Morgunblaðið - 17.11.1995, Blaðsíða 22
MORGUNBLAÐIÐ
}-*<» jonrdnnirav'V/rrn'mi.riTn.-V!
22 FÖSTUDAGUR 17. NÓVEMBER 1995
IÐNSKÓLINN f REYKJAVÍK
Innritab verbur á vorönn 1996
mánud. 20. til fimmtud. 23. nóvember
kl. 15.00 til 18.00.
✓ -—
Itarleg auglýsing birtist í blaöinu á sunnudag.
KAUPMENN - INNKAUPASTJÓRAR
Umbúbapappír
og jólapappír
Stórkostlega fallegt og fjölbreytt úrval
í mörgum breiddum og lengdum
á frábæru verði.
Höfum einnig á lager glæsilegt
vgSŒgill Guttormsson-Fjölval hf.
Mörkin 1 • 108 Reykjavík • Símar: 581 2788 og 568 8650 • Fax: 553 5821
FYRIR AOI
SÍÐUMÚLA 34 (Fellsmúlamegin) • SÍMI 588 7332
OPIÐ: MÁNUD. - FÖSTUD. 9-18 • LAUGARDAG 10-16
Baðkar
Stærð 170x70 cm.
t
aveyy
^ 34x45 cm.
WC
í vegg eða gólf---
með vandaðri |
harðri setu
í sama lit.
1
“S2s
-
%
__________LISTIR______
Umritanir og fleira
TÓNLIST
Áskirkja
KAMMERTÓNLEIKAR
Flytjendur; Osmo Vanska, Sigurður
I. Snorrason, Þorkell Jóelsson,
Svanhvít Friðriksdótir, Brjánn
Ingason og Darren Stonham. Mið-
vikudagur 15. nóvember.
S.I.S. - skammstafað í efnis-
skrá og ég geri ráð fyrir að sé
Sigurður I. Snorrason - tók sam-
an heimildir um efnisskrá tónleik-
anna í kvöld og fróðlegast og
kannski vinsælast væri að birta
hér samantekt S.I.S. í stað ein-
hvers konar gagnrýni, en ekki er
víst ætlast til þess, en ég leyfi"
mér að vjtna í samantektina.
Fyrsta verk kvöldsins var Sext-
ett í Es-dúr K.V. 375, verk sem
Mozart samdi á Teresíu-daginn,
sem er 15. nóvember, og sjálfsagt
hefur tónleikadagurinn nú eihmitt
verið valinn með hliðsjón af fæð-
ingardegi Sextettsins. Svo vitnað
sé í efnisskrána segist Mozart
hafa skrifað verkið svolítið skyn-
samlega vegna einhvers H.V.
Stracks, sem hann átti von á að
heyrði verkið og vildi sýna.svolít-
ið skynsamlega skrifað verk. Hér
var Sextettinn fluttur í sinni upp-
haflegu mynd, en síðar umritaði
Mozart verkið fyrir átta hijóð-
færaleikara. Strax á fyrstu tökt-
um verksins var áberandi fallegur
hljómur og um leið gott jafnvægi
og fallegt veikt spil sem til kom
af því að Osmo, sem spilaði 1.
klarinett, leyfði sér að spila mjög
veikt á klarinettið sitt. Osmo
Vánska hefur áður sýnt hér að
hann er feiknagóður klarinettisti
og sem hljómsveitarstjóri mótaði
hann eðlilega mjög flutningsmáta
hópsins.
Nauðsynlegt er góðum hljóm-
sveitarstjóra að vera um leið góð-
ur hljóðfæraleikari, ef hann hefði
ekki verið alinn upp sem slíkur
hvernig á hann þá að geta leið-
beint öðrum hljóðfæraleikurum?
Á sama hátt er erfitt að skilja
þær yfirlýsingar, að tónskáld geti
skrifað lífvænlega músik án þess
sjálf að geta spilað á nokkurt
hljóðfæri af viti. Grunnurinn að
hvoru tveggja hlýtur að vera góð-
ur hljóðfæraleikur, það sannar
leikur Osmos, svo skylt er skegg-
ið hökunni. Skemmst er frá því
að segja að Sextettinn var mjög
fallega músiseraður frá upphafi
til enda. Að vísu var fyrri Menu-
ettinn dálítið hægur, hefði fengið
upplyftingu við örlítið hraðara
tempó; Adagio-ið fékk fallegt le-
gato-spil og síðasti þátturinn var
sprúðlandi, og í fyrsta þættinum
velti maður fyrir sér hvort Verdi
hafi samið fræga óperuaríu upp
úr tema fyrsta þáttarins, því tæp-
lega hefur Mozart stolið hug-
myndinni frá Verdi. Hér kom og
nýr hornleikari til sögunnar,
Svanhvít Friðriksdóttir, og féll vel
inn í hópinn, áberandi var hvað
tónmyndun og tónn hennar og
Þorkels náðu vel saman.
Osmo, Sigurður og Bijánn léku
umritanir á aríum úr Figaro og
Don Giovanni, umritanir sem að
öllum líkindum koma ekki frá
hendi Mozarts sjálfs. Aríurnar
léku þeir þremenningar fallega
en nokkuð varfærnislega og með
því hraðavali sem venjulegast
heyrist í óperunum. Spurningin
er hvort ekki hefði fyrir hreinan
hljóðfæraleik mátt hnika hraðav-
alinu örlítið til, þ.e. umrita einnig
tempóin örlítið? Sextett Beet-
hovens op 71 fyrir 2 klarinett,
(klarinettur í efnisskrá) 2 horn
og 2 fagott „er samsettur úr eldri
verkum mínum og þess utan skrif-
aður á einni nóttu. Það er fátt
annað um þetta að segja, nema
að þetta er eftir höfund sem hef-
ur látið betra frá sér fara þótt
sumum líki svona verk best“.
Þetta er haft eftir Beethoven sjáf-
um og spurning er hvort taka á
manninn alvarlega, því flest tón-
skáld teldu sig fullsæmda af slíku
verki. Hér reynir víða mjög á
hljóðfæraleikarana og sjaldan
kom fyrir að út dytti nóta.
Kannski er annar þátturinn,
Adagio-ið, vandasamast í spili,
að leiða fleygröddunina fallega
fram í dagsljósið og Rondóið í
lokin spiluðu þau briljant.
Þetta voru tónleikar sem fylla
hefðu átt kirkjuna og rúmlega
það, en sú var því miður ekki
reyndin og maður veltir fyrir sér
hvers vegna bestu tónleikarnir
eru oft lakast sóttir?
Ragnar Björnsson
Dauði og von
BÖKMENNTIR
S aga
SUMARLANDIÐ -SAGA
UM VON
Eyvind Skeie. Þýðing: Sigurður Páls-
son. Skálholtsútgáfan, 199.5.47 síður.
TILURÐ þessarar litlu bókar
er sögð vera dauði lítils barns.
Höfundur er norskur prestur og
rithöfundur og þegar ung hjón
missa lítið barn af slysförum setti
hann saman þessa bók ef hún
gæti „ef til vilforðið einhveijum
til hjálpar við að hefja gönguna á
vegi sorgarinnar“.
Sagan segir frá litlu barni sem
gengur inn í Dimmadal sem sumir
kalla dauðann. í upphafi frásagnar
er dauðanum lýst sem dal sem
enginn sér en er samt alltaf nálæg-
ur. „Þú sérð hann ekki fyrr en um
leið og þú gengur inn í hann og
það gerist þegar þú deyrð.“ (s.
10). Barninu er hjálpað af þrem
englum, Engli ljóssins, Engli von-
arinnar og Engli huggunarinnar
og þeir leiða barnið til „Hans sem
alltaf bíður“. Gangan er stundum
erfíð og tárin falla enda þótt það
séu fremur þeir sem eftir eru sem
gráta. Dvölin, sem bíður þeirra
sem stíga inn í þessa ósýnilegu
veröld, er ánægjuleg. Hægt er að
velja um hvort menn vilja dvelja
á Sumarsléttunni, í Vorhögum, í
Haustgarðinum eða á Vetrarheið-
unum allt eftir því hvaða árstíð
er okkur helst að skapi. Þegar
förinni lýkur klifrar barnið upp í
fang „Hans sem alltaf bíður“ sem
er enginn annar en Jesús Kristur
sem nefnir barnið sínu nafni.
Sagan er ljóðræn og stuttorð
og frásögnin knöpp. Þýðing á sögu
sem þessari er erfið því frásögn
af þessu tagi hlýtur að vera mjög
nátengd menningarumhverfi sínu.
Nafn Krists, „Hans sem alltaf bíð-
ur“, verður stirt í beygingu og
þegar sögn kemur á eftir slíku
sarnsettu nafnorði slitnar nokkuð
samhengið og flæði frásagnarinn-
ar rofnar.
Á hverri opnu er stuttur texti
efst á síðu og á síðunni á móti er
svart-hvít teikning. Teikningarnar
hafa ekki komið vel út í prentun-
inni og eru sumar hieldur óskýrar.
Umbrotið er einnig nokkuð sér-
kennilegt þar sem textanum er
þjappað saman efst á síðu og síðan
oft tóm fyrir neðan. Bókina hefði
mátt gera miklu snotrari með
vandaðri uppsetningu textans.
Þessa dagana er sorg í mörgum
húsum á íslandi. Ef til vill getur
frásögn af þessu tagi létt einhveij-
um að vinna úr sorginni en samt
fínnst mér þessi frásögn talsvert
frábrugðin þeim viðhorfum sem
við Islendingar höfum til dauðans
og þess sem bíður okkar handan
landamæranna. En hún boðar von.
Sigrún Klara Hannesdóttir
„Sögur“ í Gallerí Sævars Karls
í DAG verður opnuð sýning á
verkum Grétu Mjallar Bjarnadótt-
ur í Gallerí Sævars Karls, Banka-
stræti 9.
Myndirnar á sýningunni eru
grafíkverk, koparætingar þrykkt-
ar á pappír. Sýningin ber heitið
Sögur.
Gréta Mjöll fékk til liðs við sig
tólf sögumenn, sex konur og sex
karla sem leggja til sögur, gerðar
með niðurröðun myndtákna.
Þetta er þriðja einkasýning
Grétu Mjallar en hún hefur tekið
þátt í fjölda samsýninga. Hún sýn-
ir einnig á sýningunni Samtímis,
sem er samsýning fímm grafík-
listamanna í Norræna húsinu.
Norræna húsið
Tónlist
fyrir börn
í DAG kl. 13 munu dönsku
tónlistarmennirnir Jan Irhoj
og Thorstein Thomsen segja
sögur og flytja dönsk barna-
lög í Norræna húsinu.
Jan og Thorstein hófu fer-
il sinn innan tokktónlistar-
innar og hafa þeir spilað með
fjöldan öllum af hljómsveit-
um gegnum tíðina. En nú í
seinni tíð hafa þeir snúið sér
alfarið að barnatónlist. Mörg
lög þeirra eru þegar orðin
sígild barnalög.
í Danmörku eru Jan og
Thorstein ef til vill þekktasti
fyrir „Max og Antonette",
sem var gefin út í yfir
300.000 eintökum. Nýjasta
útgáfa þeirra er einskonar
tónlistarstafróf og kallast
„Alle tiders ABC“ og kom
út á þessu ári.
Sem liður í heimsókn Jan
Irhoj og Thorstein Thomsen
til íslands, sóttu þeir Vest-
firðinga heim í vikunni og
fengu þeir góðar viðtökur. I
næstu viku munu þeir halda
til Austfjarða og heimsækja
hina ýmsu skóla og
skemmta.
Dagskráin í Norræna hús-
inu stendur yfir í ca. 45 mín.
og er öllum opinn og aðgang-
ur ókeypis.
Tónleikum
Tríós Reykja-
víkur frestað
TÓNLEIKUM Tríós Reykja-
víkur sem vera áttu í Hafnar-
borg sunnudaginn 19.
nóvember verður frestað til
sunnudagsins 26. nóvember.