Þjóðviljinn - 24.02.1984, Blaðsíða 3
Föstudagur 24. febrúar 1984 ÞJÓÐVILJINN - SÍÐA 3
Fjölmennasti fundur í sögu Dagsbrúnar
„Til hvers að gera svona samninga. Því ekki að þurrka þessa
lægstu launataxta út. Þeir eru verkalýðsfélögunum til hreinnar
skammar. Út með þá alla“, sagði Guðmundur J. Guðmundson
formaður Dagsbrúnar þegar hann kynnti félagsmönnum sínum
hina nýgerðu kjarasamninga ASÍ og VSÍ fyrir troðfullu húsi í
Austurbæjarbíói í gær.
Guðmundur fann samningunum
ýmislegt til foráttu og sakaði samn-
inganefnd Alþýðusambandsins og
forystumenn verkalýðshreyfingar-
innar um margvísleg mistök á und-
anfömum mánuðum sem sýndu sig
í þessum alls óviðunandi kjara-
samningi. Nánast engin umræða
hafði verið í verkalýðsfélögunum
og félagsmenn ekki hafðir með í
kjarabaráttunni. Félögin hefðu
ekki rætt málin nóg sín í milli, mis-
tök hefðu verið að láta einungis
þriggja manna samninganefnd um
alla samningagerðina og sérmál
félaganna hefðu alls ekki fengið að
koma fram. Þetta væru þau vinnu-
brögð sem meirihluti fulltrúa á
sambandsstjórnarfundi ASÍ hefði
viljað og það væri ekki við samn-
inganefndarmennina þrjá að sak-
ast persónulega þótt uppskeran
væri nánast engin.
„Það er sagt að þessir samningar
eigi að tryggja kaupmátt síðasta
ársfjórðungs ársins 1983 út þetta
ár. Það er full ástæða til að draga
þetta í efa. Ég óttast að sú kjara-
skerðing sem hófst 1983 haldi
áfram á þessu ári. Ég hef sýnt fram
á að eftirvinnu og næturvinnuálag
hefur verið skorið niður um helm-
ing. Það hefur enginn hrakið eina
einustu tölu sem ég hef verið með.
f Morgunblöðum landsins er ráðist
gegn okkur Dagsbrúnarmönnum
og við erum ýmsu vanir í þeim efn-
um, en má ég biðjast undan því að
verða fyrir árásum frá hendi for-
ystumanna ASÍ“, sagði Guðmund-
ur m.a. á fundinum.
Hann sagði í samningunum væru
unglingar á milli 16-18 ára aldurs
nánast seldir á fæti. „Hvers lags
sölumennska er hér á ferðinni?
Þetta er tóm sölumennska. Ríkis-
stjórnin vildi láta niðurgreiðslur
uppí félagslegar úrbætur. Slíkt
verður að kosta með sparnaði, ekki
álögum á almenning.
Við skulum freista þess að ná
einhverju í land. Ég er ekki að
leggja til verkföll; einungis að við
ætlum að ganga til samninga við
okkar viðsemjendur. Dagsbrún
hefur aldrei afsalað sér sínum
samningsrétti til ASÍ“, sagði Guð-
mundur. Þurrka ætti lægstu flokka
út og ýmsar tilfærslur þyrfti að gera
til að leiðrétta kjör Dagsbrúnar-
manna.
„Þetta er eingöngu samningur
fyrir atvinnurekendur en ekki fyrir
okkur. Bætur eru fluttar úr einum
vasa í annan og allt tekið af okkur
sjálfum“, sagði Pétur Tyrfingsson
verkamaður er hann kvaddi sér
hljóðs. „Ef við látum ríkisstjórnina
og atvinnurekendur komast upp
með þessa kjaraskerðingu þá
stöndum við uppi varnarlaus. Þetta
er ekki bara spurning um krónur og
aura heldur framtíðarstöðu verka-
lýðshreyfingarinnar. Við erum
hingað komin til að fella þessa
samninga. Reisn verkalýðshreyf-
ingarinnar er í veði“, sagði Pétur
m.a. Lagði hann til að samningarn-
ir yrðu bornir undir atkvæði. Ósk-
að var leynilegrar atkvæðagreiðslu
en fundarmenn lögðust nær ein-
róma gegn því og felldu síðan
samninginn á eftirminnilegan hátt.
Þá var á fundinum samþykkt
stuðningsyfirlýsing til starfsmanna
í Álverinu í Straumsvík, en tillaga
um að endurskoða stöðu Dags-
brúnar innan ASÍ var felld.
-lg-
Guðmundur J. Guðmundsson: „Hvílíkur voða harmagrátur er þetta í forystumönnum sumra verkalýðsleið-
toga í Morgunblöðum landsins. Geta menn nú ekki bara grátið í hljóði?" (Ljósmyndir -atli)
Kemur ekkí á óvart
segir Guðmundur J. Guðmundsson formaður
„Þessi niðurstaða fundarins
kemur mér alls ekki á óvart. Það er
afgerandi eindregin afstaða gegn
þessum samningum", sagði Guð-
mundur J. Guðmundsson formað-
ur Dagsbrúnar í samtali við Þjóð-
viljann er hann hafði slitið hinum
sögulega fundi Dagsbrúnarmanna í
Austurbæjarbíói í gær.
„Ályktun stjórnarinnar um að
vísa samningunum frá og samþykkt
fundarins um að fella samninginn
er aðeins orðavalsmunur. Þarna er
ekki nema smávægilegur ágrein-
ingur. Það sem skiptir öllu er að
niðurstaða fundarins er afdráttar- þykkir", sagði Guðmundur J.
laus þar sem nærri 800 manns fella Guðmundsson.
samnínginn en aðeins 17 eru sam- -Ig.
Sýnir glöggt vilja
Dagsbrúnarmanna
Pétur Tyrfingsson: „Við heyjum baráttuna með því að fella þennan samn-
ing einróma! Það er ekki hægt að troða á verkafólki þessa lands enda-
Iaust.“ (Ljósmynd - atli)
segir Pétur Tyrf-
ingsson sem flutti
tillöguna um að fella
samninginn
„Menn eru einfaldlega á móti
þessum samningi. Það er helber
misskilningur frá upphafi að menn
séu ekki á móti þessu. Fundurinn
talar sínu máli“ sagði Pétur Tyrf-
ingsson verkamaður í Dagsbrún að
loknum fundi Dagsbrúnar í Aust-
urbæjarbíói í gærkvöldi, en Pétur
bar upp þá tillögu á fundinum að
samningar AÍ og VSÍ yrðu bornir
undir atkvæði og lagði til að þeir
yrðu felldir. Nærri 800 Dagsbrún-
armenn greiddu atkvæði gegn
samningnum, en aðeins 17 voru
hlynntir honum.
„Þessi fundur sýnir glöggt hver
vilji Dagsbrúnarmanna er. Nú þarf
að skipuleggja baráttuna sem er
framundan og þá baráttu þarf að
skipuleggja í samráði við félags-
menn“, sagði Pétur Tyrfingsson.
-»g-
Alyktun Dagsbrúnarfundarins
um VSÍ/ASI samkomulagið
ÓfuUnægjandi
sanrningur
„Almennur fundur í Verkamannafélaginu Dagsbrún haldinn í Aust-
urbæjarbíói 23. febrúar 1984, telur að í nýgerðum kjarasamningi milli
ASÍ og VSf séu atriði sem um margt séu varhugaverð fyrir íslenska
verkalýðshreyfingu, auk þess sem samningurinn sé algjörlega óf-
ullnægjandi fyrir Dagsbrún.
Áhyggjuefni er það þróttleysi og sú deyfð, sem einkenndi öll vinnu-
brögð. Þriggja manna samninganefnd var afhent öll samningsgerð um
leið og félög kepptust við að lýsa stöðuleysi sínu og vanmætti til átaka.
Með þessum vinnubrögðum er fólkið í félögunum gert ómyndugt og
félögin látin standa afsíðis sem aðgerðarlausir áhorfendur. Þetta gerist
á sama tíma og almennur kaupmáttur hefur verið skertur um 25 - 30%^.
Þótt aðstandendur samninganna telji hann tryggja kaupmátt síðasFa
ársfjórðungs 1983 út samningtímann, verður að draga mjög éefa að svo
verði, þannig að enn mun verkafólk eitt greiða herkostnað verðbólgu-
baráttunnar. Hækkun dagvinnutekjutryggingar er góðra gjalda verð,
en hefur þá skelfilegu ókosti í för með sér, að yfirvinnuálög m.v.
dagvinnu skerðast víða uin helming og jafnvel meira.
Einnig er óskiljanlegt að yfir fjörutíu ára ákvæði um fullt kaup fyrir
þá sem eru 16 ára skuli nú vera fært til 18 ára aldurs. Nú er svo komið
að atvinnuleysisbætur geta orðið hærri en dagvinnukaup iy'rir þessa
aldurshópa.
Dagsbrún ber mjög brýn nauðsyn til að fá breytingar"á töxtum og
ýmsum fleiri ákvæðum samninga sinna, bæði til samræmis við önnur
félög og vegna margvíslegra breyttra aðstæðna á vinnustöðum.
Ekki var tekið neitt tillit til þessara aðstæðna og samningur gerður
þrátt fyrir aðvaranir félagsins.
Um árabil hefur afstaða og barátta Dagsbrúnar ráðið úrslitum í
samningum og flest þýðingarmestu ákvæði kjarasamninga náðst fyrri
harðfylgi Dagsbrúnar. Þessarar baráttu hefur allt launafólk í landinu
notið. Þegar félagið nú þarf nauðsynlegar leiðréttingar á eigin samn-
ingum vonast það til þess að heildarsamtökin eða önnur verkalýðsfé-
lög leggi ekki stein í götu þess.
Fundurinn ályktar að fela stjórn Dagsbrúnar í samráði við samning-
anefndir vinnustaða að óska nú þegar eftir viðræðum við samningsað-
ila Dagsbrúnar. Þegar niðurstöður liggja fyrir skal boðað til nýs félags-
fundar, þar sem þær verða kynntar og endanleg ákvörðun tekin um
afstöðu félagsins til samninganna.
Fundurinn hvetur alla Dagsbrúnarmenn til að fylkja sér fast um
félagið og minnir á að samstaða Dagsbrúnarmanna hefur úrslitabvð-
ingu á þeim dögum er í hönd fara.“
Reisn hreyfingariimar
er í veði