Dagblaðið Vísir - DV - 16.03.1988, Blaðsíða 13
MIÐVIKUDAGUR 16. MARS.1988.
13
S l'O URHLIÐ
Teikning af fyrirhugaðri skoðunarstöð í Reykjavík.
Fýrirhuguð stofnun hlutafélags um Brfreiðaskoðun íslands:
Hlutur ríkisins 41 milljón
Mikil breyting er fyrirhuguð á bif-
reiðaskoðun hér á landi en stjórnar-
frumvarp hefur verið lagt fram á
Alþingi um breytingu á umferðarlög-
um. í lagafrumvarpinu er gert ráð
fyrir tveim róttækum breytingum.
Annars vegar að stofnað verði hluta-
félagiö Bifreiðaskoðun íslands sem
taki við þegar Bifreiðaeftirlit ríkisins
veröur lagt niður. Hins vegar að tek-
ið verði upp fastnúmerakerfi á
ökutækjum sem byggist á því að
sama einkennisnúmer fylgi bifreið
frá nýskráningu til endanlegrar af-
skráningar hennar af bifreiðaskrá.
Verulegur sparnaður er talinn geta
fylgt þessu kerfi en rétt er að taka
fram að ekki munu menn geta valið
sér númer eftir eigin höfði.
Hlutafélagið Bifreiðaskoðun ríkis-
ins verður stofnað með þátttöku
ríkissjóðs, tryggingafélaganna, fyrir-
tækja og samtaka sem tengjast
bifreiðaeign og bifreiðaþjónustu.
Þetta fyrirtæki mun taka til starfa
um næstu áramót og er reiknað með
að hlutafé félagsins verði 80 milljónir
kr. Er reiknað með aö hlutur ríkisins
veröi 41 milljón en rúmlega 20 millj-
ónir munu vera til á fjárlögum þessa
árs til þessara ráðstafana. Annað
yrði aö fá lánað.
Stofnkostnaður 160 milljónir
Stofnkostnaður vegna þessa nýja
fyrirtækis er talinn vera um 160
milljónir. Skiptist stofnkostnaðurinn
þannig - tölurnar eru frá 1. desemb-
er:
Skoðunarstöð í Reykjavík 74,8 millj-
ónir, fjórar skoðunarstöðvar úti á
landi 57,3 milljónir, annar stofn-
kostnaður 26 milljónir.
Að sögn Leifs Eysteinssonar, deild-
arstjóra hjá Fjárlaga- og hagsýslu-
deild sem starfað hefur að
undirbúningi laganna, á Bifreiðaeft-
irlit ríkisins litlar eignir sem geta
runnið til hins nýja fyrirtækis. Bif-
reiðaeftirlitið er víðast hvar í leigu-
húsnæði en ætlunin er að hið nýja
fyrirtæki fari út í miklar bygginga-
framkvæmdir. Húsið, sem á að
byggja hér í Reykjavík, er miðað við
aö mikinn tækjakost þurfi við skoð-
un bifreiða sem verður mun viða-
meiri en núna.
Verður um að ræða mikla véla-
skoðun sem reynir meira á vélar en
menn. Mun starfsmönnum við skoð-
unarstörf því fækka eitthvað.
Lækkar skoðunargjald?
Aö sögn Leifs er reiknað með að
skoðunargjald lækki en eigi að síður
fái fólk ýtarlegri skoðun á bifreiðum
sínum. Mun þessi lækkun skoðunar-
gjalds byggð á því að ríkið gefi eftir
þann hluta skoðunargjalds sem farið
hefur í ríkissjóð. Sem dæmi um tölur
í þessu máli má nefna aö 160 milljón-
ir innheimtust í skoöunargjöld á
síðasta ári en rekstrarkostnaður Bif-
reiðaeftirlitsins var hins vegar 120
milljónir. Ætlunin er að hið nýja
hlutafélag standi undir sér.
-SMJ
Eldri borgarar á Selfossi í
kaffiveislu hjá frímúrurum
Regma Thorarensen, DV, Selfossi:
Frímúrarar á Selfossi buðu eldri
borgurum á staðnum í kaffiveislu 12.
mars sl. í hinum glæsilegu húsa-
kynnum sínum. Fjölmenni var og
fjölgar í þessari veislu þeirra með ári
hverju enda vel að öllu staðið. Mikil
reisn yfir starfsemi frímúrara hér á N
Selfossi, góðmennska og hlýlegheit
einkenna framkomu þeirra og störf.
Kjartan Ólafsson setti samkomuna,
Páll Jónsson tannlæknir hélt athygl-
isverða ræðu og kom víða við. Til
dæmis ræddi hann um frelsisstytt-
una í New York sem var reist á
síðustu öld og er mikiö mannvirki.
Með árunum fór hún að láta á sjá,
tærðist mjög. Ekkert var þó að gert,
ríkið og borgarstjórn NY þóttust ekki
hafa efni á að standa fyrir viðgerð.
Vilji er allt sem þarf. Frímúrarar í
Bandaríkjunum og Kanada. stóðu
saman og söfnuðu fé fyrir viðgerð
og endurnýjun. 1986, á aldarafmæl-
inu, var því lokið og mikið um dýrðir
til mikils sóma fyrir hreyfinguna.
Margt fleira var til skemmtunar í
kaffiveislunni, margar ræður fluttar,
stuttar og laggóðar. Þá var almennur
söngur þar sem allir tóku undir af
tilfinningu og ánægju. Byrjað var að
syngja Nú er frost á Fróni því 10 stiga
frost var einmitt þennan dag og mik-
ill skafrenningur. Sjö börn frímúr-
ara, öll innan við fermingu, 10-13
ára, skemmtu með söng og hljóð-
færaslætti og heilluðu viðstadda.
Heiðursgestir voru hjónin Jóhanna
og Einar Birnir úr Reykjavík. Hinn
skemmtilegi veislustjóri, Kjartan Ól-
afsson, gat þess í lokin að fyrsti
skráði fundur frímúrara hér á landi
heföi verið í hvalveiðistöðinni Gimli
á Hesteyri við Jökulfiröi árið 1900 og
annar skráður fundur var haldinn á
Hornbjargi á Ströndum undir berum
himni 1902. Kjartan er frá Látrum í
Aðalvík, bráðskemmtilegur gáfu-
maður.
Það var tíguleg sjón að sjá tuttugu
kjólklædda frímúrara syngja söng-
inn sinn eftir Brynleif Steingrímsson
lækni við lag Sigfúsar Halldórssonar.
Þá má ekki gleyma að þakka konum
frímúrara á Selfossi fyrir hinar frá-
bæru kökur sem bornar voru fram.
Veiðihúsið að Ámesi stækkað
Fiimur Balduisson, DV, Mývatnssveit:
Fyrirtækið Sniðill hf. í Mývatns-
sveit hefur margt á sinni könnu og
ekki allt í sveitinni því undanfarið
hefur fyrirtækið verið að stækka
veiðiheimilið að Árnesi í Aðaldal um
55 fermetra. Húsið var byggt upp úr
1970 og hefur verið mikið notað og
ætti aðstaðan þar að batna til muna
með þessari viðbyggingu sem er úr
timbri. Verkinu miðar vel og veröur
húsið tilbúið fyrir veiðitímann í sum-
ar.
HEMLAHLUTIRÍ f
JAPANSKA BÍL4 ^
„Original" hemlahlutir í alla
japanska bíla.
Innfluttir beint frá Japan.
Einstaklega hagstætt verð.
®] Stilling
Skeifunni 11,108 Reykjavik
Símar 31340 & 689340