Morgunblaðið - 19.03.1988, Blaðsíða 24
24
MORGUNBLAÐIÐ, LAUGARDAGUR 19. MARZ 1988
Norræna húsið
Sinfóníu tónleikar
Tónlist
Jón Ásgeirsson
Efnisskrá:
Liszt, Orfeus sinfónískt ljóð
Sibelíus, Fiðlukonsert, op. 47
Lutoslavsky, Sinfónía nr. 3
Einleikari: Sigrún Eðvaldsdótt-
ir
Stjórnandi: Zygmunt Rychert
Það er svo einkennilegt með
þróun hugmyndanna, að það sem
vakti athygli og hrifningu í eina
tíð missir oft svip sinn og sér-
kenni er frá líður og sá boðskapur
sem listamaðurinn vildi tjá samtíð
sinni er þar með orðinn merking-
ar- og áhrifalaus. Skáldleg túlkun
Liszts á sögunni um Orfeus hefur
trúlega ekki snert marga áheyr-
endur á tónleikum Sinfóníuhljóm-
sveitar íslands en líklegra að þeir
hafi notið þess að heyra fallega
hljómandi tónaleik, sem var
þokkalega leikinn.
Að þessu leyti stendur hin svo
nefnda „hreina tónlist" betur að
vígi, því þar er merkingin aðeins
bundih í leik með stef og blæ-
brigði og tónræn átök aðeins
gædd merkingu leikrænnar til-
finningatúlkunar. Fiðlukonsertinn
eftir Sibelíus býr yfir tónrænni
fegurð, er fléttaður úr áhrifamiklu
stefjaefni, sem reynir á tækni og
listamennsku flytjenda.
Þessu kom Sigrún frábærlega
vel til skila og er ekki ofgert í
hóli að kalla hana fiðlusnilling.
Þessi unga stúlka er ekki aðeins
„teknisk“, heldur er leikur hennar
þrunginn af fegurð og krafti, sem
aðeins getur að heyra hjá miklum
listamönnum.
Síðasta verkið á efnisskránni
var þriðja sinfónían eftir Lutoslav-
sky, fimm ára gamalt verk, sem
hann samdi fyrir Sinfóníuhljóm-
sveitina í Chicago. Þetta er áhrif-
amikið tónverk og þó það sé gert
af öðru tónefni en fyrri verkin á
efnisskránni, á það ótrúlega
margt sameiginlegt með þeim.
Þama brá fyrir alls konar stefjum,
leikið var með ýmiss konar blæ-
brigði, allt frá fallegum til óþægi-
legra hljóða og sterkra tónrænna
átaka, sem höfundurinn fléttaði
saman af mikilli kunnáttu.
Hljómsveitin lék verkið mjög
vel undir ákveðinni stjóm pólska
hljómsveitarstjórans Zugmunt
Rychert.
Áheyrendur fagna Sigrúnu
Eðvaldsdóttur eftir frábæra
frammistöðu.
Kontra-tenórsöngur
Sverrir Guðjónsson og Snorri Öm
Snorrason komu fram á Háskóla-
tónleikunum sl. miðvikudag og
fluttu íslensk þjóðlög, söngva eftir
Caccini og Dowland og lútulög eft-
ir Besard. íslensku þjóðlögin voru
Blástjaman, Móðir mín í kví, kví
og Eitt sinn fór ég yfir Rín, sem
Sverrir flutti mjög fallega án undir-
leiks.
í samspili við Snorra Öm söng
Sverrir fyrst Vestros ojos, spánskt
lag eftir óþekktan höfund, og Am-
arilli mia bella eftir Caccini. Júlíus
Caccini var einn af frumkvöðlum
óperannar á Ítalíu, afburða söngv-
ari, sem ásamt Jacopo Peri lagði
granninn að söngtækni ítölsku
söngsnillinganna á 17. öld. Bæði
þessi lög söng Sverrir mjög fallega
og auðheyrt að hann er í mikilli
framför sem kontra-tenórsöngvari.
Snorri Öm Snorrason flutti á
milli söngvanna nokkur lútulög eft-
ir Besard (1561—1625). Jean-
Baptiste Besard (stundum ritað
Besardus) var franskur lögfræðing-
ur, lútuleikari og tónskáld, starfaði
í Köln og Augsburg og gaf út
merkileg safnrit lútuverka. Lög
Besards vora falleg og vel flutt af
Snorra, þó skemmtilegasta lútulag-
ið væri Mascherada eftir óþekktan
höfund.
Lögin eftir Dowland vora In
darkness let me dwell og Come
again, sem era meðal frægustu laga
Dowlands. Sönghæfileikar Sverris
Guðjónssonar era miklir og því þarf
hann að komast í læri til þeirra sem
kunna þessa sérstæðu söngtækni
og ekki síst hafa á valdi sínu þá
tónlist sem var samin fyrir kontra-
tenórsöngvara, en það era ekki
aðeins endurreisnarsöngvar, heldur
miklu fremur stór hluti af óperatón-
list 17. og 18. aldar. Nú er verið
að endurflytja þessa tónlist og reynt
að nálgast sem best framgerð henn-
ar og væri því ekki ónýtt að hafa
á að skipa slíkum söngvara sem sjá
má í Sverri Guðjónssyni ef honum
tekst að bijóta undir sig þá tækni
sem þarf til að skapa góðan kontra-
tenórsöngvara.
Iplskvkluhíllinn
með mtwnileikana
• 3ja dyra: Sportlegur
en rúmgóöur engu að
síður.
• 4ra dyra: Klassískar
línur — „Stórt skott“.
• 5 dyra: Otrúlegt rými.
• Þið finnið Sunny frá
Nissan sem hentar
ykkar jölskyldu.
• 3 vélastærðir:
1300 cc, 1500ccog
1600 cc fjölventla.
• 4ra, 5 gíra beinskipting
eða sjálfskipting.
• Aflstýri.
• Sjálfstæð fjöðrun á
hverju hjóli með tví-
virkum dempurum.
• Tvöfalt hemlakerfi.
• 3ja ára ábyrgð
Nissan Sunny - rétti
fjölskyldubíllinn
Verð frá kr. 455 þús.
AInqvar
t j I 1 Helgason hff.
45 r Sýningarsalurínn.
Rauðagerði
Slmi: 91 -33560
Verk eftir
Messiaen á
tónleikum
MUSICA Nova efnir til tónleika
i Norræna húsinu á morgun,
sunnudag, kl. 17. Þar mun banda-
ríski píanóleikarinn Fred Kam-
eny leika verk Messiaens, Vingt
Regards sur l’Enfant-Jésus, eða
Tuttugu ásýndir Krists.
Olivier Messiaen verður áttræður
á þessu ári og því ákvað Musica
Nova að efna til tónleika með verk-
um hans. Þetta er éitt helsta verk
Messiaens, en heyrist sjaldan á tón-
leikum þar sem það gerir ýtrastu
kröfur til flytjandans. Það er því
full ástæða fyrir fólk að fjölmenna
í Norræna húsið og hlýða á verk
helsta núlifandi tónskálds Frakka.
Fred Kameny fæddist í New
York árið 1956. Að loknu BA-prófi
í sögu frá Columbia háskólanum
1976 nam hann hjá Yvonne Loriod-
Messiaen. Árið 1984 tók hann þátt
í sumamámskeiðum í Darmstadt
og hóf sama ár nám hjá Peter Serk-
in. Kameny hefur unnið til alþjóð-
legra verðlauna fyrir leik sinn og
unnið við Groves Dictionary of
Music síðan 1984.
(Fréttatilkynning)
Kópavogur:
Taflmót
æskunnar
Kiwanisklúbburinn Eldey
gengst fyrir Taflmóti æskunnar
á morgun, sunnudag 20. mars
kl. 14.
Þetta er í fjórða sinn sem Tafl-
mót æskunnar fer fram. Mótið er
haldið í Kiwanishúsi Kópavogs,
Smiðjuvegi 13a og er framkvæmd
öll í höndum Taflfélags Kópavogs.
Teflt verður um farandbikar. Kaffi-
veitingar verða á staðnum.
(Fréttatilkynning)
Þrjú prests-
embætti laus
BISKUP íslands hefur auglýst
þijú prestsembætti laus til um-
sóknar og er umsóknarfrestur
til 14. apríl 1988.
Prestaköllin eru tvö: Fellsmúli í
Rangárvallaprófastsdæmi og Ból-
staðarhlíðarprestakall í Húnavatns-
prófastdæmi.
í Fellsmúla þjónaði sr. Hannes
Guðmundsson um árabil en hann
lést 23. janúar sl.
Bólstaðarhlíðarprestakall í
Húnavatnsprófastsdæmi hefur ver-
ið prestlaust um skeið en fengið
þjónustu af nágrannaprestum.
Auk þess er embætti æskulýðs-
fulltrúa þjóðkirkjunnar auglýst
laust til umsóknar og verður ráðið
í embættið frá 1. maí 1988. Sr.
Guðmundur Guðmundsson, sem
hefur gegnt embætti æskulýðsfull-
trúa í tæp tvö ár, hefur sagt því
lausu og hyggst fara til kristniboðs-
starfa í Afríku á vegum Sambands
íslenskra kristniboðsfélaga.
ik 'í-'XÖm
Wterkúrog k-/ hagkvæmur auglýsingamiöill!