Morgunblaðið - 26.08.1992, Blaðsíða 27
MORGUNBLAÐIÐ MIÐVIKUDAGUR 26. ÁGÚST 1992
27
Minning
Jörundur Hilnmrs-
son háskólakennari
Guðný Eyjólfsdótt
ir — Kveðjuorð
sanskrít og fékk síðar mikinn áhuga
á tokkarísku, sem töluð var þar sem
nú er vesturhluti Kína. Það tungu-
mál var indóevrópskt, en dó út um
800 e. Kr. Það hefur aftur á móti
varðveist í skrifum um búddísk trú-
arbrögð. í framhaldi af þessu
áhugamáli fór Jörundur til háskól-
ans í Kiel í Þýzkalandi. Hann var
styrkþegi frá hinni virðulegu von
Humbolt-stofnun og stundaði einn-
ig kennslu í málvísindum. Eftir að
hann kom heim til íslands réðst
hann í það áræði að gefa út alþjóð-
legt rit um tokkarísku og fékk
marga þekkta málvísindamenn til
að skrifa greinar í ritið. Hann varði
doktorsritgerð sína við háskólann í
Leiden í Hollandi 'arið 1986 og fjall-
aði hún um rannsóknir hans á sviði
tokkarískrar hljóðkerfisfræði, beyg-
ingarfræði og orðsifjafræði.
Jörundur var stundakennari við
Háskóla íslands frá 1974 og síðar
dósent. Hann þýddi nokkrar bækur
um skák úr rússnesku og einnig
litháíska sögu, er var gefin út á
vegum Máls og menningar.
Þegar íslendingar höfðu forystu
um að viðurkenna sjálfstæði Lithá-
ens var Jörundur fenginn til þess
að vera túlkur og var hann síðan
skipaður ræðismaður af Landsberg-
is forseta Litháens í ágúst á síðasta
ári.
Jörundur var góður félagi og
mikill vinur vina sinna og er mér
mikill söknuður að fráfalli hans.
Jörundur var þríkvæntur og átti
tvö börn, Þorgerði, sem stundar
nám við HÍ, og Þorstein, sem stund-
ar menntaskólanám við alþjóðlegan
skóla Sameinuðu þjóðanna í Swazi-
landi í suðurhluta Afríku. Eftirlif-
andi eiginkona Jörundar er Þuríður
Elfa Jónsdóttir og votta ég henni
og öðrum aðstandendum innileg-
ustu samúð mína við fráfall hans.
Karl Jóhann Þorsteins.
Jörundur Hilmarsson lést 13.
ágúst 1992 eftir stutta sjúkrahús-
legu. Andlát hans varð öllum þeim
er þekktu hann mikil harmafregn,
því hann var óvenjulega aðlaðandi
maður og gæddur ríkum hæfileik-
um. Jörundur var borinn og bam-
fæddur Reykvíkingur. Hann fædd-
ist hinn 15. mars 1946. Foreldrar
hans em þau Hilmar Garðarsson
skrifstofustjóri Gjaldheimtunnar í
Reykjavík, og Þorgerður Jörunds-
dóttir húsfreyja. Hann ólst upp í
Reykjavík og varð stúdent árið
1966 frá Menntaskólanum í Reykja-
vík. Snemma hneigðist hugur Jör-
undar til tungumálanáms. Hann
hélt utan til náms í málvísindum
og var þar sannarlega kominn á
það svið sem hentaði honum best.
Málvísindin urðu honum bæði höf-
uðáhugamál og ævistarf. Jörundur
var einn þeirra manna sem vann
sér álit með hæverskunni. Þótt hann
væri einn fremsti málamaður Is-
lendinga og kynni skil á tugum
tungumála var það honum fjarri
að trana sér fram eða flagga þekk-
ingu sinni á mannamótum. Jörund-
ur hafði afburðaþekkingu á sínu
sviði, en hann hafði mörg önnur
áhugamál. Hann var víða heima í
bókmenntum og sögu. Hann hafði
yndi af skák og hafði þýtt erlendar
skákbækur á íslensku. Skákin er
íþrótt þar sem eiginleikar Jörundar
komu sér vel; rökfimi, rólyndi og
hugkvæmni.
Eftir að hafa dvalið langdvölum
við nám erlendis sneri Jörundur
heim til íslands. Hann kenndi við
Háskóla íslands; fyrst sem stunda-
kennari en síðustu árin sem dósent
í almennum málvísindum. Jörundur
varði doktorsritgerð árið 1986.
Hann skrifaði margar vísindagrein-
ar í erlend tímarit. Hann leit alltaf
á rannsóknir sem aðalatriði og
kennslu sem nauðsynlegan fylgi-
fisk. Jörundur hafði mikinn áhuga
á orðsifjafræði og hans síðasta
verkefni var að vinna að orðsifjabók
í tokkarísku, útdauðu máli þar sem
helstu rituðu heimildir voru handrit
frá 500-700 e.Kr. frá búddamunk-
um. Við vinnu sína notaði hann
tölvu og vegna rannsókna sinna á
sjaldgæfum málum varð hann að
búa til fjölda tákna og bókstafa,
sem ekki eru til í stöðluðum stafa-
settum.
Fyrir um það bil tveimur árum
kynntist Jörundur eftirlifandi konu
sinni, Þuríði Jónsdóttur sérkennara.
Það var gæfa beggja. Með þeim
tókust góðar ástir og innileg vin-
átta. Á síðastliðnu ári greindist
sjúkdómur sá hjá Jörundi sem loks
leiddi hann til dauða. Þeim Þuru
og Jörundi var ljóst að tvísýnt gæti
orðið um úrslit baráttunnar við hinn
illvíga sjúkdóm, en þau lögðu þó
ekki árar í bát. Þau ákváðu að halda
áfram sínu lífí og Jörundur efldist
í vísindarannsóknum sínum, þrátt
fyrir að sjúkdómurinn drægi úr
honum mátt. í maílok 1992 gengu
þau í hjónaband á fögrum vordegi.
Þau héldu síðan út til Leiden í
Hollandi þar sem Jörundur vann
að orðabók sinni. Rúmum mánuði
síðar komu þau aftur til íslands og
unnu þá af miklum dugnaði við það
að endurnýja íbúð sína á Vesturgöt-
unni, en þar hafði verið æskuheim-
ili Jörundar. En bjartsýnin og ástin
náði ekki að vinna bug á veikindum
Jörundar. Hann bar sig svo vel og
tignarlega að engan hefði grunað
að svo skammt væri eftir sem
reyndist. Eftir stutta legu á Land-
spítalanum var hann allur.
Jörundur var fríður sýnum, bjart-
eygur og með fínlegar hreyfingar.
Yfir honum var mikil reisn. Hann
var hæverskur en hafði ákveðnar
skoðanir. Hann naut þeirrar gæfu
að síðustu mánuðina gat hann sinnt
sínum vísindastörfum, en um leið
átt rómantískt og hamingjuríkt vor
og sumar með ungri eiginkonu
sinni. Fallegri endi getur enginn
hugsað sér á ævisögu sinni.
Við höfðum hlakkað til nánari
kynna við Jörund, en nú verðum
við að láta nægja að ylja okkur við
minningar um góðan dreng. Jör-
undur átti myndarleg börn, Þor-
gerði og Þorstein. Þau voru honum
ákaflega kær. Bömunum, foreldr-
um og systkinum Jörundar vottum
við innilega samúð. Á þessum erfiða
tíma biðjum við Þuru að minnast
þess að sá sem gefur af fórnfýsi
og einlægni mun ævilangt uppskera
hamingju og sálarró vegna ástríkra
kynna.
Vigdís og Benedikt.
Að morgni 4. ágúst sl. lést í
Borgarspítala sú mæta kona frú
Guðný Eyjólfsdóttir. Ég ætla ekki
að rekja hér lífshlaup hennar, það
hafa margir aðrir þegar gert, að-
eins minnast hennar fyrir hönd
föndurkvenna í Kvennadeild
Rauða kross íslands. Hún var ein
af samstarfskonum okkar og var
þar jafnframt hvers manns hug-
ljúfi. Alltaf var hún glöð og hress
og ósjaldan var kallað „Guðný,
hvar er þetta eða hitt“, og um
leið var hún sprottin upp og sagði
„ég skal fínna það“, og þar með
var það komið í leitimar. En svona
var Guðný, alltaf viðbúin. Við unn-
um, til að byija með, við fmm-
stæðar aðstæður, okkur vantaði
efni til að vinna úr og ótal margt
annað. Þá var það Guðný sem lagði
af mörkum alls kyns efni o.fl. frá
sínum ágæta manni, Kristjáni Þor-
valdssyni. Þetta gerði hún allt með
mikilli gleði og hafði, eins og við
allar, ánægju af að sjá þetta starf
okkar vaxa með ári hveiju. Frá
upphafí rann allur ágóði af sölu
föndurvara til bókakaupa fyrir
sjúklingabókasöfn sjúkrahúsanna.
Guðný vann einnig á söfnunum.
Þar fór hún með hljóðbækur til
sjúklinga og er ég ekki í vafa um
að bros hennar og aðlaðandi fram-
koma hafa yljað mörgum sjúkling-
um um hjartarætur.
Guðný átti fagurt heimili og þar
bjó hún við ástúð og umhyggju
fjölskyldu sinnar til hinstu stund-
ar. Heimilið var hennar unaðsreit-
ur, fagurlega búið, inni sem úti,
og þar naut hún sín meðal fjöl-
skyldunnar og blómanna í garðin-
um sínum, sem hún lagði mikla
alúð við. Við „föndurkonumar"
vorum svo lánsamar að vera boðn-
ar til hennar í garðinn í Sigluvogi
og þar áttum við saman yndislega
síðdegisstund og fengum að njóta~
gestrisni hennar og þess að vera
með henni innan um blómin og
með hana í forsæti, létta og káta,
snúast í kringum okkur. Já, þetta
var skemmtilegt og verður lengi
minnst. En nú hefur þessi heiðurs-
kona kvatt þetta líf, elskuð og virt
af samferðafólki. Það verður tóm-
legt hjá okkur „föndurkonunum"
í haust þegar við komum saman,
engin Guðný! Sólin hellti geislum
sínum yfir legstað hennar 11. ág-
úst. Hún var kvödd á einum feg-
ursta degi sumarsins.
Innilegar samúðarkveðjur til
Kristjáns og barnanna, tengda-
bama og barnabama. Við þökkum ^
henni samstarfið og munum sakna
hennar sárt. Hvíli hún í friði.
Fyrir hönd föndurkvenna í
Kvennadeild RKÍ,
Gunnþórunn Bjömsdóttir.
t
Einlægar þakkir sendum við öllum þeim, sem sýndu okkur samúð
og hlýhug við andlát og útför
ÁRMANNS ÓSKARS KARLSSONAR
verkstjóra.
Sérstakar þakkir fær starfsfólk heimahlynningar Krabbameins-
félagsins.
Guðbjörg Eva Kristjánsdóttir,
Kristján Hans, Markús Már,
Egill Ibsen, Karl Steinar,
Diana Ósk, Kristjana,
Ólöf Markúsdóttir,
tengdadætur og barnabörn.
WtÆkXÞAUGL YSINGAR
Menntaskólinn við Sund
Skólasetning
Skólinn verður settur þriðjudaginn
1. september kl. 9.00, þá verður nemendum
skipað í bekki og stundaskrár og bókalistar
afhentir.
Almennur kennarafundur verður haldinn
kl. 12.30.
Kennsla hefst í öllum bekkjum samkv.
stundaskrá miðvikudaginn 2. september.
Rektor.
Fimleikar
fögur íþrótt
Innritun stendur yfir dagana 15.-29. ágúst.
Byrjendur og framhald.
Afhending stundaskrár mánudaginn 31. ág-
úst. Byrjendur kl. 16-18, framhald kl. 18-20.
Fimleikar í framför, góð aðstaða og úrvals
þjálfarar, erlendir og innlendir. Allir þjálfarar
með full tilskilin réttindi.
Upplýsingar í síma 74925 kl. 10-10.
Fimleikadeild Gerplu.
taERPt^/
Sjókokkanámskeið
Enn eru laus nokkur pláss á námskeiði er
hefst 2. september 1992.
Upplýsingar í síma 681420.
Skólastjóri.
Atvinnuhúsnæði
Til leigu ca 400 fm glæsileg efsta hæð í lyftu-
húsi (skrifstofuhúsnæði) við Bíldshöfða.
Vandaðar innréttingar. Langtímaleigusamn-
ingur. Laus fljótlega.
Áhugasamir sendi tilboð til auglýsingadeildar
Mbl. merkt: „Öllum svarað - 10313“.
UTIVIST
Helgarferðir
28. -30. ágúst
Sfðsumarferð í Bása, gönguferð-
ir í fallegu umhverfi, góð gistiað-
staða í skála eða tjöldum.
Fimmvörðuháls
29. -30. ágúst
Ekið að Skógum, gengið upp
meö Skógánni f Fimmvörðuskála
og gist þar. Á sunnudag er geng-
ið niöur í Bása. Fararstjóri Bót-
hildur Sveinsdóttir.
Nánari uppl. á skrifstofunni.
Sjáumst í Útivistarferð.
FERÐAFÉLAG
ISLANDS
MÖRKINNI 6 ■ SÍMI 682533
Helgarferðir
28.-29. ágúst:
1) Óvissuferð
Leiðin liggur um fáfarnar slóðir
- spennandi ferö út í óvissuna.
Gist f svefnpokaplássi.
2) Þórsmörk
Gönguferðir um stórbrotið
landslag Þórsmerkur. Gist í
Skagfjörösskála/Langadal - öll
þægindi - notaleg gistiaðstaöa.
Brottför í ferðirnar er kl. 20.00
föstudag. Upplýsingar og far-
miðasala á skrifstofu F(, Mörk-
inni 6.
Landmannalaugar -
Þórsmörk (gönguferðir):
Enn er möguleiki að ganga
„Laugaveginn" með Ferðafélag-
inu. Brottför kl. 20.00 föstudag-
inn 28. ágúst. Nokkur sæti laus.
Ferðafélag (slands.
mmyrn
Eldri borgarar, kennsla í jóga
hefst 3 september. Kennt verður
tvísvar í viku, teygjur, öndun og
slökunaræfingar.
Upplýsingar og skráning frá
9-12 hjá Huldu f síma 675610.
Kripalujóga,
Heimsljós,
Skeifunni 19, 2 hæð.
Hörgshlíð 12
Boðun fagnaðarerindisins.
Almenn samkoma f kvöld
kl. 20.00.
IMÝ-UNG
KFUK-KFUM Holtavegi
Bænastund kl. 20.05 og sam-
vera kl.20.30.
Uppskeruhátíð Ný-ungar.
Kaffihlaðborö eftir samveru.
Allir velkomnir.
Skrifstofumaður, 50,182,
70 sem hefur áhuga á íþróttum,
stjórnmálum, feröalögum, lestri
og heilusamlegu líferni, vill gift-
ast huggulegri konu undir 45
ára. Skrifið á ensku m/mynd til
Manfred Iversen, Bramsstr. 20,
D 2200 Elmshorn, Þýskalandi.