Dagblaðið Vísir - DV - 11.03.1995, Blaðsíða 18

18
LAUGARDAGUR 11. MARS 1995
Dagur í lífi Harðar Jóhannessonar, yfirlögregluþjóns RLR:
Erfið mál óupplýst
Höröur Jóhannesson, yfirlögregluþjónn hjá Rannsóknarlögreglu ríkisins.
DV-mynd GVA
Mánudagsmorgnar hafa í mínum
huga alltaf verið ööruvisi en aðrir
morgnar - allt er minna spennandi
og stundum erfitt að vakna þó aðra
daga sé það ekki vandamál. Ég hef
oft látið það eftir niér að vera dálítið
fúll og jafnvel önugur á mánudags-
morgnum þó ég standi í þeirri mein-
ingu að það sé ekki lengi í einu.
Eg vakna venjulega rétt fyrir
klukkan sjö og hlusta á fréttir á Guf-
unni og vek síðan þá sem eiga að
mæta til vinnu eða í skóla. Morgim-
verðarmatseðilhnn er ekki gefinn út
til langs tíma í senn, hann er allt frá
því að vera ekki neitt upp í hafra-
graut, lýsi og kaffi á eftir. Að þessu
sinni var þetta dæmigerður mánu-
dagur, enginn morgunverður frekar
en Moggi.
Undanfarna mánuði hefur það ver-
ið fastur liður að aka yngri dóttur-
inni á leikskólann. Hún er þriggja
ára, að vera fjögurra. Með fyrstu
verkum í vetur, þegar út er komið,
er að líta eftir tunglinu og velta fyrir
sér sögum um ætlaða tilvist karlsins
þar, auk ýmissa annarra heimspeki-
legra umræðna um hvaðeina sem
hún kýs að hafa á dagskrá. Oftar en
ekki mjög alvarlegar hugleiðingar
um lífið og tilveruna frá öðru sjónar-
homi en hinna fullorðnu.
Til að vera kominn í Kópavoginn
fyrir klukkan átta þarf ég að skila
dótturinni tímaniega en var seinn
fyrir - enda mánudagur. Þar við
bættist að bíllinn var sama sem bens-
ínlaus og ekki batnaði skapið við
það, greinilegt að það eru fleiri á
heimilinu en ég sem nota bílinn.
Viðburðaríkhelgi
Mánudagsmorgnar eru svipaðir
þegar á vinnustaðinn er komiö. Við-
buröir helgarinnar em aðalviðfangs-
efnin fram að hádegi. Fastur hður
er fundur í yfirstjórn stofnunarinnar
þar sem fjallað er um ýmis innan-
hússmál. Einnig þarf aö fara yfir lög-
regluskýrslur vegna mála frá lög-
regluliðunum í Reykjavík, Kópavogi
og Hafnarfirði.
Dagurinn var annars öðrum líkur,
mikið um óformlega fundf og viðræð-
ur þar sem til umfjöllunar voru öll
möguleg málefni bæði stór og smá.
Ég átti stuttan fund með stjórnend-
um rannsóknar í alvarlegu máli sem
upp kom fyrir viku og enn er óleyst
og er alls ekki auðvelt viðureignar.
Þá var stuttur fundur með yfir-
manni þeirrar deildar sem fer með
mál barna og ungmenna sem lenda
í afbrotum, hann er í sambandi við
starfsfólk Félagsmálastofnunar
Reykjavíkur. Nú er fyrirhugað að
gera átak vegna sívaxandi fjölda
brotamanna í aldurshópnum 16-18
ára. Það er lögreglu og félagsmálayf-
irvöldum áhyggjuefni hversu margir
í þessum aldurshópi fremja afbrot
aftur og aftur og stefna í að verða
það sem í faginu er kallað síbrota-
menn.
Spurulir fréttamenn
Þennan dag eins og endranær var
mikið um fyrirspurnir frá fjölmiðl-
um. Mér taldist til að klukkan fjögur
væri ég búinn að svara 17 símtölum
frá fréttamönnum af öllum miðlum.
Það er að jafnaði um það bil eitt sím-
tal á hálftíma fresti - auk allra ann-
arra símtala innan- og utanhúss og
heimsókna frá báöum sjónvarps-
stöðvunum sem vildu fá að mynda
þýfi sem var til meöferðar þann dag-
inn.
Það er hluti af starfi mínu að eiga
samskipti við fjölmiðla og halda
tengslum viö þá. Eftirspurn eftir
fréttum fer vaxandi, ég kalla það eft-
irspurn vegna þess að fréttamenn
„verða að fá eitthvað nýtt“ í hvert
sinn þó ekkert sé að gerast.
Ég hef stundum nefnt við blaða- og
fréttamenn að mér virðist að gildi
fréttar fari ekki alltaf eftir efni henn-
ar eða atburðinum sem verið er aö
skýra frá heldur því hvaða pláss þarf
að fylla í fréttatímum þegar öðrum
forgangsfréttum lýkur, svo sem frétt-
um af pólitík, samningamálum, afla-
brögðum o.s.frv. Það hefur gerst að
ósköp hversdagslegt smámál hefur
orðið að fyrstu frétt á einni útvarps-
stöðinni einn daginn en aðra daga
er ekki einu sinni hringt frá fjölmiðl-
um til að spyrja um löggufréttir þó
bæði mörg og merkileg mál séu í
boði. Þetta á einkum við meðan þing
situr eða eitthvað sérstakt er að
gerast á öðrum vettvangi. Þeir eru
ekki margir sammála mér í þessu.
Umræðuþáttur
um lögguna
Samskiptum minum við fjölmiðl-
ana var ekki lokið þó komið væri að
lokum vinnudags. I stað þess að fara
og liðka mig í körfubolta klukkan
fimm með eldfjörugum félögum mín-
um, eins og ég hef gert á mánudögum
undanfarna vetur, fór ég í útvarps-
húsið en þar átti að taka upp um-
ræðuþátt sem ég hafði lofað að taka
þátt í. Umræðuefnið var sígilt um-
fjöllunarefni þegar lögreglu og dóm-
stóla ber á góma og fjölmiðlar eru
annars vegar; kynferðisafbrot og
rannsóknir þeirra. Gagnrýni á störf
lögreglunnar er ekki alltaf réttmæt
en þau má gjarnan ræöa. Mér þykir
alltaf ágætt að ræða um málefni lög-
reglunnar, störf hennar og starfsað-
ferðir við aöra en þá sem starfa við
lögreglumál og þátttaka í þessum
þætti var engin undantekning.
Ég var laus frá útvarpinu á sjöunda
tímanum en fór ekki heim fyrr en
eftir viðkomu á skrifstofunni. Það
má alltaf finna einhver verkefni sem
mega helst ekki bíða til næsta dags.
Ætli næsta verkefni verði ekki að
taka sjálfan sig í gegn og reyna að
skipuleggja og nýta tímann betur.
Um kvöldiö var ekkert sérstakt á
dagskrá, unglingarnir á heimilinu á
íþróttaæfingum og við hjónin heima
ásamt þeirri þriggja ára sem datt út
af fyrir klukkan átta. Það er orðinn
ávani að horfa á allt sem er frétta-
tengt. Þetta kvöld horfði ég á tvo
fréttatíma í sjónvarpi í beinu fram-
haldi af kvöldfréttum útvarps.
Það var annars góður endir á deg-
inum þegar ég fékk upphringingu frá
gamalli vinkonu okkar bræðranna
og föður okkar. Hún er landeigandi
og vildi bjóða okkur að velja veiði-
daga en við höfum veitt sjóbirting í
ánni hennar undanfarin ár.
Finnur þú fimm breytingar? 300
Ég er orðinn þreyttur á að heyra allt um þinn höfuðverk. Þú
ættir að vita hvernig minn höfuðverkur er!
Nafn:...
Heimili:
Vinningshafar fyrir tvö hundruð nítugustu og átt-
undu getraun reyndust vera:
1. Sveinn Heiðar, 2. Elín Gunnarsdóttir,
Bæjarsíðu 5, Jörfabakka 14,
603 Akureyri. 109 Reykjavík
Myndirnar tvær virðast við fyrstu
sýn eins en þegar betur er að gáð
kemur í ljós að á myndinni til
hægri hefur fimm atriðum verið
breytt. Finnir þú þessi fimm atriði
skaltu merkja við þau með krossi
á myndinni til hægri og senda
okkur hana ásamt nafni þínu og
heimilisfangi. Að tveimur vikum
liðnum birtum við nöfn sigurveg-
aranna.
1. verðlaun:
Zodiac Sigma 300 sími að verömæti kr.
4.950 frá Hljómbæ, Hverfisgötu 103,
Reykjavík.
2. verðlaun:
Örvalsbækur. Bækumar sem eru í verð-
laun heita: Líki ofaukið og Bláþjálmur úr
bókafiokknum Bróðir Cadfael, að verð-
mæti kr. 1.790. Bækurnar eru gefhar út
af Frjálsri fjölmiðlun.
Vinningarnir verða sendir heim.
Merkiö umslagiö með lausninni:
Finnur þú fimm breytingar? 300
c/o DV, pósthólf 5380
125 Reykjavík