Dagblaðið Vísir - DV - 15.03.1991, Blaðsíða 11
FÖSTUDAGUR 15. MARS 1991.
11
dv Merming
Úr myndasögu Freydísar Kristjánsdóttur, „Leiðin“.
Tvíhöfða GISP
Annað tölublað myndasögublaðsins GISP („guðdómleg innri spenna og
pína“) er nú komið til skjalanna, tvíhöföa eins og þursarnir í ævintýrun-
um, sem er kannski við hæfi. Öðrum megin hryggjar er alvörugisp, hinu
megin er gervigisp, það sem útgefendur kalla raunar „svindlforsíðu" með
hæfúega misvísandi upplýsingum um innihald.
Að öðru leyti er útlit GISPS og innihald lítt breytt frá fyrsta tölublaði
nema hvaö blaðið er nú heftað í kjölinn, ekki límt, sem stuðlar að sam-
heldni þess. Þorri Hringsson heldur áfram að segja frá Teddy Trans-
former, Þórarinn B. Leifsson þróar áfram fyrirbæri sem hann sjálfur
nefnir „geð-gildru-myndasöguna. Frásagnarlist sem miðar að því að gera
lesandann veikan á geði. Greind er brotin niður með ruglingslegum sögu-
þræði. Sjúkdómurinn þróast stig af stigi...“ Þeir Halldór Baldursson,
Ólafur J. Engilberts, Jóhann L. Torfason og Bjarni Hinriksson halda
sömuleiðis uppteknum hætti.
Kaldhæðni og efasemdir
Af nýju fólki má nefna Freydísi Kristjánsdóttur, sem byggir myndasögu
á þekktum málverkum og geta lesendur spreytt sig á að þekkja frummynd-
irnar, Helga Þorgils Friðjónsson listmálara, sem lætur GISP í té þrjár
teikningar og örsögu, og Helenu Guttormsdóttur, sem býr til slitrótta
örlagasögu með ljósmyndum af barbídúkkum. Ber að fagna aukinni þátt-
töku kvenna í íslenskri myndasögugerð.
Lesmál er meira í þéssu tölublaði en þvííyrsta, þökk sé Sigurði Ingólfs-
syni sem skrifar um „endurkomu Batmans“. í framtíðinni mætti einhver
kvikmyndaspekúlant (en af þeim er hér yfrið nóg), skrifa um myndasögu-
Bókmenntir
Aðalsteinn Ingólfsson
fígúrur á hvíta tjaldinu fyrir GISP (Lil Orphan Annie, Popeye, Dick
Tracy, Batman, Spiderman, o.fl. o.fl.). Höfundarnir í GISP hafa að vísu
ólíkan teiknistíl en heimssýn þeirra er kannski ekki svo ýkja ólík þegar
grannt er skoðað. Þeir eru yfírleitt frakkir, kaldhæðnir, meðvitaðir um
þjóðfélag og menningu, á kafí í erlendum myndasögum, uppfullir með
heilbrigðar efasemdir um það sem þeir sjá og heyra.
Afþreyingarefni
Þetta er allt gott og blessað en til að auka á íjölbreytnina (og lesendahóp-
inn) mætti leita til fleiri starfandi myndlistarmanna eins og Helga Þorg-
ils, fá þá til að framlengja hugmyndir sínar um nokkra ramma. Kjartan
Guðjónsson heitir til dæmis liðtækur teiknari hér í bæ sem gæti fengið
fullkomna útrás fyrir bullandi ofsóknarkennd sína í myndasögum.
Ég veit líka að skopteikningin, karikatúrinn, er allt önnur grein á þess-
um meiði en mundi hún ekki samt rúmast innan vébanda GISPS? Ég
vildi líka gjarnan fá að sjá sýnishorn af vinsælum myndasögum frá öðr-
um löndum, til dæmis Japan, þar sem þær virðast hafa leyst af hólmi
allt annað afþreyingarefni.
Þar með lýkur þessum tillöguflutningi undirritaös sem ekki má túlka
GISP í óhag. Eins og blaðið er samsett ætti enginn að geispa yfir GISPI.
LITPRENTUM
kosninga- og landsmálablöð
í dagblaðaformi
Einnig hvers konar önnur prentun
•
Fljót og góð afgreiðsla - Vönduð vinna
I
- Hagstætt verð - Leitið tilboða
•
PRENTSMIÐJA
FRJÁLSRAR FJÖLMIDL UNA R HF.
DV-húsinu Þverhoiti 11 - sími 27022
Þú hringir...
Við birtum...
Það ber árangur!
Smáauglýsingadeildin er i Þverholti I I
Opið: Mánudaga-föstudaga, 9.00—22.00
laugardaga, 9.00—14.00
sunnudaga, 18.00—22.00
68 55
WliM/ff