Morgunblaðið - 19.04.1995, Qupperneq 23

MORGUNBLAÐIÐ
MIÐVIKUDAGUR 19. APRÍL 1995 23
LISTIR
Trúartónlist á dymbilvöku
IQNLISi
Víðistaðakirkja
EINSÖNGSTÓNLEIKAR
Þórunn Guðmundsdóttir, sópran-
söngkona, Kristinn Örn Kristins-
son, píanóleikari, Eydís Franzdótt-
ir, óbóleikari. Flutt voru söngverk
eftir Barber, Vaugham-Willams,
Jón Leifs og Brahms. Miðvikudag-
inn 12. apríl, 1995.
„TÓNLIST af trúarlegum toga“
var undirtitill tónleikanna og hó-
fust þeir á lagaflokknum Hermit
Songs eftir Samuel Barber. Text-
arnir eru taldir vera eftir írska
munka, þeir elstu frá 8. öld og sá
yngsti frá þeiri 13. Þessir textar
vitna sumir hverjir um mjög frum-
stæða trúariðkun, allt að því ósið-
samlega og má þar ef til vill finna
ástæðuna fyrir þörf margra kirkj-
unnar manna, að hreinrækta trúna
og hreinsa hana af veraldlegum
vandræðum mannanna.
Barber lærði söng og hélt m.a.
ljóðatónleika og þaðan er komin
sérstök tilfmning hans fyrir tón-
ferli söngraddarinnar, sem heyra
má í söngverkum hans. Hemit
Songs eru samdir á árunum
1952-53 og auk tilfinningar Bar-
bers fyrir samspili texta og tónferl-
is má og merkja, sérstaklega í
undirleiknum, nokkur áhrif frá
Stravinskí. Þórunn og Kristinn
fluttu þessa sérkennilegu söngva
mjög vel, en frægastur þeirra er
lagið um munkinn og köttinn hans,
Pangur, sem var afburða vel flutt.
Margir sagnfræðingar hafa
fjallað um það hversu mörg banda-
rísk og sérstaklega ensk tónskáld,
sem sömdu flest verk sín á fyrri
hluta aldarinnar, hafi átt erfitt
með að tileikna sér að fullu þær
Frönsk
flaututónlist
TÓNLEIKAR á vegum Tón-
listarskóla Hafnarfjarðar
verða haldnir á sumardaginn
fyrsta í nýju safnaðarheimili
Hafnarfjarðarkirkju kl. 17.
Um er að ræða tónleika í
tónleikaröð sem skólinn
gengst fyrir þar sem kennarar
og í sumum tilfellum gestir
halda tónleika til styrktar
efnilegum nemendum við
skójann.
A tónleikunum koma fram
tveir af kennurum skólans,
þær Petrea Óskarsdóttir
flautuleikari og Ingunn Hildur
Hauksdóttir píanóleikari. Á
efnisskránni eru eingöngu
verk eftir frönsk tónskáld,
samin á 20. öldinni. Sónata
fyrir flautu og píanó eftir
Francis Poulenc, sónatína fyr-
ir flautu og píanó eftir Darius
Milhaud og Fantaisie fyrir
flautu og píanó eftir Philippe
Gaubert.
Petrea og Ingunn hófu báð-
ar tónlistarnám við Tónlistar-
skóla Hafnarfjarðar. Petrea á
flautu hjá Gunnari Gunnars-
syni og Ingunn Hildur á píanó
hjá Kristínu Ólafsdóttur. Síð-
an lá leiðin í Tónlistarskólann
í Reykjavik. Petrea útskrifað-
ist þaðan með burtfararpróf
vorið 1989 og var Bernhard
Wilkinson kennari hennar.
Petrea hefur starfað s.I. tvö
ár sem kennari við Tónlistar-
skóla Hafnarfjarðar auk ann-
arra skóla.
Ingunn Hildur lauk píanó-
kennara- og einleikaraprófi
vorið 1993 og var Jónas Ingi-
mundarson aðalkennari henn-
ar. Hún hefur starfað síðan
sem kennari við Tónlistar-
skóla Hafnarfjaðrar og Tón-
skóla Eddu Borg.
Tónleikarnir standa yfir í
um hálfa klukkustund og er
aðgangur ókeypis og öllum
heimill meðan húsrúm leyfir.
nýjungar, er mótuðu tónmál flestra
tónskálda í Evrópu. Vaughan-Will-
iams er einn þeirra og eftir hann
fluttu Þórunn og Eydís tíu söngva
við kvæði eftir William Blake.
Þessir söngvar eru meðal síðustu
tónsmíða Vaughan-Williams,
samdir 1956, er tónskáldið var 84
ára. Margt er fallega gert í þessum
söngvum og var flutningurinn
ágætur og framfærður af öryggi,
þó meira hefði mátt fara fyrir leik-
rænni túlkun á andstæðum ljóð-
anna, eins t.d. í fjórum fyrstu lög-
unum, sem lýsa barnslegri gleði,
eitruðu hatri, flautandi skáldinu
og mannlífinu niður við Thames.
Þrjú kirkjulög eftir Jón Leifs,
voru næst á efnisskránni og voru
þessi söngverk Jóns frábærlega vel
flutt. Tónleikunum lauk með Fjór-
um alvarlegum söngvum, op. 121
eftir Brahms, sem eru síðustu tón-
smíðar meistarans og hafa algjöra
sérstöðu meðal verka hans, fyrir
sérkennilega tón og formskipan og
þykja auk þess vera persónuleg-
ustu tónsmíðar hans, eilítið harðar
og jafnvel svolítið sérviskulegar.
Flutningurinn á Brahms-lögunum
var nokkuð misjafn og þar helst,
að framburðurinn var mun óskýr-
ari en í ensk-amerísku lögunum.
Þórunn Gumundsdóttir er mjög
góð söngkona, sérlega tónviss og
mótar allar tónhendingar mjög
vel. Rödd hennar er góð og væri
eftirsóknarvert að heyra hversu
ágæt rödd hennar hljómaði í
söngverkum, þar sem tónflæðið
fyrir röddina er meira notað en í
nýrri gerð tónlistar. Hljómflæði
raddarinnar naut sín sérlega vel i
lögum Jóns Leifs, og ber þar helst
að nefna Upp, upp míns sál.
Kristinn Orn Kristinsson lék
mjög vel og átti sérlega skemmti-
legan leik í Brahms. Samleikur
Eydísar Franzdóttur og Þórunnar
í Blake-söngvunum var mjög fal-
lega útfærður. í heild voru þetta
mjög góðir tónleikar, enda á ferð-
inni frábærlega vel kunnandi lista-
menn.
Jón Ásgeirsson