Skólablaðið - 01.12.1914, Blaðsíða 11

SKOLABLAÐ'Ð
187
land þarfnast sólar“ o. s frv. Já, eins og blóm og jurtir
ekki geta þrifist nema við yl vorrar sólar, eins getur manns-
hjartað ekki náð fullkomnun og sannri mentun nema við yl
kærleikssólar guðs.
þegar eg byrjaði að læra, sagði móðir mín við mig:
„Bið þú nú guð að hjálpa þér, til að læra það sem gott
er“. Eg skammast mín ekki fyrir að játa, að eg hef síðan
haft þessa reglu að leita hjálpar guðs í störfum mínum, og
ekki síður síðan eg var yfir aðra sett; og nú bið eg fyrir
þessum skóla, að okkur kennurunum og ykkur börnunum
veitist hjálp til að gera það sem rétt er, ekki einungis innan
þessara skólaveggja, heldur hvar sem vér erum, svo skólinn
okkar verði heimkynni friðar og hamingju.
Ingveldur Á. Sigmundsdóttir:
Skýrslu
um líkamlegar framfarlr barnanna
hefur skólastjóri Jón þ. Björnsson á Sauðárkróki látið fylgja
skólaskýrslu sinni í ár. það sýnir lofsverðan áhuga og væri
æskilegt að fleiri kennarar vildu taka upp þann sið að gera
reglubundnar athuganir um líkamlegar framfarir.
Börnin eru vigtuð og mæld haust og vor (í skólaársbyrj-
un og í skólalok); í sérstakan dálk er svo sett hvað þau
hafa þyngst og hækkað meðan skólinn stóð. Skýrsla þessi
er um 40 börn á aldrinum 10—14 ára, og má margt af
henni læra. — Af þessum barnahóp hafa 4 staðið í stað þetta
hálfa ár, að því er þyngdína snertir, — hvorki þyngst né
létst; en tvö hafa létst, annað um 1J/2 kg., en hitt um 3/t kg.
þegar 11 ára stúlka léttist um 11/2 kg. á 6 mánaða tíma, er
eitthvað að, sem lagfæra þarf. Öll höfðu börnin hœkkað, en
mjög misjafnlega mikið; frá 1 cm. og upp í 41/* cm. hefur
hækkunin verið.
Mest hefur ein stúlka þyngst, 6 kg. á 6 mánuðun. það
er efnilegt!