Morgunblaðið - 21.05.1999, Blaðsíða 14
14 FÖSTUDAGUR 21. MAÍ 1999
MORGUNBLAÐIÐ
AKUREYRI
Island séð
með dönsk-
um augum
FRAMLENGD hefur verið um
viku sýning danska listamanns-
ins Carsten Lyngdrup Madsen í
Galleríi Svartfugli og lýkur
henni um hvítasunnuna.
Þema sýningarinnar er ísland
séð með dönskum augum.
Carsten flutti til íslands með
fjölskyldu sína frá Hering í Dan-
mörku fyiúr tveimur árum, en
þar starfaði hann sem kennari.
Fjölskyldan vildi komast burt
frá erlinum og þéttbýlinu ytra,
komast nær náttúrunni og
kynnast menningu landsins.
Sýningin er í senn túlkun
Carstens á þeim áhrifum sem
Island hafði á hann og nokkurs
konai- kveðja til íslands því fjöl-
skyldan flytur að nýju til Dan-
merkur í sumar.
Gallerí Svartfugl er opið alla
daga nema mánudag frá kl. 14
tais.
Aldamóta-
nefnd fær
15 milljónir
BÆJARRÁÐ Akureyrar sam-
þykkti í gær að heimila alda-
mótanefnd að miða við 15 millj-
óna króna heildarfjárveitingu
vegna hátíðahalda á næsta ári.
Innifalinn í þessari upphæð er
kostnaður vegna gerðar útilista-
verks sem þegar hefur verið
boðið út.
Kjördæma-
mót í brids
UM helgina verður spilað kjör-
dæmamót í brids á Akureyri.
Eins og nafnið ber með sér
sendir hvert kjördæmi lið í mót-
ið og spila fjórar sveitir í hverju
liði.
Spilað verður á Hótel KEA og
hefst mótið ki. 11 á laugardags-
morgun og lýkur um kvöldmat-
arleytið á sunnudag.
Fermingar-
afmæli
SÚ hefð hefur skapast í Akur-
eyrarkirkju að boða þá sem
fermdust fyrir 10, 20, 30, 40 og
50 árum til guðsþjónustu á
hvítasunnudag. Það eru þeir
sem fermdust árin 1985, 1975,
1965, 1955 og 1945. Tækifæri
gefst til að rifja upp minningar
frá fermingunni og þakka hand-
leiðslu liðinna ára. Hátíðarguðs-
þjónustan verður í Akureyrar-
kirkju kl. 11 á hvítasunnudag.
Brandtex fatnaður
Stretchbuxur kr. 2.900
Konubuxur frá kr. 1.690
Dragtir, kjólar,
blússur og pils.
Ódýr náttfatnaður.
Nýbvlaveqi 12, simi 5544433
Samstarf heilbrigðisstofnana á Norður- og Austurlandi rætt á ársfundi FSA
Heilbrigðisstofnanir ráða
sérfræðinga í sameiningu
SAMKOMULAG hefur orðið um
að sérfræðingar frá Fjórðungs-
sjúkrahúsinu á Akureyri fari og
sinni verkefnum á Heilbrigðis-
stofnun Sauðárkróks. Þar er full-
kominn skurðstofa sem ekki hefur
verið mikið notuð. Birgir Gunnars-
son framkvæmdastjóri sagði að
mun auðveldara væri að flytja
lækna milli staðanna en sjúklinga
en með þessu væri verið að færa
þjónustuna nær fólkinu.
Þetta kom fram í erindi Birgis á
ársfundi FSA sem haldinn var í
gær, en þar var sérstaklega rætt
um samstarf heilbrigðisstofnana á
Norður- og Austurlandi.
Dagbjört Þyri Þorvarðardóttir,
hjúkrunarforstjóri á Heilbrigðis-
stofnuninni á Húsavík, sagði á
fundinum frá því að stofnunin og
FSA hefðu í sameiningu ráðið sér-
fræðing tO starfa sem myndi sinna
báðum stöðunum. Dagbjört Þyri
taldi að fagfólk yrði í auknum mæli
ráðið á þessum forsendum, þ.e. að
fleiri stofnanir sameinuðust um að
ráða fagfólk til starfa. Þá greindi
hún frá því að frá Heilbrigðisstofn-
uninni á Húsavík væru send ýmis
sýni, m.a. blóð- og þvagsýni, til
rannsóknar á FSA. Taldi hún að
tímabært væri að huga að sameig-
inlegum innkaupum á hjúkrunar-
vörum meðal heilbrigðisstofnana á
Norður- og Austurlandi, en með
því myndu nást hagstæðari samn-
ingar.
Breytt og aukin tækni gefur
möguleika
Halldór Jónsson, framkvæmda-
stjóri FSA, sagði brýnt að skil-
gi’eina enn betur hvaða þjónustu
skuli veita á hverjum stað og í
hvaða mæli. Að þessu geta heil-
brigðisstofnanir unnið sameigin-
lega og styrkt þannig uppbyggingu
heilbrigðisþjónustunnar á svæðinu
í heild. „Það er og verður erfiðara
og erfiðara að tryggja nægjanlega
mönnun fagfólks á öllum stöðum
en breytt og aukin tækni gefur
möguleika til þess að endurskipu-
leggja þjónustuna, veita hana í
öðru formi og koma í veg fyrir að
hún flytjist öll á sama landsvæði,"
sagði Halldór.
Morgunblaðið/Kristján
HALLDÓR Jónsson, framkvæmdstjóri Fjórðungssjúkrahússins á
Akureyri, og Einar Rafn Haraldsson, framkvæmdastjóri á Heilbrigðis-
stofnuninni á Egilsstöðum, ræðast við á ársfundi FSA í gær.
Menntskæl-
ingar í rusli
NEMENDUR þriðja bekkjar
Menntaskólans á Akureyri hófu
að hreinsa og fegra bæinn kl. 8 í
gærmorgun og ætluðu að vera að
í sólarhring. Erfiðið Ieggja þeir á
sig til að safna fé í ferðasjóð sinn,
en þeir leggja land undir fót og
halda til Slóveníu í lok sumars.
88 nemar taka þátt í hreinsun-
inni og voru þeir á ferðinni um
allan bæ. Söfnuðu þeir áheitum
hjá fyrirtækjum og tóku til hend-
inni á lóðum þeirra fyrirtækja
sem greiddu götu þeirra. Nokkr-
ir nemanna sem voru við Hörgár-
braut sögðu að því miður hefðu
ekki mörg fyrirtæki nýtt sér
starfskrafta þeirra að þessu
sinni, en samið var við Akureyr-
arbæ um hreinsun á opnum
svæðum í bæjarlandinu. Alls
söfnuðu krakkarnir um 220-30
þúsund krónum í ferðasjóðinn
með þessu tiltæki.
KEA lokar bvgging'a-
vörudeild á Olafsfírði
KAUPFÉLAG Eyfirðinga hefur
ákveðið að loka byggingavöru-
deild félagsins í Ólafsfirði í næsta
mánuði. Byggingavörudeildin er
rekin í sama húsnæði og matvöru-
verslun KEA og þar vinna tveir
starfsmenn.
Rekstur byggingavörudeildar
KEA á Akureyri, Siglufirði og
Dalvík og rekstur Húsasmiðjunn-
ar hf. hefur verið sameinaður og
VERKMENNTASKÓLINN
Á AKUREYRI
Skólaslit
fara fram í Iþróttahöllinni á Akureyri
laugardaginn 22. maí kl. 10 árdegis.
Skólameistari.
eru þær deildir nú reknar undir
nafni Húsasmiðjunnar. Sigmund-
ur Ófeigsson framkvæmdastjóri
verslunarsviðs KEA, sagði að ein-
ingin í Ólafsfirði hefði alltaf verið
rekin með tapi og því ekki verið
fýsiiegt að selja hana. Þá var velta
byggingavörudeildarinnar í Ólafs-
firði aðeins um 24 milljónir króna
á ári, að sögn Sigmundar.
Verslunin rekin
með tapi í áraraðir
„Þetta er eðlileg þróun enda
höfum við ekki lengur yfir svona
rekstri að ráða, auk þess sem
þessi eining hefur verið rekin með
tapi í áraraðir," sagði Sigmundur.
Hann sagði að unnið væri að því
breyta matvöruverslun félagsins í
Ólafsfirði og m.a. setja þar inn
nýjar innréttingar. Hins vegar
væru ekki uppi hugmyndir um að
nýta húsnæði byggingavörudeild-
arinnar undir matvöruverslun fé-
lagsins og það rými yrði trúlega
leigt út.
mhmi ■ ■ i ■ m m vetur.
Myndlistarskólinn á Akureyri
Vorsýning í 25. sinn
VORSYNING Myndlistar-
skólans á Akureyri verður
opnuð laugardaginn 22. maí
kl. 14 í húsakynnum skólans
við Kaupvangsstræti 16.
Kristján Þór Júlíusson bæj-
arstjóri opnar sýninguna
formlega en þetta er í 25.
sinn sem skólinn efnir til
vorsýningar á verkum nem-
enda.
Að þessu sinni ljúka tíu
nemendur eins árs fornámi
frá listfræðsludeild og sex
ljúka námi í sémámsdeild-
um, tveir úr fagurlistadeild,
málun og fjórir úr listhönn-
unardeild, grafískri hönnun.
Nemendur útskrifast úr sér-
námsdeildum eftir þriggja
ára nám og vinna lokaverk-
efni innan sérgreinarinnar.
Sýningin er öllum opin og
eru bæjarbúar og gestir
hvattir til að kynna sér
starfsemi Mjmdlistarskólans
á Akureyri og skoða úrval þeirra
verka sem nemendur hafa unnið í
Morgunblaðið/Kristj án
SEX nemendur ljúka námi við Myndlist-
arskólann á Akureyri á þessu vori; Ingi
Þór Tryggvason, Bjarki Lúðvíksson og
Sölvi Hrafn Ingimundarson, Anna Sigríð-
ur Hróðmarsdóttir, Ragnhildur Magnús-
dóttir og Guðrún Elfa Skírnisdóttir.
Sýningin verður opin frá kl. 14 til
18 en henni lýkur mánudaginn 24.
maí. ........ ...