Morgunblaðið - 15.07.1995, Blaðsíða 13

MORGUNBLAÐIÐ
LAUG ARDAGUR 15.JÚLÍ1995 13
VIÐSKIPTI
Emerald Air leigir
rússneska vél
EMERALD Air tók í gær á
leigu rússneska flugvél og
komu fyrstu farþegarnir með
henni til landsins í gær. Að
sögn Kristins Sigtryggsson-
ar, framkvæmdastjóra Emer-
ald Air, er hér aðeins um
þessa einu ferð að ræða og
mun vélin ekki verða notuð
frekar. Hann segir þetta vera
nýja vél af gerðinni Jak-42,
sem hafi staðist allar örygg-
iskröfur í Bretlandi, sem séu
með þeim ströngustu í
heiminum í dag og, hann hafi
ekkert nema gott eitt um
þessa vél að segja.
Kristinn segir að Emerald
Air hafi ekki enn fengið
fullgilt flugrekstrarleyfi í
Bretlandi. Ástæðuna segir
hann vera þá að félagið hafi
fram til þessa notast við
leiguvélar frá öðrum flugfé-
lögum. Hins vegar sé nú ver-
ið að þjálfa áhöfn á Boeing
737-200 vél sem félagið hafi
tekið á leigu og öll leyfi verði
í fullkomnu lagi þegar að
vélin verður tekin í gagnið.
Hann segir að gert sé ráð
fyrir því að Emerald taki
vélina í notkun í lok næstu
viku.
Flugleiða-
bréf hækka
MIKIL viðskipti voru á Verð-
bréfaþingi íslands í gær með
hlutabréf í Flugleiðum. Námu
viðskiptin rúmum 26 milljónum
króna.
Lokaverð Flugleiðabréfa á
Verðbréfaþinginu þriðjudaginn
11. júlí var 2,03. Lokaverð í
gær var hins vegar 2,14 og
nemur hækkunin á þessum
þremur dögum því 5,41%.
Heimildamenn blaðsins á
verðbréfamarkaði telja að
ástæður fyrir þessari hækkun
og miklum viðskiptum megi
rekja til frétta um fjölgun far-
þega hjá Flugleiðum. í þeim var
meðal annars greint frá því að
farþegum í innanlands- og milli-
landaflugi hefði fjölgað um
10-12% á fyrri helmingi ársins,
miðað við sama tíma í fyrra.
Krefjast gjald-
þrotaskipta AB
LÍFEYRISSJÓÐUR verslunarmanna
og Nýheiji hf. hafa krafist þess fyr-
ir Héraðsdómi Reykjavíkur að Al-
menna bókafélagið hf. verði tekið til
gjaldþrotaskipta.
Fyrir liggur árangurslaust
flárnám hjá fyrirtækinu. Gjaldþrota-
beiðnin var tekin til úrskurðar hjá
Héraðsdómi Reykjavíkur á miðviku-
dag en uppkvaðningu úrskurðarins
var frestað.
Friðrik Friðriksson, framkvæmda-
stjóri Almenna bókafélagsins, sagði
í samtali við Morgunblaðið, að unnið
væri að því að bjarga félaginu frá
gjaldþroti. Reynt yrði að fá beiðni
um gjaldþrot afturkallaða á næstu
tveimur vikum eða áður en málið
yrði tekið fyrir hjá Héraðsdómi í
bytjun ágúst. Þá þyrfti að grípa til
frekari ráðstafana á næstu tveimur
vikum til að halda félaginu í rekstri.
„Það er fátt um góða kosti en við
erum að fara yfir stöðuna og meta
hvað við getum best gert.“
Umsvif félagsins hafa verið mjög
lítil undanfarið ár og eru starfsmenn
þess nú einungis fjórir talsins.
Nýjar vörur Sólar úr
mjólkurafurðum
SÓL hf. hefur ákveðið að ganga að
tilboði Osta- og smjörsölunnar um
kaup á smjöri, undanrennudufti og
mjólkurdufti vegna framleiðslu á
nýjum vörum úr þessum hráefnum.
Fyrirtækið hyggst hefja framleiðslu
á nýju viðbiti úr smjörfitu en hingað
til hefur það eingöngu framleitt við-
bitin Léttu og Sólblóma úr jurtaol-
íum. Einnig barst tilboð frá Mjólkur-
samsölunni um sölu á ijóma til fram-
leiðslu á viðbiti en það reyndist óhag-
kvæmt fyrir fyrirtækið, samkvæmt
upplýsingum Morgunblaðsins.
Sól hefur sömuleiðis á pijónunum
að heija framleiðslu á kókódrykk þar
sem notuð verður mjólkurfita.
Fyrirtæki í mjólkuriðnaði fram-
leiða vörur í beinni samkeppni við
Sól auk framleiðslu á vörum úr
mjólkurfitu. Fyrirtækið hefur því átt
á brattan að sækja á markaðnum
sem felst í því það hefur ekki getað
boðið allar sömu vörur. Er hinum
nýju vörum ætlað að bæta úr þessu
og styrkja samkeppnistöðu Sólar.
8.2% Svm an atvmnu
Stokkhólmi. Reuter.
ATVINNULEYSI í Svíþjóð jókst í
8,2% í júní úr 6,8% í maí, en var
8,5% í júní í fyrra samkvæmt opin-
berum upplýsingum.
í júní voru 363.000 Svíar án
atvinnu, í maí 292.000 og í júní í
fyrra 375,000
Samkvæmt könnun Reuters
gerðu hagfræðingar ráð fyrir 7,6%
atvinnuleysi i júní.
Hrávara
Utflutningur á kaffi
skertur um 16%
London. Reuter.
REYNA mun á samkomulag Brasilíu
og annarra kaffiframleiðslulanda um
að draga úr útflutningi og þrýsta
upp verð í næstu viku og efazt er
um að það sé framkvæmanlegt.
Framreiknað verð á kaffibaunum
hefur lækkað að undanförnu í um
2.000 dollara tonnið, sem er um
helmingi lægra verð en fyrir 10
mánuðum, enda er ekki búizt við
frostskemmdum í Brasilíu í ár.
Verðið hækkaði i um 2.500 tonn
í vikunni vegna samkomulags um
að draga úr útflutningi um 16%.
Frekari hækkanir geta farið eftir því
hvort kaupendur sannfærast um að
Brasilía, Kólombía og önnur fram-
leiðsluríki hafa einurð í sér að fram-
fýlgja samningnum.
Gullverðið komst ekki yfir 390
dollara únsan, hvað þá 400 dollara,
sem hefur verið erfíður þröskuldur.
Hveiti treysti hins vegar stöðu sína
vegna uggs um dvínandi birgðir í
heiminum 1995/96. Bandaríska
landbúnaðarráðuneytið spáir því að
birgðir muni minnka í 107.07 millj-
ónir tonna, en hafði áður spáð birgð-
um upp á 112.65 milljónir.
Kakó hélt áfram að lækka í verði
og það hefur ekki verið lægra í 14
mánuði. Verð á olíu lækkaði í 15,80
dollara tunnan og hefur ekki verið
lægra á þessu ári. Birgðir virðast
nægar og eftirspurn eftir benzíni
virðist minnka í Bandaríkjunum.
.Verð kopars fór yfír 3.000 dollara
tonnið í London. Það hjálpaði áli, sem
hækkaði í 1.915 dollara tonnið á
miðvikudag, hæsta verð í þijá mán-
uði.
Staða málma kann að styrkjast
ef lægri vextir í Bandaríkjunum og
Japan leiða til aukinna umsvifa, en
síðasta hækkunin á málmverðinu
varð að engu undir lok vikunnar.
Franskt álfyrirtæki
einkavætt á næstunni
París. Reuter.
FRANSKA stjórnin, sem nýlega seldi
stálfyrirtækið Usinor Sacilor, kann
að einkavæða álfyrirtækið Pechiney
í júlílok samkvæmt áreiðanlegum
heimildum.
Einkavæðingin kann að hefjast
eftir að stjórnin birtir skrá um vænt-
anlegar einkavæðingar í næstu viku.
Auk Pechiney stendur til að einka-
væða Renault og skipafélagið CGM.
Jean-Pierre Rodier stjómarfor-
maður áætlaði í júní að ríkið gæti
hagnazt um átta milljarða franka
af einkavæðingu Pechiney. Fyrir-
tækið þarf einnig fjármagnsaukn-
ingu upp á þrjá milljarða franka
meðan einkavæðingin fer fram eða
að henni lokinni. Hagnaður franska
ríkisins af sölu Usinor Sacilor nam
rúmlega 17 milljörðum franka. Alls
hyggst stjórnin hagnast um 40 millj-
arða franka af einkavæðingu 1995.
Pechiney hefur hug á að njóta
góðs af hækkuðu verði á áli og hef-
ur reynt að fá einkavæðingarsölunni
flýtt. Fyrirtækið bendir á að vel-
gengni í álgeiranum kunni að ná
hámarki fyrir árslok 1996.
Til þess að búa sig undir einka-
væðingu tilkynnti Pechiney í apríl
að fyrirtækið hygðist selja 10 millj-
arða franka eignir á tveimur árum.
Pechiney tapaði 3.753 milljörðum
dollara 1994, en býst við bættum
hag á fyrri árshelmingi 1995 vegna
góðrar afkomu áldeildarinnar.
ANTIK
TVEIR GÁMAR Á LEIÐINNI
T.d. mikið af sófaborðum, kommóðum og eldhússtólum.
Einnig bókaskápar, sófar, kóngastólar, speglar, klukkur,
borðstofusett, stök borðstofuborð, skápar, ljósakrónur,
koparstyttur, postulín, listmunir og handhnýtt persknesk teppi.
VÆNTANLEGT UM 20. JÚLÍ
Þess vegna rýmum við til og bjóðum allt að
70% AFSLÁTT
af þeim vörum, sem eru í versluninni.
OPIÐ UM HELGINA KL. 12 TIL 16.
Næsta antik-uppboð verður með haustinu.

BÖRG
antik
FAXAFENI 5,
SÍMI 581 4400

&
&