Morgunblaðið - 21.03.1993, Blaðsíða 2

2 FRÉTTIR/INNLENT
MORGUNBLAÐIÐ SUNNUDAGUR 21. MARZ 1993
Morgunblaðið/Þorkell
Kvikmyndadómnefnd að störfum
DÓMNEFND 10. Norrænu kvikmyndahátíðarinnar hóf störf í Háskólabíói í gær, laugardag, en nefndinni
er gert að velja bestu kvikmynd Norðurlanda 1993. Tuttugu kvikmyndir keppa um þennan titil, eða fjórar
frá hverju landi. Hátíðin verður sett á þriðjudagskvöld, en til að ná að sjá allar tuttugu myndirnar tekur
dómnefndin forskot á sæluna nú um helgina. Fremst sitja Jannike Ahlund, ritstjóri Chaplin-kvikmyndatíma-
ritsins í Svíþjóð, Árni Þórarinsson, ritstjóri Mannlífs, sem er formaður nefndarinnar, og Ulrich Gregor frá
kvikmyndahátíðinni í Berlín. Fyrir aftan sitja Brynja Benediktsdóttir leikstjóri og breski leikarinn Christopher
Lee.
Stjórnvöld í Washington um Keflavíkurflugvöll
íslendingar taki þátt
í kostnaði við rekstur
í NÝÚTKOMINNI skýrslu um öryggis- og varnarmál íslands kemur
fram að Bandaríkjamenn telja að komast þurfi hið fyrsta að samkomu-
lagi um „sanngjarna og réttláta" skiptingu vegna reksturs Keflavíkur-
flugvallar, eins og komist er að orði í skýrslunni. Gunnar Pálsson,
sendiherra, segir að eingöngu sé um að ræða kostnað vegna borgara-
legs flugs á Keflavíkurflugvelli og Ieggi Bandaríkjamenn nokkuð ríka
áherslu á þetta atriði.
Utanríkisráðherra skipaði nefnd á
miðju síðasta ári til að_ fjalla um
öryggis- og vamarmál íslands og
breyttar aðstæður í alþjóðamálum.
í nefndinni áttu sæti auk Gunnars,
Benedikt Gröndal sem var formaður,
Þorsteinn Ingólfsson, ráðuneyt-
isstjóri í utanríkisráðuneytinu, Karl
Steinar Guðnason, alþingismaður,
Bjöm Bjamason, alþingismaður, og
Albert Jónsson, deildarstjóri í for-
sætisráðuneytinu. Viðræður áttu sér
stað við bandarísk stjórnvöld um í
Washington 10. og 11. september.
- Kom fram af hálfu Bandaríkja-
manna að eðli flugvallarins hefði
breyst eftir lok kalda stríðsins. Rúm-
lega 40% af umferð um völlinn sé
nú borgaralegt flug og Keflavíkur-
stöðin væri dýrasta herstöð Banda-
ríkjanna á Atlantshafssvæðinu.
Þátttaka í kostnaði
í skýrslunni segir: ,',Af hálfu
nefndarinnar var tekið fram að gera
yrði greinarmun á sparnaði (cost
saving) og kostnaðarþátttöku (cost
sharing). íslendingar væru reiðu-
búnir til samvinnu um hið fyrr-
nefnda. Bandaríkjamenn töldu hins
vegar að kostnaðarþátttaka banda-
lagsþjóða kynni að verða ofarlega á
baugi á bandaríska þinginu. Hvað
varðaði ísland ætti þetta þó einung-
is við rekstur flugvallarins, en ekki
kostnað við varnimar. Framlag Ss-
lendinga til vamanna væri þegar
skilgreint í vamarsamningnum og
fælist í því að þeir legðu af mörkum
land.“
Carmen í Barcelona
Góður rómur
gerður að
söng Kristíns
Barcelona. Frá Hólmfríði Matthíasdóttur
fréttaritara Morgunblaðsins.
GÓÐUR rómur var gerður að
söng Kristins Sigmundssonar í
hlutverki nautabanans Escamillio
í Carmen í Barcelona á miðviku-
daginn. Sjálf óperuuppsetningin
hefur hins vegar fengið afar nei-
kvæða gagnrýni í Barcelona alveg
frá því að hún var frumsýnd í
Covent Garden í apríl 1991.
Nokkrir frumsýningargestanna
bauluðu á frumsýningunni en
Kristinn segist hafa haft á tilfinn-
ingunni að neikvæð viðbrögð hafi
verið fyrirfram ákveðin.
Kristinn fékk einna besta dóma
af söngvurunum þótt Spánveijum
þætti undarlegt að sjá á sviðinu
tveggja metra háan íslenskan nauta-
bana. Fram kom hjá gagnrýnendum
að hann næði mjög vel djúpu tónun-
um, sem svo oft verða eftir í hálsmál-
inu, eins og einn gagnrýnandinn
orðaði það.
Enskt yfirbragð
uppfærslunnar
Spænskir gagnrýnendur þykjast
greina enskt yfirbragð óperunnar
og kenna þar um uppsetningu Nuriu
Espert sem ekki nái að draga fram
hinn eina sanna sígaunaanda. Krist-
inn sagði að hann hefði lítið annað
um þessa neikvæðu gagnrýni að
segja en að verkið væri gott og
meðsöngvararnir einnig. Hann sagð-
ist áður hafa tekið þátt í gestasýn-
ingu í óperunni sem hefði að hans
áliti verið lélegri en engu að síður
hefði hún fengið mun betri dóma
en Carmen nú.
Nokkurt strik setti í reikninginn
að Uwe Mund, stjórnandi hljómsveit-
arinnar, yfirgaf óperuna 4 dögum
fyrir frumsýningu og tók Javier
Pérez Batista, fastráðinn starfsmað-
ur óperunnar, við hlutverki hans.
Tveimur dögum fyrir frumsýninguna
varð síðan ljóst að bandaríska
mezzosópransöngkonan Kathleen
Kuhlmann myndi ekki geta sungið
vegna barkabólgu og kæmi Maria
Ewing í hennar stað.
Kristinn heldur ásamt Arnaldi
Amaldssyni, gítarleikara, námskeið
í þýskum ljóðasöng í Barcelona um
næstu helgi og er yfirfullt á nám-
skeiðið og langur biðlisti. Námskeið-
inu lýkur með tónleikum þar sem
Kristinn mun meðal annars syngja
þýsk ljóðalög og íslensk þjóðlög.
Krafa Draupnissjóðs á hendur Sambandinu vegna Samskipabréfanna
Gæti haft fordæmisgildi
vegna annarra útboða
SÚ ÁKVÖRÐUN Draupnissjóðins hf. að krefjast riftunar á kaupum sjóðsins á hlutabréfum
í Samskipum hefur leitt til þess að upp hafa komið efasemdir um önnur hlutafjárútboð og
eru útboð Glóbus og KEA þar á meðal samkvæmt heimildum Morgunblaðsins. Hrafn Magnús-
son, formaður Sambands almennra lífeyrissjóða, sagði í samtaii við Morgunblaðið að stofn-
anafjárfestar myndu eflaust fylgjast vel með niðurstöðunni í máli Draupnissjóðsins varð-
andi Samskipabréfin, enda gæti það mál haft fordæmisgildi.
Handsal hf. sá um hlutafjárútboð Glóbus sl.
vor þar sem sett voru á sölu hlutabréf að nafn-
verði 72 milljónir króna á genginu 2,12. Sölu-
virði seldra bréfa var um 100 miiljónir. Edda
Helgason, framkvæmdastjóri Handsals, sagði í
samtali við Morgunblaðið að endanleg afkoma
Glóbus á síðasta ári lægi ekki enn fyrir, en stað-
festi að áætlun um 62 milljóna hagnað stæðist
ekki.
„Hlutaíjárútboð Glóbus er ólíkt öðrum dæm-
um sem nefnd hafa verið til sögunnar. Þetta var
lokað útboð og kaupendur fengu tækifæri til að
kynna sér nákvæmlega á hvaða forsendum
rekstraráætlun ársins var byggð á,“ sagði Edda.
Aðspurð sagði Edda að þar sem fyrirtækið starf-
aði á mjög breiðu sviði í innflutningi og þjón-
ustu hefðu almennar efnahagsþrengingar haft
mikil áhrif á reksturinn í heild sinni.
Lífeyrissjóður Vestfirðinga er einn þeirra líf-
eyrissjóða sem fjárfestu í hlutabréfum í Glóbus.
Guðrún Guðmannsdóttir, framkvæmdastjóri líf-
eyrissjóðsins, sagði í samtali við Morgunblaðið
að ekki hefði enn verið tekið fyrir í stjórn sjóðs-
ins hvort grípa bæri til sambærilega aðgerða
og Draupnissjóðurinn hefði ákveðið að gera
vegna Samskipa, en væntanlega myndu menn
þó bíða og sjá hvernig það mál færi. Guðrún
sagðist ennfremur telja nokkuð ljóst að stofnan-
afjárfestar myndu fara mjög varlega í öllum fjár-
festingum á hlutabréfamarkaði hér eftir og að
verðbréfafyrirtæki þyrftu að vanda vinnubrögð
sín mun betur.
„Rekstraráætlanir KEA stóðust
fullkomlega"
Kaupfélag Eyfirðinga var með hlutafjárútboð
seint á síðasta ári þar sem sett voru á sölu bréf
að nafnvirði 50 milljónir á gengiriu 2,25. í
útboðslýsingu var gert ráð fyrir um 60 milljóna
hagnaði en endanlegur hagnaður varð um tíu
milljónir. Guðmundur Hauksson, framkvæmda-
stjóri Kaupþings, sem sá um útboðið, sagði að
gera yrði greinarmun á því hvort rekstraráætlan-
ir fyrirtækja væru á rökum reistar eða hvort
breyting yrði á afkomu vegna óviðráðanlegra
ytri aðstæðna. „Rekstraráætlanir KEA standast
fullkomlega og fyrirtækið er að skila þeim rekstr-
arafgangi sem gert var ráð fyrir. Það er kjarni
málsins og því er ég ósáttur við að dragast inn
í þessa umræðu."
Guðmundur sagði að útboðslýsing KEA hefði
verið gefin út 12. nóvember sl. og samþykkt á
Verðbréfaþingi viku síðar. „Eftir gengislækkun-
ina 23. nóvemer var rætt á fundi Kaupþings
með forráðamönnum KEA hvort greina ætti
kaupendum frá þeim breytingum sem orðið hefðu
miðað við forsendur útboðslýsingar. Það var
fallið frá því þar sem talið var að afnám aðstöðu-
gjalds myndi vega upp á móti áhrifum gengisfell-
ingarinnar. Það sem síðan skekkti myndina var
að gengi dollars hélt áfram að hækka til ára-
móta og það hafði áhrif á endanlega afkomu
KEA þar sem fyrirtækið skuldar talsvert í þeim
gjaldmiðli," sagði Guðmundur.
Úlfaldi úr mýflugu
►Sverrir Hermannsson, banka-
stjóri Landsbankans í viðtali við
Agnesi Bragadóttur um atburði
liðinnar viku í málefnum bank-
ans./lO
Maður platar ekki
fólkið
►Kristján Jóhannsson rekur feril
sinn frá díselstillingarverkstæði á
Akureyri og inn á svið Metro-
politan-óperunnar í New York./14
IMý sambúð í Frakk-
landi
►Fyrri umferð frönsku kosning-
annaerídag. /16
Um borð í Benguela
►Namibíumenn hafa snúið sér til
íslands um ráðgjöf og hlutdeild í
fyrirtæki sem ætlað er að verði
leiðandi í namibískum sjávarút-
vegi./18
Horn í horn
►Fimm ævintýramenn fóru homa
á milli er er þeir fóru á vélsleðum
frá Hombjargi til Homafjarðar í
síðustu viku./20
Golf á Mallorca
►Eyjan Mallorca hefur upp á
margt að bjóða fyrir golfáhuga-
menn./28
B
► l-28
DANSAD
AflCÐ
NUREYEV
Dansað við Nureyev
►Bandaríska ballerínan Eva Evd-
okimova var í fimmtán ár einn
helsti mótdansari Rudolfs Nurey-
ev. Hún vinnur nú að uppsetningu
Coppelíu með íslenska dansflokkn-
um./l
Rödd sérskólanna
►Fimmtán ólíkir skólar standa að
Bandalagi íslenskra sérskólanema
en hlutverk þess er fyrst og fremst
að gæta hagsmuna náms-
manna./lO
Dansað í Perlunni
►Síðustu sunnudagskvöld hefur
stór hópur fólks komið saman í
Perlunni til að dansa við undirleik
hljómsveitar Karls Jónatanssonar
en hann hefur það markmið að
breyta dansmenningu íslend-
inga./14
Evita
►í Sjallanum eru nú rifyuð upp
lög úr söngleiknum Evitu, sem
gerður var um líf argentínsku for-
setafrúarinnar Evu Peron./16
FASTIR ÞÆTTIR
Fréttir 1/2/4/6/bak
Leiðari 26
Helgispjall 26
Reykjavikurbréf 26
Minningar 30
Iþróttir 46
Útvarp/sjónvarp 48
Gárur 51
Mannlifsstr. 8b
ídag 6b
Kvikmyndir 12b
Dægurtónlist
Fólk í fréttum
Myndasögur
Brids
Stjömuspá
Skák
Bíó/dans
Bréftil blaðsins
Velvakandi
Samsafnið
INNLENDAR FRÉTTIR-
2-6-BAK
ERLENDAR FRÉTTIR:
1-4
13b
18b
20b
20b
20b
20b
21 b
24b
24b
26b