Morgunblaðið - 29.06.1994, Blaðsíða 7

MORGUNBLAÐIÐ
MIÐVIKUDAGUR 29. JÚNÍ 1994 7
Börn meö
heima-
gerð vopn
NOKKUÐ virðist um að heima-
tilbúin vopn séu í fórum barna.
Kona kom á lögreglustöðina við
Hverfisgötu um helgina með tvö
vopn, sem hún hafði tekið af
sex ára syni sínum.
Vopnin, sem barnið hafði
undir höndum voru annars veg-
ar sorfinn, hárbeittur nagli, sem
festur var kyrfilega með marg-
vöfðu límbandi við spýtu og
hins vegar tveir 30 cm viðarbút-
ar með keðju á milli, einnig
festir með límbandi, eins konar
eftirlíking japansks vopns. Kon-
an sagði að heimatilbúin vopn
væru í umferð hjá börnum í
Grafarvogi, þar sem hún býr.
Omar Smári Armannsson,
aðstoðaryfirlögregluþjónn,
kvaðst vilja beina þeim tilmæl-
um til foreldra að þeir könnuðu
hvort börn þeirra hefðu vopn
sem þessi undir höndum og
tækju þau af þeim, ef svo væri.
Laugardalur
Byggt verði
yfir skauta-
svellið
FULLTRÚAR Sjálfstæðis-
flokksins í íþrótta- og tóm-
stundaráði hafa lagt fram til-
lögu til borgarráðs um að fram
fari alútboð á yfirbyggingu yfir
skautasvellið í Laugardal.
Fram kemur að við undirbún-
ing útboðsins skuli tryggja að
hlutur innlendra hönnuða og
framleiðenda verði hvergi fyrir
borð borinn. Jafnframt að borg-
arverkfræðingi, forstöðumanni
byggingadeildar og fram-
kvæmdastjóra ÍTR verði falið
að undirbúa forsögn að útboði
og kynna það síðan fyrir
íþrótta- og tómstundaráði og
Innkaupastofnun Reykjavíkur.
Afgreiðslu tillögunnar var
frestað á milli funda en næsti
fundur er 11. júlí næstkomandi.
Reykjavík
verður
reynslu-
sveitarfélag
í BRÉFI félagsmálaráðherra til
borgarstjórnar Reykjavíkur og
sem samþykkt hefur verið í
borgarráði tilkynnir ráðherra
að ákveðið hafi verið að Reykja-
vík verði reynslusveitarfélag.
Fram kemur að gert sé ráð
fyrir að framkvæmdanefndir
verði skipaðar í hverju reynslu-
sveitarfélagi úr hópi kjörinna
fulltrúa og embættismanna
ásamt fulltrúum starfsfólks. Er
þess jafnframt vænst að sveit-
arstjórnir hlutist sem fyrst til
um skipun slíkrar nefndar.
Stefnt er að fundi með fulltrú-
um ráðuneyta og formönnum
framkvæmdanefndanna þann
24. ágúst.
Prjónaði og
féllafbaki
MAÐUR slasaðist lítils háttar
þegar hann féll af mótorhjóli á
Fiskislóð í gær.
Maðurinn ætlaði að láta hjól-
ið „pijóna" en tókst ekki betur
til en svo að hjólið ofreis og
hann féll í götuna.
FRÉTTIR
Einn og
yfirgefinn
ÞESSI litli æðarungi kom labb-
andi inn að Bláa lóninu í Grinda-
vík síðastliðinn sunnudag og
virtist gjörsamlega búinn að
týna mömmu sinni og systkin-
um. Starfsfólk lónsins fór með
ungann út í hraun þar sem æðar-
kollur eru á vappi, en unginn
varð þar fyrir árás svartsbaks
og komst við illan leik aftur í
skjól við hús Bláa lónsins.
Starfsfólkið ákvað þá að koma
unganum fyrir hjá gömlum
dýravini í Grindavík. Hann mun
verja ungann fyrir grimmum
heimi fyrsta æviskeiðið.
Morgunblaðið/Frímann
Lóranstöðin á Gufuskálum
Líkur á að mannvirkin standi
GÓÐAR líkur eru taldar á að bandaríska strandgæslan fallist á tillögur ís-
lenskra stjórnvalda um nýtingu á mannvirkjum,'Lóranstöðvarinnar á Gufu-
skálum. Fulltrúar frá strandgæslunni, varnarliðinu og bandaríska.sendiráð-
inu áttu fund með íslenskum stjórnvöldum í gær þar sem farið var yfir tillög-
urnar. Reiknað er með að gengið verði endanlega frá málinu á fundi í haust.
Á fundinum lögðu fulltrúar íslands
fram hugmyndir heimamanna í Snæ-,
fellsbæ um nýtingu mannvirkja á
Gufuskálum, hugmyndir RARIK um
nýtingu rafstöðva fyrir varaaflsstöð
og hugmyndir RÚV um nýtingu
mastursins undir langbylgjusending-
ar. Jafnframt var gerð sú krafa að
bandaríska strandgæslan sjái um að
rífa tvö hús á staðnum og fjarlægja
tvo olíutanka.
Arnór Siguijónsson, skrifstofu-
stjóri á varnarmálaskrifstofu utan-
ríkisráðuneytisins, sagðist ekki telja
það neinum vandkvæðum bundið fyr-
ir bandarísk stjórnvöld að fallast á
þessar tillögur. Fulltrúar þeirra, sem
sátu fundinn í gær, hefðu tekið vel
í tillögurnar. Arnór sagði að næsta
skref í málinu sé að bandarísk stjórn-
völd taki formlega afstöðu til tilagn-
anna og leiti eftir íjárveitingu til að
rífa húsin og fjarlægja olíutankana.
Ovissa með mastrið
Ríkisstjómin hefur enn ekki
ákveðið hvort hún vill leyfa RÚV að
nýta mastrið á Gufuskálum til lang-
bylgjusendinga, en rekstur og við-
hald þess er talinn kosta 50 milljónir
á ári og stofnkostnaður er áætlaður
350 milljónir. Menntamálaráðherra
hefur lagt til í ríkisstjóminni að
mastrið verði nýtt og er búst við að
stjórnin taki afstöðu til málsins á
næstu vikum. Strandgæslan hefur
þegar fengið ijárheimild til að rífa
mastrið ef til þess kemur.
Bæjarstjórn Snæfellsbæjar hefur
ákveðið að skipa vinnuhóp til að
gera tillögur um nýtingu mannvirkj-
anna á Gufuskálum. Ýmsar hug-
myndir hafa verið viðraðar í þessu
sambandi, m.a. um að nýta þær und-
ir dvalarheimili fyrir aldraða eða or-
lofshús fyrir launþegasamtök.
Hafrannsókna-
stofnunin
Forstjóri
skipaður
JAKOB Jakobsson hefur verið
skipaður forstjóri Hafrannsókna-
stofnunar til næstu fimm ára.
Einnig hefur sjávarútvegsráðherra
skipað tvo aðstoðarforstjóra við
stofnunina fyrir sama tímabil, þá
Vigni E. Thoroddssen sem rekstr-
arlegan aðstoðarforstjóra og Jó-
hann Sigurjónsson á sviði vísinda.
Lögum samkvæmt ber sjávarút-
vegsráðherra að skipa í þessi emb-
ætti til fimm ára, að fengnum til-
lögum stjórnar stofnunarinnar.
Hefst starfstímabilið 1. júlí næst-
komandi og lýkur því 30. júní 1999.
Umsóknarfrestur um stöðurnar
rann út 10. júní sl. Jakob Jakobs-
son sótti um endurráðningu og
bárust ekki fleiri umsóknir um
starf forstjóra.
Sex umsóknir bárust um stöður
aðstoðarforstjóra, þar af ein um
endurráðningu í stöðu rekstrarlegs
aðstoðarforstjóra. Auk þeirra
Vignis og Jóhanns sóttu Haraldur
Þór Teitsson og Hjálmar Vilhjálms-
son um stöðu aðstoðarforstjóra.
Einn umsækjandi óskaði nafn-
Ieyndar og annar dró umsókn sína
til baka.
Jakob Magnússon, sem verður
68 ára á þessu ári, lætur af störf-
um aðstoðarforstjóra Hafrann-
sóknastofnunar 1. júlí næstkom-
andi, en starfinu hefur hann gegnt
um árabil. Hann mun starfa áfram
sem sérfræðingur við stofnunina.
íslandsbanki býður ókeypis
myndatöku vegna Debetkorta
dagana 27. - 30. júní
Vegna mikillar eftir-
spurnar hefur íslands-
banki ákveöiö aö bjóöa
viöskiptavinum sínum
ókeypis myndatöku vegna Debetkorta í 4 daga.
Debetkortiö er í senn staögreiöslukort,
hraöbankakort, persónuskilríki og tékkaábyrgö-
arkort. Þá er einnig ódýrara aö nota Debetkort
en aö greiöa meö tékka.
Notaöu tœkifœríb og sœktu um Debetkort
núna á meöan þér býöst ókeypis myndataka.
Þetta tilboö stendur aöeins til 30. júní.
Ókeypis myndataka fer
fram í eftirtöldum
útibúum íslandsbanka
á höfuöborgarsvœöinu:
Lœkjargötu 12 kl. 10:00- 16:00
Laugavegi 105 kl. 09:15- 16:00
Háaleitisbraut 58 kl. 12:00 - 16:00
Kringlunni 7 kl. 13:00- 16:00
Suburlandsbraut 30 kl. 12:00 - 16:00
Þarabakka 3 kl. 09:15 - 16:00
Dalbraut 3 kl. 12:00 - 16:00
Strandgötu 1 kl. 13:00 ■ 16:00
ÍSLANDSBANKI