Dagblaðið Vísir - DV - 21.03.1987, Blaðsíða 15

LAUGARDAGUR 21. MARS 1987.
15
/
Arturo Cruz var aldrei skæruliði
Arturo Cruz var aldrei háttskrifað-
ur sem skæruliði. Hann minnir fyrst
og fremst á sómakæran embættis-
mann. Þannig var það meðan hann
taldist til Contraskæruliða í Nig-
aragua og þannig er hann enn þegar
hann hefur kvatt vopnabræður sína.
Einu sinni lét hann þó t_aka mynd
af sér í bol sem á stóð „Ég er líka
Contra“. Við hlið hans stóð Ronald
Reagan Bandaríkjaforseti. Arturo
Cruz gegndi því hlutverki öðrum
fremur að afla Contraskæruliðum
álits í Bandaríkjunum. Til þessa
verks hefur hann gengið eins og hver
annar embættismaður. Stíll skæru-
liðans héfur aldrei hentað honum.
Cruz naut mestrar virðingar af
leiðtogum Contraskæruliða. Hann
þykir hófsamur maður bæði í stjórn-
málum og einkalífi. Arum saman
hefur hann verið þeirrar skoðunar
að finna megi meðalveg í deilunum
um framtíð Nigaragua en hann hefur
aldrei verið viss um hvar þann með-
alveg sé að finna.
Virðulegur bankamaður
Cruz lærði við Georgetown háskól-
ann í Washington og gerðist að námi
loknu bankamaður þar í borg. Síðar
dróst hann inni í byltingu og gagn-
byltingu í heimalandi sínu.
Hann vakti fyrst athygli fyrir 10
árum þegar hann gekk í svokallaðan
„tólfmenningahóp" sem gekk til
verka með sandinistum í baráttunni
gegn einræðisstjórn Somozaættar-
innar í Nigaragua. Cruz sagði svo frá
síðar að hann hefði trúað því að
sandinistar ætluðu að koma á lýð-
ræði í landinu, auka frelsi í efna-
hagslífinu og útiloka herinn frá
pólitískum /ihrifum. Hann ímyndaði
sér að umbótastjórn næði völdum
eftir byltinguna en sandinistar höfðu
aðrar hugmyndir um stjórnarfar í
landinu.
Nokkrum vikum eftir byltinguna
árið 1973 var Cruz boðaður á fund
með efnahagssérfræðingum þar sem
ræða átti framtíðarstefnuna. Til
fundarins mættu sandinistar í her-
klæðum. „Þá sá ég hverjir ætluðu
sér að móta stefnuna," sagði Cruz
síðar.
Cruz gafst þó ekki upp á samvinn-
unni við sandinista og gegndi ýmsum
embættum fyrir þá. Seinast gerðist
hann semdiherra í Washington. Þar
kom að Cruz sagði af sér. Hann átti
æ erfiðara með að túlka sjónarmið
stjórnarinnar í Managua og ákvað
að binda ekki trúss við hana öllu
lengur.
Forsetaefni
Þrem árum síðar birtist hann þó
aftur á sjónarsviðinu í Nigaragua.
Nú sem frambjóðandi stjórnarand-
stöðunnar í forsetakosningum.
Aldrei var þó kosið um hann því
ákveðið var að hætta við þátttöku
vegna bolabragða stjórnarinnar.
Cruz sneri á ný til Washington þar
sem hann fékk það hlutverk hjá inn-
anríkisráðuneytinu að bæta álit
manna á Contraskæruliðum.
Cruz var öllum hnútum kunnugur
í Washington og hóf þegar að fá
þingmenn til fylgis við málstað
Contraskæruliða. Verkefni hans var
fyrst og fremst að fá bæði Banda-
ríkjamenn og landa sína til að trúa
því að Contrarnir væru lýðræðis-
elskandi menn en ekki yfirgangs-
menn.
Til að fá þessu áorkað varð hann
að telja skæruliðaforingjana á að
víkja til hliðar mönnum sem voru
uppvísir að smygli á eiturlyfjum og
voðaverkum. Og hann varð að koma
því í kring að skæruliðaforingjarnir
væru ekki sjálfs sín herrar heldur
fulltrúar fólksins. Þessi viðleitni fór
öll í vaskinn.
Refurinn
Þeir sem gagnrýnt hafa Cruz segja
að hann sé pólitískur sakleysingi sem
hvorki skilji sandinista né Contra-
skæruliða. Nú eru Contrarnir lausir
við manninn sem var sérfræðingur
þeirra í að sigla á milli skers og báru.
Nú ráða stríðsmennirnir aftur einir
ferðinni en framtíð Contraskæruliða
er allt annað en björt.
Á átakasvæðunum skiptir afsögn
Cruz litlu. Skæruliðarnir lutu aldrei
stjórn hans. Foringjarnir kunnu og
ekki að meta Cruz og litu fyrst og
fremt á hann sem mann Bandaríkja-
stjórnar. En ef skæruliðarnir ætla
að halda upp baráttunni við stjórn-
arherinn, sem er mun öflugri, þá fer
þá brátt að skorta vopn. Þeir þurfa
ekki að gera sér vonir um að geta
haldið vopnasafninu við með velvilja
manna í Washington. Þess vegna
kann afsögn Cruz að reynast afdri-
farík.
Demókratar á Bandaríkjaþingi
hafa verið tilleiðanlegir til að styðja
Contraskæruliða vegna fyrirheita
Cruz um að siðbæta hreyfinguna.
Nú eru þau fyrirheit öll fyrir bý og
demókratar halda að sér höndum.
Irangate-hneykslið hefur einnig orð-
ið til að fylla demókrata efasemdum.
Þótt niðurstöður Tower-nefndarinn-
ar væru ekki óyggjandi þá er
rannsókn málsins haldið áfram og
fáir eiga von á að hlutur Contranna
batni við það.
Sex mánuðir til stefnu
Enn láta Contraskæruliðar þó
hvergi bilbug á sér finna. Þeir hafa
áður séð það svart, t.d. dæmis þegar
greiðslur til þeirra voru stöðvaðar
árið 1984. Nú hafa þeir sex nmánuði
til að hressa upp á ímyndina áður
en framhald aðstoðar við þá kemur
til atkvæða í þinginu í september.
Vel má vera að demókratar bregði á
það ráð að styðja þá fremur en að
sitja undir ásökunum um undanláts-
semi við kommúnista.
En meðan á öllu þessu gengur hef-
ur Cruz hægt um sig í Washington.
Hann er eftirsóttur fyrirlesari og
sagt er að hann hafi bók í smíðum.
Og þótt afskipti hans af stjórnmálum
hafi til þessa mótast af ósigrum þá
eiga fáir von á að hann sitji lengi
með hendur í skauti. Samherjar hans
og andstæðingar eru sammála um
að Arturo Cruz sé óútreiknanlegur.
Snarað/GK
NISSAN SUNNY
54ra manna dómnefnd bílagagnrýnenda
í Japan kaus einróma
NI5SAN SUNNY
BÍL ÁRSINS 1987
Bílasýningar
laugardag og sunnudag kl. 14-17
Sauðárkróki: við Bifreiðaverkstæðið ÁKI.
Reykjavík: í sýningarsal okkar við Rauðagerði, þar sem
tónsniilingurinn Jónas Þórir leikur hin ógleymanlegu klassísku
lög Bítlanna.
Jónas Þórir Dagbjartsson fiðluleikari kemur í kaffiheimsókn á
sunnudag og þeir feðgar taka lagið.
1957-1987%
% 30 í
%ára^
Sýnum um helgina
BZI 240 RS
Margfaldan Rally
sigurvegara
Þetta er í fyrsta skipti, sem alvöru
keppnisbíll, fluttur inn beint frá framleið-
anda, er sýndur hér á landi.
Verið velkomin - Alltaf heitt á könnunni
i|| INGVAR HELGASON HF.
■ BB Sýningorsalurinn/Rnuðogerði, simi 33560.