Morgunblaðið - 20.07.1994, Blaðsíða 19
MORGUNBLAÐIÐ
MIÐVIKUDAGUR 20. JÚLÍ 1994 19
UNGT FÓLKí EVRÓPU
Kynntu sér
félagslífið
í Hollandi
ÍSLENSKUR hópur fór í vor til
Hollands á vegum Ungs fólks í
Evrópu. í hópnum voru sextán ára
unglingar úr félagsmiðstöðinni
Arseli í Arbæ. Klúbburinn er orð-
inn eins og hálfs árs gamall og
varð því til áður en þeir, sem eru
í honum, fréttu af UFE. í Hol-
landi hittu ferðalangarnir svipað-
an hóp af krökkum á þeirra aldri
í Hunzepark fyrir utan bæinn
Emmen. Þau dvöldu þó ekki þar
allan tímann heldur ferðuðust um
Hoiland og skoðuðu m.a. félags-
miðstöðvar enda var það tilgangur
ferðarinnar að kynnast hollenskri
æsku og félagslífi þeirra. Hol-
lenski hópurinn, sem þau liittu úti
stefnir að því að koma til Islands
næsta sumar. Morgunblaðið ræddi
við Huldu Þorsteinsdóttur, sem
fór í ferðina.
„Við erum búin að vera í þessum
klúbbi í eitt og hálft ár. Það var
alltaf takmarkið hjá okkur að fara
út en sáum það ekki alveg fyrir
okkur hvernig við ættum að fara
að því. Við vorum búin að safna
einhverjum pening. Svo sóttum við
um styrkinn rétt áður en frestur-
inn rann út og fengum að vita í
mars að við fengjum hann. Við
fengum helmings styrk og án hans
hefðum við ekki komist út. Ég er
alveg viss um það,“ sagði Hulda.
Stuðklúbburinn Þruma
I hópnum eru 14 sextán ára
krakkar, sem kalla sig
Stuðklúbbinn Þrumu. Tveir
starfsmenn frá
félagsmiðstöðvunum fóru með
þeim út. Hulda sagði að allt hefði
verið mjög vel skipulagt fyrir þau.
Til að komast út á vegum UFE
þarf að hafa þema og þema
Stuðklúbbsins Þrumu var að
kynnast ungu fólki og félagsstarfi
í Hollandi. Hún sagði að gaman
hefði verið að kynnast lífinu í
Hollandi og þeirri menningu, sem
ríki þar og mælir tvímælalaust
með þessu. Hún segist alltaf hafa
talið sig vera Evrópubúa og þessi
ferð hafi í sjálfu sér litlu breytt
um það.
UNGLINGARNIR úr félagsmiðstöðinni Árseli, sem drifu sig til Hollands á styrk frá Evrópusambandinu. Tilgangur ferðarinnar var
að kynnast ungu fólki og félagsstarfi í Hollandi.
íslenskum ungmennum opnaðar nýjar leiðir til að kynnast Evrópu
Islendingar
verði meiri
Evrópubúar
Á VEGUM Evrópusambandsins er
ýmislegt gert til að auka þá tilfinn-
ingu íbúa landa í Evrópu að þeir
séu Evrópubúar frekar en bara íbú-
ar lands síns. Hluti af þessu eru
ungmennaskipti. Ýmsar áætlanir
eru í gangi og þar á meðal er áætl-
unin Ungt fólk í Evrópu eða UFE,
sem gengur út á ungmennaskipti.
í hveiju aðildarlandi er starfandi
verkefnisstjórn. UFE á íslandi er
verkefni á vegum menntamálaráðu-
neytis en framkvæmd þess er sam-
starfsverkefni ráðuneytisins og
íþrótta- og tómstundaráðs Reykja-
víkur. Nýlega var haldin ráðstefna
á vegum UFE hér á Islandi og komu
á hana 50 fulltrúar frá 20 löndum.
Þessir fulltrúar eru starfsmenn
UFE og skipuleggja ferðir hópa á
aldrinum 15 til 25 ára til landa inn-
an Evrópusambandsins. Með gildis-
töku EES samningsins sl. áramót
varð ísland aðili að UFE-verkefn-
inu.
Margrét Sverrisdóttir er verk-
efnastjóri UFE hér á landi og vinn-
ur á skrifstofu UFE í Hinu húsinu.
Hún segir að þótt ungmennaskipti
geti verið mjög fjölbreytileg hvað
varðar innihald, tímalengd og upp-
byggingu, hafi þau öll það sameig-
inlega markmið að veita ungmenn-
um uppbyggilegan lærdóm um
menningu annarra landa. Þetta sé
það, sem aðskilji ungmennaskipti
frá ferðamannaiðnaðinum.
Á Evrópska efnahagssvæðinu
(EES) eru um 60 milljónir ungs
fólks á aldrinum 15 til 25 ára og
hefur tæpur þriðjungur þeirra aldr-
ei farið frá heimalandi sínu. UFE-
verkefnið gengur út á að ungmenni
á þessum aldri geti stofnað hópa,
sem telja um 10 til 15 einstaklinga.
Hóparnir eru stofnaðir í kringum
eitthvert áhugamál, sem getur verið
á sviði umhverfismála, menningar,
atvinnu, málefna minnihlutahópa,
fíkniefna, leiklistar, kvikmynda og
svo framvegis.
Allt að 75% greitt
Eftir að hópur hefur verið stofn-
aður þarf að finna annan hóp í ein-
hveiju landa ESB, með svipað
áhugamál og þar geta skrifstofur
UFE komið til aðstoðar. Sambandi
er komið á milli hópanna og þá er
hægt að fara að skipuleggja heim-
sóknir þeirra til hvors annars. ESB
borgar 50% af ferðakostnaðinum
og má veita allt að 75% styrk til
verkefna, þar sem ungt fólk úr
minnihlutahópum tekur þátt.
Nýr hluti UFE-verkefnisins hefst
1995 og áætlar ESB að veita yfir
hundrað mjjljónum ECU eða hátt í
10 milljörðum íslenskra króna til
verkefnisins á fimm árum og er
gert ráð fyrir því að á þeim tíma
muni um 400 þúsund ungmenni á
aldrinum 15 til 25 ára í Evrópu
ferðast á vegum UFE.
Morgunblaðið/Árni Sæberg
Sjá um ungmennaskipti
RÁDSTEFNA, sem haldin var hér á landi í síðustu viku dró til
sín fólk hvaðanæva úr Evrópu. Þar á meðal voru Gordon Blakely
frá Bretlandi og Thea Meinema frá Hollandi en íslenskur hópur
af 16 ára ungmennum fór einmitt út til Hollands í vor.
Ungt fólk af mismunandi þjóð-
erni hitti hvert annað sem jafningja
HÉR á landi var nýlega haldin
ráðstefna á vegum Ungs fólks
í Evrópu og mættu til hennar
50 manns víðs vegar að úr Evr-
ópu. Þar á meðal voru Thea
Meinema frá Hollandi og Gor-
don Blakely frá Bretlandi og
tók Morgunblaðið þau tali.
„Eg vinn fyrir skrifstofuna í
Hollandi og þar sem UFE-verk-
efnið er ekki miðstýrt þá er það
á okkar ábyrgð að senda upplýs-
ingar til ungmennahópa og
samtaka, taka á móti umsóknum
og hvers konar spurningum,"
segir Thea.
Ekki bara ódýrt ferðalag
„Við finnum í auknum mæli
fyrir því að hlutirnir ganga
ekki eins vel fyrir sig og mætti
ætla. Það þarf að leiðbeina
hópunum og styðja þá til þeirra
verka, sem Ungt fólk í Evrópu
krefst af þeim,“ bætir hún við.
Hún segir að margt sé í bígerð
á skrifstofunni í Hollandi og
ineðal annars sé verið að útbúa
starfsáætlanir fyrir
leiðbeinendur.
„Ungmennaskipti í Hollandi,"
segir hún, „hafa að einhverju
marki þá ímynd að vera
einhvers konar ódýrt ferðalag
en þessari íinynd viljuin við
breyta. Við viljum að fólk líti á
þetta sem fyrsta flokks
menntunarferli.
Viðbrögðin við UFE í
Hollandi hafa verið mjög
jákvæð og áhuginn fer vaxandi.
I byrjun höfðum við ekki mikla
reynslu af ungmennaskiptum
en við höfum lært mikið síðan
og gæði skiptinna hafa aukist
verulega," bætir hún við.
Sambandið við unga fólkið
„Það sem er erfiðast er að
halda sambandi við unga fólkið
því við verðum meir og meir
föst í skrifræðinu og hlustum
minna og minna á unga fólkið
sjálft,“ segir Gordon. „Margir
fara í frí og bera með sér sína
eigin menningu. Þegar komið
er á staðinn er það enn með
sína eigin menningu, það
skemmtir sér vel, fer í sólbað,
skoðar hallir og fer síðan heim.
Það opnar aldrei eigin
menningu fyrir öðrum og það
opnar ekki sjálft sig fyrir öðrum
hugmyndum. Markmið okkar
er að breyta þessu,“ segir hann.
VW Golf CL árg. ‘92, blásans, sjálfsk.,
5 dyra, ek. 34 þ. km.
Verð kr. 1.150.000. — Góð kjör.
Nissan King Cab 4WD árg. ‘91,
grásans, 31“ dekk, plasthús, ek. 94 þ.
km. Verð kr. 1.100.000. — Góð kjör.
Mercedes Benz 1190E árg. ‘91, stein-
grár, sóllúga, ABS., litað gler, ek. 65 þ.
km. Verð kr. 2.650.000. — Skipti.
Mercedes Benz 280 GE árg. ‘84,
rauður, sjálfsk., álfelgur, litað gler, ek.
47 þ. km. Mjög gott eintak.
Verð kr. 1.550.000.
Toyota Landcruiser árg. ‘86, dökkblár,
diesel, krómfelgur, óbreyttur,
ek. 88 þ. km. Verð kr. 1.550.000.
VANTAR NÝLEGA BÍLA Á STADINN-MIKIL SALA-FRÍAR AUGLÝSINGAR