Morgunblaðið - 16.06.1999, Blaðsíða 11
MORGUNBLAÐIÐ
MIÐVIKUDAGUR 16. JÚNÍ 1999 11
FRÉTTIR
Fjórðungs-
aukning í
sölu á bjór
BJÓRNEYSLA hefur aukist veru-
lega það sem af er þessu ári. Fyrstu
þrjá mánuðina var aukningin tæp
25% miðað við sama tíma í fyrra og
að sögn Einars S. Einarssonar hjá
ATVR er útlit fyrir að sama aukning
hafi orðið eftir fyrstu fimm mánuði
ársins.
Einar segir að talsverð aukning
hafi orðið á bjórsölu á síðasta ári og
haldist þessi þróun í hendur við sam-
drátt í neyslu á sterkari drykkjum.
Fyrstu þrjá mánuði ársins nam
bjórsalan nálægt 1.860.000 lítrum.
Um næstu mánaðamót kemur út
hálfsársskýrsla ÁTVR. Einar kveðst
eiga von á því að þessi þróun í sölu á
bjór eigi eftir að halda áfram þótt ef
til vill dragi eitthvað úr söluaukning-
unni.
---------------
Minningarmót
um Guðmund
Arnlaug’sson
SKÁKMÓT til minningar um Guð-
mund Amlaugsson verður haldið í
dag, mðvikudag, kl. 17 í Menntaskól-
anum við Hamrahlíð þar sem Guð-
mundur var lengi rektor. Guðmundui-
lést 9. nóvember 1996.
Petta er í þriðja skipti sem mótið er
haldið. Allir íslensku stónneistar'amir
utan einn verða með en það er afar
sjaldgæft að svo margir þeirra geti
teflt í sama mótinu.
Tefldar verða hraðskákir þar sem
hver keppandi hefur 5 mínútna um-
hugsunartíma á alla skákina. Mjög
góð aðstaða er til að fylgjast með
skákunum og em áhorfendur vel-
komnh’.
Ljósmynd/Ragnar Th. Sig.
UNNIÐ að stillingu segla og reiða á sigurskútunni Bestu kvöldið
fyrir keppnina.
Skútan Besta sigraði
í siglingakeppni
SKÚTAN Besta sigraði í kapp-
siglingu sem efnt var til laugar-
daginn 5. júm á Hátið hafsins. Það
var Landhelgisgæslan sem ræsti
til keppnina með fallbyssuskoti við
Iistaverkið Sólfarið við Sæbraut-
ina. 13 bátar tóku þátt og luku níu
þeirra keppni. í áhöfn hverrar
skútu voru fímm til tíu manns.
Siglt var út fyrir Akurey, fyrir
sex bauju sem liggur út af Gróttu,
fyrir sjö bauju, norðan Engeyjar
og markið var í mynni Reykjavík-
urhafnar. I áhöfn Bestu voru eig-
endur skútunnar, þeir Baldvin
Björgvinssonar, Emil Pétursson,
Sigurður Óli Guðnason, Þórarinn
Jóhannsson, Amþór Ragnarsson
auk Guðrúnar Haraldsdóttur.
Önnur skútan var Ögrun, þriðja
Sæstjaman. Keppnissijóri var Jó-
hann Hallvarðsson.
Helgi Pétursson, stjórnarformaður SVR
„Framlag borg-
arinnar verður
ekki hækkað
- Enn ein svik R-listans, segir Kjartan Magnússon,
borgarfulltrúi Sjálfstæðisflokksins
„LJÓST er að framlag borgarinn-
ar til SVR verður ekki hækkað en
tekjur SVR verða að aukast því
aukinn kostnaður er staðreynd,“
segir Helgi Pétursson, stjórnar-
formaður SVR og borgarfulltrúi
R-listans, en engin ákvörðun um
gjaldskrárhækkun hefur enn ver-
ið tekin. Kjartan Magnússon,
borgarfulltrúi Sjálfstæðisflokks-
ins, segir að fyrirhuguð gjald-
skrárhækkun sé enn ein svik R-
listans og að hún sé umfram nú-
gildandi verðlagshækkun.
Aldrei 25% hækkun
Að sögn Helga Péturssonar er
enn verið að skoða mögulega far-
gjaldahækkun og verður ákvörðun
tekin einhvem tímann á næstu vik-
um. „Það er búið að ákvarða
ramma samkvæmt fjárlögum upp á
rúmar 500 milljónir til að starfa
eftir og þar af fara um 70 milljónir
til samgöngumála fatlaðra," segir
Helgi. Hann bendir á að fargjöldin
hafi ekki hækkað síðan árið 1995
og síðan þá hafi kostnaður aukist
meðal annars vegna fjölgunar leiða
og svo hafi laun einnig hækkað á
þessu tímabili. „Við horfum upp á
samdrátt í farþegafjölda og ég leyfi
mér að setja það í samband við
aukna sölu á einkabílum," segir
Helgi enn fremur. Hann segir að á
næstu vikum verði gjaldskráin tek-
in til skoðunar í heild sinni og
mögulegt sé að einhver fargjöld
haldist óbreytt, eins og verð á mið-
um til einhverra aldurshópa. Helgi
segir að þó að ekki sé enn búið að
taka ákvörðun um hækkunina þá
verði aldrei um 25% hækkun að
ræða.
Umfram allar verðlagshækkanir
Kjartan Magnússon, borgarfull-
trúi Sjálfstæðisflokksins, segir að
hækkunin hafi verið boðuð en ekki
sé enn vitað nákvæmlega hver hún
verður. „Þetta er umfram allar nú-
gildandi verðlagshækkanir," segir
hann.
Enn hefur ekkert gerst nema að
þetta hefur verið rætt innan nefnd-
arinnar að sögn Kjartans. Hann
segir að stjómarformaður SVR
hafi falið stjómanda SVR að koma
með tillögur um auknar tekjur til
handa SVR. „Við emm þegar búin
að fá hið árlega fjárframlag frá
Reykjavíkurborg svo að þetta get-
ur einungis átt við fargjaldahækk-
un,“ segir Kjartan.
Athugasemd frá
Skeljungi hf.
MORGUNBLAÐINU hefur
borist eftirfarandi athugasemd frá
Skeljungi hf.:
„Haft er eftir Jóni Ögmundi
Þonnóðssyni, stjórnarformanni í
Flutningsjöfnunarsjóði olíuvara, í
Morgunblaðinu í gær, að Skelj-
ungur hf. hafi ekki uppfyllt skil-
yi’ði sem sett vora fyrir þeirri
samþykkt að Akureyri yrði gerð
að innflutningshöfn olíuvara og
því hafi samþykktin verið aftur-
kölluð. Vegna þessara ummæla er
nauðsynlegt að fram komi að eng-
in skilyrði voru sett fram af hálfu
stjórnar Flutningsjöfnunarsjóðs
þegar hún samþykkti á fundi sín-
um hinn 9. nóvember 1999 erindi
Skeljungs hf. um að Krossanes við
Akureyri yrði innflutningshöfn
fyrir gasolíu. Til að taka af allan
vafa fylgir hér endurrit af af-
greiðslu sjóðsins eins og hún var
bókuð í fundargerð stjórnar
Flutningsjöfnunarsjóðs:
„Skeljungur hf. tilkynnir stjórn
sjóðsins með bréfi dags. 12. októ-
ber 1998 að félagið hyggist hefja
beinan innflutning á gasolíu í olíu-
stöðina Krossanes við Akureyri
og óskar eftir því að birgðastöðin
við Krossanes verði viðurkennd
sem innflutningshöfn. Erindi
Skeljungs hf. var tekið til umræðu
og var samþykkt að Krossanes við
Akureyri verði innflutningshöfn á
gasolíu um leið og fyrsti beini inn-
flutningur á gasolíu er kominn á
tanka stöðvarinnar. Jafnframt var
ákveðið að sjóflutningur á gasolíu
taki mið af framangreindu og að
taxtar sjóflutninga á gasolíu mið-
ist sem hingað til við skemmstu
flutningsleið á sjó frá næstu inn-
flutningshöfn á gasolíu."
Engar athugasemdir vora gerð-
ar við þessa fundargerð á næsta
fundi sem haldinn var 21. desem-
ber. Þegar meirihluti stjórnar
Flutningsjöfnunarsjóðs ákvað á
fundi 8. febrúar síðastlðinn að aft-
urkalla fyrri ákvörðun fór fulltrúi
Skeljungs hf. í stjórn sjóðsins
fram á að félagið fengi frest til að
uppfylla ný og óljós skilyrði sem
sett hefðu verið eftir á. Ekki var
orðið við þeirri ósk. Félagið telur
einsdæmi í opinberri stjórnsýslu
að ákvarðanir séu dregnar til
baka og ómerktar á grundvelli
skilyrða sem sett eru fram eftir á
og hefur því höfðað mál á hendur
stjórn sjóðsins til ógildingar á
þessari ákvörðun.
Loks verður ekki hjá því komist
að gera athugasemdir við þau um-
mæli sem höfð eru eftir Jóni Ög-
mundi þess efnis að líklegt sé „að
verð til notenda hækkaði um
nokkur prósent verði sjóðurinn
lagður niður“. Ekki era fyrir
hendi neinir útreikningar sem
styðja þessa fullyrðingu og þarf
ekki mjög reikningsglögga menn
til að sjá að hún fær ekki staðist.
Er vandséð hvað opinberam emb-
ættismanni, sem jafnframt er full-
trúi viðskiptaráðherra í stjórn
Flutningsjöfnunarsjóðs gengur til
með slíkum málflutningi."
Skipulagsnefnd flugumferðar á Norður-Atlantshafí
Ásgeir Pálsson
kjörinn formaður
ÁSGEIR Pálsson,
framkvæmdastjóri
flugumferðarsviðs
Flugmálastjórnar ís-
lands, var kjörinn for-
maður skipulagsnefnd-
ar flugumferðar á
N orður-Atlantshafi,
NATSPG, í París í
gær. I fréttatilkynn-
ingu frá Flugmála-
stjórn segir að helsta
hlutverk NATSPG-
nefndarinnar sé að
tryggja öryggi flugum-
ferðarstjórnkerfa á
N orður-Atlantshafs-
svæðinu auk þess að
gera langtímaspár um
þróun flugumferðarinnar.
Nefndina skipa fulltrúar níu
þjóða og eru þeir frá níu löndum
auk Islands. Þau era: Bandaríkin,
Bretland, Danmörk, Frakkland,
írland, Kanada, Noregur og Portú-
gal. Ríkin eiga samliggjandi flug-
stjórnarsvæði á Norður-Atlants-
hafí. Auk þeirra koma Rússar og
Spánverjar að störfum nefndarinn-
ar ásamt ýmsum hagsmunaaðilum.
Nefndin var stofnuð að frum-
kvæði Alþjóðaflugmálastofnunar-
innar (LACO) árið
1965. IACO skiptir
heiminum í fimm önn-
ur svæði: Afríku, As-
íu/KyiTahaf, Evrópu,
Norður-Ameríku og
Suður-Ameríku.
Nefndin var sú fyrsta
af sínu tagi innan vé-
banda IACO og hefur
verið leiðandi um nýtt
verklag og nýjungar í
flugumferðarstjórn á
heimsvísu, segir enn-
fremur í fréttatilkynn-
ingunni.
Umsvif NATSPG-
nefndarinnar hafa auk-
ist verulega á undan-
förnum árum og er þá um þrjá
meginþætti að ræða. I fyrsta lagi
ört vaxandi flugumferð, þá óskir
flugfélaga um frekari hagræðingu
og síðast en ekki síst tækninýjung-
ar í flugmálum. Síðasta megin-
breytingin, sem nefndin stóð að á
N orður-Atlantshafsflugleiðinni,
var minnkun hæðaraðskilnaðar
milli flugvéla í flughæðunum
31.000-39.000 fetum. Þar minnkaði
hæðaraðskilnaður véla um helm-
ing, eða úr 2.000 fetum niður í
1.000 fet. Við þetta jukust mögu-
legar ferðir flugvéla um 86% með
tilheyrandi tímasparnaði fyrir far-
þega og minni eldsneytiskostnaði
fyrir flugrekendur, að því er fram
kemur í fréttatilkynningunni. Þess
má einnig geta að síðastliðið ár
flugu um 280.000 flugvélar yfir
Norður-Atlantshaf og þar af um
þriðjungur á íslenska úthafsflug-
stjórnarsvæðinu. Áætlað er að um
sjötíu milljón farþegar hafi verið
um borð í þessum flugvélum.
Ásgeir Pálsson fæddist árið
1951. Hann hóf störf hjá Flugmála-
stjórn árið 1975 sem flugumferðar-
stjóri, varð yfirflugumferðarstjóri
rekstrarsviðs árið 1991 og deildar-
stjóri þjálfunar og skipulagssviðs
ári seinna. Hann hefur verið fram-
kvæmdastjóri flugumferðarsviðs
Flugmálastjórnar Islands frá árinu
1995. Ásgeir hefur verið varafor-
maður NATSPG-nefndarinnar
undanfarin ár og verkefnisstjóri
sérfræðinefndar sem hefur það
hlutverk að meta hagkvæmni
breytinga á skipulagi flugumferð-
arstjórnar.
Ásgeir er kvæntur Áslaugu
Gyðu Ormslev flugfreyju og eiga
þau þrjú börn.
Ásgeir
Pálsson