Morgunblaðið - 03.11.1995, Blaðsíða 2
2 FÖSTUDAGUR 3. NÓVEMBER 1995
MORGUNBLAÐIÐ
FRETTIR
Sex mánaða stúlka frá Eskifirði haldin sjaldgæfum hjartagalla
Morgunblaðið/Kristinn
MARÍN litla Hafsteinsdóttir var fjögurra mánaða gömul þegar hjartagallinn uppgötvaðist. Móðir
hennar, Anna Óðinsdóttir, segir lífslíkur barnsins við hjartaaðgerð vera 70%.
„ Aðgerðin er hennar
eina lífsvonu
„AÐGERÐIN er hennar eina lífs-
von,“ segir Anna Óðinsdóttir
móðir sex mánaða stúlku, Marín-
ar, sem þjáist af afar sjaldgæfum
hjartagalla og á að gangast und-
ir aðgerð hans vegna í næstu
viku. „Lífslíkur hennar eru 70%
þannig að það getur brugðið til
beggja vona. Annaðhvort verða
jólin hjá okkur eins hörmuleg og
hugsast getur eða mjög gleðileg.
En við höfum ekkert val, þetta
verður að gera.“
í Marín vantar slagæðina frá
hægra hjartahólfi og opið er á
milli hjartahólfa. Barnið hefur
þróað litla anga úr ósæð til að
flytja blóð til lungna, að sögn
Önnu, þannig að hún fær ein-
göngu blandað blóð.
Gríðarlegt áfall
„ Við urðum fyrir gríðarlegu
áfalli þegar Marín greindist með
þennan sjúkdóm og eðlilega ver-
ið miður okkar síðan. Þessi tími
hefur einkennst af kvíða og
streitu, um leið og allt gerist svo
hratt að við erum varla búin að
átta okkur á því sem hefur
gerst,“ segir Anna.
„Hróðmar Helgason hjarta-
læknir sagði við okkur að eitt
barn af hverjum sjötíu þúsund
sem fæðast með hjartagalla þjá-
ist af sama kvilla, þannig að þetta
er nyög sjaldgæft þó að það sé
ekki óþekkt. Sjálfur sagðist hann
aldrei hafa séð galla sem þennan
áður á öllum sinum ferli,“ segir
Hafsteinn Hinriksson, faðir Mar-
ínar. Þau halda til Boston í
Bandaríkjunum á sunnudag en
aðgerðin verður framkvæmd á
miðvikudag á Children Hospital
þar í borg.
Marín var orðin fjögurra mán-
aða gömul þegar hjartagallinn
uppgötvaðist við hefðbundið
ungbarnaeftirlit, en fjölskyldan
er frá Eskifirði. Ekki vissu menn
þó umsvifalaust hvað hrjáði hana
og var hún því send ásamt móður
sinni til Akureyrar þar sem hún
gekkst undir skoðun.
„ Að lokinni skoðun var ég send
með næsta flugi suður til Reykja-
víkur þar sem Hróðmar kvað upp
úr með hvað væri að. Mér brá
svo grfðarlega, að það eina sem
ég gat stunið upp var; hvemig
liflr bamið? Af hveiju er hún
ekki þegar dáin? Hann skýrði
fyrir mér að það sé lán í óláni
að opið á milli hjartahólfanna sé
til staðar, því þá myndast gegn-
umstreymi blóðs, sem væri ann-
ars ekki til staðar vegna skorts-
ins á slagæðinni. En því eldri sem
hún verður og kraftmeiri því
erfiðara verður líf hennar án
aðgerðar. Hróðmar sagði að ein-
göngu frábær læknir gæti lag-
fært þennan galla og fyrir um
mánuði var hann búinn að finna
einn slíkan í Boston. En við viss-
um hins vegar ekki fyrr en á
þriðjudag að við myndum halda
til Bandaríkjanna, þ.e. við feng-
um fimm daga frest,“ segir Anna,
Syngur í fyrsta skipti í 13 ár
Hún segir að seinustu tveir
mánuðir hefðu reynst mun erfið-
ari en ella ef ekki væri búið að
stofna samtök aðstandenda
barna sem þjást af hjartagöllum.
„Þau hafa veitt okkur ómetan-
lega aðstoð, meðal annars sýnt
okkur myndir til að undirbúa
okkur fyrir aðgerðina. Fyrir ut-
anaðkomandi er ekki hægt að
ímynda sér hvers konar áfall það
er að koma að börnum sínum
eftir jafnviðamikla aðgerð og
þessa,“ segir Anna. Fari allt að
óskum þarf fjölskyldan aðeins
að dvelja þijár vikur ytra í þetta
skipti, en bregði eitthvað út af
gæti dvöl hennar lengst til muna.
Eins og gefur áð skilja er ákaf-
lega dýrt að bera kostnað af
aðgerð sem þessari, en Anna og
Hafsteinn vinna almenn verka-
mannastörf, hann í Fiskimjöls-
verksmiðjunni á Eskifirði en hún
m.a. við síldarsöltun og fisk-
vinnslu. Þau eiga fyrir tvö börn.
Vinir þeirra og ættingjar gripu
til þess ráðs að stofna söfnunar-
reikning þeim til aðstoðar og
kann fjölskyldan þeim miklar
þakkir fyrir hlýhug og stuðning.
Meðal annars hefur Aðalsteinn
Jónsson, útgerðarmaður og eig-
andi Fiskimjölsverksmiðjunnar,
ákveðið að Hafsteinn tapi ekki
launum sínum meðan á förinni
stendur. Faðir Önnu, Óðinn
Valdimarsson söngvari, hefur
einnig ákveðið að syngja í fyrsta
skipti opinberlega í þrettán ár
og kemur fram á skemmtidag-
skrá á Hótel Valaskjálf á Egils-
stöðum í kvöld til styrktar Mar-
in. Allir þeir sem þar koma fram
gefa vinnu sína og kveðst Óðinn
vona að sem flestir geti séð sér
fært aðveita þessu málefni lið-
sinni. „Ég hef ekki einu sinni
sungið fyrir sjálfan mig allan
þennan tíma, en nú er raunveru-
leg þörf á að láta í sér heyra,“
segir Óðinn.
Fleiri aðgerðir fyrirsjáanlegar
Marín litla mun þurfa að gang-
ast undir fleiri aðgerðir síðar á
lífsleiðinni vegna hjartagallans,
gangi allt eins og best verður á
kosið nú, eða þar til hún verður
fullvaxta. Númerið á styrktar-
reikningi Marínar er 7477 í
Landsbankanum á Eskifirði.
Lögreglan
á ellefu-
sýningar
LÖGREGLAN í Reykjavík fer
á næstunni í kvikmyndahús að
fylgjast með því hvort böm 15
ára og yngri fái aðgang að ell-
efu-sýningum kvikmyndahúsa,
jafnvei þótt þær séu bannaðar
yngri en 16 ára.
Að sögn Ómars Smára Ár-
mannssonar aðstoðaryfirlög-
regluþjóns hefur oft komið fyrir
að unglingar sem höfð eru af-
skipti af í miðbænum vegna
brots á reglum um útivistartíma
segist hafa verið að koma af
ellefu-sýningum.
Ómar Smári segir að auk
þess sem aðgangur yngri en
16 ára á ellefu-sýningar stang-
ist á við útivistartímann séu
kvikmyndir á ellefu-sýningum
oft bannaðar börnum yngri en
16 ára, samkvæmt lögum um
eftirlit kvikmynda og bann við
sýningu ofbeldiskvikmynda.
Það sé algjört bann við því að
böm yngri en 16 ára sjái kvik-
myndir með slíku banni, hvort
sem viðkomandi sé einn á ferð
eða i fylgd með fullorðnum. Það
væri á ábyrgð forstöðumanna
kvikmyndahúsanna að fram-
fylgja þessum reglum.
Borgarstjóm
Dagskrá
tæmd eftir
sex mínútur
DAGSKRÁ fundar borgar-
stjómar í gær var tæmd eftir
sex mínútur. Átta mfnútur tók
að ganga frá fundargerðinni og
því var fundi slitið eftir fjórtán
mínútur. Enginn tók til máls
annar en forseti borgarstjórnar,
sem taldi upp dagskrárliði, sem
vom fundargerðir nefnda, ráða
og stjóma borgarinnar.
„Engar formlegar tillögur
lágu fyrir fundinum og engin
ágreiningsmál úr borgarráði
þannig að fundurinn gaf ekki
tilefni til þess að verða mjög
langur," sagði Gunnar Eydal,
skrifstofustjóri borgarstjómar.
Hann sagði stysta fundinn lík-
lega hafa verið fyrir um áratug.
Sá hafi tekið þijár mínútur enda
verið haldinn 2. janúar og fólk
því ennþá í hátíðarskapi.
Taska
greiddi
atkvæði
HANDTASKA greiddi í gær
atkvaeði gegn því að frumvarp
um þingfararkaup og þingfar-
arkostnað yrði tekið tii 3. um-
ræðu á Alþingi.
Yfirleitt er það samþykkt
mótatkvæðalaust í þingsal Al-
þingis að vísa lagafrumvörpuin
til síðari umræðna, hvað svo
sem þingmönnum kann að
finnast um efni þeirra. Því ráku
menn upp stór augu í gær þeg-
ar rautt ljós birtist innan um
grænu ljósin á Ijósatöflunum í
þingsalnum sem sýnir hvernig
þingmenn greiða atkvæði.
Við nánari athugun kom í
ljós að enginn sat í sætinu sem
rauða ljósið vísaði til, heldur
átti handtaska Guðrúnar
Helgadóttur, varaþingmanns
Alþýðubandalagsins, sökina.
Hafði taskan rekist í atkvæða-
hnappinn sem greiðir nei-
atkvæði. Guðrún sjálf greiddi
hins vegar atkvæði gegn frum-
varpinu þegar það var borið
undir atkvæði.
Framkvæmdastj óri YSÍ um vilja ASÍ til endurskoðunar á kjarasamningum
Ekki efni til að stofna
til samningafunda
FORYSTA ASI hefur óskað eftir fundi við for-
ystumenn VSÍ og stjórnvalda eftir helgi um
endurskoðun á gildandi kjarasamningum. Þórar-
inn V. Þórarinsson, framkvæmdastjóri VSÍ, seg-
ir að VSÍ sé reiðubúið til viðræðna við verkalýðs-
hreyfinguna en ekki sé efni til þess að stofna
til samningafunda núna.
Formenn landssambanda ASÍ funduðu í gær
og var meginniðurstaðan sú að leita eftir viðræð-
um sem fyrst, hvort sem kjarasamningum yrði
sagt upp eða ekki.
Benedikt Davíðsson, formaður ASÍ, sagði að
samþykktir hefðu verið að berast mjög víða að,
m.a. frá þingi Verkamannasambandsins, þar sem
launanefnd ASÍ er hvött til þess að segja upp
samningum og ganga eftir kjarabótum. „Aðal-
atriðið núna er að leita eftir leiðréttingu á launa-
kjörunum hvort sem samningum verður sagt upp
með lögmætum eða ólögmætum hætti. Það er
ætlun okkar að leita formlega eftir viðræðum
við gagnaðila og stjórnvöld strax eftir helgina
og ætlunin er að ljúka þessu á starfstíma launa-
nefndarinnar sem er fram að næstu mánaðamót-
um,“ sagði Benedikt. 'i< >■
Aðalatriðið að auka kaupmátt launa
Benedikt segir að sambandsstjórn Alþýðusam-
bandsins komi saman 25. nóvember nk. og
árangur af hugsanlegum viðræðum verði að
liggja fyrir þá. „Ég vil ekki segja til um það
núna hvort samningum verði sagt upp strax ef
viðræður komast ekki á skrið en mjög margar
samþykktir frá ýmsum félögum og samböndum
hníga í þá veru,“ sagði Benedikt.
Hann sagði að kröfugerð lægi ekki fyrir enn-
þá en aðalatriðið væri ekki launahækkanir í
krónum, fremur aukinn kaupmáttur launa. „Þar
mætti m.a. nefna verð á ýmsum nauðsynjum,
svo sem orku, húsnæði og mat sem nýst gæti
til að auka kaupmáttinn án þess að verðbólga
ykist og gæti skipt eins miklu eða meira máli
en beinar launahækkanir."
Þórarinn V. Þórarinsson sagði að það lægi
fyrir í samningum að sameiginleg launanefnd
ÁSÍ og VSÍ ætti að taka upp viðræður.
„Við erum auðvitað reiðubúnir til þeirra við-
ræðna. Eins og málið blasir við okkur hafa for-
sendur samninga staðist og þróunin orðið áþekk
því sem við væntum af samningunum. Við teljum
að báðir aðilar hafí verið að uppskera í þeim
efnum í auknum störfum og útflutningi. Við
erum að leggja grunn að meiri kjarabótum síðar
á þessu samningstímabili. Við erum reiðubúnir
til viðræðna við verkalýðshreyfinguna á þeim
vettvangi sem samningsbundinn er en það er
ekki efni til þess að stofna til samninganefnda
núna. Það gerist ekki fyrr en samningurinn er
útrunninn," sagði Þórarinn.
■ Greinargerð VSÍ/10-ll