Þjóðviljinn - 08.12.1983, Blaðsíða 3

Fimmtudagur 8. desember 1983 ' ÞJÓÐVILJINN - SÍÐA 3
Frumrannsókn í Skaftamálinu er lokið
Tuttugu manns yfirheyrðir
Ríkissaksóknari fœr nú málið frá Rannsóknarlögreglu ríkisins
Frumrannsókn er nú lokið af
hálfu Rannsóknarlögreglu ríkis-
ins á meintri misþyrmingu lög-
reglunnar á Skafta Jónssyni
blaðamanni Tímans. Tuttugu
manns voru yfirheyrðir. Ríkis-
saksóknari hefur fengið málið til
meðferðar en Rannsóknarlög-
reglan hefur sent frá sér frétt um
málið.
Framburður starfsfólks
Starfsfólk Leikhúskjallara hef-
ir lýst ástæðum þess að lögreglan
var kvödd þangað aðfaranótt 27.
f.m. á þann veg að viðbrögð og
hegðan Skafta er yfirhöfn hans
fannst ekki þegar í stað við fata-
hengið hafi verið illyrði og hótan-
ir í garð þess. Hafi hann ráðist að
einum dyravarðanna, rifið föt
hans og veitt honum áverka.
Óhjákvæmilegt hafi því verið að
kalla á lögreglu, segir RLR.
Framburður
lögreglumanna
Lögreglumenn þeir er fóru á
vettvang bera samkvæmt frétt
RLR að framkoma Skafta hafi
verið þannig að ekki hafi verið
hægt að fá skýringar hjá honum á
málavöxtum. Hann sýnt tilburði
til þess að ráðast á dyravörðinn
aftur, og hafi þeir orðið að hand-
járna hann og færa í lögreglubíl.
Mótþrói mannsins við það hafi
ieitt til að hann féll á gólf bílsins
og sé ekki útilokað að hann hafi
þá hlotið áverka. Lögreglumenn-
irnir segja að Skafti hafi legið á
maganum á gólfinu handjárnáð-
ur fyrir aftan bak, og vegna
stöðugs mótþróa hafi einn lög-
reglumaður orðið að halda hon-
um. Lögreglumennirnir neita því
alfarið allir að þeir hafi viljandi
meitt manninn og í bílnum hafi
aldrei verið tekið um eða þrifið í
höfuð hans og það keyrt í gólf
bflsins.
„Vinkona eiginkonu mannsins
sem sat við hlið eiginkonunnar í
bílnum hefur borið að hún hafi
ekki séð neitt slíkt gerast,“ segir í
frétt RLR. Ennfremur segir að
ekki sé ástæða til þess að rekja
það sem gerðist á lögreglustöð-
inni en þar hafi Skafti verið um
klukkustund í haldi.
Áverkar
samkvæmt vottorði
í læknisvottorði kemur fram að
Skafti hafi komið á slysadeild í
hádeginu sunnudag 27. nóvem-
ber. Fvottorðinu segir um áverka
á andliti: „nef er mikið bólgið og
glóðarauga á vinstra auga. Ekki
greindist skekkja á nefi, nasir
virðast báðar opnar. Á enni er -
miðju enninu - 3 cm löng grönn
rispa, einnig er önnur rispa lítil
vinstra megin á enni.“ Síðar í
vottorðinu segir: „roði og smá-
mar eru í hárssverði á hnakka-
svæði. Röntgenmynd var tekin af
nefbeinum, þessi röntgenmynd
sýndi brot á nefbeininu án telj-
andi tilfærslu á brotflöskum."
Framburður
Skafta
Af hálfu Skafta er því haldið
fram, segir RLR, að upphafið
megi rekja til samskipta hans við
starfsfólk Leikhúskjallarans, sem
hafi verið byggt á misskilningi
fyrst og fremst. Ágreiningur og
átök hafi síðan fylgt, og enda þótt
upphaf þess mætti að hans sögn
rekja til framkomu starfsfólksins,
hafi komið að því að hann var
færður burt af staðnum af lög-
reglu, handjárnaður og með
valdi. Hann heldur því fram að í
lögreglubílnum hafi honum verið
misþyrmt af einum lögreglu-
manni með því, að sáhafiítrekað
þrifið í hár hans og keyrt höfuð
hans niður í gólf bflsins. Vegna
þessa hafi hann meðal annars
nefbrotnað og hlotið aðra áverka
á höfði. Því er og haldið fram af
honum og eiginkonu hans, sem
jafnframt var í bflnum, að þetta
hafi maðurinn margsinnis gert,
enda þótt þau hafi beðið hann um
að láta af því. - ekh.
Skattafrumvarp ríkisstjórnarinnar:
Bókhaldsblekkingar
Verði frumvarpið samþykkt mun
það stórauka skattbyrðina
sögðu talsmenn stjórnarandstöðu
Skattafrumvarp ríkisstjórn-
arinnar var til umræðu í Neðri
deild Alþingis í gær. Fjármála-
ráðherra mælti fyrir frumvarp-
inu, en síðan tóku þeir Ólafur
Ragnar Grímsson, Svavar
Gestsson og Kjartan Jóhanns-
son til máls um frumvarpið.
Þeir bentu allir á að hér væri
um blekkingu að ræða, þegar
sagt væri að frumvarpið, ef
samþykkt yrði, myndi leiða til
lækkunar skatta. Þvert á móti
myndi það leiða til hækkunar
og það verulegrar hækkunar
skatta á öllum þorra fólks.
Ólafur Ragnar kom með hvert
dæmið á fætur öðru, þar sem út-
koman var veruleg skattahækkun á
venjulegum tekjum bæði hjóna og
einstaklinga. Hann benti hinsvegar
á að með því að búa til sérstaka
fjölskyldumynd og tekjur hennar
væri hægt að búa til dæmi um lækk-
un, en þar sem sneri að venjulegum
launum fólks væri um hækkun að
ræða.
Svavar Gestsson sagði frum-
varpið vera bókhaldsblekkingu,
þegar talað væri um skattalækkun. .
Hann benti á að í fjárlagafrum-
varpi ríkisstjórnarinnar væri gert
ráð fyrir því að laun hækkuðu á
þessu og næsta ári um 14% en í
skattalagafrumvarpinu um 20%.
Eftir hvoru á að fara? spurði Svav-
ar, og krafðist þess að fjármálaráð-
herra gerði grein fyrir því. í fram-
haldi af þessu benti Svavar á að svo
væri nú búið að rýra kjör almenn-
ings í landinu að hann gæti ekki
tekið á sig hærri skattbyrðar svo
sem þetta skattafrumvarp boðar.
Nefndi hann sem dæmi að launa-
maður sem hafði 20 þúsund kr. í
laun í mars sl. hefði nú 22.500 kr.
en þær nauðsynjavörur sem hann
hefði greitt 15 þúsund kr. fyrir í
mars sl. kostuðu nú 23.200 kr.
Munur á launum væii2.500 krónur
en munur á nauðsynjavörum 8.200
kr.
Bæði Ólafur Ragnar og Svavar
bentu á að Albert Guðmundsson
fjármálaráðherra sem og aðrir
Ólafur Ragnar Grímsson kom með hvert dæmið á fætur öðru á Alþingi í
gær, þar sem útkoman var veruleg skattahækkun á venjulegum tekjum
bæði hjóna og einstaklinga. Ljósm. -eik.
þingmenn Sjálfstæðisflokksins
hefðu hvað eftir annað boðað
skattalækkanir í tíð síðustu ríkis-
stjórnar og í kosningabaráttunni í
vor er leið hefðu þeir gefið hvert
loforðið á fætur öðru í þeim efnum.
Hér lægju svo efndirnar, skatta-
frumvarp sem myndi hækka svo
skattbyrði almennings að flestir
myndu sligast undir henni. - S.dór
Markaðs-
átak á
Norður-
löndum
Viðskiptaráðherrar Norður-
landa þinguðu í Stokkhólmi í byrj-
un mánaðarins og var þar m.a.
rædd sú hugmynd að íslendingar
fengju fjárveitingu frá Norður-
landaráði til þess að vinna gegn
þeim mikla halla sem er á við-
skiptum þeirra við aðrar Norður-
landaþjóðir.
Gert er ráð fyrir að ísland verði
styrkt til þess að auka markaðs-
hlutdeild sína.
Vegna þessa máls efndi Matthías
Á. Mathiesen til fundar með sendi-
herrum íslands í Svíþjóð, Dan-
mörku og Noregi til þess að ræða
undirbúning markaðsátaksins.
- ekh.
Frá fundi viðskiptaráðherra, Jón Júlíusson deildarstjóri, Þórhallur Ásgeirsson ráðuneytisstjóri, Benedikt
Gröndal, sendiherra í Svíþjóð. Matthías Á. Mathiesen, Einar Ágústsson sendiherra í Danmörku, Páll Asgeir
Tryggvason sendiherra í Noregi og Hjálmar W. Hannesson sendiráðunautur í Stokkhólmi.
Kjararann-
sóknarnefnd
framkvœmir
launakönnun:
Nær
til
3500
ein-
Kjararannsóknarnefnd,
sem er sameiginleg stofnun að-
ila vinnumarkaðarins, þ.e.
ASÍ, VSÍ og VMSS, er nú að
framkvæma könnun á tekjum
og ýmsum félagslegum þáttum
meðal félagsmanna nokkurra
verkalýðsfélaga. Nær
könnunin til 3500 félaga og
þar af til 10. hvcrs félaga í VR,
Dagsbrún, Framsókn, FSV,
Sókn og Iðju, auk nokkurra
verkalýðsfélaga út á landi.
Nöfn manna voru dregin af
handahófi úr félagaskrám
viðkomandi verkalýðsfélaga.
Hafa spurningalistar þegar
verið sendir út.
Á fundi með fréttamönnum
í gær sögðu forsvarsmenn
könnunarinnar að mjög mikii-
vægt væri að ALLIR sem
fengið hafa spurningalista
svöruðu, vegna þess að þeim
mun fleiri sem svara, þeim
mun marktækari verður
könnunin. Þá lögðu þeir líka
áherslu á að fólk sendi svörin
sem allra fyrst en stefnt er að
því að allir listar verði komnir
inn aftur fyrir miðjan þennan
mánuð.
Ásmundur Stefánsson for-
seti ASÍ sagði að vissulega
væri þessi skoðanakönnun lið-
ur í kjarabaráttunni, þar sem
hún myndi sýna óyggjandi
hvar skórinn kreppir mest,
þar sem hér er bæði um launa-
og félagslega könnun að ræða.
Magnús Gunnarsson fram-
kvæmdastjóri VSÍ sagði að
menn væru sammála um að í
þjóðfélaginu væri láglauna-
hópur og líka að menn vildu
finna leiðir til að bæta kjör
þessa hóps. Könnun þessi ætti
að geta sýnt svart á hvítu
hverjir það væru sem lægst
hefðu launin. Enginn ágrein-
ingur væri um að bæta stöðu
þessa fólks, aðeins ágrein-
ingur um leiðir að markinu.
- S.dór.