Morgunblaðið - 12.07.2000, Blaðsíða 16
16 MIÐVIKUDAGUR 12. JÚLÍ 2000
MORGUNBLAÐIÐ
LANDIÐ
Morgunblaðið/Sigurður Jónsson
Frá vígslu minningarreitsins í Selfosskirkjugarði. Oddur Þ. Hermannsson landslagsarkitekt, séra Ulfar Guð-
mundsson, prófastur Árnesprófastsdæmis, Guðrún Eggertsdóttir, djákni við Selfosskirkju, séra Þórir Jökull
Þorsteinsson sóknarprestur og séra Sigurður Sigurðarson, vígslubiskup í Skálholti.
NÝVERIÐ hlaut Sigurbjörg Ólafs-
dóttir, frjálsíþróttakona í Ung-
mennasambandi Austur-Húnvetn-
inga, 100 þúsund króna styrk úr
frjálsíþróttasjóði USAH. Sigurbjörg,
sem er 13 ára, á íslandsmet í 60 m
hlaupi telpna innanhúss og ekki er
langt síðan hún setti íslandsmet í 80
m grindahlaupi utanhúss í flokki 13-
14 ára telpna á móti Gogga galvaska.
Minningar-
reitur vígð-
ur við Sel-
fosskirkju
Selfossi - Minningarreitur um þá
sem í fjarlægð hvfla var vígður á
sunnudag að lokinni messu í Sel-
fosskirkju. Reiturinn er austast í
kirkjugarðinum og gengu kirkju-
gestir til reitsins eftir messu og
voru viðstaddir helgunarathöfn
sem Sigurður Sigurðarson vígslu-
biskup sá um.
Reiturinn er hannaður af Oddi
Þ. Hermannssyni landslagsarki-
tekt á Selfossi. Reiturinn er stein-
iagður og í honum miðjum er
sæti. Stuðlabergssteinar mynda
umgjörð um reitinn og eru þeir
tákn fyrir postulana. Á einum
steininum er kross og áletraður
skjöldur.
Reiturinn gefur fólki möguleika
á því að eiga kyrrláta stund á
helgum stað til að minnast ástvina
sem hvfla í fjarlægð.
Morgunblaðið/Jón Sigurðsson
Afrekskonan Sigurbjörg Ólafsdóttir tekur hér á móti styrk úr afreks-
mannasjóði USAH úr hendi Björgvins Þ. Þórhallssonar, formanns USAH.
Hlaut 100 þúsund
krdna styrk frá USAH
Sasha - kr. 39.800,- Bedford - kr. 24.900,- Kingston - kr. 9.900,-
Uppgefið verð er staðgreiðsluvcrð
QI5°J
Smiðjuvegi 6D
Rauð gata
200 Kópavogur
Sími 554 4544
Morgunblaðið/Steinunn Ósk Kolbeinsdóttir
Systurnar frá Miðkoti í Fljótshlíð að lokinni gróðursetningnni. F.v.
Isbjörg, Margrét, Bóel, Guðrún og Kristín.
Gróðursettu til
minningar um
föður sinn
Hvolsvelli - Afkomendur Sveins
ísleifssonar frá Miðkoti í Fljóts-
hlíð héldu upp á að 100 ár eru
liðin frá fæðingu hans hinn 18.
júní sl. með því að gróðursetja
500 tré rétt við Hvolsvöll. Sveinn
og kona hans, Ingibjörg voru
meðal frumbyggja á Hvolsvelli,
og þegar þau fluttust þangað
gerðurst þau frumkvöðlar í trjá-
rækt á staðnum. Því fannst af-
komendum þeirra tilhlýðilegt að
heiðra minningu þeirra hjóna
með veglegri gróðursetningu í
útjaðri þorpsins.
Á annað hundrað manns
mætti við gróðursetninguna og
að henni lokinni var farið að
Breiðabólstað að leiði þeirra
hjóna og átti fjölskyldan síðan
saman eftirminnilega stund í
kirkjunni. Alls eignuðust þau
hjónin Isleifur og Ingibjörg 7
börn, 6 dætur og einn son og eru
afkomendur þeirra á annað
hundrað.
Ferðalangar í skógarlundi við Hvammstanga.
Ferðast um landið
á Farmal Cub
Hvammstanga - Sérkennilegur
ferðamáti vakti athygli fréttarit-
ara Morgunblaðsins á dögunum,
er hann mætti fagurrauðri drátt-
arvél með vagn, sem minnti á
landnemavagn úr villta vestrinu.
Hér reyndust á ferð hjónin Helgi
Guðmundsson og Júlía Gunnars-
dóttir, úr Vogum á Vatnsleysu-
strönd, ásamt syni sínum Sindra
Snæ, sem er 8 ára.
Hugmyndin að ferðamátanum
hafði mótast um nokkurt skeið og
varð að veruleika nú á afmælisári
landafunda. Sagði Helgi að líkja
mætti ferð þeirra við ferð vík-
ingaskips til Grænlands og Amer-
íku. Dráttarvélin er Farmal Cub,
45 ára gömul, ættuð úr Eyjafjarð-
arsveit, vagninn smiðaður upp úr
vagni sem keyptur var hjá Sölu-
nefnd varnarliðseigna en annar
búnaður heimafenginn. I vagnin-
um var flatsæng fyrir ferðafólkið,
en framan á sæti fyrir farþegana,
búin öryggisbeltum. Ferðin hófst í
Vogum og lá um Laugarvatn, það-
an yflr Kjöl til Blönduóss. Þaðan
var síðan haldið sem leið lá suður
yfir Holtavörðuheiði til Faxaflóa-
svæðisins. Gerði Helgi ráð fyrir
að fcrðin tæki 14 daga.
Helgi sagði ferðina alfarið á
eigin forsendum, mjög margir
hefðu spurt um fyrir hverju þau
væru að safna. Hann vildi koma á
framfæri þökkum fyrir afar gott
samstarf við lögreglu á leið
þeirra, vissulega væri Kubburinn
ekki með öryggisgrind, hann væri
alveg óbreyttur, utan eins baksýn-
isspegils.
Ferðin kostaði talsvert því bens-
íneyðsla er um 20 lítrar á 100 km.
Kubburinn, eins og þessar vélar
voru kallaðar á sinni tíð, væri
tæknilega vel gerður og mætti
líkja honum við Hummer í flokki
bifreiða í dag. Þau hjón vildu
þakka fyrir afar góðar viðtökur á
ferð sinni og héldu sína leið, á 10
km hraða.