Morgunblaðið - 06.04.1995, Side 30

30 FIMMTUDAGUR 6. APRÍL 1995
MORGUNBLAÐIÐ
LISTIR
Jóhannesar-
passían
sviðsett í
Langholts-
kirkju
KÓR Langholtskirkju mun flytja
Jóhannesarpassíuna eftir Johann
Sebastian Bach í þrígang um pásk-
ana en í verkinu er píslarsaga Jesú
Krists rakin leikrænt samkvæmt
Jóhannesarguðspjallinu. „Það er
gamall draumur minn að sviðsetja
þetta verk,“ segir Jón Stefánsson,
stjórnandi kórsins, og mælir því
ekki í mót að mikil spenna setji
svip á undirbúninginn. „Þetta er
mikil vinna en ákaflega skemmti-
legt.“
Verkið er tvær klukkustundir í
flutningi og segir Jón að kórinn
hafi þurft að læra það utan bókar
en yfírleitt séu passíur ekki sungn-
ar án nótna.
David Greenall sviðsetur verkið
og hefur að sögn Jóns lagt gjörva
hönd á plóg. Ballett fléttast inn í
verkið í tveimur aríum en að öðru
leyti segir Jón að sparlega verði
farið með hreyfíngar. Árni Bald-
vinsson annast lýsingu og gerir Jón
góðan róm að framlagi hans.
Búningar og sviðsmynd gegna
jafnframt stóru hlutverki í sýning-
unni en Hulda Kristín Magnúsdótt-
ir hefur haft veg og vanda af gerð
þeirra. „Hún er búin að vinna
kraftaverk og hefur tekist að
klæða áttatíu manns í búninga án
þess að það hafi kostað krónu.“
Sýningarnar verða á skírdag,
föstudaginn langa og laugardaginn
fyrir páska.
------------------
Söngnr að
norðan í Bú-
staðakirkju
SAMKÓRINN Björk úr Austur-
Húnavatnssýslu, Miklos Dalmay
og Bjarkarkvartettinn halda tón-
leika í Bústaðakirkju í Reykjavík,
föstudagskvöldið 7. apríl kl. 20.30.
Söngstjóri samskórsins er frú
Sólveig Einarsdóttir, undirleik
annast Miklos Dalmay á píanó og
Þórir Jóhannsson á harmoniku.
Undirleik fyrir Bjarkarkvartettinn
annast Guðmundur Hagalín Guð-
mundsson á harmoniku.
Söngskrá kórsins er fjölbreytt,
bæði íslensk og erlend lög, þjóðlög
og gamanlög.
Miklos Dalmay er ungverskur
píanóleikari sem kennir við tónlist-
arskóla Austur-Húnavatnssýslu,
hann leikur einleik í kvöld og ann-
ast undirleik hjá kórnum.
Bjarkarkvartettinn er karla-
kvartett, söngskráin er fyrst og
fremst létt sönglög og dægurlög,
sem falla vel að undirleik með
harmoniku.
».♦
Vísnakvöld í
Listaklúbbnum
VÍSNAVINIR efna til vísnakvölds
í Listaklúbbi Leikhúskjallarans
mánudagskvöldið 10. apríl næst-
komandi.
Á opnu vísnakvöldi gefst nýlið-
um á öllum aldri tækifæri til að
stíga á svið og sýna hvað í þeim
býr. Opin vísnakvöld hafa verið
haldin af og til á vegum Vísnavina.
Þeir sem hafa hug á að koma
fram á opna vísnakvöldinu í Leik-
húskjallaranum geta haft samband
við stjórn félagsins í Smárahvammi
1, Hafnarfirði.
HILMIR Snær og Baltasar Kormákur í hlutverkum sínum í Fávitanum.
Hver síðastur að sjá Fávitann
AÐEINS þrjár sýningar eru eftir
á leikritinu Fávitanum, sem sýnt
hefur verið á Stóra sviði Þjóð-
leikhússins frá jólum, í kvöld, 21.
og 27. apríl.
Fávitinn er byggður á sam-
nefndri sögu rússneska skáldsins
Fjodor Dostojevskí, þar sem
hann fjallar um kærleikann,
þjáninguna og tilfinningar brey-
skra manna af innsæi og mann-
skilningi.
Með helstu hlutverk fara Hilm-
ir Snær Guðnasoon, Tinna Gunn-
laugsdóttir, Baltasar Kormákur,
Steinunn Ólíria Þorsteinsdótir,
Helgi Skúlason, Helga Bach-
mann, Gunnar Eyjólfsson ofl.
Síðasta
sýning
á Framtíðar-
draugum
SÍÐASTA sýning á leikritinu
Framtíðardraugar eftir Þór
Tulinius, leikara og leikstjóra,
verður á morgun, föstudag.
Það er höfundurinn sem leik-
stýrir. Leikritið hefur verið
sýnt um 30 sinnum.
Síðasta sýningá Leynimel 13 -
50% afsláttur af miðaverði
Síðasta sýning á gamanleik-
ritinu Leynimel 13, eftir Emil
Thoroddsen, Harald Á. Sig-
urðsson og Indriða Waage,
verður á laugardaginn kemur.
Leynimelur 13 var frumsýndur
í september og hefur gengið í
allan vetur.
50% afsláttur af miðaverði
er í boði á þessa síðustu sýn-
ingu.
JÓHANNA Jónas og Ellert
A. Ingimundarson í Framtíð-
ardraugum, en síðasta sýning
er á morgun.
Hver vill ekki betra ísland? Betra Island felst ekki
í því einu að varðveita árangur gærdagsins, heldur
að sækja fram til nýrra sigra. Sigur fyrir Island
hefur alltaf kostað kjarkl
Betra Island krefst framtíðarsýnar. Betra Island
krefst kjarks til að fylgja eftir slíkri
framtíðarstefnu. Ungt fólk vill betri framtíð!