Morgunblaðið - 20.11.1994, Blaðsíða 29

MORGUNBLAÐIÐ
SUNNUDAGUR 20. NÓVEMBER 1994 29
________MINMIWGAR______
MAGNEA GUÐRÚNMAGNÚS-
DÓTTIR OG PÁLL PÁLSSON
-4- Magnea Guð-
• rún Magnús-
dóttir fæddist i
Þykkvabæ í
Landbroti 21.
nóvember 1900.
Hún lést á Kirkju-
bæjarklaustri á
Síðu 17. septem-
ber síðastliðinn
og fór útför
hennar fram frá
Prestbakka-
kirkju 24. sept-
ember. Páll Páls-
son fæddist einn-
ig í Þykkvabæ í
Landbroti 4. júlí 1901. Hann
lést á Kirkjubæjarklaustri 5.
september 1991 og var útför
hans gerð frá Prestbakka-
kirkju 24. september.
OKKUR systurnar langar til að
minnast hjónanna frá Efri-Vík í
nokkrum orðum, við vorum vanar
að kalla þau afa og ömmu og sann-
arlega verða þau það ætíð í minn-
ingu okkar.
Foreldrar okkar keyptu jörðina
Efri-Vík af afa og ömmu árið 1968
og hófu þar búskap, fyrstu árin á
loftinu í „Gamla bænum“ hjá
ömmu og afa og seinna byggðu
þau nýtt hús spölkorn frá. Margar
okkar bestu bemskuminningar eru
tengdar þessum elskulegu hjónum
sem létu sér svo annt um okkur
og sýndu okkkur aldrei annað en
hlýhug og nærgætni. Við minn-
umst með gleði allra heimsókna
okkar systra í gamla bæinn (en
amma var vön að kalla okkur „hei-
malningana sína“) en þær hófust
venjulega þannig að við kíktum inn
um eldhúsgluggann hjá ömmu til
að athuga hvað þau væru að gera
og á þennan hátt var einnig auð-
veldast að vekja á okkur athygli.
Amma var venjulega ekki sein á
sér að senda afa til dyra þar sem
við vorum faðmaðar hressilega.
Eftir sögu hjá afa heilsuðum við
uppá ömmu, fengum kjass, brauð
með sultu eða skafna rófu. Hún
tók okkur iðulega í fangið og söng
fyrir okkur gamlar vísur og á eftir
fengum við að setjast á eldhúsgólf-
ið við hlið hennar og mala kaffi-
baunir sem var í miklu uppáhaldi
hjá okkur. Á tyllidögum var mikill
samgangur á milli fjölskyldnanna,
ef þau buðu heim var gripið í spil
og spilaður Lambert og á eftir
bauð amma upp á „randalínu“ sem
í minningunni er ógleymanleg terta
í mörgum lögum og litum.
Mörg aðfangadagskvöldin átt-
um við því láni að fagna að fá að
hafa þau afa og ömmu hjá okkur
fjölskyldunni og gáfu þau hátíðinni
alveg sérstakan blæ friðar sem
atti kappi við eftirvæntingu okkar.
í pökkunum frá þeim leyndust iðu-
lega bækur og þá oft heimagerðar
því að afi batt inn bækur og vissi
vel hvar áhuginn hjá okkur
stelpunum lá.
Árið 1979 fluttu þau úr gamla
bænum í íbúð á Klausturhólum og
felldum við systur þá mörg tár,
en oft lágu leiðir að Klaustri og
það varð fljótlega mjög vinsælt hjá
okkur að koma við hjá afa og
ömmu eftir skóla. Þá stóð amma
oft við eldhúsgluggann til að gá
til mannaferða en afi sat í króknum
sínum og batt inn bækur en það
gerði hann meðan hann hafði
heilsu til. Okkur er minnisstætt
hvað þau ljómuðu alltaf þegar við
komum í heimsókn og hvað faðm-
lögin þeirra voru innileg. Ávallt
gat amma galdrað fram eitthvert
góðgæti þótt tímarnir væru aðrir,
í stað þess að skafa ofan í okkur
rófu lumaði hún nú á appelsíni og
dósinni sinni sem hringlaði í og
innihélt ýmislegt góðgæti. Þegar
tækifæri gafst var gaman að taka
lagið fyrir ömmu sem þurrkaði sér
þá um augun með horninu á sjalinu
sínu og hló um leið.
Um þetta leyti voru afi og amma
orðin mjög slæm til heilsunnar og •
komið að öðrum að veita þeim
umönnun. Árið 1991 fluttu afi og
amma á Heiðarbæ, heimili aldraðra
á Kirkjubæjarklaustri sem foreldr-
ar okkar ráku og áttum við því
kost á að taka þátt í umönnun
þeirra, þar sem við vorum oft í
vinnu þar á sumrin. Stuttu seinna
dó afi og var mjög þungbært að
kveðja hann en við hugsuðum sem
svo að við hefðum þó alltaf ömmu.
Nú er hún amma einnig farin og
ekkert eftir af þessum hluta æsku
okkar nema minningarnar. Við
teljum okkur heppnar að hafa
fengið að umgangast ykkur, við
höfum fengið gott faramesti í lífið
og reynum að nota það vel. Elsku
afi og amma, við vitum að þið eruð
saman á góðum stað, algóður Guð
geymi ykkur.
Eva Björk, Lilja Hrund
og Karítas Heiðbrá
Harðardætur frá Efri-Vík.
HLUTAVELTA
ÞESSIR krakkar héldu hlutaveltu nýlega og færðu þau Rauða
krossi íslands ágóðann sem varð kr. 9.442 krónur. I aftari röð:
Tinna, Guðrún Lilja, Vala og Þórdís og Hektor Már og Alexandra
Helga fyrir framan.
ÞESSAR níu ára gömlu stúlkur héldu hlutaveltu nýlega til styrkt-
ar átakinu Börnin heim og varð ágóðinn 4.576 krónur. Þær heita
Ingunn Valgerður Aðalsteinsdóttir og Ragnhildur Guðmundsdóttir.
HRtNGDU NUNA - AÐEÍNS 4 DAGAR TIL STEFNU!
Afmælishátíð
MFA og Tóm-
stundaskól-
ans til heið-
urs konum
TIL heiðurs konum nefnist af-
mælishátíð sem haldin verður
í Borgarleikhúsinu mánudag-
inn 21. nóvember kl. 20.30.
Að hátíðinni standa Menning-
ar- og fræðslusamband alþýðu
og Tómstundaskólinn.
Um þessar mundir eru 25
ár liðin frá stofnun MFA og
Tómstundaskólinn hefur starf-
að í 10 ár. Á síðasta starfsári
tóku rúmlega sex þúsund
manns þátt í fræðslustarfi á
vegum þessara fræðslustofn-
ana. Konur voru í miklum
meirihluta eins og undanfarin
ár. Af því tilefni er hátíðin til
heiðurs konum.
Fjölbreytt dagskrá verður á
afmælishátíðinni. Tveir leik-
hópar sem sýndu verk í Finn-
landi í sumar á Nordisk Forum
koma fram. Eru það leikhópur
BSRB og leikhópur kvenna í
ASÍ. Á hátíðinni gefst einstakt
tækifæri til að sjá leiktúlkun
kvennanna á jafnréttisbarátt-
unni. Jóhanna Sveinsdóttir les
úr nýrri ljóðabók sinni, Borgar-
dætur syngja og Guðrún María
Finnbogadóttir óperusöngkona
syngur við undirleik Iwona
Jagis. Guðrún María hlaut tón-
listaiverðlaun Ríkisútvarpsins
nýlega. Ingibjörg Sólrún Gísla-
dóttir borgarstjóri verður kynn-
ir og hátíðina setur Bergþóra
Ingólfsdóttir fræðslufulltrúi
MFA. Aðgangur er ókeypis.
NÝJAR AÐFERÐIR, HUGMYNDIR, VINNUBRÖGÐ 0G TÆKNI TIL AÐ NÝTA
BETUR VIÐSKIPTASAMBÖND, NÁ VIRKARI SAMSKIPTUM 0G AUKNUM ÁRANGRI
Hversu mikils virði er þér að auka velgengni þína í samskiptum við aðra, spara tíma
og ná skjótari árangri? Á þessari námstefnu munt þú kynnast þrautreyndum hugmyn-
dum sem eiga hver um sig eftir að gera þig árangursríkari, áhrifameiri og skilvirkari
í störfum þínum. Virkjun viðskiptasambanda snýst ekki aðeins um ávinning til skemm-
ri tíma litið, heldur getur sá árangur sem við það næst verið forsenda aukins starfs-
frama og hjálpað fyrirtækjum og einstaklingum til að skara framúr á sínu sviði.
í dag, sunnudaginn 20. nóvember er tekið við skráningum frá kl. 12:00 -18:00.
(91) 23344
Richard Endres, forstjóri
ráðagjafafyrirtækisins
The Washington Network
og fyrrv. aðstoðarviðskipta-
ráðherra Bandaríkjanna
Stjórnunðrfélag
íslands
Almennt verð - kr. 19.900 * Félagsverð SFÍ - kr. 17.900
Innifalið er: Sérstök mappa með námsgögnum og ítarefni,
tveir tölvudiskar með gögnum og forriti, léttur morgunverður,
hádegisverðarhlaðborð og síðdegiskaffi.
HQTEl LOFTLEiOUM. FIMMTUDAGiNN 24. N0VEMBER 1994 KL. 9-16
NAMSTEFNA MEÐ RICHARD ENDRES