Morgunblaðið - 23.10.1996, Blaðsíða 52

UYUNDAI
HÁTÆKNI TIL FRAMFARA
M Tæknival
SKEIFUNNI 17
SlMI 550-4000 ■ FAX 550-4001
MORGUNBLAÐID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: KA UPVANGSSTRÆTI l
MIÐVIKUDAGUR 23. OKTÓBER 1996
VERÐ í LAUSASÖLU 125 KR. MEÐ VSK
Morgunblaðið/Kristinn
JÓN Baldvin Hannibalsson tilkynnti þá ákvörðun sína að láta
af formennsku í Alþýðuflokknum á fréttamannafundi í gær.
Framhaldsskólar o g sérskólar
6.000 taka samræmt
könnunarpróf í dag
SAMRÆMD könnunarpróf verða
haldin í fyrsta sinn í öllum fram-
haldsskólum og flestum sérskólum
landsins í dag. Um það bil sex þús-
und framhaldsskóla- og sérskóla-
nemendur munu taka prófið sem fer
fram á sama tíma um allt land.
Meginmarkmiðið er að kanna
kunnáttu nemenda í ensku almennt
í framhaldsskólum og er þetta í
fyrsta skipti sem samræmt könnun-
arpróf er lagt fyrir í framhaldsskóla.
Nemendur munu fá einkunnir fyr-
ir frammistöðu sína en einungis til
upplýsingar. Markmiðið er að afla
upplýsinga um enskukunnáttu fram-
haldsskólanema eftir skólagerðum
og námsbrautum.
„Það hefur ekki verið ætlast til
þess að nemendur væru undirbúnir
sérstaklega fyrir prófið, því við vilj-
um taka stöðuna eins og hún er en
það hafa verið sendar upplýsingar
til enskukennara í framhaldsskólum
um uppbyggingu prófsins og áhersl-
ur,“ segir Einar Guðmundsson,
deildarstjóri prófa- og matsdeildar
Rannsóknarstofnunar uppeldis- og
menntamála, sem stendur að próf-
inu.
OL-lið komið í 3. sæti
ÍSLENSKA liðið á Ólympíumótinu í
brids er nú í 3. sæti í sínum riðli
þegar 12 umferðum er lokið af 35 í
undankeppni. Keppt er í tveimur riðl-
- •'“áhi og komast 4 efstu þjóðimar í
hvorum riðli í úrslitakeppni.
íslendingarnir fengu 83 stig af 100
mögulegum í gær. Þeir unnu Máritan-
íu 25-0 í 9. umferð, gerðu jafntefli,
15-15, við Tyrki í 10. umferð, unnu
Sviss 21-9 í 11. umferð og Júgó-
slaviu 22-8 í 12. umferð. í dag spila
íslendingar við Tæland, Grikkland,
Tævan og Portúgal.
íslendingar hafa 236 stig í 3. sæti
en ítalir leiða riðilinn með 268 stig.
Næstir koma ísraelar með 245,5. í
hinum riðlinum eru Frakkar efstir
með 256 stig. Pólverjar hafa 241 stig,
Spánveijar 237 og S-Afríkubúar 233.
■ íslendingar/36
Formannsskipti í Alþýðuflokknum á flokksþingi í nóvember
Jón Baldvin ákveður
að láta af formennsku
JÓN Baldvin Hannibalsson hefur
ákveðið að gefa ekki kost á sér sem
formaður Alþýðuflokksins á flokks-
þinginu, sem hefst 8. nóvember.
Sighvatur Björgvinsson alþingis-
maður sagðist í samtali við Morgun-
blaðið í gær hafa ákveðið að bjóða
sig fram til formanns fyrir hvatn-
ingarorð Jóns Baldvins.
Jón Baldvin hefur gegnt for-
mennsku í Alþýðuflokknum í 12 ár.
Hann sagðist á fréttamannafundi í
gær hafa tilkynnt samstarfsmönn-
um sínum í þingflokki og fram-
kvæmdastjórn flokksins þessa per-
sónulegu ákvörðun sína og sagðist
hafa gert upp sinn hug um það,
að hann ætlaði ekki að sækjast eft-
ir því að sitja á Alþingi á næsta
kjörtímabili.
Sighvatur tilkynnir
framboð - Guð-
mundur Arni og
Rannveig íhuga mál-
in næstu daga
Jón Baldvin sagðist telja að það
yrði farsælast fyrir Alþýðuflokkinn
ef Sighvatur Björgvinsson gæfi
kost á sér til formanns. Þá teldi
hann það flokknum fyrir bestu að
Rannveig Guðmundsdóttir héldi
áfram starfi formanns þingflokks-
ins, Guðmundur Árni Stefánsson
héldi áfram sem varaformaður og
Össur Skarphéðinsson gæfi kost á
sér til formennsku framkvæmda-
stjórnar Alþýðuflokksins.
Guðmundur Árni segir vel koma
til greina að hann bjóði sig fram
til formanns. „Ég mun meta það á
næstu dögum hvort ég gef kost á
mér til formennsku í flokknum. Það
hafa margir skorað á mig að gera
það,“ sagði hann.
Rannveig Guðmundsdóttir segist
enga ákvörðun hafa tekið um hvort
hún gefur kost á sér til formennsku
í Alþýðuflokknum og segist ætla
að velta þessum málum fyrir sér
næstu daga. Össur Skarphéðinsson
segir afar ólíklegt að hann muni
bjóða sig fram til formennsku í
Alþýðuflokknum.
■ Nýr formaður/4
Morgunblaðið/Golli
Halldór Ásgrímsson á aðalfundi Sambands íslenzkra sparisjóða
íslendingar búi sig undir
áform um Evrópumynt
HALLDÓR Ásgrímsson utanríkisráðherra hvetur
fjármálastofnanir til að efna til umræðu um hags-
muni og viðbrögð Islendinga við áformum um
sameiginlega mynt Evrópusambandsríkja, sem
taka á upp árið 1999. í ræðu, sem ráðherrann
hélt um Efnahags- og myntbandalag Evrópu
(EMU), á aðalfundi Sambands íslenzkra sparisjóða
í síðustu viku sagði hann að íslendingar yrðu að
fylgjast vel með þróun myntbandalagsins.
T „Enda þótt ísland sé ekki aðili að Evrópusam-
bandinu og taki þar af leiðandi ekki beinan þátt
i umræddri þróun er ljóst að hún mun hafa veru-
leg áhrif á það umhverfi sem við hrærumst í á
sviði efnahags- og peningamála. Það er því nauð-
synlegt fyrir okkur íslendinga að kynna okkur í
tíma áformin um myntsamrunann í Evrópu og búa
okkur af kostgæfni undir þau áform,“ sagði Hall-
dór.
Utanríkisráðherra sagði erfitt að segja til um
hver áhrif myntsamrunans yrðu hér á landi. Það
færi raunar eftir því hvaða kjör byðust þeim lönd-
um ESB og EFTA, sem stæðu utan myntbanda-
lagsins. Hann minnti á að Island hefði haft frum-
kvæði að því fyrr á árinu að efnahagsnefnd EFTA
kannaði ýtarlega áhrif EMU á efnahags- og við-
skiptaumhverfi EFTA-ríkjanna.
Halldór sagði að áhrif EMU hér á landi gætu
að sumu leyti orðið jákvæð vegna aukinna um-
svifa í evrópsku efnahagslífi. Hins vegar kynni
myntsamruninn að auka óstöðugleika í gengismál-
um í þeim löndum, sem stæðu utan EMU.
Breyting á EES eða
tvíhliða samningur
Ráðherra sagði að áformin um sameiginlega
mynt væru ekki hluti EES-samningsins, en þó
mætti ætla að EMU kæmi til með að hafa áhrif
á Evrópska efnahagssvæðið. „Ekki er ljóst hvort
eða á hvern hátt EFTA-ríkjunum býðst að tengj-
ast þessari myntþróun, en ef slík ákvörðun verður
tekin verður það væntanlega að gerast með sér-
stökum tvíhliða samningum eða með breytingu á
EES-samningnum,“ sagði Halldór.
Hann sagðist gera ráð fyrir að sameiginleg
mynt yrði að veruleika. „Við íslendingar getum
ekki horft framhjá þessum þætti í samstarfi Evr-
ópuríkja, enda þótt við tökum ekki beinan þátt í
atburðarásinni. Það er að mínu mati brýnt að við
höldum áfram að fylgjast grannt með framvindu
þessa máls í Evrópu og ekki síður huga að þeim
kostum sem lönd utan myntsamrunans standa
frammi fyrir," sagði Halldór. „Þróunin í Evrópu
mun hafa mikil áhrif á okkar hag, hvaða skoðun
sem menn hafa á tengslum okkar við Evrópusam-
bandið. Við verðum að vera á varðbergi í því skyni
að geta tekið skjótar ákvarðanir sem við teljum
þjóna bezt hagsmunum landsins í bráð og lengd.“ |
Tveir vinir
o g annar
með hjálm
ÞESSIR ungu hjólreiðamenn
hugsa vel um hjólin sín og voru
að þvo þau þegar ljósmyndarinn
rakst á þá í gær. Annar þeirra er
til fyrirmyndar, með hjálm á koll-
inum og við öllu búinn, en hinn
hefur greinilega gleymt hjálmin-
um heima í þetta sinn.
-----» ♦ ♦----
Leiksýningar
á þriðja tug
TUTTUGU og sjö leiksýningar standa
fólki til boða á höfuðborgarsvæðinu
og Akureyri. Tuttugu og fimm sýn-
ingar eru á fjölunum syðra og tvær •
á Akureyri.
Ellefu verk eru sýnd í stóru leikhús-
unum tveimur í Reykjavík, fjögur í
Loftkastalanum og fjöldi leikhópa
sýnir í ýmsum húsakynnum eða ferð-
ast með sýningar sínar.
■ 27 Ieiksýningar/18