Dagur - Tíminn - 02.10.1996, Page 2
31agur-®mttrm
2 - Miðvikudagur 2. október 1996
Það styttist óðum í landsfund
sjálfstæðismanna og er það
mál manna að sjaldan hafi verið
eins lítill spenningur fyrir lands-
fund og nú. Þó er enn á ný kom-
inn á kreik orðrómur um að Friðrik
Sophusson sé að verða forstjóri
Landsvirkjunar og að Sólveig Pét-
ursdóttir sé jafnvel næsti varafor-
maður. Innvígðir íhaldspottormar
segja að það sé kannski ekki að-
almálið hvort orðrómurinn um að
Friðrik sé á útleið só réttur, heldur
sé hitt mikið veikleikamerki fyrir
varaformann að svona kvittur
skuli koma aftur og aftur upp...
r
Ipottinum var verið að segja frá
því að það hafi verið blendnar
tilfinningar hjá bæjarstjóranum í
Grindavík þegar Grindvíkingar
unnu sigur á Leiftri og héldu sér
uppi í fyrstu deild. Sagt var að
hann hafi verið stoltur af sínum
mönnum, en það hafi verið út-
gjaldaþáttur lítils bæjarfélags með
stórt 1. deildar lið sem dró úr
gleðinni...
Einn pottormur sem fylgdist
með þingsetningunni í gær
gerði óformlega skoöanakönnun
meðal nokkurra þingmanna og
blaðamanna á því hvort það hafi
verið „punktur" hjá Davíð eða
ekki. Flestir töldu að það hefði
verið punktur, en spurningin er
hins vegar sú, hvort það hafi ekki
alltaf verið punktur...
Meira frá þingsetningunni. Al-
þýðubandalagsformenn
komu við sögu í þinghúsinu í gær
en Ólafur Ragnar Grímsson for-
seti las upp sinn boðskap og
Ragnar Arnalds starfsaldursfor-
seti stýrði fundi til að byrja með.
Svavar Gestsson fyrrum formaður
stakk upp á því að Ólafur G.
leyfði sér að vera forseti í einn
dag til að þrír fyrrum formenn
væru með í þingsetningunni, en
fáum leist á þá hugmynd þegar
betur var að gáð, ekki heidur
Svavari sjálfum. Þá lagði Steign-
rímur J. til að Ragnar gleymdi
gleraugunum sínum í sæti sínu og
kallaði Svavar upp til að rétta sér
þau, og þá hefðu sannanlega þrír
formenn AB komið við sögu þing-
setningarinnar...
F R É T T I R
Landssamband hestamanna
Formaður efast um
ágæti sameinmgar
Formaður
Landssambands
hestamanna efast
um ágæti
hugsanlegrar
sameiningar LH og
Hestaíþróttasam-
bands íslands
Séð yfir salinn. Fremst vinstra megin við borðið eru Guðmundur Ólafsson
og Jónas Kristjánsson, en Gísli B. Björnsson er fremst til hægri.
Guðmundur Jónsson, for-
maður Landssambands
hestamanna, hefur mikl-
ar efasemdir um ágæti hugsan-
legrar sameiningar LH og
Hestaíþróttasambands fslands.
Nefnd fulltrúa þessara sam-
taka, er vinnur að mótun til-
lagna um sameininguna, hélt
kynningarfund í Reykjavík í
gærkvöld og þar lýsti hann
þessari skoðun sinni yfir. Hann
kveðst þó ekkert geta sagt um
hvort slík andstaða sé við sam-
einguna, að hún gangi elíki eft-
ir.
„Þetta er ekki ný skoðun hjá
mér og henni hef ég áður lýst
yfir. Ég er ekki fullkomlega trú-
aður á að þetta sé rétt skref,“
sagði Guðmundur í samtali við
Dag- Tímann. Hann sagði að
tekjustofnar samtaka hesta-
manna, s.s. frá íslenskri getspá,
í landinu yrðu fráleitt eins ör-
uggir ef þau sameinuðust og
það vægi þungt í afstöðu sinni í
þessu máli. „Það er ómögulegt
að reka landssamtök ef menn
eru í fjáröílunarstarfi alla
daga,“ segir Guðmundur. Hann
kveðst einnig þurfa að vita
hvaða áherslur í félagsstarfi
sameinuð hestamannafélög
ætla að hafa, áður en hann
gerðist þeim beinlínis með-
mæltur.
Guðmundur kvaðst reikna
með að þetta sameiningarmál
kæmi sterkt inn í umræðuna á
aðalfundi Landsambands hesta-
manna, sem haldinn verður í
næsta mánuði. Hann vildi þó,
einsog áður sagði, ekkert segja
um hvort landið meðal hesta-
manna lægi þannig að samein-
ing þessi yrði blásin af. -sbs.
A fundi hestamanna um sameiningarmál þeirra. Guðmundur Jónsson við
hátalarann. Myndir:OTK
Akureyri
Minningar-
tónleikar um
Ingimar Eydal
Þann 20. október
næstkomandi hefði
tónlistarmaðurinn
Ingimar Eydai orðið sex-
tugur en hann lést í árs-
byrjun 1993. Af þessu til-
efni verða haldnir minn-
ingartónleikar um hann
þann dag í íþróttahöllinni
á Akureyri.
Yfirskrift tónleikanna er
Kvöldið okkar og auk þess
sem Ingimars verður minnst
í'tali og tónum, er tilgangur
tónleikanna að safna fé í
minningarsjóð um hann.
Sjóðinn á að nota til að
kaupa vandaðan konsert-
flygil handa Akureyringinn
en lengi hefur vantað slíkt
hljóðfæri í bæinn. Sjóðurinn
og síðar flygillinn verður í
vörslu Tónlistarfélags Akur-
eyrar.
Á tónleikumun munu Qöl-
margir listamenn koma
fram og verður megin-
áhersla lögð á þá tónlist sem
Ingimar hafði mest dálæti á.
Meðal flytjenda má nefna
Boogie Woogie bræður,
Björn Thoroddsen, Bubba
Morthens, Daníel Þorsteins-
son, Egil Ólafsson, Finn Ey-
dal, Helenu Eyjólfsdóttur,
Fjóra Ijöruga, Gunnar Gunn-
arsson, Hljómsveit Ingu Ey-
dal, Karlakór Akureyrar,
Geysi, Kór Akureyrarkirkju,
Ómar Ragnarsson, Óskar
Pétursson, Tjarnarkvartett-
inn, Tríó PKK og Þorvald
Halldórsson. Kynnir verður
Gestur Einar Jónasson.
Að tónleikunum stendur
samstarfshópur sem í eru
vinir og aðdáendur Ingi-
mars. Koma hátt að 200
manns að upákomunni og
gefa allir vinnu sína.
FRÉTTAVIÐTALIÐ
Við erum úti í kuldanum
formaður Stúdentaráðs
Vilhjálmur Vilhjálmsson, formað-
ur Stúdentaráðs, er óhress í garð
menntamálaráðherra vegna
menntaþings sem ráðherra boðar
til 5. október nk Vilhjálmur gagn-
rýnir aðstöðumun og lítið vœgi
stúdenta á þinginu og segir ráð-
herra hafa œtlað sér að halda
glansþing, án þess að stúdentum
gœfist kostur á málefnalegri
gagnrýnl
Stúdentar hafa hætt við þátttöku á
þinginu en munu þess í stað halda
sjálfstætt málþing í 100 metra tjaldi
samhliða menntaþinginu. Dagur-Tím-
inn kynnti sér söguna út frá sjónarhóli
háskólastúdenta.
- Hver er forsaga málsins?
„Menntamálaráðuneytið hringdi á
skrifstofu Stúdentaráðs fyrir u.þ.b.
mánuði og bauð okkur þátttöku. Ég
spurðist fyrir um dagskrána, en sá
sem varð fyrir svörum var annað hvort
að flýta sér eða vissi ekki betur og
sagði að samband yrði haft við mig síð-
ar. Ég játti þátttöku okkar en síðan
gerðist ekkert þangað til sl. fimmtudag
þegar ég var boðaður á fund í Há-
skólabíói ásamt öðrum forystumönn-
um námsmannahreyfinganna. Þar var
okkur námsmönnum ætlað að vera
einir í kjallara bíósins, hengja upp
myndir, standa brosandi og segja gjör-
ið svo vel. Við áttum ein að vera í kjall-
araholunni en allir aðrir í anddyri
bíósins eða anddyri Þjóðarbókhlöðu.
Þarna sá ég í fyrsta skipti dagskrá
þingsins og varð ósáttur þannig að ég
boðaði starfsmenn menntamálaráðu-
neytisins og forystumenn hinna náms-
mannarhreyfinganna á fund niður í
stúdentaheimilið. Ég gagnrýndi þar
m.a. að 59 aðilar tækju þátt í pallborði
á þinginu en aðeins einn námsmaður.
Og hann átti að tala um dóp, eða hlut-
verk framhaldsskóla í forvörnum. Eng-
inn námsmaður á adrinum 20-28 ára,
almennum háskólaaldri, átti að flytja
framsögu.“
Formaður Stúdentaráðs hefur fleiri
athugasemdir við gang mála. „Það er
ennfremur gagnrýnivert að það eigi
ekki að velta upp einni einustu spurn-
ingu á þessu þingi sem er óþægilegt
fyrir ráðherrann að svara. Þarna verð-
ur liður sem heitir Gæði og árangur
skólastarfs en engir nemendur spurðir
um gæði menntunarinnar. Menntun í
alþjóðlegu upplýsingasamfélagi er
annað mál og þar er ekkert minnst á
að íslendingar þurfi að sækja sér mast-
ers- og doktorsgráður til útlanda.
Einnig er ekkert minnst á að hér sé
upplýsingamusteri í Reykjavíkurborg
sem ber nafnið Þjóðarbókhlaðan en sé
alltaf Iokuð vegna ónógra Ijárveitinga
og í fjórða lagi er liður undir heitinu
menntun og jafnrétti - fimm framsögur
- þar sem ekki verður minnst einu orði
á Lánasjóðinn. Þetta á allt að vera slétt
og fellt á yfirborðinu, svona glansþing.
Tvískinningurinn er auðsær."
Vilhjálmur segist því næst hafa
spurt starfsmenn ráðuneytisins hvort
ekki væri mögulegt að breyta dag-
skránni og leyfa röddum námsmanna
að heyrast. Því hafi verið neitað sem
og beiðni stúdenta um aðstöðu í bíóinu
til að halda sitt eigið menntaþing. Þá
hafi verið ákveðið að bregðast við með
viðeigandi hætti.
„Námsmenn vilja að sjálfsögðu
halda innræðunni um menntamál vak-
andi og þess vegna ætlum við að ræða
þau viðkvæmu mál sem munu verða út
undan á menntaþinginu. Við höldum
okkar eigið menntaþing, laugardaginn
5. október, í 100 fermetra tjaldi milli
kl. 1 og 3.30 milli Suðurgötu og Hótel
Sögu. Þar verðum við úti í kuldanum
eins og námsmenn á íslandi eru í dag.“
- BÞ.