BFÖ-blaðið - 01.04.1984, Blaðsíða 11

Frá norrænni ráðstefnu
BFÖs.l. haust. F.v. Haukur
Isfeld, Óskar Ólason, Óli H.
Þórðarson, Hjalti Zóphón-
íasson.
BRYNJAR VALDIMARSSON
1983-
Hér að framan hefur verið sögð saga félagsins
og er nú komið að því að rýna í framtíðina.
Það er alltaf erfitt að sjá hvað verður gert í
framtíðinni og ber því að líta á þessi skrif sem ósk
um það sem við viljum gera.
Það verkefni sem ber mest á er Ökuleiknin sem
stendur nú að vissu leyti á tímamörkum, því önnur
aðildarfélög NUAT-Ungdom hafa hætt samstarfi
við GM verksmiðjurnar um keppnina. Standa nú
yfir samningar við annan bílaframleiðanda. Verð-
ur því ekki um norræna keppni að ræða í sumar
en þær hefjast aftur að ári. Þrátt fyrir það mun BFÖ
verða með Ökuleikni í sumar með sama fyrir-
komulagi og áður. í tengslum við Ökuleikni hafa
verið vélhjólakeppnir í samvinnu við Umferðar-
ráð. það er ætlunin að halda vélhjólakeppnir, þar
sem óskað verður eftir því, sé þess kostur.
Alltaf er þörf fyrir fleiri félaga og er því ætlunin að
vera með félagafjölgunarherferð á næstunni. Bið
ég því alla félaga að aðgæta hvort vinir eða
kunningjar hafi áhuga á að ganga í BFÖ.
Starfandi er félagaöflunarnefnd sem hefur m.a.
það verkefni að auka þjónustuafslætti, sem
félögum bjóðast og mun koma með næstu
félagsgjaldainnheimtu nú skrá yfir fyrirtæki sem
veita afslætti.
Alltaf er nokkuð um að félagið sendi fulltrúa á
ráðstefnur hér heima og erlendis. Það er þó ekki
nóg að fara á ráðstefnur og fundi, heldur þarf að
reyna að bæta og auka tengsl skrifstofu við
félagana og deildirnar, og er því starfandi tengsla-
nefnd, sem skal m.a. gera það sem unnt er til að
aðstoða og hafa samband við deildir. Þá höfum
við BFÖ blaðið sem nú kemur fyrir sjónir ykkar og
vonumst við til að það verði reglulega gefið út. Þar
hefur Sigurður R. Jónmundsson tekið við ritstjórn.
Þá má ekki gleyma þeim ungu sem starfa í
ungmennadeildinni. Þar eru duglegir og áhuga-
samir menn við stjórn, sem hafa góðar hug-
myndir, sem vonandi komast í framkvæmd.
Að lokum vil ég minna á eitt atriði. Það er lítið
hægt að gera án peninga og því fleiri sem eru í
félaginu þeim mun meira getum við gert. Það er
einn liður í fjáröflun að fjölga félögum. Segið því
frá félaginu og hvetjið aðra til að ganga í BFÖ, því
það eru miklu fleiri sem afneyta áfengi en þú
heldur.
Með ósk um farsæla framtíð.
11