Dagblaðið Vísir - DV - 17.01.1986, Blaðsíða 28

36
DV. FÖSTUDAGUR17. JANÚAR1986.
Myndbönd - Myndbönd - Myndbönd - Myndbönd - Myndbönd
Kófdrukknum konsúl rænt
★★
The Honorary Consui
Byggd á sögu Graham Greene
Leikstjóri: John Mackenzie
Aóalhlutverk: Michaei Caine,
Richard Gere
Heiðurkonsúllinn var sýndur í
Bíóhöllinni fyrir tveim þrem árum.
Ég sá myndina þá og lét mér fátt
um fínnast. Nú, að þessum tíma
liðnum, er skoðun mín óbreytt.
Myndin er gerð eftir samnefndri
skáldsögu Graham Greene og segir
frá lækninum Eduardo Plarr (Gere)
í Argentínu. Hann lendir í týgjum
við stúlku nokkra sem ekki er í
frásögur færandi nema af því að sú
er gift konsúl Breta á staðnum,
Charley Fortnum (Caine). Fortnum
þessi er örlagabytta og er svo
óheppinn að vera rænt í misgripum
af uppreisnarvinum læknisins.
Plottið er í þessu tilviki leyst með
dramatísku atriði þar sem frelsis-
hetjurnar eru skotnar í vígi sínu.
Það sem helst vefst fyrir Mackenzie
leikstjóra er hvar samúð áhorf-
andans á að lendá. Á maður að
halda með ólánsama konsúlnum
eða málstað uppreisnarmannanna?
Og hvert er ádeilunni beint? Á
framhjáhald eða einræðisstjórnir?
Spyr sá sem ekki veit.
Þetta er svona mynd sem fer
eiginlega fyrir ofan garð og neðan
hjá manni. Þrátt fyrir viðleitni ná
leikararnir ekki að rífa neitt upp.
Gere er hallærislegur í hlutverki
læknisins og gleymir að hann er
að leika innfæddan Argentínu-
mann. Talar enskuna lýtalaust og
með amerískum hreim.
Caine er, eins og við var að
búast, hæfilega sjúskaður í hlut-
verki fyllibyttunnar Fortnum.
Hann leikur konsúlinn af stakri
kunnáttusemi enda vanur svona
rullum.
Að lokum má kannski geta Bob
Hoskins sem fer með hlutverk
herforingja í argentínska hernum.
Rulla hans býður ekki upp á mikil
tilþrif og hann virðist sæll með
það. Gott ef einhver er ánægður.
-ÞJV
Ekki eign kvikmyndahúsanna
í Hafnarfirði or myndbanda-
leiga sem fengið hefui- nýtt nafn.
Áöur het þessi leiga Myndbanda-
leiga kvikmyndahúsanna þó að í
raun væri hún ekki þeirra eign.
Eigandi frá upphafi hefur verið
Reynir Kristjánsson. Hann
breytti á dögunum nafninu í
Fjarðarvídeó og eftir sem áður
er leigan til húsa í Dalshrauninu.
-ÞJV
Ekkjurnar enn á ferð
★
Ekki er óalgengt að framhalds-
þættir, sem sýndir hafa verið í sjón-
varpi, séu settir yfir á myndbönd.
Má í þessu tilefni nefna The Pro-
fessionals og Widows.
Þættirnir um ekkjurnar komu á
markað fyrir rúmu ári og nú er
komið framhald þeirra, Widows 2.
í hluta eitt rændu ekkjurnar
peningabíl, en eins og sumir vita
hlupu þær í skarðið við ránið fyrir
eiginmenn sína sem voru myrtir.
Að ráninu loknu drifu þæi' sig til
Rio í Brasilíu. í öðrum hluta ætla
þær sem sagt að fara að njóta lífs-
ins. En þá kemur babb í bátinn og
ekkjunum fræknu er nauðugur
einn kostur að verja hendur sínar.
í rauninni er fátt eitt um þetta
segja. Þetta er allt afskaplega
þreytulegt, hvort sem litið er á
handrit, leik eða leikstjórn. Sumar
þáttaraðir, sem ég hef barið augum,
hafa verið langdregnar en þetta
slær líklega allt út. Mér dauð-
leiddist yfir þessu.
Eitthvað hefur Tjallinn því mis-
reiknað formúluna að þessu sinni.
Hafi Widows eitt þótt vel heppnað-
ir þættir er öruggt að þetta er síð-
asta framhaldið. Maður ætti samt
að spara fullyrðingarnar i þessu
sambandi, Bretar hafa alveg sér-
stakan smekk í svona málum. -LH
Hættu nú, Harris!
Game for Vultures
Leikstjóri: James Fargo
Aðalhlutverk: Richard Harris,
Joan Coilins, Ray Milland
Timi: 101 min.
Richard Harris er ákveðið leiðin-
legasti leikari sem ég sé (meira að
segja Stallone og Bronson eru
skárri).
Andúð mín á manninum heid ég
að stafi af því hversu einhæf hlut-
verk hann tekur sér fyrir hendur.
Heimspekilegir snillingar eru hans
sérgrein og án allrar miskunnar
við áhorfandann heidur hann ein-
ræður um heimspekileg efni. Mað-
ur grípur bara um höfuðið í ör-
væntingu þegar hann byrjar.
I þessari mynd leikur Harris
vopnasala frá Ródesíu, David
Swansy að nafni. Ríkisstjórnin er
að berjast við svertingja í fjöllun-
um og þarf þyrlur til að geta ráðið
niðuriögum þeirra. Swansy á að
útvega þær. Jafnframt kynnumst
við einum af foringjum svertingj-
anna og fylgjumst með frelsisbar-
átt,u hans. Líka er sagt frá bróður
Swansy, konunni hans og bróður
hennar. Denholm Elliot hefur svo
verið gabbaður til að leika einhvers
konar rannsóknarblaðamann.
Það eru sem sagt margar persón-
ur leiddar fram á sjónarsviðið og
það hefur einn ákafiega stóran
kost í för með sér. Maður þarf þá
ekki að horfa á Harris á meðan.
Hann kemur nefnilega ekki svo
ýkja mikið við sögu. Áhorfandan-
um er dröslað um allar jarðir þang-
að til hann er gjörsamlega búinn
að missa áhugann á efninu. Þá er
skellt inn í hressilegu bardagaat-
riði í lokin og Harris og svertingja-
foringinn verða sammála um að
þetta sé eftir allt saman vonlaust
stríð. Finnst þér þetta ruglingslegt?
Þá ættirðu bara að sjá myndina.
Ein allsherjar ringulreið og Harris
hæstánægður með sjálfan sig og
hefur Joan Collins undir arminn.
Þar leiðir haltur blindan.
-ÞJV
Læknirinn Eduardo (Richard Gere) er svo sannarlega með hjartað
á réttum stað.
Deyfðí
sprengjuveislunni
★★^
Dr. Fischer of Geneva
Byggð á skáldsögu Graham Greene
Leikstjóri: Michael Lindsay-Hogg
Aðalhlutverk: James Mason,
Alan Bates, Greta Scacchi
Tími: 97 mín.
Það er ekki heiglum hent að gera
myndir eftir skáldsögum Graham
Greene. Það hafa margir fengið að
reyna.
Hér ræðst M. Lindsay Hogg til
atlögu við Sprengjuveisluna með
handrit Richard Broke sér til full-
tingis. Útkoman verður að teljast
viðunandi en ekki meira en það.
Ekki tekst að skapa nægilega
spennu í kringum aðalpersónuna,
dr. Fischer, sem orsakar að loka-
uppgjörið, sjálf sprengjuveislan, er
eins og áttræðisafmæli.
Kannski skiptir hér mestu að
James karlinn Mason er of góðleg-
ur í hlutverkið. Auglýst er að þetta
hafi verið siðasta mynd hans (mig
minnir reyndar að það sama hafi
verið sagt um The Shooting Party,
en hvað um það) og hér virðist
karlinn orðinn frekar aðframkom-
inn.
Það sem líka er galli við myndina
er hversu hlutverk Bates og Scacc-
hi eru óljós. Bates tekst þó að klóra
í bakkann og nær þvi sem hægt er
út úr hlutverki tengdasonar Fisc-
hers. Scacchi er aftur á móti ekki
eins sjóuð og hefði þurft meiri
stuðning. Útlitið hefur hún samt
með sér og vakti fyrir það fyrst
athygli í myndinni The Coca Cola
Kid. En hún hefur vafalaust margt
annað en fegurð til brunns að bera.
Það verður spennandi að sjá hvort
henni tekst að þroska sjálfa sig sem
leikkonu en ekki kyntákn (Jessicu
Lange tókst það allavega).
Þrátt fyrir að hér hafi helstu
gallar Sprengjuveislunnar verið
tíndir til er þetta alls ekki slæm
mynd. Hún er ágæt eins langt og
hún nær en maður bjóst einfaldlega
við meiru. Hafi þetta verið síðasta
mynd Masons heitins þá kvaddi
hann því miður ekki með neinum
glæsibrag. -ÞJV
James heitinn Mason leikur dr. Fischer í Sprengjuveislu Grahams
Greene.
V^I^N^S^Æ^L^D^A^L^I^S^T^A^R
DV-LISTINN
MYNDIR
1 (( 2) Ghostbusters
2(1) Beverly Hillscop
3(6) Into the night
4 (-) Amadeus
5 (—) Hratninnflýgur
6(3) Runaway
7 (—) Never ending story
8(8) Passage to India
9(5) The key to Rebecca
10 (4) Mickeand Maude
DV—LISTINN
ÞÆTTIR
1(1) Kaneand Able
2 (-) Til lífstíðar
3(3) Silent reach
4(2) Jamaica inn
5(4) 1915
6(6) Widows2
7(5) Mussolini and I
8(8) Powergame
9(7) Deceptions
10 (9) Mallense
BANDARIKIN
1(1) Beverly hills cop
2(2) Ghostbusters
3(3) Gremlins
4' (4) Emerald forest
5(5) Brewsters million
6(6) Codeofsilence
7(7) Aviewtoakill
8 (-) Pale rider
9(9) Fletch
10 (10) Ladyhawke
BRETLAND
1(3) Ghostbusters
2(1) Gremlins
3(2) Beverly hills cop
4(4) The last starfighter
5(5) The killing fields
6 (-) Neverendingstory
7(7) Cityheat
8(8) Starman
9 (10) Runaway
10 (9) Missing inaction
Draugabanarnir náðu að skjót-
ast upp fyrir Axel á DV-listan-
um þessa viku.