Morgunblaðið - 22.10.2000, Blaðsíða 2

2 B SUNNUDAGUR 22. OKTÓBER 2000
MORGUNBLAÐIÐ
Vínin á Primavera
Aldrei hefur verið meira úrval af ítölskum
gæðavínum hér á landi en nú og segir
Steingrímur Sigurgeirsson vínlista La
Primavera endurspegla þá vakningu sem er
að verða gagnvart ítölskum vínum.
AF einhverjum
ástæðum hafa ít-
ölsk vín átt erf-
itt updráttar á
íslandi síðastlið-
in ár. Eflaust
eru margar
ástæður fyrir
því og þá
kannski ekki síst
að skortur hefur
verið á fram-
bærilegum ítöl-
um á markaðnum með einstaka
undantekningum þó. Það hefur ver-
ið að breytast síðasta hálfa ára-
tuginn eða svo og nú er svo komið
að mörg af þekktustu vínum ítah'u
eru fáanleg á sérlista ÁTVR. Eitt
veitingahús hefur líka verið óþreyt-
andi við að koma ítölskum vínum á
framfæri við viðskiptavini sína,
nefnilega La Primavera í Austur-
stræti. Það hefur verið heillandi að
fylgjast með þróun vínlistans á
Primavera og sjá hvemig stöðugt
meiri metnaður er lagður ekki ein-
ungis í matargerðina heldur einnig
vínlistann. Þótt vínlisti Primavera
sé nær algjörlega ítalskur (eina
undantekningin franskt kampavín)
held ég að óhætt sé að fullyrða að
hann sé einn af þremur bestu og
mest spennandi vínseðlum landsins.
Við fyrstu sýn ber hann ekki
mikið yfir sér, látlaus og einfaldur,
og vínunum raðað upp án þess að
nokkur greinar-
munur sé gerður
á þeim. Þegar
betur er rýnt í
seðilinn kemur
hins vegar í ljós
að hann leynir
svo sannarlega á
sér. Ekki nóg
með að hann
endurspegli ítal-
íu frábærlega,
frá Piedmont í
noðvestri til Púglíu í suðaustri,
heldur er einnig mjög gott jafnvægi
á milli hinna sígildu vína Italíu og
hinna nýju vínstíla samtímans. I
raun ætti að vera hægt að finna vín
þarna með nánast hvaða máltíð sem
er, sama hvort hún er undir ítölsk-
um áhrifum eður ei.
Það er til dæmis kjörið að byrja
á freyðivíni og hvað er ítalskara (að
minnsta kosti norðurítalskara) en
Prosecco, freyðivíni þeirra Veneto-
búa?
Maschio Prosecco Conegliano er
mjög ljóst og freyðir nokkuð
óreglulega. Umur ferskur og þægi-
legur, perur og þurrkaðir ávextir. í
munni þurrt en þó ekki brut, það er
smávottur af sætu. Einfalt en ágæt-
lega þægilegt freyðivín, sem öllum
ætti að geta líkað.
Öllu meira vín er Franciacorta
Bellavista Brut. Það freyðir fallega,
glæsilegt vín, allt að því kampavíns-
legt í nefi með tærum og hreinum
ávexti, smjöri og sætum sítrus, með
einstakri fágun, mýkt og þykkt út í
gegn. Hver þarf kampavfn þegar
svona freyðivín eru í boði?
Hvítvín hafa aldrei verið sterk-
asta hlið ítala en á þessum vínlista
hefur þó tekist að stilla upp ágætri
línu þar sem ýmislegt kemur á
óvart.
Ef fyrst er litið á hin hvítu vín
Veneto
Cecilia Beretta 1999 Pinot Grigio
sem er ferskt og þægilegt með
miklum blómailm og þroskuðum
perum. í munni skarpt í fyrstu með
hressandi sýru og beiskum lakkrís.
Gott með léttum réttum og einföld-
um fiskréttum.
Sartori Soave 1996 er hins vegar
vín sem farið er að sýna töluverð
þreytumerki. Ferskleikinn og
ávöxturinn horfinn úr nefi og ein-
kennist ilmurinn þess í stað af hun-
angi og gólftusku. Hefur þokkaleg-
an þéttleika í munni og dugar svo
sem með mat en lífið er farið úr
víninu og það fer því ekki mjög vel
að eldast. Eitt af örfáum vínum sem
ég skil ekki alveg tilganginn með.
Vestur af Veneto er héraðið
Lombardy og þar er að finna frá-
bæran framleiðanda, Maurizio Zan-
ella og fyrirtæki hans Ca’ del
Bosco, nánar tiltekið á svæðinu
Franciacorta. Ca’ del Bosco 1996
hefur þægilegan ilm, sultaðar per-
ur, vanilla og rjómi eru áberandi
auk þess sem sætur sítrus gægist
fram við og við. Það eru engin
þreytumerki á þessu víni, þvert á
móti er það einstaklega lifandi og
aðlaðandi og hreinlega ljúffengt.
Hver sá sem hefur ekki trú á ítölsk-
um hvítvínum ætti að bragða á
þessu.
í Piedmont er að finna DOCG-
héraðið Gavi, eitt af bestu hvítvíns-
svæðum Ítalíu. Gavi 1997 græn ber,
stikilsber í nefi, í munni létt perl-
andi í fyrstu en þróast út í þykkan
og mikinn ávöxt. Ekki sýrumikið,
en býr þó yfir ferskleika, allnokkuð
vín sem vinnur á.
Annað hvítt Piedmont-vín er
Langhe Chardonnay, ferskur og
léttur chardonnay, þar sem sítrus-
ávöxturinn er ráðandi. Gott jafn-
vægi á öllu og ágæt lengd. Ættu
þessi Piedmont-vín tvö að henta
ágætlega með léttum forréttum eða
grænmetisréttum.
Friuli í norðausturhorni Ítalíu við
landamærin að Slóveníu, er al-
mennt talið besta hvítvínshérað
Ítalíu. Þaðan eru þrjú vín á listan-
um. Ascevi Pinot Grigio 1998 olli
mér nokkrum vonbrigðum, farið að
sýna of mikil þroskamerki, ávöxtur-
inn og ferskleikinn að hverfa.
Kannski slæm flaska. Vínin Sauv-
ignon Vieris 1998 og Floris di Uis
frá Vie de Romans stóðu hins vegar
undir nafni. Ekki síst er ég hrifinn
af Sauvignon Blanc-víninu. Ávöxt-
urinn þykkur og mikill án nokkurr-
ar sýru og skerpu eins og stundum
vill einkenna vín úr þessari þrúgu.
Bragðið djúpt og langt en vínið
samt mjög aðgengilegt. Fannst mér
það skáka Floris di Uis, sem er
blanda úr Chardonnay og Malvasia,
hið ágætasta vín en hefðbundnara.
Vernaccia di San Gimignano Ris-
erva 1997 frá Falchini er eitt af
\mís
Eina leiðin til að
Bíll ársins er líka öruggasti smábíll Evrópu.*
Eru smábflar eins öruggir og aðrir bflar? Þegar Yaris er annars vegar
er svarið JÁ. Yaris varð í efsta sæti í Euro NCAP árekstrarprófinu, fékk
29 stig og er þriðji öruggasti bíllinn sem Euro NCAP hefur gert
prófanir á frá upphafi, án tillits til stærðar!
Yaris hefur að auki tvo loftpúða og öryggisbelti með forstrekkjara
sem staðalbúnað ásamt ABS hemlum sem valbúnað. Yaris er, af
þessum ástæðum, öruggasti smábíll í Evrópu árið 2000. Bíll ársins
2000 hefur sett nýtt öryggisviðmið fyrir smábfla framtíðarinnar. Yaris
er auk þess fleiri kostum gæddur, t.d. óvenju rúmgóður, vel
hannaður, þú situr hátt í honum og hefur fjölmörg geymsluhólf.
Yaris er vandaður farkostur hvort sem litið er til öryggis eða
þæginda og er einkar skemmtilegur í akstri.
Þegar bíll er keyptur þarf að vanda valið. Stór hluti smábílakaupenda
hefur valið rétt. Það er engin tilviljun að þeir eru Yariseigendur í dag.
Ef þú vilt bætast í hópinn komdu þá í heimsókn á Nýbýlaveginn
eða á www.toyota.is
*Byggt á árekstrarprófi framkvæmdu af óháðum aðilum, Euro NCAP.