Morgunblaðið - 11.04.1995, Blaðsíða 39
MORGUNBLAÐIÐ
ÞRIÐJUDAGUR 11. APRÍL 1995 39
HREFNA
SIG URÐARDÓTTIR
+ HREFNA Sig-
urðardóttir
fæddist 2. júní 1916
á Vesturbraut í
Hafnarfirði. Hún
lést í Borgarspíta-
lanum 1. apríl sl.
og var jarðsungin
frá Bústaðakirkju
10. apríl sl.
MÉR verður stirt um
stef þegar draga á
fram minnispunkta um
hana Hrefnu móður-
systur mína sem fór í
sína hinstu för yfir
móðuna miklu laugar-
daginn 1. apríl. Það er þó ekki svo
að ekki sé af nógu að taka, þvert á
móti, í kringum þessa einstöku konu
geislaði allt af lífsfjöri. Það var þann-
ig að þegar fjölskylduboð voru heima
þá fannst okkur veislan aldrei vera
byijuð fyrr en Hrefna og Valli voru
komin, Valli búinn að koma sér
þægilega fyrir í hægindastól og far-
inn að segja gamansögur og hún
puntaði stundum upp á með innskot-
um sem ævinlega vöktu kátínu.
Hjónaband Hrefnu og Valla var
sérstakiega ástríkt og með þeim
mikið jafnræði. Enda uppskáru þau
iíka ríkulega, þau eignuðust sjö
mannvænleg börn sem draga dám
af foreldrum sínum og afkomenda-
hópurinn orðinn stór. Fráfall Valla
varð frænku minni mikið áfail og
mér fannst hún aldrei bera sitt barr
síðan. Síðustu mánuði átti hún við
mjög erfið veikindi að stríða.
Það sem hæst stendur í minning-
unni um hana móðursystur mína er
hversu mjög hún var frændrækin
og þess nutum við bræðurnir í ríkum
mæli. Það var alltaf mikill samgang-
ur á milli systranna og voru þær
ófáar ferðirnar okkar á Grundarstíg-
inn og smullum við þá alltaf eins
og tappi í flösku inn í systkinahópinn
því að eins og Valli sagði gjaman,
það munar ekkert um einn kepp í
sláturtíðinni. Það var enginn dans á
rósum að ala upp stóran barnahóp
á árunum undan og eftir stríð. Og
ekki fóru þau Valli varhluta af veik-
indum. Valli átti við veikindi að
stríða en sameiginlega tókst þeim
að komast í gegnum þær þrenging-
ar. Hrefna lærði kjólasaum og varð
meistari í þeirri iðn. Það nýttist þeim
vel með stóra barnahópinn þegar
ekki var of mikið um aurana. Ég
efa að betur klæddur barnahópur
hafi sést á barnaguðþjónustum í
Tjarnarbíói á sunnudögum. En fötin
saumaði hún oft upp úr flíkum sem
henni áskotnuðust og þá sást best
hvílíkur listamaður hún var. Við
bræðurnir nutum svo sannarlega
góðs af þessari kúnst hennar því að
marga flíkina saumaði hún á okkur.
Valli var lærður prentari og unnu
þau saman um árabil í ísafoldar-
prentsmiðju. Seinna starfaði hann
mikið við verslun og vann í mörg
ár hjá afa í Þorsteinsbúð, Snorra-
braut. Síðar rak hann verslun við
Framnesveg og við Laugarnesveg.
Hann var sérstaklega hlýr maður
og löðuðust að honum smáir og stór-
ir, oft átti hann eitthvað í pokahorn-
inu handa litlum munnum.
Seinni ár vann Hrefna hjá Rann-
sóknarstofnun Háskóla íslands en
Valli hjá Böðvari syni þeirra í heild-
versluninni Atlantik.
Þau höfðu það gott
íjárhagslega seinni
árin og uppskáru erfiði
sitt ríkulega því að
barnalán þeirra var
mikið.
Það var oft glatt á
hjalla og ekki verið að
gera sér reliu út af
hlutunum. Ég man
þegar Ásta Dóra fædd-
ist, þá var okkur sagt
að fara út og leika sto-
bolta meðan Hrefna ól
stúlkuna heima á
Grundarstígnum.
Seinna bjuggu þau í
Hafnarfirði í gamla Kaupfélagshús-
inu við Strandgötuna, þar bjuggu
þau uppi á lofti en á neðri hæðinni
var veiðarfæralager og ekki tókst
betur til en svo að það kviknaði í
húsinu og allt fylltist af reyk en þá
var Siggi Guðni nýfæddur. Hrefna
komst út um þakglugga á húsinu
með strákinn nokkurra daga gamlan
og þaðan var þeim bjargað.
Það grípur mann vissulega tregi
og eftirsjá þegar svo mikilhæfur og
góður vinur kveður en það læðist
að mér sá grunur að hún sé sáttari
núna komin til Valla í vina- og
frændhópinn sem farinn var á undan
yfir landamærin.
Hrefna var af Bollagarðaætt og
sór hún sig mjög í þann meið, glað-
vær, söngvin og hreinskiptin. Ég
kveð góðan vin með söknuði og guðs
blessun en allar góðu minningarnar
munu lifa. Ykkur frændsystkinum
mínum votta ég mína dýpstu samúð.
Megi minning hennar og Valla lifa
í hugum okkar allra.
Sigurður Björgvinsson.
Eitt bros getur dimmu í dagsljós breytt,
sem dropi breytir veig heillar skálar.
Þel getur snúist við atorð eitt.
Aðgát skal höfð í nærveru sálar.
(Einar Ben. úr Einræðum Starkaðar.)
Þessi orð komu upp í huga minn,
er ég frétti um andlát Hrefnu Sig-
urðardóttur. En það var einmitt
brosið hennar bjarta, hógværðin og
tillitsemin gagnvart öðrum, sem ein-
kenndu allt fas hennar.
Ég kynntist henni fyrir tæpum
20 árum, er ég fór að vinna hjá
Böðvari syni hennar. Þá vann hún
úti og ók um á amerískum bíl. Það
heyrði frekar til undantekninga að
konur á hennar aldri ynnu úti og
hvað þá að þær hefðu bílpróf. Val-
geir, eiginmaður Hrefnu, vann ein-
mitt á þeim tíma líka hjá syni sínum,
Böðvari. Urðu kynni okkar hin bestu
og varð mér snemma ljóst að þarna
fóru heiðurshjón, sem gaman og
lærdómsríkt var að umgangast.
Hrefna var falleg og glæsileg kona,
kvik í hreyfingum, ávailt snyrtileg
og vel til fara. Hún var sannkölluð
heimskona. Samband þeirra hjóna
var einstaklega elskulegt. Greinilegt
var, að þau báru takmarkalausa
virðingu hvort fyrir öðru. Einnig var
alltaf skammt í gamansemina og
spaugið hjá þeim og áttu þau oft til
að gera góðlátlegt grín að hvort
öðru. Þau voru bæði tvö einstaklega
barngóð. Þegar við komum með
dætur okkar í heimsókn til þeirra
voru þær aldrei settar til hliðar,
heldur komið fyrir í bestu sætunum,
+
Innilegar þakkir til allra þeirra, sem sýndu okkur samúð og hlýhug
við andlát og útför elskulegrar móður okkar, tengdamóður, ömmu
og langömmu,
MARÍU GUÐMUNDSDÓTTUR
frá Stóradal,
Byggðavegi 115,
Akureyri.
Sérstakar þakkir til starfsfólks fæðingar- og kvensjúkdómadeilar
Fjórðungssjúkrahússins á Akureyri fyrir góða umönnun ( veikind-
um hennar.
Guðrún Ingólfsdóttir, Ingi Jóhannesson,
Sóley Kristjánsdóttir,
barnabörn og barnabarnabörn.
MIIMIMINGAR
rætt við þær eins og þær væru full-
orðnar manneskjur og alltaf gaukað
einhverju að þeim. Þetta kunnu
börnin að meta og sóttust eftir sam-
veru við þau.
Við hjónin ásamt dætrum okkar
vorum með þeim nokkur haust á
Mailorka. Þar voru þau hrókur alls
fagnaðar einsog alltaf. Það var
óbrigðult þessi haust, þegar við
sáum glaða og káta íslendinga í
hópi saman, að Hrefna og Valgeir
væru á meðal þeirra. Margt var
skrafað og skeggrætt, mikið hlegið
og alltaf komið auga á broslegu hlið-
arnar á tilverunni.
Börnin voru sjö að tölu og stolt
þeirra beggja. Gaman var að sjá
svipinn á Hrefnu, þegar hún minnt-
ist á börnin sín. Og ekki voru tengda-
börnin síðri í hennar huga. Hún
sagðist ekki geta fullþakkað Guði
fyrir fjölskylduna, sem hann hefði
gefið sér. Hún sagði svo oft að fjöl-
skyldan væri það dýrmætasta sem
hún ætti. Minnist ég þess í verslun-
arferðum á Mallorka, þegar hún
sagði alltaf: „Ég þarf ekkert sjálf,
en ég verð að fá eitthvað til þess
að gleðja ungviðið í fjölskyldunni."
Þannig var hún, óeigingjörn og
hugsaði sífellt um aðra.
Það var mikið áfall fyrir Hrefnu,
þegar Valgeir féll skyndilega frá í
lok ársins 1989. Fóru erfiðir tímar
í hönd. Hrefna saknaði Valgeirs svo
sárt. En með hjálp fjölskyldunnar
tókst henni að sefa mestu sorgina
og öðlast sitt jákvæða lífsviðhorf og
bjartsýni á ný.
Það kom í ljós á síðasta ári, að
Hrefna gekk ekki heil til skógar.
Hún gekkst undir erfiða aðgerð í
haust, en það dugði ekki til og að
lokum varð hún að lúta í lægra haldi
fyrir illvígum sjúkdómi.
Við Friðrik og dæturnar þökkum
Hrefnu samfylgdina og vottum börn-
um, tengdabörnum og afkomendum
okkar dýpstu samúð. Megi hún hvíla
í friði.
Ólafía Sveinsdóttir.
a™..... ..............
HÖFUM SETT UPP FERMINGARGJAFAHORN.
ÞAR VEITUM VK) 40% AFSLÁTT AF SÉRVÖLDUM, GLÆSI-
LEGUM VÖRUM, SEM GÆTU HENTAÐ TIL FERMINGARGJAFA.
T.D. SKRIFBORÐ, SKATTHOL, SNYRTIBORÐ, STÓLA, SÓFA, BORÐ,
STÓRA VASA OG STYTTUR, KONUNGLEGT OG BING & GR0NDAL POSTULÍN,
KERTASTJAKA OG SILFUR.
ALLIR SEM KAUPA í GJAFAHORNINU FÁ STÓRT
PÁSKAEGG í KAUPBÆTI.
PÁSKALEIKUR
Á MORGUN, 12. APRÍL, FELUM VIÐ 5 EGG í VERSLUNINNI.
HEPPNIR FINNENDUR FÁ PÁSKAEGG AF STÆRSTU GERÐ
OG VEGLEGA PÁSKAHÆNU í VERÐLAUN.
antik
FAXAFENl 5, SÍMl 581-4400
... I ...
t
Innilegar þakkir til allra þeirra, sem
sýndu okkur samúð og vináttu við and-
lát og útför föður okkar, tengdaföður,
afa og langafa,
MAGNÚSAR JÓNSSONAR
leigubílstjóra,
Ljósheimum 6,
Kristfn L. Magnúsdóttir, Heiðar Guðmundsson,
Jón B. Magnússon, Sigrfður Þorvaldsdóttir,
Valur Magnússon, Bryndís Þráinsdóttir,
Tryggvi Magnússon, Jónfna Gunnlaugsdóttir,
barnabörn og barnabarnabörn.
ilcélaifiiárgisfcs!:!
handavinna
■ Ódýr saumanámskeið
Samvinna við Burda. Sparið og saumið
fötin sjálf. Mest 4 nemendur í hóp.
Faglærður kennari.
Uppl. hjá Sigríði Pétursd. í s. 17356.
tungumál
■ Enskunám í Englandi
Við bjóðum enskunám við einn virtasta
málaskóla Englands.
Skólinn sér þér fyrir fæði og húsnæði
hjá enskri fjölskyldu.
Um er að ræða:
Alhliða ensku, 18 ára og eldri, 2ja til
11 vikna annir.
Unglingaskóla, júlí og ágúst, 13-17 ára,
4ra vikna annir.
Viðskiptaensku, 2ja og 4ra vikna annir.
Allar nánari upplýsingar gefa:
Jóna María Júliusdóttir og
Helgi Þórsson, Núpasfðu 10F,
603 Akureyri, i síma 96-23625,
frá kl. 18.00.
. The Bell
Kafynr Ang|0 World
'Ca
■ Enskunám í Englandi
Góö reynsla, gott verð.
Undirbúningsnámskeið í boði.
Upplýsingar gefur Erla Ara-
dóttir, sími 565 0056.
ýmisiegt
■ Ættfræðinámskeið
Aldrei lægra verð. Úrval ættfræðibóka.
Ættfræðiþjónustan, Brautar-
holti 4, s. 27100 og 22275.
■ Vélritunarkennsla
Vélritun er undirstaða tölvuvinnslu.
Kennum blindskrift og uppsetningar.
Vélritunarskólinn, sími 28040.