Morgunblaðið - 28.07.1996, Blaðsíða 2

2 SUNNUDAGUR 28. JÚLÍ 1996
FRETTIR
MORGUNBLAÐIÐ
Könnun Félagsvísindastofnunar Háskóla íslands fyrir Morgunblaðið
Um 75% kjósenda sætta
sig vel við Ólaf Ragnar
STÓR hluti kjósenda í forsetakosn-
ingunum sem ekki studdu Ólaf
Ragnar Grímsson telja að þeir muni
sætta sig vel við hann sem forseta,
samkvæmt könnun Félagsvísinda-
stofnunar Háskóla íslands um nið-
urstöður kosninganna, sem gerð var
fyrir Morgunblaðið.
11,5% sætta sig illa við Ólaf
Ragnar Grímsson sem forseta
Þátttakendur voru spurðir hversu
vel eða illa þeir héldu að þeir myndu
sætta sig við Ólaf Ragnar Grímsson
sem forseta. 46,8% þeirra sem af-
stöðu tóku töldu að þeir myndu
sætta sig mjög vel við Olaf Ragnar
og 27,7% sögðust sætta sig frekar
vel við hann.
6,4% sögðust sætta sig frekar
illa við Ólaf Ragnar og 5,1% mjög
illa. 13,9% svöruðu hvorki vel né
illa.
Séu svörin greind eftir stuðningi
kjósenda við stjómmálaflokkana
kemur í ljós að 80% stuðnings-
manna Alþýðuflokks telja að þeir
muni sætta sig vel við Ólaf Ragnar
sem forseta en 6,4% illa. 87,9%
stuðningsmanna Framsóknarflokks
sætta sig vel við Ólaf Ragnar en
4,4% illa. 56,3% stuðningsmanna
Sjálfstæðisflokks sætta sig vel við
Ólaf Ragnar en 23,7% illa, 95,5%
stuðningsmanna Alþýðubandalags
sætta sig vel við Ólaf Ragnar en
enginn þeirra sagðist sætta sig illa
við hann sem forseta. 70,8% stuðn-
ingsmanna kvennalista telja að þeir
muni sætta sig vel við Ólaf Ragnar
en 12,5% illa.
Fleiri telja
stjórnmálaferil löst
Stjórnmálaferill Ólafs Ragnars
var íöstur á forsetaframboði hans
að mati 46,6% þeirra sem afstöðu
tóku. 27% taldi hins vegar stjórn-
málaferilinn kost en rúmlega fjórð-
ungur taldi stjómmálaferilinn ekki
skipta máli.
í könnuninni kemur fram að mun
fleiri karlar en konur kusu Ólaf
Ragnar í forsetakosningunum eða
50% karla og 39% kvenna. Hann
naut mun meira fylgis meðal verka-
fólks (59,3%) en meðal stjórnenda
(31,3%), fólks í tækni- og skrif-
stofustörfum (31%). 85,3% stuðn-
ingsmanna Alþýðubandalags sögð-
ust hafa kosið Ólaf Ragnar, 62,6%
framsóknarmanna, 57,1% alþýðu-
flokksmanna, 28,6% kvennalista-
fólks og 18,4% stuðningsmanna
Sjálfstæðisflokks sögðust hafa
greitt Ólafi Ragnari atkvæði sitt.
■ Um 60% verkafólks/4
Niðurskurður á Sjúkrahúsi Reykjavíkur
Borgarstjóri vill
hitta ráðherra
INGIBJÖRG Sólrún Gísladóttir
borgarstjóri hyggst óska eftir fundi
með ráðherram fjármála og heil-
brigðismála vegna þeirrar þjón-
ustuskerðingar sem sparnaðartil-
lögur stjórnar Sjúkrahúss Reykja-
víkur leiða til.
„Auðvitað hlýtur sú spuming
að vakna hvort ástæða er til þess
fyrir borgaryfirvöld að bera
rekstrarlega og pólitíska ábyrgð á
þessu sjúkrahúsi þegar yfirvöld
fjármála hjá ríkinu skera fjármuni
það mikið við nögl að það er bein-
línis farið að bitna á borgarbúum,
og reyndar landsmönnum öllum,“
segir borgarstjóri.
Ingibjörg Sólrún segir ennfrem-
ur að þótt það sé ekki hlutverk
borgaryfírvalda að leggja til fé í
heilbrigðisþjónustuna, sé ekki
hægt að sitja hjá án aðgerða. „Nei,
og þetta hlýtur að kalla á það að
borgaryfirvöld og þingmenn
Reykjavíkur fari yfir þessi mál.
Ég mun á næstunni óska eftir við-
ræðum við heilbrigðis- og fjár-
málaráðherra um þá stöðu sem upp
er komin. Það hlýtur að vera þeirra
að skilgreina hvaða þjónustu þeir
vilja kaupa og fyrir hvaða ijár-
muni. Það hefur ekki verið gert,“
segir hún.
Borgarstjóri segir jafnframt á
huldu hversu mikið fé spítalinn
hafi til umráða á næsta ári. „Mað-
ur hlýtur að spyrja sig þeirrar
spurningar hvort verið sé að svelta
sjúkrahúsin til sameiningar því
mér heyrist á Ingibjörgu Pálma-
dóttur heilbrigðisráðherra að hún
viðurkenni þörf spítalans fyrir
aukna fjármuni. Þess vegna skil
ég ekki hvernig á því stendur að
svona er reynt á þolrif starfsfólks
og stjórnar spítalans, og af hveiju
þjónusta er skorin niður með þess-
um hætti," segir Ingibjörg Sólrún.
Sjúkrahúsin ekki svelt
til sameiningar
Friðrik Sophusson fjármálaráð-
herra segir að engum komi til
hugar að svelta Sjúkrahús Reykja-
víkur og Ríkisspítala til samein-
ingar. „Ég kannast ekki við það
og bendi á að Sjúkrahús Reykja-
víkur er stofnað upp úr samein-
ingu Landakots og Borgarspítala
og átti að skila verulegum ár-
angri. En það er hins vegar ljóst
að ef samvinna skilar sér í betri
árangri fyrir minni fjármuni er
það auðvitað kostur sem menn
verða að líta á,“ segir fjármálaráð-
herra.
■ Aðgerðirnar/8
Ertu með greiðslukort?
Annað
Sportkort
Atlas
Farkort
Euro-gull
Eurocard
VISA-gull
VISA
Þau sem eru með greiðslukort:
Notarðu greiðslukortið við eftirtalið?
Notkun erlendis HHHHHHH^HHHEEXEI
Kaup á sérstökum hlutum HHHHHHHHIH 34,6%
Ýmsar áskrrftir HHHHHHHHHi 31,8%
Raðgreiðslur HHHHHHHHH 28,6%
Ýmsir fastir reikningar HHHHHHHH 26,8%
Dagleg innkaup HHHHHHHH 26,1%
hár er greiðslukortareikningurinn að jafnaði?
Yfir kr. 200 þúsund 10,4%
100-200 þúsund HHH 9,3%
50-100 þúsund HHHHHHHHHi 31,7
20-50 þúsund HHHHHHHHEESSI
Undir 20 þúsund HHHHHHHH 24,8%
17,2%
111,3%
Hvaða greiðslukort notar þú?
I 62,3%
NEYSLUKÖNNUN FÉLAGSVÍSINDASTOFNUNAR 1996. Úrtak 1.200 manns, 882 svöruðu.
ÞÝÐI neyzlukönnunarinnar. þ.e. sá hópur þjóðarinnar sem úrtakið var tekið úr, eru allir
(slendingar á aldrinum 14-80 ára. Petta eru 185.173 einstaklingar, samkvæmt upplýsingum
frá Hagstofu islands. Hvert prósentustig f könnuninni samsvarar því um 1.850 manns.
Taka verður tillit til skekkjumarka, sem eru á niðurstöðum i könnun sem þessari, þegar
prósentustig eru umreiknuð í mannfjölda..
Morgunblaðið/Sverrir
Gunnfáninn að húni
VALUR Freyr Eiðsson hafði
sig allan við að smiða á meðan
Davíð Björgvinsson dró gunn-
fána að húni á virkisturni
sínum. Vonandi er að sæmi-
legur friður ríki á milli kastala-
eigendanna á smíðavellinum í
Vogum.
Fékk golfkúlu í gagnaugað
Saltfiskur-
inn bjarg-
aði mér.
SALTFISKUR getur verið til
margra hluta nytsamlegur. Það
fékk hún Rósa Margrét Sigur-
steinsdóttir, félagi í Golfklúbbi
Kópavogs og Garðabæjar, að
reyna, er hún varð fyrir því
óhappi á landsmótinu i golfi i
Vestmannaeyjum í vikunni að fá
golfkúlu í höfuðið.
Kúlan lenti rétt ofan við gagn-
augað á Rósu, sem varð að eigin
sögn fyrst svolítið vönkuð og svo
hissa, en hún hafði ekki heyrt
þegar kylfingurinn sem átti kúl-
una kallaði að kúla væri á leið-
inni.
„Þetta var rosalega vont, en
ég vorkenndi manninum svo mik-
ið, því að hann var að fara að
keppa hálftíma seinna, svo ég
bar mig bara vel og fór inn í
golfskála. Þá var hlaupið til og
náð í frosinn saltfisk, sem var
settur beint á gagnaugað, og það
varð til þess að bólgan fór,“ seg-
ir Rósa.
Fékk saltfisk í nesti
Saltfiskurinn og þolinmæði
hennar gerðu það að verkum að
hún fór ekki verr út úr þessu
ævintýri, en hún segist aðeins
Morgunblaðið/Sigurgeir
RÓSA Margrét Sigursteins-
dóttir með saitfiskinn góða.
vera svolítið marin, en það sé í
raun eins lítið og hugsast geti.
„Saltfiskurinn bjargaði mér, það
er engin spurning,“ segir Rósa.
Rósa lét þessa uppákomu ekki
aftra sér við golfiðkunina. „Aum-
ingja maðurinn tók ekki annað í
mál en að draga fyrir mig kerr-
una þegar ég spilaði daginn eftir
og það gerði hann með miklum
myndarbrag, því ég hef aldrei
spilað betur en þann daginn,“
segir Rósa, sem nú er komin
heim til sín í Garðabæinn. í nest-
ið fékk hún heilan kassa af salt-
fiski með vörumerkinu 200 mílur
frá Vinnslustöðinni í Vestmanna-
eyjum.
Erfiðleikar aðstand
enda fórnarlamba
► Harmleikurinn í kringum það
er þota TWA-flugfélagsins fórst,
hefur tekið á sig ýmsar rpyndir.
/10
Það á enginn hálendið
► Fyrrihluti úttektar á því álita-
máli hver eigi hálendi íslands en
það er einmitt mjög í brennidepli
um þessar mundir. /14
Alltaf með annan fót-
inn íframtíðinni
►Sextán ára forsetatíð frú Vigdís-
ar Finnbogadóttur er senn á enda.
í viðtali lítur forsetinn yfír farinn
veg og fjallar um viðhorf sitt til
embættisins og áranna, sem hún
hefur gegnt því. /18
Björninn I Búkarest
►í Viðskiptum/Atvinnulífi á
sunnudegi er rætt við Björn Krist-
jánsson, markaðsstjóra hjá Coca
Coia í Rúmeníu. /22
B
► 1-28
Með Strandirnar
í blóðinu
► Mikið vatn hefur runnið til sjáv-
ar frá því að síðasti ábúandi á
Ófeigsfirði á Ströndum pakkaði
saman. Afkomendur hafa þó ekki
skorið alveg á taugina og í þrjá
mánuði á ári er líf í Ófeigsfírði.
/1&14-15
Tölum ekki um aldur
heldur ástand
►Hulda Sigurðardóttir kynntist
jóga fyrir 30 árum og kennir það
nú, komin á áttræðisaldur. /8
Allt sem er
skrítið er gott
►Bræðurnir Joel kvikmyndaleik-
stjóri og Ethan framleiðandi Coen
eru á meðal virtustu kvikmynda-
gerðarmanna heims. Þorflnnur
Ömarsson hitti þá í Cannes. /12
FERÐALÖG
► 1-4
Winnipeg
►Á sióðum V-íslendinga í Kanada
má fínna ferðaskrifstofu þar sem
margir viðskiptavinanna eru ís-
ienskir og fá heimagistingu hjá
íslenskri konu. /2
Ferðapistill
►Sjálfbær ferðamennska er skref
íréttaátt. /4
BÍLAR______________
► 1-4
Nissan Almera „góð-
ur“ í árekstri
► í árekstrarprófun, sem Motor,
málgagn samtaka danskra bif-
reiðaeigenda, og systursamtök
þeirra í Þýskalandi gengust fyrir,
stóð Almeran sig best. /2
Reynsluakstur
►Vito - nýr fjölnotabíll frá Merce-
desBenz. /4
FASTIR ÞÆTTIR
Fréttir 1/2/4/8/bak Skák 38
Leiðari 26 Fólk í fréttum 40
Helgispjall 26 Bíó/dans 42
Reykjavíkurbréf 26 íþróttir 46
Minningar 28 Útvarp/sjónvarp 48
Myndasögur 36 Dagbók/veður 51
Bréf til blaðsins 36 Mannlífsstr. 6b
ídag 38 Gárur 6b
Brids 38 Dægurtónlist lOb
Stjömuspá 38 Kvikmyndir llb
INNLENDAR FRÉTTIR:
2-4-8-BAK
ERLENDAR FRÉTTIR:
1&6