Sambandsins voru kjörnir: Aðalsteinn Karlsson,
Húsavík, form., Indriði Ketilsson, Fjalli, ritari, og Einar
Njálsson, Húsavík, gjaldkeri.
Að loknu þinginu var haldin skemmtisamkoma. Þar flutti
Karl Kristjánsson kvæði og ávarp og Jón Kjartansson, for-
stj. ræðu, en Ómar Ragnarsson og Jóhann Konráðsson
skemmtu. Var mikið fjölmenni á samkomunni, enda tókst
hún mjög vel.
Hér fara á eftir nokkrar ályktanir, sem þingið samþykkti.
1. Þingið telur að það sé fyrsta
og æðsta skylda hverrar ríkisstjóm
ar að tryggja sjálfstæði landsins
og standa vörð um það.
Leitast sé við að eiga góða sam-
búð og samvinnu við aðrar þjóðir,
en staðið fast á móti hvers konar
erlendri íhlutun og ásælni. Vítir
þingið undanslátt stjórnarinnar
í landhelgismálinu við Breta og
gagnvart byggingu nýrra her-
stöðva, svo og að leyfa erlent her-
mannasjónvarp til meirihluta
þjóðarinnar. Vítir þingið stækkun
sjónvarpsstöðvarinnar í Keflavík
því í henni'felst geigvænleg hætta
fyrir menningarlegt sjálfstæði okk
ar og verður að vinna að því með
öllum ráðum að takmarka sjón-
varpið við Keflavikurflugvöll ein-
an.
Stefnt verði að því að íslend-
ingar öðlist yfirráð alls land
grunnsins og þegar hafinn undir-
búningur þess. — Jafnframt sé
lögð áherzla á skynsamlega nýt-
ingu fiskistofnanna við landið, og
komið í veg fyrir ofveiði. Verði
hið fyrsta sett lög um þau efni.
Þingið leggur alvarlega áherzlu
á að erlendum aðilum verði ekki
veitt nein sérréttindi til atvinnu-
rekstrar í landinu og vill sérstak-
lega taka fram að það vantreyst-
ir algjörlega núverandi ríkis-
stjórn til að ná viðunanlegum
samningum um aluminiumvinnslu
hér á landi, og varar því sérstak-
lega við samningagerð ríkisstjórn
arinnar við aluminíumhringinn
„Swiss Aluminíum.“
Leita ber eftir erlendu fjár-
magni til arðbærra framkvæmda,
en það má ekki vera háð óað-
gengilegum skilyrðum og íslend-
ingar verða sjálfir að ráða gerð
og staðsetningu framkvæmdanna,
með þjóðarheill fyrir augum, en
ekki einkagróða nokkurra brask-
ara.
Sérstaklega ber að gæta þess,
að erlendir aðilar nái ekki tang-
arhaldi á orkulindum landsins.
2. Þingið telur nauðsynlegt að
höfuðatvinnuvegir þjóðarinnar,
landbúnaður, sjávarútv. og iðnað-
ur fái allir að þróast eðlilega og
styðji hvern annan en að engum
sé mismunað á kostnað hinna.
Leitazt sé við að efla þá eftir
megni og auka fjölbreytni þeirra.
Bendir þingið á að ýmis smærri
iðnaður getur veitt tiltölulega
meiri atvinnu en stóriðja og jafn-
framt skapað mikil verðmæti.
3. Þingið telur skattabyrðar al-
mennings orðnar svo þungar að
alls ekki megi ganga lengra á
þeirri braut. Sérstaklega sé þó
söluskatturinn ranglátur og við-
sjáll, þar sem hann kemur harð-
ast niður á stórum fjölskyldum,
en aðstaða skapast fyrir óvand-
aða sölumenn að halda eftir og
stinga í eigin vasa stórum hluta
hans. Krefst þingið þess að sölu-
skattur verði lækkaður til muna
og tekið upp betra eftirlit með
álagningu hans og innheimtu.
Myndi þar með vinnast upp fyrir
ríkissjóð stór hluti af lækkuninni.
4. Þingið telur að löngu sé
tímabært að taka stjómarskrá lýð
veldisins, í heild til gagngerðrar
endurskoðunar og áríðandi sé að
breyta kosningafyrirkomulagi í
þá átt að stefnt sé að cinmenn-
ingskjördæipum.
5. Þingið telur höfuðnauðsyn,
að vinnandi stéttir taki upp nán-
ara samstarf og samvinnu, þar sem
það er eina vonin til að hnekkja
megi valdi núv. stjómarflokka,
sem hafa sýnt að þeir em ómegn-
ugir að stýra þjóðfélaginu, valda
óréttlátari tekjuskiptir.gu og er
ekki treystandi til að gæta þjóð-
arhagsmuna gegn erlendri ásælni
og íhlutun.
Atvinnumál.
í ályktun allsherjarnefndar seg
ir m. a.:
Þingið telur að efla beri sem
mest framleiðsluatvinnuvegi þjóð-
arinnar og bendir í því sambandi
á eftirfarandi:
1. Sérstaka áherzlu ber að
leggja á iðnað til að fullvinna ís-
lenzk hráefni, og gera þau verð-
mætari, má þar til nefna ull, gærur
og síld auk annarra landbúnaðar-
og sjávarafurða.
2. Að tilrauriir í þágu atvinnu-
veganna verði auknar, svo sem
jarðvegs- og gróðurfarsrannsókn-
Á myndinni er hin nýkjörna stjórn Sambands ungra Framsóknarmanna á NorSurlandi eystra. TaliS frá
vinstri: IndrlSi Ketilsson, 'Ffalli, ritari ASalsteinn Karlsson, Húsavík, form., og Einar Njáisson, Húsavfk, gjaid
keri.
ir, fiskirannsóknir og jarðhita-
rannsóknir.
3. Brýn nauðsyn er að efla at-
vinnuöryggi og örfa hagþróun í
kaupstöðum og kauptúnum á Norð
urlandi, og verður að leita nýrra
atvinnuvega fyrir þann.landshluta,
t.d. með því að setja á fót stofn-
un sem hafi með höndum ránn-
sóknir á skilyrðum til atvinnu-
rekstrar og hagnýtingu náttúru-
auðlinda, og sjái um tækniaðstoð
við atvinnugreinarnar.
Þingið krefst þess, að ef til stór
iðju kæmi hérlendis, verði hún
staðsett á Norðurlandi: Mundi það
eiga ríkan þátt í að hamla gegn
;fólksflutningum til Faxaflóasvæðis-
ins og skapa aukin skilyrði til
blómlegs atvinnulífs víðar á land-
inu.
4. Gera þarf ráðstafanir til að
efla smíði fiskiskipa á Norður-
landi. Aukin verði með lánum og
fjárframlögum aðstoð til - að
koma upp fullkomnum dráttar-
brautum, og þeim veitt rífleg
rekstrarlán svo hægt verði að sjá
um viðgerðir og endurnýjun fiski
skipaflotans, að sem mestu leyti
innanlands.
Samvinnumál.
Þingið bendir á nauðsyn þess
að samvinnufélögin séu áfram
eins og áður fyrr, brautryðjendur
í bættum verzlunarháttum og sé
þvi þörf á fleiri skólum og náms-
skeiðum á vegum félaganna. Úr
þessu mætti bæta með því að setja
á stofn annan samvinnuskóla, sem
staðsettur yrði hér á norð-aust
urlandi, en sá skóli hefði sérstak.
lega það verkefni með höndum
að sjá um verklega kennslu í verzl
unar og skrifstofustörfum.
Menntamál
Þingið varar eindregið við
þeirri stefnu, sem ríkisStjórn og
meirihluti Alþingis tók á síðasta
þingi, að skera niður framlög til
skólabygginga um 20%.
Þá bendir þingið á að algjör
lega óviðunandi ástand er í skóla
málum kjördæmisins, sérstaklega
í sveitunum, og byggja þarf nýja
héraðsskóla í Eyjafirði og Norður
Þiogeyjai'sýslu, þar eð ungt fólk
í sveitunum fær ekki tækifæri til
þeirrar ménntunar, sem náuðsyn
leg er í nútímaþjóðfélagi. Gagn
fræðaskólar kaupstaðanna eru
einnig yfirfullir, og geta því ekki
tekið á móti unglingum úr ná
grannasveitunum. Því ber að
fagna að sett var á stofn undir
búningsdeild tækniskóla á Akur
eyri og að framkvæmdir eru að
hefjast við byggingu fullkomins
skóla, þar sem góð aðstaða verður
til verklegrar kennslu.
Vinda þarf bráðan bug að því
að stækka heimavist Menntaskól
ans á Akureyri og byggja nýtt og
fullkomnara menntaskólahús þar,
til að taka við mjög aukinni að
sókn ungs fólks til æðri menntun-
ar.
Raforkumál.
1. Þingið telur það sjálfsagt rétt
lætismál að rafvæðingu allra
byggða landsins, verði lokið á
næstu árum, og beri því að auka
ríkisframlög til raforkufram-
kvæmda.
2. Þingið leggur áherzlu á að
orka frá rafveitu verði seld á
sama verði um allt land.
3. Þingið fagnar þvi að nú skuli
standa fyrir dyrum stórvirkjun
fallvatna á íslandi, og krefst þess
að nú þegar verði farið að vinna
að nýjum raforkuframkvæmdum á
Norðurlandi.
Þingið telur ríka ástæðu til að
benda á þær samningsumleitanir
sem nú fara fram um sölu á raf-
orku til stóriðju. Má telja það frá
leitt sjónarmið að selja meiri hlutá
orku þeirrar virkjunar sem nú er
talið að famleitt geti ódýrasta
raforku hérlendis, til aluminíum-
framleiðslu, þar sem vitað sé að
innan mjög skamms tíma þurfi
að yirkja annars staðar vegna inn
lendrar orkunotkunar.
Samgöngumál.
Þingið varar eindregið við þeim
niðurskurði á fé til vegamála er
samþykkt var á síðasta Alþingi,
því mjög aukin fjöldi ökutækja,
og sérstaklega þungra vöruflutn-
•ingabíla kallar á meira fé til ný-
bygginga endurnýjunar og við
halds vega.
Þessir stóru vöruflutningabílar
hafa reynzt of þungir fyrir mikinn
hluta veganna og þarf því að
endurbyggja marga vegi í kjör-
dæminu. Bezt kom í ljós síðastlið-
inn vetur, er hafís lokaði höfn-
um víða norðan- og austanlands,
hver þörf er á því að vegakerf-
ið sé traust, og bregðist ekki þeg-
ar mest á reynir.
Sérstaka áherzlu ber að leggja
á að iánsfé fáist til Þingeyjar-
sýslubrautar frá Breiðumýri til
Þórshafnar, því mikið af þeim veg
um sem þar eru fyrir þarf að
endurbyggja.
Þá þarf að hraða mjög bygg-
ingu nýrrar brúar á Fnjóská.
Þá þarf að bæta mjög þá flug-
velli, sem fyrir eru út um sveit-
ir í kjördæminu, því að með bygg
ingu flugskýlis á Akureyri skapast
nýr möguleiki til að halda uppi
áætlunarflugi til ýmissa staða inn
an kjördæmisins og þá sérstaklega
til Mývatnssveitar í sambandi við
kísilgúrframleiðslu og væntanlega
fólksfjölgun þar.
Þá þarf skipaútgerð ríkisins að
vera vel vakandi í sambandi við
strandsiglingar og leita nýrra
leiða ’ -n hagnýtingu á þeim.
Þau er því álit þingsins að fyrst
og fremst beri að leggja áherzlu
á vegalagningu, helzt úr varanleg-
um efnum og endurbætur á flug-
völlum í kjördæjminu.
Þá bendir þingið á að óviðun-
andi ástand er orðið í hafnarmál-
um kjördæmisins, og má í því sam
bandi benda á að reisa þarf full-
komna innflutningshöfn á Akur-
eyri. Telur þingið að býggja verði
hafnir af ríkisfé, að svo miklu
leyti sem eðlilegar tekjur hafnar
sjóða hrökkva ekki til að standa
straum af kostnaði af byggingu
þeirra.
RITSTJÓRI: BALDUR ÓSKARSSON
UTGEFANDI: SAMBAND UNGRA FRAMSÓKNARMANNA