Dagur - 07.10.1987, Blaðsíða 6
6 - DAGUR - 7. október 1987
Leikfélag Akureyrar:
Fjölbreytt og áhugaverð
verkefnaskrá
Er rekstrargrundvöllurinn
tryggður? Á að byggja við
Samkomuhúsið? Hvernig gekk
á síðasta leikári? Er hægt að ná
til fleiri áhorfenda? Hvað verk
verða á boðstólum í vetur?
Hvaða leikarar verða hjá leik-
félaginu? Er atvinnuleikhúsið í
samkeppni við áhugaleikhús-
in? Eða eru sjónvarpsstöðvar
og myndbönd að kæfa leik-
húsmenninguna?
Þessar spurningar og margar
fleiri vakna í upphafi leikárs hjá
Leikfélagi Akureyrar. Við ætlum
að leitast við að svara þeim hér
og fengum Pétur Einarsson
leikhússtjóra í lið með okkur.
Fyrst skulum við líta á hvað er á
boðstólum hjá L.A. í vetur.
Veisla fyrir börnin
í ljósi eigin reynslu á undanförn-
um árum held ég að mér sé óhætt
að fullyrða að bækurnar um Ein-
ar Áskel séu þær bækur sem
börnin eru hvað sólgnust í. Enda
eru þær bráðskemmtilegar og
teiknimyndin um pottorminn var
líka skemmtileg en afskaplega
held ég að börnin verði þakklát
að fá að sjá leikrit um félaga sinn,
Einar Áskel. Að sjá hann ljóslif-
andi á sviðinu, hvílík upplifun
hlýtur það að vera.
Leikfélagið ætlar sum sé að
byrja leikárið með því að gleðja
börnin. Að sögn Péturs Einars-
sonar verður Einar Áskell líklega
frumsýndur í Freyvangi nú í vik-
unni. Síðan fer sýningin á flakk
um allt Norðurland en á Akur-
eyri verður sýnt í Dynheimum og
skólum í byrjun nóvember. Sýn-
ingarnar í Dynheimum verða fyr-
ir börn á dagvistum, en ég segi í
fullri alvöru að ég mun ekki láta
Einar Áskel fram hjá mér fara.
Leikstjóri barnaleikritsins um
Einar Áskel er Soffía Jakobs-
dóttir en leikarar í sýningunni
eru þau Skúli Gautason, Marinó
Þorsteinsson og Arnheiður Ingi-
mundardóttir. Leikmyndina gerir
Guðrún Sigríður Haraldsdóttir.
Lokaæfing
Fyrsta frumsýningin í leikhúsinu
verður 23. október. Þá setur leik-
félagið upp Lokaæfingu eftir
Svövu Jakobsdóttur. Þetta verk
var sýnt í Þjóðleikhúsinu 1983 í
frumútgáfu en Svava lauk við
nýja gerð af leikritinu 1985 og
það er sú gerð sem Leikfélag
Akureyrar setur upp. Að sögn
Péturs Einarssonar er það sér-
staklega byrjun verksins sem
Svava breytti og sú breyting hef-
ur áhrif í gegnum allt leikritið.
Lokaæfing hefur hlotið mikla
athygli út um allan heim. Hún var
frumsýnd í Kaupmannahöfn 18.
september. Pólverjar voru búnir
að gera sjónvarpsleikrit eftir
handriti Svövu en frestuðu frum-
sýningu því um sama leyti kom
Tsjernobyl slysið upp á og
leikritið var of nátengt slíkum
atburðum. Nýlega keypti menn-
ingarmálaráðuneyti Sovétríkj-
anna sýningarréttinn á Lokaæf-
ingu fyrir öll Sovétríkin og á
næstunni verður uppfærsla á
leikritinu í London.
„Hjónin Ari og Beta prófa'
nýja, glæsilega kjarnorkubyrgið
sitt í kjallaranum undir kjallaran-
um. Þetta er fullkomnasta kjarn-
Menn telja að viðbygging vestan Samkomu-
hússins sé besti kosturinn varðandi stækkun
þess, en sú viðbygging er ekki í sjónmáii.
Mynd: KGA
„Mmm, varaðu þig á söginni," segir pabbi Einars Áskels. Hér eru Marinó
Þorsteinsson í hlutverki pabbans og Skúli Gautason sem Einar Áskell. Sýn-
ingar verða víðs vegar um Norðurland. Mynd: tlv
Lokaæfing. Hjonin Ari og Beta profa nyja kjarnorkubyrgið sitt, en einangrunin verður smám saman þrúg-
andi. Sunna Borg og Theódór Júlíusson fara með aðalhlutvcrkin. Mynd: tlv
orkubyrgi á landinu, ef ekki í
heiminum. Það er allt tölvuvætt.
Þau einangra sig þarna niðri og
einangrunin fer að reyna á þau.
Ég býst við að við getum séð okk-
ur sjálf dálítið mikið í Ara og
Betu,“ sagði Pétur m.a. um efni
verksins.
Pétur Einarsson leikstýrir
Lokaæfingu en í aðalhlutverkum
eru þau Sunna Borg og Theódór
Júlíusson. Erla Ruth Harðardótt-
ir fer einnig með hlutverk í sýn-
ingunni. Leikmynd gerir Gylfi
Gíslason og verður fróðlegt að
sjá hið fullkomna kjarnorkubyrgi
á sviði Samkomuhússins.
Ástarsagan um
Pilt og stúlku
Fjölskyldusýningin í ár er
alþýðuleikurinn vinsæli, ástarsag-
an hugljúfa, Piltur og stúlka, í
leikgerð Emils Thoroddsens eftir
sögu Jóns Thoroddsens. Piltur og
stúlka er talinn vera fyrsti
íslenski söngleikurinn, en hug-
takið er vissulega teygjanlegt.
A.m.k er ljóst að tóniist Emils á
ekki lítinn þátt í vinsældum
verksins.
Pétur Einarsson sagði að leik-
gerð Emils hefði fyrst verið sýnd
árið 1934, en áður var búið að
gera margar leikgerðir sem aldrei
nutu neinna vinsælda, en eftir að
Emil fór í sögu afa síns hefur
verkið náð miklum vinsældum.
„Það makalausasta í þessu
verki er að þarna er mjög ákveð-
in þjóðfélagslýsing á tímum
erlendra áhrifa og ég er handviss
um það að þegar verkið kom
fram hafi það verið mjög þjóð-
ernishvetjandi," sagði Pétur.
Borgar Garðarsson mun leik-
stýra sýningunni en hann starfar í
Finnlandi. Örn Ingi Gíslason ætl-
ar að skapa umgjörð um sýning-
una og hann er nú á leið til Finn-
lands þar sem hann mun vinna
með Borgari og kynna sér leikhús
og leikmyndagerð.
Horft af brúnni
Horft af brúnni er víðfrægt leikrit
eftir Arthur Miller sem Jakob
Benediktsson íslenskaði. Það
verður frumsýnt hjá Leikfélagi
Akureyrar í lok febrúar ’88.
Theódór Júlíusson verður leik-
stjóri og leikmynd gerir Hall-
mundur Kristinsson.
„Þetta verk var leikið í Þjóð-
leikhúsinu á 6. áratugnum. Ég
hef séð tvær uppfærslur á þessu
verki og það snart mig í bæði
skiptin mjög djúpt. Ég held að
þetta sé verk sem lætur engan
áhorfanda ósnortinn," sagði
Pétur.
í leikritinu fylgjumst við með
fjölskyldu ítalsks hafnarverka-
manns í Brooklyn sem hýsir tvo
ólöglega innflytjendur frá Ítalíu. -
Sá yngri fellir hug til stjúpdóttur-
innar á heimilinu og stjúpfaðirinn
hefur einkennilega mikið á móti
sambandinu.
Klykkt út með Fiðlaranum
Síðasta verkið á leikárinu er
söngleikurinn Fiðlarinn á þakinu
eftir Joseph Stein, Sheldon Har-
nick og Jerry Bock, í þýðingu
Egils Bjarnasonar. Fiðlarinn
verður frumsýndur í apríl. Ég
spurði Pétur hvort það væri orðin
venja að klykkja út með söng-
leik:
„Þetta er engin föst regla en
hins vegar eru gerðar þær vænt-
ingar til okkar að við komum
með söngleik. Fiðlarinn höfðar
til okkar enn í dag, við þekkjum
öll þessa tónlist. Þarna er mikið
af dönsum líka þannig að ég held
að það fari ekkert hjá því að hér
verður um stóra sýningu að ræða.
Hún verður samt að miðast við
húsið og sviðið okkar, en á okkar
mælikvarða verður þetta stór
sýning,“ sagði Pétur.
Fiðlarinn á þakinu fjallar um
gyðinginn Tevje og fjölskyldu
hans, mótlæti þeirra, glaðværð og
drauma. Sagan er hrífandi og
söngvarnir listilega fléttaðir inn í
hana. Margir þekkja lögin úr
verkinu, t.d. „Ef ég væri ríkur“,
og sjálfsagt muna margir eftir
Tevje í túlkun Róberts Arnfinns-
sonar. Það verður spennandi að
sjá hvernig Leikfélagi Akureyrar
tekst til, en ekki gat ég togað upp
úr Pétri hver ætti að fara með
hlutverk Tevje.
Leikarar hjá L.A.
Ekki verða alveg sömu leikarar
hjá Leikfélagi Akureyrar í vetur
og á síðasta leikári. Inga Hildur
Haraldsdóttir og Einar Jón Briem
eru farin. Theódór Júlíusson er
kominn aftur eftir Englandsdvöl,
Þráinn Karlsson er kominn aftur
eftir veikindi og Sunna Borg tek-
ur til starfa á ný eftir barnsburð-
arfrí.
Erla Ruth Harðardóttir heitir
leikkona sem verður hjá leikfé-
laginu í vetur og vonir standa til
að Arnheiður Ingimundardóttir,
sem tekur þátt í Einari Áskeli,
verði áfram. Skúli Gautason
verður með svo og Marinó Þor-
steinsson.
Pétur sagði að það væri ljóst að
bæta þyrfti við leikurum í Pilti og
stúlku, svo ekki væri minnst á
Fiðlarann, þar verður að fá mik-
inn mannskap til starfa. SS
Leikfélag Akureyrar náði ekki nieðaltalsaðsókn á síðasta leikári en mesta aði
hljóta mesta athygli um þessar mundir.