Dagur - 07.10.1987, Blaðsíða 8

8 - DAGUR - 7. október 1987
Þorbjörg Ingvadóttir:
Hugleiðingar að loknum fundi
Jafnréttisnefndar Akureyrar
Frístæl
keppni
í Sjallanum
Þann 24. október verður hald-
in á vegum tímaritsins Hárs &
fegurðar frístæl keppni (frjáls
greiðsla) og förðunar sýning í
Sjallanum Akureyri.
Stórglæsileg verðlaun eru í
frístæl keppninni en fyrstu verð-
laun eru ferð á International
Beauty Show í New York og
verðlaun frá Pyramid, KMS,
Forval, Jingles, heilsupakki frá
TÓRÓ og peysur frá Don Cano.
Önnur verðlaun eru Canon F-70
myndavél frá Ljósmyndabúðinni
Laugavegi 118 samtals að verð-
mæti kr. 56.000.- Þriðju verðlaun
eru armbandsúr frá ORIENT.
Það eru meðlimir úr Förðunar-
félagi íslands sem frumsýna nýtt
„förðunar show“ þar sem sýnt
verður meðal annars: Búálfur -
Djöfull - Monster - Sjóskrímsli.
Meðfylgjandi er mynd af vinn-
ingsmódeli frá Frístælkeppninni
sem haldin var í Broadway 17.
maí sl. og vakti gífurlega lukku
en um þá keppni og heimspólitík-
ina í tískuheiminum er fjallað í
tímaritinu Hár & fegurð sem
kom út fyrir nokkru.
Það var með nokkurri eftirvænt-
ingu að ég fór á auglýstan um-
ræðufund sem Jafnréttisnefnd
Akureyrar boðaði til, þar sem
samkvæmt fundarboði átti að
fjalla um m.a. opinbera þjónustu
sem snýr að meðgöngu, fæðingu
og kvensjúkdómum. Að vísu
þótti mér það frekar skrýtið að
ekki var minnst á það í áður-
nefndri auglýsingu að fulltrúar
þeirra aðila sem fram að þessu
hafa sinnt þessum málum yrðu á
fundinum til þess að svara spurn-
ingum sem án efa myndu koma
upp, þegar fjalla á um jafn viða-
mikið mál sem þetta. Sem kona
og jafnframt móðir hafði ég mik-
inn áhuga á að ræða þessi mál við
kynsystur mínar, skiptast á skoð-
unum og fá svör við ýmsum
spumingum sem gaman væri að
fá svör við, eins og til dæmis þeim
þremur spumingum sem varpað
var fram í fundarboði. En viti
menn, þegar fundurinn var vel á
veg kominn gerði ég mér grein
fyrir því að á þessum fundi var
alls ekki ætlunin að fjalla um
þessi mál, heldur aðeins hluta af
áður auglýstu fundarefni, þ.e.
óskið þið eftir að kona komi til
starfa sem kvensjúkdómalæknir á
Akureyri. Þegar heim kom tók
ég fram Dag til að lesa auglýsing-
una aftur og athuga hvort ég
hefði misskilið fundarboðið
svona hrapallega eða hvað. En
þetta stóð þarna svart á hvítu.
Svo þegar ég fletti Degi aftur
næsta dag sá ég þar að í frétt um
fundinn var sagt að tilgangur
fundarins hefði verið að kanna
hversu mikill vilji væri meðal
kvenna að fá konu til starfa sem
kvensjúkdómalækni á Akureyri.
Ég hafði greinilega ekki skilið
nema hluta af því sem ég las, en
nóg um það. Þessi fundur hverfur
mér seint úr minni fyrir margra
hluta sakir og skal ég nú greina
frá örfáum atriðum sem komu
mér frekar undarlega fyrir sjónir.
Ég hef í sjálfu sér ekkert að segja
um þær ræður eða erindi sem
þarna voru flutt annað en það, að
það er jú öllum frjálst að hafa
sínar skoðanir á hlutunum, og að
skilningur minn á orðum eins og
„jafnrétti“ og „réttlæti“ er allur
annar en þeirra er þarna töluðu.
Samkvæmt upplýsingum sem
þarna komu fram höfðu umsækj-
endur um stöðu kvensjúkdóma-
sérfræðings við F.S.A. allir verið
jafnhæfir til starfsins, eins og það
var orðað en „að vísu“ hafði sá
maður sem var ráðinn í stöðuna
„nokkrum mánuðum" lengri starfs-
aldur en hinir, en viti menn það
skipti þær bara ekki máli núna Sú
kona sem var meðal umsækjenda
hafði verið sett í annað sætið sam-
kvæmt niðurröðun stöðunefndar,
að því er okkur var sagt, og okk-
ur fundarmönnum jafnframt
tjáð, að þar hefði fyrst og fremst
munað um þann tíma sem hún
gaf sér til að ganga með og ala
börn. Nú gæti einhver álitið sem
svo að ég vildi ekkert með kon-
una hafa, en það er mesti mis-
skilningur, ég vildi gjarnan að
konur hefðu það val að geta
leitað til konu sem væri kven-
sjúkdómalæknir, ef þær sjálfar
óskuðu þess, en mér er spurn, er
það starf til þar sem meðganga og
fæðing er metin til starfsaldurs?
Ef svo er fá þá feður eitthvert
sambærilegt mat? Ég á afskap-
Iega erfitt ineð að ímynda mér
hvernig slíkt mat á að fara fram
og get ekki réttlætt það í mínum
huga, að þegar verið sé að ráða í
stöðu kvensjúkdómafræðings,
eigi frekar að meta til starfsaldurs
og menntunar það, hvort um-
sækjandi hafi gengið með og alið
börn, frekar en öll önnur störf
sem konur ráða sig í.
Ég hjó eftir því í upphafi fund-
arins að eftir umræður í hópum
og almennar umræður, átti að
fjalla um niðurstöður. Sá 8
manna hópur sem ég var í, var
t.d. alls ekki sammála um mörg
atriði sem fram höfðu komið á
fundinum, m.a. það atriði að
ráða fjórða kvensjúkdómafræðing-
inn til bæjarins. Mér var og er
enn, alveg fyrirmunað að átta
mig á því hvernig þeir 3 sér-
fræðingar og einn að auki (verði
fjórði sérfræðingurinn ráðinn í
hlutastöðu við F.S.A.) eigi með
góðu móti að geta skipt á milli sín
þeim 6-7 legurúmum sem Kven-
sjúkdómadeild hefur upp á að
bjóða. Mér finnst að það muni
vera eðlilegri gangur mála, að
konur í bænum skoruðu á heil-
brigðisyfirvöld, að veita fjár-
magni til Kvensjúkdómadeildar
F.S.A., þannig að sú aðstaða
skapist að fjórir kvensjúkdóma-
sérfræðingar geti með góðu móti
starfað hér í bænum. Málum er
nú þannig háttað að ekkert skoð-
unarherbergi er á Kvensjúk-
dómadeild F.S.A., engin setu-
stofa né snyrtingar, nema sam-
eiginlegar með því aldraða fólki
sem er á B-deild, svo mér finnst,
og ég veit að svo er um fleiri, að
úrbóta sé þar þörf.
Ég geri mér grein fyrir því að
til kvensjúkdómafræði heyri
margt annað en skurðaðgerðir,
en upplýsingar um það aðstöðu-
Ieysi sem nú er á Kvensjúkdóma-
deild, hefðu að ósekju mátt ber-
ast til fundargesta. Eitt atriði sem
kom þarna fram, var sú fullyrð-
ing að konur flykktust úr bænum
til þess að leita til kvensjúkdóma-
lækna í Reykjavík. Gerði ég þá
ráð fyrir að þær væru að leita til
kvenna sem þar störfuðu sem
kvensjúkdómalæknar, en þegar
það var skoðað nánar kom í ljós
að í Reykjavík er aðeins ein kona
sem starfar sem kvensjúkdóma-
læknir. Svo að þær konur sem
„flykkjast" suður til sérfræðinga
eru þá kannski flestar að fara til
karla sem starfa sem kvensjúk-
dómalæknar.
Á þessum fundi var borin upp
tillaga til atkvæðagreiðslu, og var
henni dreift á borðin svo við gæt-
um skoðað hana nánar og skrifað
síðan nafnið okkar undir. Við
þessa tillögu komu síðan breyt-
ingartillögur sem voru samþykkt-
ar, og þetta plagg síðan prentað
og dreift á ný og konur hvattar til
að skrifa undir. Þegar svo fer að
líða að því að ég taldi að nú hlyti
að fara að koma að lið númer 5 í
fundarboði, þ.e. niðurstöður, þá
allt í einu var eins og fundurinn
leystist upp. Konur, flestar en þó
ekki allar rituðu nöfnin sín undir
áskorun til heilbrigðisyfirvalda
um að þau bjóði konu starf sér-
fræðings í kvensjúkdómum við
Heilsugæslustöðina á Akureyri
og tryggi henni jafnframt aðstöðu
við F.S.A., og margar tóku með
sér lista til að dreifa á sínum
vinnustöðum til frekari undir-
skriftasöfnunar. En mér er
spurn, þurfum við ekki að fá svör
við fleiri spurningum áður en við
söfnum undirskriftum? Eigum
við bara að berjast með oddi og
egg til að fá hingað konu til
starfa, og svo er það bara hennar
mál hvort hún sættir sig við þá
aðstöðu sem í boði er? Væri ekki
nær að skapa aðstöðuna fyrst?
Það er gaman svona í lokin að
leiða hugann að því hvernig hlut-
fallið milli kynjanna er á stofnun
eins og F.S.A. Ég leyfi mér að
fullyrða að þar eru konur í mikl-
um meirihluta. Þegar svo hver
starfsgrein er skoðuð nánar sjá-
um við að hlutfall innan lækna-
stéttarinnar er þannig að karlar
eru þar í miklum meirihluta, en
ef skoðaðar eru starfsgreinar eins
og t.d. hjúkrunarfræðingar, ljós-
mæður, sjúkraliðar og ganga-
stúlkur er þar nær eingöngu um
konur að ræða.
Sjúklingur sem leggst inn á
sjúkrahús, hvort sem um er að
ræða karlmann eða konu fær sína
umönnun/hjúkrun nær eingöngu
frá konum. Þær sjá um að veita
þeim sem ekki eru færir um það
sjálfir, alla þá umhirðu sem þeir
þurfa frá toppi til táa. Sem betur
fer fjölgar þeim karlmönnum
smátt og smátt sem fara í hjúkr-
unarfræði og sjúkraliðanám og
að sjálfsögðu einnig þeim konum
sem fara í læknisnám, þannig að
þróunin er í þá átt að jafna þetta
misræmi.
Að lokum þetta: Sú eindregna
forréttindastefna j afnréttisnefnd-
ar sem fram kom á þessum fundi,
kom mér verulega á óvart, og er
að mínu mati engan veginn rétt-
lætanleg í nafni jafnréttis.
Höfundur cr læknarítari.
óskar eftir að ráða hugmyndaríkt fólk
til að skrifa fasta þætti í blaðið.
Tilskilin er góð íslensku- og vélritunarkunnátta
og góð almenn menntun.
Um eftirtalda efnisþætti er að ræða:
★ Unglingar
★ Neytendur
★ Hannyrðir
★ Popptónlist
★ Sígild tónlist
★ Matargerð o.fl.
Ennfremur óskar blaðið eftir fólki
til að skrifa fasta þætti um sjálfvalið efni.
Umsóknir berist Braga V. Bergmann ritstjóra,
sem jafnframt veitir nánari upplýsingar ef óskað er.
Umsóknarfrestur er til 10. október nk.
Strandgötu 31, Akureyri. Sími 24222.
Storveislan í Höllinni:
„Dæmið virðist ætla
að ganga upp“
- segir Þóra Hjaltadóttir
Matarveisla fyrrverandi nem-
enda Kvenna- og Húsmæðra-
skólans á Laugalandi í íþrótta-
höllinni sl. föstudag hefur vak-
ið mikla athygli. Þetta er með
stærstu veislum sem haldnar
hafa verið á Akureyri og voru
matargestir í kringum 800.
Undirbúningur fyrir slíka
veislu hlýtur að krefjast mikill-
ar fyrirhafnar og var Þóra
Hjaltadóttir spurð nánar um
þá hlið máisins.
„Félagar úr Lionsklúbbnum
Hæng tóku mikið verk að sér.
Þeir byrjuðu á því að teikna upp
borðaskipulagið þannig að borð-
in mynduðu geisla út frá sviðinu
sem var við miðjan vesturvegg-
inn. Það var einungis úti í horn-
unum sem fólkið þurfti að vinda
upp á sig til að sjá það sem fram
fór á sviðinu. Þeir fengu lánaða
hátt í 900 stóla, plötur, borð og
allt tilheyrandi. Þá þurftu þeir að
koma fyrir hljómflutningstækj-
um, fatahengjum, börum og
fleiru og síðan þurftu þeir að
þrífa allt saman daginn eftir,“
sagði Þóra.
Aðspurð sagði hún að margir
hefðu furðað sig á því að miðinn
í veisluna hefði ekki kostað nema
2000 krónur. Innifalið í því verði
var matur, leiga á íþróttahöll-
inni, auglýsingar, vasar sem
fylgdu hverjum miða, blóm og
kostnaður við undirbúning og
tiltekt. 830 konur voru skráðar í
veisluna en tæplega 800 mættu og
að sögn Þóru virðist dæmið ætla
að ganga upp þrátt fyrir þessi
afföll. Einnig verður að hafa það
í huga að þær fjölmörgu „Lauga-
landsmeyjar“ sem unnu að undir-
búningi gáfu vinnu sína, síma-
kostnað o.fl.
„Bautinn stóð sig líka frábær-
lega vel með matinn og alla þjón-
ustu og Sunna Borg stjórnaði af
miklum myndarskap. Óhætt er
að segja að allir sem tóku þátt í
framkvæmd veislunnar hafi stað-
ið sig með sóma,“ sagði Þóra. SS