Skólablaðið - 01.12.1914, Blaðsíða 13

SKOLABLAÐIÐ
189
er til í sveitinni ? Hver á að ábyrgjast það, að barnið
komist áfram fyrir bókaieysi ?
4. Hvað á fræðslunefnd að gera, þegar hún er búin að
fara fyrir hvers manns dyr í hreppnum til að biðja um
húsnæði fyrir farskólann og hvergi fengið ? Ber hún
ábyrgð á því, að kenslan f-alli niður ? Á kennarinn,
sem ráðinn hefur verið, aðgang að fræðslunefndinni með
kaup, sem hún hefur ráðið hann fyrir, þó að ekkert
verði úr kenslu þann vetur ?
5. Er það herbergi forsvaranlegt handa kennara til íbúðar,
sem er mjög súgfult og slagafult og ofnlaust, svo að
bækur hans eyðileggjast og honum finst heilsa st'n alls
ekki þola þetta? Hvað á kennari að gera, sem ekki
getur fengið bót á þessu ?
Svör:
1. Skólahús, sem fær styrk úr landsjóði verður að vera
gert eftir teikningu, sem stjórnarráðið hefur samþykt,
og húsið verður að vera opinber eign. Einstakir menn
geta því ekki fengið styrk.
2. það er eflaust meining fræðslulaganna, að lágmark launa
eigi að vera 6 kr. um vikuna, kostnaðarlaust kennaran-
um að öllu leyti, ljós og hiti teljist með húsnæðinu.
Að taka alt að þriðjungi launa kennarans fyrir ljós og
hita nær vitanlega engri átt, þó að heimilt væri að láta
hann borga fyrir það af launum sínum, sem fráleitt
er rétt.
3. Fræðslunefndin á að annast um, „að börnin geti fengið
nauðsynlegar bækur og áhöld“. þeirri skyldu sinni
gegnir hún ekki nema hún sjái um, að bækurnar og
áhöldin séu þar sem hægt er að ná til þeirra; ætti því
að vera til taks innansvehar.
4. Heimta af hreppsnefnd, að hún láti reisa skólahús á
kostnað hreppsins. Hvernig fer um kröfu kennarans
til launa fyrir þann vetur, sem kensla hefur fallið niður
sakir húsnæðisleysis, getur orðið dómsmál. Best að
ráðgast um það við sýslumann.
5. Nei. Ganga úr vistinni og heimta skaðabætur.