Morgunblaðið - 20.07.1994, Blaðsíða 5
MORGUNBLAÐIÐ
MIÐVIKUDAGUR 20. JÚLÍ 1994 5
FRÉTTIR
^ CANTAT3 Ijósaleiðarinn við suðurströndina
Sjávarútvegsráðu-
neytið vill breyta stað-
setningu ljósleiðara
Útgerðarmenn í Vest-
mannaeyjum brugðust
hart við þegar þeir
fengu fréttir af því að
nýr ljósleiðarakapall
ætti að liggja um feng-
sæl fiskimið. Hallur
Þorsteinsson ræddi við
útgerðarmenn, tals-
mann Pósts og síma og
sj ávarútvegsráðherra
um málið
JÁVARÚTVEGSRÁÐU-
NEYTIÐ fór þess á leit við
Póst og síma í gær að fram-
kvæmdum við lagningu ljósleiðara-
kapals sunnan og austan við Vest-
mannaeyjar verði hætt þar til fund-
in hefur verið ný staðsetning fyrir
kapalinn. Útgerðarmenn í Vest-
mannaeyjum hafa lýst mikilli
óánægju með lagningu kapalsins
þar verið er að leggja hann þar sem
hann komi m.a. til með að skerða
veruiega blálöngumið í Skaftárdjúpi
og togslóðina sunnan Vestmanna-
eyja. íhugar Landssamband ís-
lenskra. útvegsmanna að fara fram
á að lögbann verði lagt á lagningu
kapalsins náist ekki viðunandi nið-
urstaða í málinu.Lagning kapalsins
frá Evrópu til Kanada með tengingu
til íslands um Vestmannaeyjar er
þegar hafin, en áætlað hefur verið
að hann verði tekinn í notkun í
nóvember næstkomandi.
Eignaraðilar að ljósleiðarakaplin-
um, sem nefnist CANTAT-3, eru
24 símafyrirtæki beggja vegna Atl-
antshafs, og er áætlaður
kostnaður við hann er 400
milljónir dollara, eða 26,3
milljarðar króna, en þar
af er hlutur Pósts og síma
um 1,8 milljarðar. Hægt
verður að flytja 3.780 talsímarásir
á kapjinum sem er tífaldur rása-
fjöldi ísiands til útlanda í dag.
Þorsteinn Pálsson sjávarútvegs-
ráðherra sagði í samtali við Morg-
unblaðið í gær að Hafrannsókna-
stofnun hefði á síðasta ári komið á
framfæri athugasemdum vegna
lagningar ljósleiðarakapaisins, og í
vor hefði sjávarútvegsráðuneytið
fengið sent afrit af bréfi sem Póst-
ur og sími hefði sent umhverfis-
ráðuneytinu vegna málsins. Að öðru
leyti hefði það ekki komið til kasta
sjávarútvegsráðuneytisins.
„Aðalatriðið er auðvitað það að
í upplýsingum Hafrannsóknastofn-
unar liggur fyrir að að verið er að
fara með kapalinn um mjög mikil-
vægar fiskislóðir og það er útilokað
annað _en að tekið verði tillit til
þess. Ég hygg að það séu ekki
miklar breytingar sem
þurfi að gera, en þær séu
nauðsynlegar," sagði
Þorsteinn. Hann sagði
það liggja í augum uppi
að það gæti haft verulegt
fjárhagstjón í för með sér ef mikil-
vægar fiskislóðir lokuðust af þess-
um sökum og þess væri vænst að
Póstur og sími tæki tillit til eðli-
legra óska í þessu efni þannig að
ekki þyrfti að koma til stórátaka
út af þessu máli. Fulltrúar sjávarút-
vegsráðuneytisins og samgöngu-
ráðuneytið áttu í viðræðum um
málið í gær og sagðist Þorsteinn
gera ráð fyrir því að viðbrögð frá
Pósti og síma kæmu fram í dag,
en samkvæmt upplýsingum Morg-
unblaðsins átti að leggja tillögu að
nýrri legu kapalsins fyrir fulltrúa
Pósts og síma snemma í morgun.
Engin sjókort hjá
Pósti og síma
Magnús Kristinsson hjá Berg-
Huginn í Vestmannaeyjum sagði í
samtali við Morgunblaðið að út-
gerðarmenn í Vestmannaeyjum
hefðu uppgötvað það fyrir hálf-
gerða tilviljun í síðustu viku að
komið væri að því að leggja ljósleið-
arakapalinn, en hagsmunaaðilum
hafði ekki verið kynnt hvar hann
ætti að liggja. Hann sagði að árang-
urslaus fundur hefði verið haldinn
með verkfræðingi frá Pósti og síma
í síðustu viku og á mánudagsmorg-
uninn hefði því verið haldinn fundur
með verkfræðingum fjarskiptasviðs
Pósts og síma í Reykjavík. Þar hefði
komið í ljós að Póstur og sími ætti
engin sjókort og lega kapalsins
hefði verið dreginn með reglustiku
inn á kort frá Tilkynningaskyld-
unni. Gáfu Vestmannaeyingarnir
því Pósti og síma sjókort sem þeir
höfðu meðferðis.
„Ljósleiðarinn sem slíkur kemur
til með að skerða blálöngumiðin út
af Skaftárdýpinu svo gífurlega að
við erum tilknúnir til að kanna alia
möguleika á því að fá legu hans
breytt. Lega strengsins þvert yfir
Sneiðina suður af Eyjum skaðar
ekki bara togaraflotann heldur
einnig bátaflotann hér í
Vestmannaeyjum því
þetta er þvert yfir mið
þeirra,“ sagði Magnús.
Þoi'varður Jónsson
framkvæmdastjóri fjar-
skiptasviðs Pósts og síma sagði að
vegna beiðni frá útgerðarmönnum
í Vestmannaeyjum hefði Kanada-
mönnum, sem hafa yfirstjórn með
lagningu ljósleiðarakapalsins, verið
sent erindi í fyrradag varðandi
breytingu á legu kapalsins. Hins
vegar væri hann ekki mjög bjart-
sýnn á að hægt væri að breyta stað-
setningunni vegna þess hve verkið
væri komið langt á veg, en á þrem-
ur skipum er nú unnið við lagningu
kapalsins. Á einu þeirra er unnið
að lagningunni frá Færeyjum til
íslands, á öðru er byijað að leggja
kapalinn frá íslandi til Kanada og
á hinu þriðja frá Kanada til ís-
lands, en þau skip mætast á leiðinni.
Misskilningur í gangi
„Við teljum að það hefði ekki
verið hægt að sneiða hjá þessum
miðum sunnan Vestmannaeyja
nema fara miklu verri leið fyrir
strenginn sjálfan; hólóttari og á
meira dýpi. Hafrannsóknastofnun
sendi okkur mikla greinargerð i'
mars 1993 og sendum við hana
áfram til þeirra sem ákváðu legu
strengsins. Það er einhver misskiln-
ingur í gangi um að Hafrannsókna-
stofnun hafi bent okkur á fiskimið
og lagt til að við flyttum strenginn
frá þeim. Hafrannsóknastofnun
benti okkur á fiskimið og lagði til
að við gengjum betur frá strengnum
og plægðum hann niður í botninn
þar sem fiskimiðin eru. Það höfum
við gert áætlanir um, þannig á
svæðinu alveg frá lendingu í Vest-
mannaeyjum og niður á 1.000
metra dýpi, sem er nærri því sem
hann tengist aðalstrengnum 80 km
suður af Vestmannaeyjum, verður
hann plægður eins langt og hægt
er niður í botninn nema þar sem
klappir koma upp úr botnleðjunni,"
sagði Þorvarður.
Mjög mikill
viðgerðarkostnaður
Hann sagði að ef það óhapp yrði
að strengurinn slitnaði af völdum
veiðarfæra væri kostnaður við við-
gerð á bilinu 100-200 þúsund
Bandaríkjadalir á dag og ef viðgerð
tæki vikutíma gæti kostnaðurinn
verið um ein milljón dollara, eða
um 68 milljónir króna.
Samkvæmt lögum ber sá
kostnað af slíku tjóni sem
því veldur.
Þorvarður sagði að
samkvæmt reglugerð um
sæsíma væru veiðar óleyfilegar á
svæði sem nær 200 metra frá kapl-
inum í hvora átt. „Ég er að von^
að þetta eyðileggi ekki þessi mið,
en þau eru vissulega miklu stærri
en þessi 400 metra renna sem um
er að ræða,“ sagði Þorvarður.
Knúnir til að
kanna alla
möguleika
Ekki hægt að
sneiða hjá
miðunum
Útsalan hefst á morgun
Ath: Útsalan hefst í Kringlunni 25. júlí- ekki sömu vörur.