Morgunblaðið - 11.04.1995, Blaðsíða 18
18 ÞRIÐJUDAGUR 11. APRÍL 1995
MORGUNBLAÐIÐ
ERLEIMT
Sjálfsmorðsárásir Hamas og íslamska Jihad á Gaza-svæðinu
Arafat lætur handtaka
liðsmenn öfgasamtaka
Gaza, Kaíró. Reuter.
Reuter
EINN af landnemum gyðinga á Gaza sinnir hér særðum her-
manni sem var eitt fórnarlambanna í rútu á sunnudag er tilræð-
ismenn íslamska Jihad réðust á.
Dauði knattspyrnu-
áhugamanns
Þrír hand-
teknir
Birmingham. Reuter.
BRESKA lögreglan hefur handtek-
ið þtjá menn í tengslum við dauða
stuðningsmanns knattspymuliðsins
Crystal Palace í bænum Walsall í
Miðlöndum Bretlands á sunnudag.
Beið hann bana eftir átök stuðn-
ingsmanna Crystal Palace og Manc-
hester United skömmu fyrir leik.
Talsmaður lögreglunnar sagði,
að farið væri með dauðsfallið sem
um morð hefði verið að ræða. Mað-
urinn sem beið bana hét Paul Nixon
og var 35 ára. Lögreglan segist
hafa fengið vísbendingar um að
ráðist hefði verið á hann áður en
hann féll undir rútu og beið bana.
Til átaka kom eftir að rútur með
stuðningsmönnum beggja liða
höfðu viðkomu á sömu kránni í
Walsall. Brutust átökin út á bíla-
stæði kráarinnar.
„Þeir sem komu ólátunum af stað
voru í miklum minnihluta í hópnum,
kjarni snoðheimsks hóps sem var
ákveðinn í að stofna til ófriðar.
Þeir hefðu slegist við hvað sem er
eða hvern sem er. Allt sem þeir
þurftu var einhver afsökun til þess
að hefja,“ sagði John Plimmer, lög-
regluforingi.
Sjónarvottur sagði að stuðnings-
menn fótboltaliðanna hefðu gengið
berserksgang. Þeir hefðu rifið niður
múrsteinsvegg til þess að ná sér í
steina til þess að grýta.
LÖGREGLU SVEITIR sjálfs-
stjórnarsvæða Palestínumanna
handtóku í gær og á sunnudag um
150 herskáa stuðningsmenn öfga-
samtakanna Hamas og íslamska Ji-
had en hreyfíngarnar stóðu fyrir
sjálfsmorðsárásum á Gaza-svæðinu
á sunnudag er kostuðu sjö ísraela
lífið. Yasser Arafat, leiðtogi frelsis-
samtaka Palestínu, PLO, fordæmdi
árásirnar og sagði þær hryðjuverk
sem „óvinir friðarins“ hefðu framið.
Þrátt fyrir hryðjuverkin hófust
fundir samningamanna ísraela og
Palestínumanna í Kaíró í gær að
nýju, eins og stefnt hafði verið að.
Fulltrúi ísraela sagði að stjórn Ara-
fats yrði að grípa til harkalegri að-
gerða gegn hryðjuverkum. Israels-
stjórn hefur áður sagt að ella verði
ekki hægt að framfylgja ákvæðum
friðarsamninganna.
Lögreglumenn Palestínumanna
skiptust á skotum við nokkra Ham-
as-liða áður en þeir voru handtekn-
ir. „Ef það reynast vera meðai hinna
handteknu menn sem hafa átt aðild
að ofbeldi munu þeir verða leiddir
fyrir rétt að lokinni yfirheyrslu,“
sagði háttsettur embættismaður
PLO við fréttamann Reuters-frétta-
stofunnar.
Sérstakur, þriggja manna dóm-
stóll á sjálfsstjórnarsvæðunum
dæmdi í gær liðsmann Jihad í 15
ára fangelsi en það hefur ekki gerst
fyrr. Arafat setti réttinn á laggirnar
fyrir skömmu til að svara kröfum
ísraela og Bandaríkjamanna um að
reynt yrði að stöðva hermdarverkin.
Þótt stjórnvöld Palestínumanna
hafí handtekið öfgamenn úr röðum
áðurnefndra samtaka hefur þeim
ávallt verið sleppt án dóms, að því
er talið er af ótta við að egna hreyf-
ingarnar, sem beijast gegn samning-
unum við ísraela, til enn verri
óhæfuverka. Jihad-maðurinn, Samir
Ali al-Jedi, var m.a. sakaður um að
hafa þjálfað börn niður í 10 ára ald-
ur í skæruliðahernaði.
Alls búa um 4.000 landnemar
gyðinga á Gaza, flestir á afmörkuðu
svæði sem er varið herliði. Árásirnar
á sunnudag voru gerðar í afskekkt-
um landnemabyggðum, Kfar Darom
og Netzarim, með aðeins tveggja
stunda millibilil Einn af liðsmönnum
Jihad ók bíl, fuilum af sprengiefni,
inn í rútu með hermönnum og land-
nemum í grennd við fyrrnefnda stað-
inn og fórust þar sex manns, um
40 særðust, þar af nokkrir alvarlega.
Við Netzarim ók Hamas-maður
bíl með sprengiefni inn í lest ísrael-
skra herbíla og lét einn hermaður
lífið, nokkrir særðust. Að sögn Ham-
as höfðu hreyfingarnar tvær ekki
samráð um árásirnar. Hermenn
meinuðu í fyrstu fréttamönnum að-
gang að tilræðisstöðunum, tveir
sjónvarpsfréttamenn voru barðir við
Kfar Darom.
FERMIMGARGJOF
sem búið er að, alla ævi!
Sérstök
unglinganámskeið
í júní og ágúst
Sérverð fyrir
15 ára og yngri
á öllum
námskeiðum
Hringdu og
fáðu sendan
kynningarbækling
með verðskrá
Aðalumboð:
FERÐASKRIFSTOFA
•>4-8. ÍSLANDS
Skógarhlíð 18, sími 562 3300
Tadsíkístan
Harðir bar-
dagar á
landamærum
Dushanbe. Reuter.
MJÖG harðir bardagar hafa geisað
síðustu daga milli rússneskra her-
manna og uppreisnarmanna í Tad-
síkístan á landamærunum við Afg-
anistan. Hefur verið tölvert mann-
fall í liði Rússa en þeir segjast
eiga í höggi við „ofurefli liðs“.
Rússar og fleiri ríki í Samveldi
sjálfstæðra ríkja hafa tekið að sér
landamæragæslu í Tadsíkístan en
íslamskir uppreisnarmenn í hérað-
inu Gorno-Badakshan komu sér
upp bækistöðvum í Afganistan
eftir að þeir biðu ósigur í borgara-
stríðinu í landinu 1992. Gera þeir
árásir þaðan inn í héraðið. Síðustu
daga hefur verið barist um landa-
mærastöðina Dashti-Yazgulem,
sem er mjög afskekkt.
Rússar segja, að um sé að ræða
mjög vel skipulagðar aðgerðir af
hálfu uppreisnarmanna og sé til-
gangurinn sá að ná Pamír-hérað-
inu og sækja síðan þaðan inn í
mitt landið.
Reutór
Opinberir starfsmenn semja í Færeyjum
Fá 4% hækkun
Þórshöfn. Morgunblaðið.
FÆREYSKA landstjómin og full-
trúar opinberra starfsmanna undir-
rituðu nýjan kjarasamning á sunnu-
dag eftir 19 daga. verkfall. Laun
munu hækka um rúmlega 4% næstu
tvö árin en krafist var 8,5% hækk-
unar. 20 félög undirrituðu samning-
inn en ungir læknar höfnuðu hon-
um.
Undirritun tafðist á sunnudags-
kvöld vegna deilna við hjúkrunar-
fræðinga en lausn fannst loks á
þeim rétt fyrir miðnætti. Auk launa-
hækkana verður bætt við frídögum,
tveim á næsta ári og einum 1997.
Sérstakur sjóður fyrir fæðingaror-
Iof verður stofnaður.
Opinberar stofnanir hafa sparað
sér um 13 milljónir færeyskra króna
í verkfallinu vegna minni launa-
kostnaðar. Jóannes Eidesgaard
fjármálaráðherra segir að allur
spamaðurinn verði notaður til
launagreiðslna. „Nú á að spara,“
segir hann.
Gildandi samningur félags ungra
lækna rennur út 1. júní. Edmund
Joensen lögmaður sagði í samtali
við útvarp Færeyja að ungir læknar
fái ekki meiri hækkanir en aðrir.
Sársauki
í Sarajevo
SEXTÍU og fimm ára íbúi í
Sarajevo engist af sársauka með-
an læknar gera að sárum hans í
Sarajevo í gær. Leyniskyttur __
særðu hann og fullorðna konu. 1
fyrradag gerðu Bosníu-Serbar
sprengjuárás á borgina og biðu
a.m.k. þrír óbreyttir borgara
bana og fjöldi særðist. Fulltrúar
gæslusveita Sameinuðu þjóðanna
mótmæltu árásinni harðlega og
hugðust láta orrustuþotur NATO
uppræta víghreiður Serba en
þeir reyndust hafa komið sér
fyrir of nálægt íbúðarhúsum til
þess að sprengjum yrði varpað á
þá.