Morgunblaðið - 09.01.1992, Blaðsíða 39

MORGUNBLAÐIÐ FIMMTUDAGUR 9. JANUAR 1992
39
LEIKUR
Trump og Maples. Þykja leiðin-
leg...
KJOR
Leiðinleg-
ustu pörin
valin
Hafði Flórídaferð
upp úr krafsinu
Fyrir skömmu datt Elísabet Ól-
afsdóttir úr Mosfellssveit í
lukkupottinn er dregið var í „Flóríd-
aleik“ Maarud-snakks frá Vífilfelli.
Aðalvinningurinn var ævintýraferð
fyrir tvo til Flórída og kom nafn
Elísabetar upp. Hún mun því fljúga
á vegum Flugleiða til Flórída, gista
á Enclave-íbúðahótelinu og m.a.
heimsækja Disney-þrennuna Magie
Kingdom, Epcot Center og Disney
MGM studios, vatnadýragarðinn
Sea World og vatnaskemmtigarðinn
Wet’n Wild. Mikil þátttaka var í
leiknum og hlutu auk Elísabetar
30 manns aðrir vinning sem voru
körfur með Maarudvörum.
T’ölvuþjónustan Prodigy gerði
skoðanakönnun meðal
áskrifenda sinna í lok síðasta árs.
Spurt var hver væru leiðinlegustu
pör í Bandaríkjunum, þ.e.a.s.
hvaða pör vildi fólk helst losna við
úr sviðsljósinu. Náði kö'nnunin til
yfir 50.000 manns og svöruðu
35,5 prósent þeirra þannig að
Arnoldhjónin, Roseanne Barr og
Tom Arnold, væru leiðinlegustu
hjónin. Þau hafa alltaf verið um-
deild, sérstaklega Roseanne, en
hápunktar síðasta árs hjá henni
voru er hún annars vegar söng
bandaríska þjóðsönginn ramm-
falskt á hornaboltaleik fyrir fram-
an milljónir áhorfenda, en leikur-
inn var sýndur beint um alla Norð-
ur Ameríku, og hins vegar er hún
lýsti yfir að faðir sinn hefði mis-
notað sig kynferðislega í æsku.
Það gat svo sem vel verið hugðu
menn þótt foreldrarnir svörðu allt
slíkt af sér, en þegar Roseanne
sagðist muna sérstaklega vel eftir
atviki er gerðist er hún var sex
mánaða gömul, þá þótti dragá
verulega úr trúverðugleika henn-
ar.
Fleiri komust á blað og á hæla
Arnoldhjónanna komu auðvitað
Donald Trump og Marla Maples.
Það síðasta sem fréttist af þeim
er, að þau sömdu um frið og „eina
tilraun enn“ eftir opibert rifrildi í
anddyri „Four Seasons hótelsins"
í New York. Fjöldi manns stóð þar
agndofa og horfði á ungfrú Map-
les rífa af sér háhæla síha og
kvartmilljón dollara demantshring
og þeyta þeim í Trump í sömu
mund og hún öskraði, „ég giftist
þér aldrei karl minn, sama hvað
þú þykist eiga af peningum!“. Síð-
an hljóp hún berfætt út úr bygg-
ingunni, en Trump skreið um gólf-
ið og rakaði saman hringnum og
skónum og hljóp við fót á eftir
henni. Fregnir herma að Trump
hafi nýlega reynt að koma þeim
kvitt á kreik að bæði Madonna og
Kim Basinger gangi á eftir sér
með grasið í skónum. Madonna
gangi hreint til verks, hringi og
beri erindið fram umbúðalaust, en
Basinger láti ævinlega eins og hún
vilji leita ráða hjá Trump með fjár-
festingar, en auðvitað sé það yf-
irklór eitt. Auðvitað girnist hún
hann sjálfan! Þennan leik hefur
Trump oft leikið áður og sambýlis-
konan, fyrrgreind Maples hefur
látið hafa eftir sér að Trump hafi
sjúklega löngun til að vera talinn
mikið kvennagull.
Og fleiri komust á blað, þannig
eru margir búnir að fá nóg af
þeim Juliu Roberts og Jason
Patric, Demi Moore og Bruce Will-
is, Alec Baldwin og Kim Basinger
og siðast en ekki síst Karli og
Dínönu krúnuerfmgjum Breta-
veldis.
Barbie og Miss America í hringnum. En hvor er hvor?
oSlÐARBAL
Dúkkustríð sem ekki
sér fyrir endann á
Kristín Guðmundsdóttir fulltrúi Flugleiða, Jón Diðrik Jónsson full-
trúi Vífilfells, vinningshafinn Elísabet Ólafsdóttir og dóttir hennar
Eva Hrönn Jónsdóttir.
Dúkkustríð er hafið vestur í
Bandaríkjunum og viðbúið að
landamæri verði ekki virt ef leikurinn
æsist. Framleiðendur hinnar þekktu
Barbie hafa kvartað við viðeigandi
yfirvöld í Bandaríkjunum yfir dúkk-
um sem flæða nú á markaðinn og
nefnast „Miss America". Fyrirtækið
Mattel hefur framleitt Barbie í 32
ár og hefur daman sú þróast mjög
í takt við tíðarandann. Er Barbie í
dag sannkölluð glæsipía. Framleið-
andi Miss America heitir „Kenner
Products“ og hefur fyrirtækið einka-
leyfi á nafninu með samningi við
Miss America- fegurðarsamkeppn-
ina. Enginn deilir um að-stærð dúkk-
anna er nákvæmlega hin sama. Þær
eru jafn háar, hafa sama bijóst- og
mittismál og sama fanghaf. Ungfrú
Ameríka er örfáum grömmum
þyngri. Framleiðendur Barbie halda
fram að höfuðið og andlitið á Ungfrú
Ameríku sé svo líkt og á Barbie að
við verði ekki unað. Jim Kipling, lög-
fræðingur Kenner segir þetta af og
frá, dúkkur Kenners séu eins ólíkar
bæði hver annarri hvað þá Barbie
og fólk er sjálft ólíkt.
Kenner framleiddi fimm útgáfur
af Miss America, Raquei og Justine
sem eru með annað höfuðlag heldur
en Barbie og Devon, Tonyu og Blair
sem eru með sama höfuðlag. Þijár
þær síðast nefndu eru í lögbanni hjá
tollyfírvöldum. Búið er að dæma
Mattel í hag, en á næstunni mun
áfrýjunardómstóll taka málið aftur
fyrir. Raquel og Justine flæða hins
vegar um markaðinn og seljast
grimmt. Kipling ber Mattel illa sög-
una og segir það hafa vakað fyrir
fyrirtækinu að láta sverfa til stáls
er það ylli Kenner sem mestum
skaða. „Það er verið að refsa okkur
fyrir að efna til heiðarlegrar sam-
keppni. Við eigum í erfiðleikum, því
við eigum útistandandi pantanir sem
við getum ekki sinnt vegna lögbanns-
ins.
Barbie heldur því velli enn sem
komið er að minnsta kosti. Höggvið
hefur verið að veldi hennar, en við-
komandi ekki haft erindi sem erfiði.
Síðasta ár sló öll met hjá Mattel,
Barbie, Ken og ættin sú seldist fyrir
samtals 740 milljónir dollara. Verður
fróðlegt að fylgjast með framvindu
þessa máls...
MEIRIHATTAR
I
UTSALA
HEFST
Mikið úrval af glæsilegum fatnaði
40%-60% afsláttur
20% af sláttur af vörum, sem
eru ekki á útsölunni!!!
KARNABÆR
LAUGAVEGI 66, SÍMI22950