Morgunblaðið - 15.02.1992, Blaðsíða 25
24
MORGUNBLAÐIÐ LAUGARDAGUR 15. FEBRÚAR 1992
JHrtgunfyjbifrife
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Flaraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
Vinnum okkur út
úr vandanum
Skráð atvinnuleysi var meira
í janúarmánuði en verið
hefur síðan í öldudal sjöunda
áratugarins. Atvinnuleysið og
samdráttur þjóðartekna stafa
meðal annars af aflatakmörk-
unum, versnandi viðskiptakjör-
um við umheiminn, litlum sem
engum hagvexti og erfiðleikum
í atvinnurekstri.
Hluti vandans felst og í glöt-
uðum tækifærum í orkubúskap
okkar. Tækifærin til að breyta
óbeizlaðri vatnsorku í störf,
verðmæti og lífskjör, sem ytri
aðstæður fólu í sér á árum Al-
þýðubandalagsins í iðnaðar-
ráðuneytinu, voru virt að vett-
ugi.
Efnahagsvandinn, sem jafn-
framt er kjaravandi, er verri
viðureignar vegna þess að ríkis-
búskapurinn hefur verið rekinn
með hrikalegum halla og
skuldasöfnun um langt árabil.
Vaxtakostnaður A-hluta ríkis-
sjóðs, eins og sér, verður um
tíu þúsund milljónir króna á líð-
andi ári. Þar af renna sex þús-
und milljónir til erlendra spar-
enda. Þær milljónaþúsundir
koma ekki til skiptanna í vænt-
anlegum kjarasamningum. Og
við göngum, því miður, í skulda-
fjötrum inn í framtíðina.
Verst er þó að fá batamerki
eru sjáanleg næstu missérin.
Einar Oddpr Kristjánsson, for-
maður VSÍ, segir í blaðaviðtali:
„Ég er sannfærður um að þetta
mikla atvinnuleysi og sú niður-
sveifla, sem við erum í, er ekk-
ert sem lýkur á morgun.“
Það er þó sitt hvað sem eyk-
ur kjark þjóðarinnar í þeirri við-
leitni að vinna sig út úr vandan-
um. Þar vegur þyngst að hún
hefur aldrei í sögu sinni verið
betur í stakk búin til að takast
á við efnahagsleg vandamál en
nú. Þar að auki eru ýmis ljós
sjáanleg í efnahagsmyrkrinu,
þótt brekka sé enn í batann.
Sem dæmi má nefna vöxt
íslenzkrar ferðaþjónustu. Árið
1991 var stærsta ferðaár í sögu
okkar. Hingað til lands komu
rúmlega 156.000 erlendir ferða-
menn, ef farþegar á skemmti-
ferðaskipum eru meðtaldir.
Litlu færri íslendingar fóru ut-
an, eða um 148.500. Birgir
Þorgilssson, ferðamálastjóri,
segir í grein hér í blaðinu að
tuttugasti hver íslendingur hafi
atvinnu af því að selja ferða-
mönnum þjónustu og að u.þ.b.
40 ferðamenn þurfi til þess að
skapa eitt nýtt starf í ferðaþjón-
ustu. Hann segir og að gjaldeyr-
istekjur landsmanna af þjónustu
við erlenda ferðamenn á árinu
1991 hafi numið um tólf millj-
örðum íslenzkra króna.
Ljóst er að ferðaþjónusta
býður upp á margvísleg fram-
tíðartækifæri. Ekkert síður
ferðaþjónusta í strjálbýli. Ferða-
þjónusta, tengd náttúruskoðun,
veiði í ám og vötnum og hesta-
ferðum, á vaxandi vinsældum
að fagna. Þessa atvinnugrein
þarf hins vegar að byggja upp
af fyrirhyggju og framsýni,
þann veg, að hún skili þeim, sem
sækja til hennar lifibrauð, sem
og þjóðfélaginu í heild, arði.
Starfsemi af þessu tagi þarf og
að taka fullt tillit til nauðsyn-
legrar náttúru- og umhverfis-
verndar.
Það segir sitt að ferðaþjón-
ustan hefur vaxið á næstliðnum
erfiðleikaárum. Því miður nær
sá vöxtur ekki til annarra at-
vinnugreina eða þjóðartekn-
anna í heild. Spáð er 6% sam-
drætti þjóðartekna 1992. Það
hefur engu að síður unnist mjög
mikilvægur varnarsigur í þjóð-
arbúskapnum. Verðbólgan, sem
um langt árabil var skæðasti
meinvættur í atvinnu- og efna-
hagslífi okkar, hefur náðst niður
á svipað stig og í helztu við-
skipta- og samkeppnisríkjum
okkar. Þökk sé þjóðarsáttinni í
febrúar 1990. Það er mjög mik-
ilvægt að varðveita stöðugleik-
ann, sem vannst með þjóðar-
sáttinni, næstu árin, vegna þess
hann er vegvísir út úr efnahags-
vandanum, forsendan fyrir bat-
anum. Af þeim sökum er niður-
staðan í þeim kjarasamningum,
sem framundan eru, mikilvæg-
ari en oftast áður. Því fyrr sem
þessi stöðugleiki verður tryggð-
ur til framtíðar í nýjum samn-
ingum því betra, þeim mun auð-
veldari verður lífróðurinn til
betri tíðar.
Við eigum færa leið upp úr
efnahagslægðinni. Fyrsta skref-
ið á þeirri vegferð er að tryggja
áframhaldandi stöðugleika með
nýrri þjóðarsátt. Síðan verður
að búa atvinnuvegunum sam-
bærileg rekstrar- og samkeppn-
isskilyrði og í helztu samkeppn-
is- og viðskiptaríkjum okkar,
svo þeir megni að stækka
skiptahlutinn; skila verðmætum
til að standa kostnaðarlega und-
ir viðunandi lifskjörum og vel-
ferð. Síðast en ekki sízt þurfum
við treysta viðskiptakjör okkar
við umheiminn. Ef þjóðin nær
saman um þessi mikilvægu
hagsmunamál verður hún eigin
gæfu smiður.
Samningum um Evrópskt efnahagssvæði lokið í g-ær:
Ekkí hægt að slá því
föstu að samningmr-
inn sé í öruggri höfn
- segir Jón Baldvin Hannibalsson utanríkisráðherra
JÓN BALDVIN Hannibalsson utanríkisráðherra sagði á blaða-
mannafundi í gær að samningaviðræðum EFTA og EB um hið
Evrópska efnahagssvæði væri lokið. Hann tók það jafnframt fram
að hann gæti ekki slegið því föstu að samningurinn væri í ör-
uggri höfn vegna óvissu um það hvernig ýmsar stofnanir Evrópu-
bandalagsins tækju á málinu.
Utanríkisráðherra sagði í gær
að niðurstöður samninganna nú
væru mjög ásættanlegar. Þær
væru í stórum dráttum byggðar
á þeim tillögum sem ísland, sem
forystuþjóð EFTA um þessar
mundir, hefði lagt fram til lausn-
ar málinu þegar ljóst var að
Evrópubandalagið myndi ekki
leggja fram tillögur um breyt-
ingar á dómsmálakaflanum
vegna athugasemda Evrópu-
dómstólsins.
Jón Baldvin sagði að óvissan um
framvindu málsins væri enn háð
samningsaðilanum. „Evrópuþingið
gerði ályktun í morgun þar sem
þeim tilmælum er beint til fram-
kvæmdastjórnar Evrópubanda-
lagsins að niðurstaða þessarar
samningalotu, það er samnings-
textinn svo breyttur, verði á ný
vísað til Evrópudómstólsins og beð-
ið um álitsgerð hans. Fram-
kvæmdastjórnin mun ekki taka
ákvörðun um þetta fyrr en á mið-
vikudag. Að vísu er það svo að
ráðherraráð Evrópubandalagsins
hafði lýst því yfir strax 16. desem-
ber að það myndi ekki vísa breytt-
um samningstexta aftur til dóm-
stólsins. Utanríkisráðherra fram-
kvæmdastjórnar, Frans Andriess-
en, lýsti því yfir fyrir tveimur dög-
um að það væri afstaða fram-
kvæmdastjómarinnar. Engu að
síður er þetta verulegur fyrirvari.
Ef framkvæmdastjórn skiptir um
skoðun og vísar þessu aftur til
dómstólsins þýðir það að sjálfsögðu
að niðurstaðan er óvissu undirorpin
og Ijóst að það mun þýða verulega
tímatöf ef við getum stuðst við
reynsluna. Ef hins vegar fram-
kvæmdastjómin stendur við áður
gefnar yfirlýsingar, textanum
verði ekki vísað til dómstóls, hefur
hún áréttað að hún vilji standa við
tímaáætlun þannig að ráðherrar
ríkjanna nítján geti undirritað
samninginn 2. mars og þá væri
þetta orðinn þjóðréttarsamningur
með þjóðréttarlegum skuldbinding-
um með fyrirvara um samþykki
þjóðþinga," sagði utanríkisráð-
herra.
Á ríkisstjórnarfundi síðastliðinn
þriðjudag samþykkti ríkisstjórnin
þær niðurstöður sem þá lágu fyrir
með fyrirvörum um óútkljáð
ágreiningsmál og veitti forsætis-
ráðherra, utanríkisráðherra og
sjávarútvegsráðherra heimild til að
taka endanlega afstöðu fyrir hönd
ríkisstjórnarinnar til samnings-
textans þegar hann lægi fyrir. Jón
Baldvin sagði að ráðherrarnir þrír
hafi hist í gær og samþykkt fyrir-
liggjandi tillögur. „Við fórum yfir
samninginn eins og hann liggur
fyrir, kaflann um dómstólsmálin,
sjávarútvegssamþykktina, efni í
nótuskipti milli aðila um tvíhliða
samning íslands og Evrópubanda-
lagsins um samstarf á sviði sjávar-
útvegsmála, og samþykktum text-
JOIHT OECIABATIOH OH THI COHCLUSIOH Of THS IU RBOOTIATIOHS
Tha undercigned chlsf n«goti«tor», on behalf of th«
European Couunitlee »nd the EfTA Stetee, declare that tha
naqotiationa on the EEA Aqreeeent have now bean concluded.
The te«t of the Aqreeaent wiH nov be technically verified.
■rusaele, 14 february 1»»J
Kannee Hafatein
Iceland
Henfred Schelch
Auatria
\/vAM
Vali Sundback
finland
■ikolaua of Liechteneteln
Liechtenatain
tMMUmJlib
Eivinn Ðerq
Horvay
rrank Belfraqe
Sveden
rrans Blankart
svltaerland
Jíím
—.t.
Plaggið sem samningamehn Evr-
ópubandalagsins og EFTA-ríkj-
anna undirrituðu í gær.
ann fyrir hönd ríkisstjómarinnar,“
sagði Jón Baldvin. Sömu mál voru
síðan kynnt í utanríkismálanefnd
síðdegis í gær.
Utanríkisráðherra sagði að ef
allt gengi eftir á besta veg, það
er að samningamenn geti áritað
fullbúinn texta í næstu viku, fram-
kvæmdastjórnin vísi málinu ekki
aftur til Evrópudómstólsins og ráð-
herrarnir undirriti hann 2. mars,
sé áætlað að leggja samninginn
fyrir Alþingi íslendinga í lok mars.
Hann bætti því við að á undanförn-
um mánuðum hafi verið undirbúin
fjöldamörg fmmvörp um nauðsyn-
legar lagabreytingar vegna EES-
samningsins og taldi ljóst að þessi
mál yrðu meginverkefni Alþingis
fram að næstu áramótum.
EB heimilaðar veiðar á 3.000
tonnum af karfa fyrsta árið
Brussel, frá Kristófer M. Kristínssyni, fréttaritara Morgunblaðsins.
SAMKVÆMT samkomulagi sem staðfest var í Brussel í gær verður
Evróphbandalaginu með samningi heimilað að veiða 3.000 tonn af
karfa á Islandsmiðum á næsta ári. í staðinn fá íslendingar veiði-
heimildir fyrir 30 þúsund tonnum af loðnu úr kvóta Evrópubanda-
lagsins (EB) við Grænland. Samkvæmt samkomulagi á milli íslands
og EB um innihald fyrirhugaðs tvíhliða samnings um þetta efni
verða veiðiheimildir EB skilyrtar á þann hátt að veiðist ekki loðna
við Grænland skerðast karfaveiðar EB við ísland að sama skapi.
í bréfínu sem samningamenn
EB og íslands staðfestu kemur
fram að árið 1993 verði EB heim-
ilt að veiða 3.000 tonn af karfa á
íslandsmiðum, í því eru jafnframt
tiltekin veiðisvæði suðvestur og
suðaustur af íslandi. Annars gerir
yfirlýsingin ráð fyrir karfaígildum.
Þá er tiltekið að hvor aðili um sig
geti farið fram á breytingar á
samningnum ef tilefni gefst til. í
því sambandi er sérstaklega tiltek-
ið að ef rannsóknir sýni fram á
að langhali fínnist til í veiðanlegu
magni komi til greina að skipta á
honum og karfa í samkomulaginu.
Þá eru allar veiðar á þorski bann-
aðar og gert ráð fyrir að aukaafli
verði metinn til karfaígilda og
dreginn frá heildarkvótanum.
Jafnframt gefa íslendingar vilyrði
fyrir því að endurskoða veiðisvæð-
in komi í ljós að veiðar á þeim séu
óarðbærar. Samkvæmt niðurstöð-
um samninganna mun EB hverfa
frá öllum fyrirvörum sem banda-
lagið setti fram í bókun sex við
fríverslunarsamning íslands og
bandalagsins 1972 sem gerir ráð
fyrir því að EB geti sett fram kröf-
ur um veiðiheimildir við ísland sem
greiðslu fyrir þær tollavívilnanir
sem náðust með bókuninni. Sam-
kvæmt sérstakri bókun við EES-
samninginn er EFTA-ríkjunum
tryggður umtalsverðar tollaíviln-
anir á útfluttum sjávarafurðum til
aðildarríkja EB. Ljóst er að öll
söltuð síldarflök eru inni í því sam-
komulagi og að auki söltuð síldar-
flök með aukaefnum. Hins vegar
er óljóst hvort hægt er að teygja
samkomulagið yfír edik-verkaða
síld. Islenskur hörpufískur fellur
og undir samkomulagið svo fram-
arlega sem hann er fluttur út sem
slíkur, en undir því franska teg-
undarheiti sem hann hefur verið
seldur á Frakklandsmarkaði til
þessa verður hann tollaður.
í tvíhliða samningi íslands og
EB um skipti á veiðiheimildum sem
gerður verður samkvæmt fyrirheiti
í ofangreindu bréfi er og kveðið á
um eftirlit með veiðum EB af hálfu
íslenskra stjórnvalda. Stefnt er að
því að ljúka þessum samningi svo
fljótt sem auðið er og í síðasta
lagi fyrir lok þessa árs.
MORGUNBLAÐIÐ LAUGARDAGUR 15. FEBRUAR 1992
25
Morgunblaðið/Sverrir
Jón Baldvin Hannibalsson utanríkisráðherra kynnir niðurstöðu EES-samninganna á blaðamannafundi í
gær ásamt Gunnari Snorra Gunnarssyni, forstöðumanni viðskiptaskrifstofu utanríkisráðuneytisins, og
Þresti Ólafssyni, aðstoðarmanni ráðherra.
Aðalsamningamenn staðfestu samkomulag í Brussel í gær:
Fallið frá hugmyndum um
sameiginlegan dómstól
Brussel, frá Kristófer M. Kristinssyni, fréttai*itara Morgunblaðsins.
I GÆR undirrituðu aðalsamningamenn Evrópubandalagsins (EB)
og Fríverslunarbandalags Evrópu (EFTA) yfirlýsingu þess efnis
að samkomulag hefði náðst um Evrópskt efnahagssvæði (EES).
Samkomulagið tryggir fyrirtækjum og fólki innan aðildarríkja
EFTA fullan aðgang að innri markaði Evrópubandalagsins og að
sama skapi fólki innan EB að mörkuðum EFTA-ríkjanna eftir 1.
janúar 1993. Gert er ráð fyrir því að samningurinn verði undirrit-
aður í næstu viku.
Á lokasprettinum var það fyrst
og fremst fyrirkomulag dómstóla
og eftirlitsstofnana með fram-
kvæmd samningsins sem niður-
staða strandaði á. Samkvæmt því
samkomulagi sem gengið var frá
í Brussel í gær er fallið frá hug-
myndum um sameiginlegan dóm-
stól en í stað þess mun EFTA setja
upp eigin dómstól og eftirlitsstofn-
anir. Innan EFTA er litið svo á
að með þessu fyrirkomulagi verði
sjálfræði EFTÁ-ríkjanna tryggt
mun betur en fyrri tillögur fólu í
sér. Hvað varðar samkeppnismál
staðfestir samningurinn að mestu
það fyrirkomulag sem verið hefur
í framkvæmd fríverslunarsamn-
inga EFTA-ríkjanna við EB.
Hvergi verður sjálfvirkt fallist á
lögsögu dómstóls EB í málefnum
fólks eða fyrirtækja innan EFTA.
og megináhersla verður lögð á að
leysa ágreiningsmál innan pólit-
ískrar stjómarnefndar EES. Innan
EFTA verður komið upp sérstakri
eftirlitsstofnun með samkeppnis-
málum og jafnframt EFTA-dóm-
stól sem sker úr deilumálum á
milli EFTA-ríkja vegna samnings-
ins. Dómstóllinn verður jafnframt
áfrýjunardómstóll vegna úrskurða
eftirlitsstofnunar EFTA. Undir
EFTA-stofnanir falla þau mál sem
varða eingöngu fyrirtæki innan
EFTA og einnig þau mál sem
snerta EB-fyrirtæki og fela í sér
yfirgnæfandi EFTA-hagsmuni. Þá
gerir samkomulagið ráð fyrir gerð-
ardómi sem fjalli um samningsatr-
iði sem ekki snerta reglur EB í
samningnum. Hvor samningsaðili
fyrir sig getur vísað málum til
gerðardómsins og niðurstöður hans
eru bindandi. í gerðardómnum eiga
að sitja tveir fulltrúar skipaðir af
hvoru bandalagi fyrir sig og odda-
maður sem þeir eiga að velja sam-
eiginlega. Ef ekki næst samkomu-
lag um oddamann innan tveggja
mánaða er gert ráð fyrir að gerðar-
dómsmenn bandalaganna velji
hann úr hópi sjö manna sem bæði
bandalögin treysta. Hlutverk gerð-
Aðalsamninganefndarmenn í
samningunum um EES lýstu því
yfir í sameiginlegri yfirlýsingu síð-
degis í gær að samkomulag hefði
náðst og að samningum væri þar
með lokið. Áfram verður unnið að
lokafrágangi texta.
Dómstóll Evrópubandalagsins
(EB) komst að þeirri niðurstöðu í
desember sl. að stofnun sameigin-
legs dómstóls fyrir Evrópska efna-
hagssvæðið bryti í bága við stofn-
samning Efnahagsbandalagsins
(EFTA).
Með samkomulaginu sem náðist
í gær var m.a. ákveðið að stofna
sérstakan EFTA-dómstól sem
dæma mun í samkeppnisréttarmál-
um og öðrum deilumálum EFTA-
ríkjanna sem rísa vegna EES-
samningsins.
Úrlausn deilumála á milli EB og
EFTA-ríkjanna verða í höndum
sameiginlegu EES-nefndarinnar.
Deiluaðilar geta einnig leitað eftir
úrskurði EB-dómstólsins um túlk-
ardómsins verður fyrst og fremst
að skera úr um vafamál sem kunna
að rísa annars vegar vegna var-
nagla sem gripið er til og hins
vegar gagnaðgerða. Þeim mögu-
leika að EFTA-ríkin geti beðið um
álit dómstóls EB á einhveijum at-
riðum samningsins er haldið opn-
um. Komi hins vegar upp ágrein-
ingur í stjórnarnefnd EES má vísa
honum til Evrópudómstólsins en
það verður að gerast samhljóða, í
þeim tilfellum er úrskurður hans
bindandi fyrir EFTA.
un þeirra reglna EES-samningsins
sem eru eins og EB-reglur. Beita
má öryggisaðgerðum ef ekki tekst
að leysa mál með samkomulagi.
Umfang og tímalengd öryggisað-
gerða og gagnaðgerða verður hægt
að fara með fyrir gerðardóm. Gerð-
ardómur verður skipaður einum
aðila frá hvorum samningsaðila
sem saman velja formann gerð-
ardómsins. Ýrnis ákvæði verða
bæði í EES-samningnum og
EFTA-samningnum sem stuðla
éiga að samræmdri túlkun regln-
anna á Evrópska efnahagssvæð-
inu.
Á sviði samkeppnismála er eins
og um hafði verið samið stuðst við
að hrein EFTA-mál ásamt þeim
málum þar sem velta fyrirtækisins
sem um ræðir er að 'A að minnsta
kosti innan EFTA-dómstól en
tryggt er að það valdsvið sem EB
hefur í dag á sviði samkeppnis-
reglna verði ekki skert.
Fréttatilkynning utanríkisráðuneytisins:
EES-samning-
unum er lokið
UTANRÍKISRÁÐHERRA, Jón Baldvin Hannibalsson, dreifði eftir-
farandi fréttatilkynningu á blaðamannafundi um lok samninganna
um EES I gær. Yfirskrift tilkynningarinnar er: EES-samningum
lokið.
FIM-salurinn:
Sýning á fyrstu
myndum Braga
BRAGI Ásgeirsson listmálari, opnar sýningu á 38 myndverkum í
FÍM-salnum við Garðastræti, í dag klukkan 14. Uppistaða sýningar-
innar eru modelteikningar unnar í Osló, Róm og Munchen og verk
unnin í Handíðaskólanum í upphafi ferils hans.
Bragi sagðist hafa verið með
þessi verk í höndunum þegar hon-
um bauðst að sýna í FÍM-salnum
en myndirnar komu fram þegar
háaloft í húsi foreldra hans var
tæmt. „Ég hafði ekki séð þær í
meira en fjóra áratugi og voru sum-
ar þeirra svo illa farnar að þær
þörfnuðust viðgerðar,“ sagði hann.
„Auk þess læt ég fljóta með teikn-
ingar sem ég gerði á sama tíma
og hafði varðveitt betur.“ Bragi
sagði, að eftir að hann fann gömlu
verkin hafi vaknað með honum
lögnun til að rækta teikninguna
betur í framtíðinni og vinna meira
í grafík samhliða málverkinu.
Hann sagðist ekki hafa verið til-
búinn með sýningu þegar honum
bauðst að sýna í FÍM-salnum, þó
svo að hann sé með ýmislegt í tak- •-
inu en hann mun taka þátt í listahá-
tíð í Osaka í Japan í næsta mán-
uði. „Ég vil því gera sýninguna
dálítið sérstæða og óformlega, það
er líka nóg af formlegum sýningum
í bænum með ræðuhöldum, söng
og sítarspili,“ sagði Bragi. „Auðvit-
að hef ég opnun og tek á móti
gestum en ég sendi ekki út nein
boðskort og treysti á að sú áhuga-
verða mannlífsins flóra, ráðherrar
og rónar og allt þar á milli, sem
vanið hefur komur sínar á sýningar
mínar láti sá sig, ástamt fleira verð-
mætu fólki. Annars eru allir jafn-
réttháir að þessu sinni.“
Morgunblaðið/Árni Sæberg
Bragi Ásgeirsson listmálari, sýnir endurheimtar myndir í FÍM-salnum.
Ekki sniðugt að kasta
eggjum á ráðherra
- segja formenn nemendafélaga
grunnskóla
FORMENN nemendafélaga grunnskóla, sem stóðu fyrir mótmæla-
fundi grunnskólanemenda á Lækjartorgi s.l. fimmtudag, segja að
aðeins örfáir einstaklingar hafi staðið fyrir eggjakasti í Ólaf G.
Einarsson, menntamálaráðherra, er hann tók við undirskriftarlistum
nemenda efri bekkja grunnskóla á fimmtudag. Þykir þeim slík fram-
koma alls ekki við liæfi.
Hrönn Þráinsdóttir, formaður
nemendafélags Réttarholtsskóla,
segir að einungis nokkrir úr öllum
hópnum hafi staðið fyrir þessu. „Ég
held að þetta hafi bara verið nokkr-
ir einstaklingar sem hafi viljað vera
með einhver fíflalæti og hafí ekki
endilega verið að mótmæla niður-
skurðinum sem slíkum. Svona lagað
er alveg ömurlegt og alls ekki snið-
ugt. Þetta verður líka til þess að
eyðileggja fyrir öllum hinum,“ seg-
ir Hrönn.
Hún segir jafnframt að ekki sé
hægt að segja að kennarar hafi
haft áhrif á nemendur í þessu máli.
„Kennararnir studdu okkur að visu
þegar við vorum að safna undir-
skriftunum. Þeir voru hjálplegir en
æstu okkur alls ekki upp í neitt,“
segir Hrönn.
Kári Sigurðsson, formaður nem-
endafélags Olduselsskóla, segir
þetta atvik hafa verið algerlega
óþarft. „Þetta er mjög sorglegt því
að í upphafi var þetta mjög vel
skipulagt hjá okkur. Málstaðurinn
rann einnig út í sandinn og það
verða örugglega ekki önnur svona
mótmæli hjá okkur,“ segir Kári.
Hann segist ekki telja að kenn-
arar hafi haft áhrif á krakkana í
þessum efnum. „Þeir voru mjög
hjálplegir þegar við vorum að safna
undirskriftum en ég held að þeir
hafí ekki verið að reyna að hafa
áhrif á okkur því þeir reyna að
vera hlutlausir í svona tilfellum.
Ég held hins vegar að foreldrar
hafí haft meiri áhrif á krakkana
og það hefur kannski eitthvað að
segja,“ segir Kári.
Hann segir að ekki hafí verið
gefið frí í Ölduselsskóla vegna
mótmælanna. „Okkur var sagt að
ef við mættum ekki í tíma þá yrði
hins vegar ekki tekið hart á því,“
segir Kári.