Dagblaðið Vísir - DV - 23.01.1985, Blaðsíða 2

2
DV. MIÐVIKUDAGUR 23. JANÚAR1985.
Eiratiell
vandaöar vörur
VIÐGERÐAR-
LEGUBRETTI
KR. 1.443,00
Skeljungsbúðin
SíÖumúla33
símar 81722 og 38125
rTTTTTWfTi
vandaðaðar vörur
Rafsuðuvélar
Handhægar gerðir
eru fyrirliggandi
gott verð
Skeljungsbúðin
Síðumúla33
símar81722 og 38125
141 11
vandaðaðar vörur
Hleðslutæki
6,12 og 24 volta.
Margargerðir.
BENSÍNSTÖÐVAR
SKELJUNGS
Skeljungsbúðin
Síðumúla33
símar 81722 og 38125
Eftirmáli slyssins í Rjúpnabrekkukvísl síðastliðið sumar:
Ættingjar veittu viöur-
kenningu til íslendinga
Bárðardal, Mývatnssveit og lög-
regla og björgunarsveit á Húsavík.
Allir þessir aðilar fengu fagurt
viðurkenningarskjal sem er undirrit-
að af rektor Tókýóháskóla. Auk þess
fengu Baldur og fjölskylda for-
kunnarfagra japanska dúkku úr
postulíni iklædda handunnum við-
hafnarbúningi. Björgunarsveitimar
fengu hins vegar peningagjafir, 40
þúsund krónurhver.
Jónas Hallgrímsson, verkfræðing-
ur í Reykjavík, og Sigurður Jakobs-
son jarðfræðingur hafa verið full-
trúar japönsku ættmennanna hér á
landi og afhenti Jónas þessar gjafir
11. janúarsl. áHúsavík.
Jónas sagði í samtali við DV að
tveir mannanna hefðu verið jarð-
fræðingar að mennt og starfsmenn
Tókýóháskóla, 32 og 36 ára gamlir.
Sá þriðji var 19 ára gamall systur-
sonur þess eldri og nemandi í raun-
vísindadeild skólans. Hann var í
Fjölskylda á Akureyri, Húsavíkur-
lögreglan og þrjár björgunarsveitir í
Þingeyjarsýslu fengu nýlega viður-
kenningu frá ættingjum japönsku
ferðamannanna, sem fórust í
Rjúpnabrekkukvísl í sumar, og frá
Tókýóháskóla.
Þetta voru Baldur Sigurösson frá
Akureyri, sem er kunnur fyrir jökla-
ferðir sínar, Stefanía Armannsdótt-
ir, kona hans, og sonur þeirra, Bald-
ur Oli. Einnig björgunarsveitir í
Hjónin Baldur Sigurðsson og Stefanía Ármannsdóttir ásamt syninum, Baldri Óla, mefl skjalið og
styttuna. DV-myndir: JBH, Akureyri.
FUNDU FILMU í SPRUNGU
ELLEFU KM FRÁ SLYSSTAÐ
Þrír Japanir fórust þegar
Ladajeppa þeirra hvolfdi í Rjúpna-
brekkukvísl norðan Vatnajökuls 10.
ágúst sl. Hún var þá í foráttuvexti og
veður mjög slæmt.
Baldur Sigurðsson, sem hefur í
mörg ár stundað snjóbílaferðir á
Vatnajökul, var um þetta leyti,
ásamt Stefaníu Armannsdóttur
konu sinni, Baldri Ola, syni þeirra,
og Maríu H. Tryggvadóttur úr Eyja-
firði, í skála þeirra við Gæsavötn.
Þau urðu Japannanna vör fyrri hluta
dagsins sem slysið varð en gerðu alls
ekki ráð fyrir að þeir reyndu viö
Rjúpnabrekkukvíslina eins mikil og
hún var þá orðin. Meira er ekki vitað
um ferðir Japanna þar til fólk, sem
kom neðan úr Bárðardal, ók fram á
einn þeirra síðdegis þar sem hann lá
við ána. Það lét vita í Gæsavatna-
skálann en þangað voru Baldur og
fjölskylda komin aftur eftir ferð upp
að jökulröndinni. Var brugðið viö
fijótt og haldið að ánni. Þrátt fyrir
lifgunartilraunir tókst ekki að
bjarga piltinum.
Þetta var um kaffileytiö föstudag-
inn 10. Baldur og fólk hans leitaði
síðan meðfram ánni fram í myrkur,
fleiri menn fundust ekki þá en all-
mikiö af búnaði Japananna. Ekki
var vitað hversu margir voru í bíln-
um þegar þama var komið.
Annað lík fannst klukkan níu á
laugardagsmorgun. Feðgarnir,
Baldur og Oli, fundu það á síðustu
eyrinni fyrir ofan fossinn Gjallanda.
Björgunarsveitir komu á vettvang
seinna um daginn og fundu þriðja lík-
ið á svokallaðri Marteinsflæðu
sunnudaginn 12. Daginn áður hafði
fjölskylda Baldurs þurft að fara
óvænt til Akureyrar.
Mánuði síðar birtist auglýsing í
blaöi þar sem Ieitað var eftir upplýs-
ingum um feröir Japananna um
landið. Baldur sagði í samtali viö DV
að hann hefði þá boðist til að fara aft-
ur á slysstaöinn og reyna að finna
meira af dóti mannanna ef ske kynni
að einhverjar vísbendingar fengjust.
Þann 6. september hélt hann þang-
að meo Stefaníu, Hreini Skagfjörð,
sem var skálavörður í Herðubreiöar-
lindum þegar slysið varð, Kolbrúnu
Magnúsdóttur frá Akureyri og
danskri stúlku, Kirsted Nielsen.
Daginn eftir fínkembdi hópurinn
svæðið neðan við slysstaðinn og
fannst ýmislegt. Hið ótrúlega gerðist
til dæmis að tvær filmur í komu í
leitimar. Hreinn kom auga á aðra
þeirra i lítilli sprungu, ellefu kíló-
metra frá slysstaö. Hin var á svip-
uðum staö, einn metra frá árbakkan-
um. Slysdaginn höfðu fundist þrjár
filmur og með þessum fimm filmum
hefur verið hægt að rekja ferðalag
Japananna suður og austur um land
og inn á hálendiö.
I þessari seinni leit fannst líka
jöklatjald, svefnpoki og fleira. Bald-
ur sagði aö þau hefðu verið beðin um
að brenna þessum búnaði. Það væri
trú aðstandenda að mennimir þyrftu
á þessum búnaði að halda i öðru lífi.
Fyrstu árin væru hinir látnu jarð-
bundir og dveldu á staðnum þar sem
þeir létust.
Þau Baldur og Stefanía sögðust
innilega þakklát fyrir þessa hugul-
semi ættingja Japananna sem gjaf-
irnar vitnuðu um. Fram kom í spjalli
við þau aö oft hefði legið við stórslysi
á þessum stað og þau hefðu líklega
bjargað mörgum mannslífum með
nærveru sinni.
-JBH/Akureyri.
% &
ÖALOUR SIGUROSSQN ANO «
fÁHILY. U-ESAVATMASKÁLA '
« +4m*s
sumarfríi en fékk að fara til Islands
með móðurbróður sínum.
JBH/Akureyri
Postulinsstyttan er klædd i hand-
unninn viðhafnarbúning.
Japanska viðurkenningarskjalið
er ákaflega fagurt en jafnframt
illlæsilegt flestum tslendingum. Á
því stendur eftirfarandi, í efnislegri
þýðingu Jónasar Haligrimssonar
verkfræðings sem stundaði nám í
Japan frá 1974—1980: Fyrir hönd
Tókýóháskóla vil ég undirritaður tjá
yður þakklæti vort fyrir það mikla og
óeigingjarna starf og dugnað við leit
og flutning á líkum tveggja jarð-
vísindamanna og eins nema frá há-
skóla vorum er fórust á hálendi
íslands 10. ágúst 1984. Ennfremur vil
ég tjá þakklæti vort fyrir þá vinsemd
og samúð sem aðstendendum þeirra
látnu var auðsýnd. Tókýó 1. septem-
ber 1984, Ryui Chi Hirauo (sign.
rektor Tókýóháskóla).
JAPANIRNIR VORU MIKILS
METNIR JARÐVÍSINDAMENN
Jarðfræðingarnir Fukuyama og
Sakiyama, sem fórust í Rjúpna-
brekkukvísl, voru sérfræðingar í til-
raunabergfræði og með færsutu
mönnum á því sviöi í heiminum, að
sögn Sigurðar Jakobssonar, jarð-
fræðings hjá Raunvísindastofnun
Háskólans. Attu þeir í haust að taka
við prófessorsembætti við Tókýóhá-
skóla.
Horikoshi, sá yngsti sem fórst, var
systursonur Fukuyama. Sigurður og
Fukuyama þekktust vel. Þeir voru
báðir viö ríkisháskólann i Arizona í
Bandaríkjunum 1979 til 1981, Sigurð-
ur við doktorsnám í jarðfræði en
Fukuyama vann þar sem sérfræð-
ingur.
„Þetta var óskaplega ljúfur mað-
ur, greindur og skemmtilegur,”
sagði Sigurður.
,,Síðustu tvö til þrjú ár vann hann
við Carnegie Institude í Washington
við rannsóknir. Sukiyama kom hins
vegar frá Bretlandi.”
Japanirnir ætluðu að heimsækja
Sigurö í Reykjavík kvöldið sem slys-
ið varð. Þeir höfðu haft símasam-
band og sagst ætla að koma. örlögin
komu í veg fyrir það.
Nánustu aðstandendur komu til
Islands til að sækja ösku mannanna
skömmu eftir slysið. Bjó fjölskylda
Fukuyama þá hjá Sigurði. Það fólk
fór ekki á slysstaðinn en hins vegar
fóru Sigurður og lögreglumenn frá
Húsavík þangað meö tveimur
prófessorum við Tókýóháskóla þann
15. ágúst.
,,Þeir voru með blóm og settu þau
á staðina þar sem líkin höfðu fundist.
Þeir skrifuðu auk þess á kort sem
voru sett í ána. Á þeim sögðu þeir að
stæði að mennirnir skyldu hvíla í
friði,” sagði Sigurðijr.
Það segir talsvert um hversu hátt
þessir japönsku vísindamenn voru
metnir sem jarðfræðingar að virt
tímarit ætlar aö tileinka þeim eitt
hefti ársins. Tímaritið heitir Journal
of Volcanology and Geothermal
Research og er gefið út af Elsevier í
Amsterdam, Oxford, New York og
Tókýó. I því verða átján greinar eftir
ýmsa vísindamenn, þar á meðal Sig-
urð Jakobsson. -JBH/Akureyri.