Þjóðviljinn - 04.04.1984, Blaðsíða 3

Miðvikudagur 4: apríl 19^4 ÞJOÐVÍLJÍNN ^ SÍÐA 3
Miklar skipulagsbreytingar hjá Sambandinu:
Valur ráðinn í fullt starf
Breytingar á skipulagi Sam-
bandsins voru tilkynntar í gær.
Starf stjórnarformanns mun tam.
verða gert að fuliu starfi, til að
„auka þátttöku og áhrif lýðræðis-
legra kjörinna fulltrúa í stjórnun
Sambandsins". Núverandi stjórn-
arformaður er Valur Arnþórsson.
Jafnframt er búið til embætti að-
stoðarforstjóra til a sjá um dag-
legan rekstur Sambandsins ásamt
forstjóra. Þá eru tvær deildir
lagðar niður með öllu, en fjórar
nýjar deildir settar á laggir. Nýtt
sjálfstætt fyrirtæki, Bílvangur sf.
mun fara með bifreiðaumboð Sam-
bandsins.
Þær deildir sem lagðar eru niður
eru Innflutningsdeild og Véla-
deild, en til verða Verslunardeild.
Landbúnaðarþjónustudeild, Fjár-
hagsdeild og Fræðslu- og kaupfé-
lagadeild sem mun í framtíðinni sjá
um fræðslumál og útgáfustarfsemi
Sambandsins, og verða auk þess til
styrktar kaupfélögunum útum
landið.
Hinn nýi aðstoðarforstjóri verð-
ur Axel Gíslason sem starfað hefur
um tólf ára skeið hjá Sambandinu
og var síðast framkvæmdastjóri
Skipadeildar.
A fundi með fréttamönnum
greindi Valur Arnþórsson frá því
að nauðsynlegt hefði verið að gera
þessar skipulagsbreytingar til sam-
ræmis við breytingar á rekstri Sam-
bandsins sem orðið hafa á seinni
árum. Aðspurður kvaðst hann þó
ekki telja að slæmt skipulag hefði
háð rekstrinum á undanförnum
árum.
Skipulagsbreytingar voru gerðar
skv. tillögum norsks ráðgjafafyrir-
tækis en ekki höfðu Valur eða Er-
lendur Einarsson forstjóri tölur um
kostnað af starfi hins norska fyrir-
tækis á reiðum höndum. Skipulags-
breytingarnar hafa verið kynntar á
fundum með starfsmönnum Sam-
bandsins og mælst vel fyrir. Nánar
verður sagt frá hinu nýja fyrir-
komulagi síðar. Þess má að lokum
geta, að hluti þess kemur ekki til
framkvæmda að sinni, þar sem að-
alfundur þarf áður að fjalla um
málið.
- ÖS
Æöstu yfirmenn Sambandsins samkvæmt nýja skipulaginu. Frá vinstri Axel Gíslason aðstoöarforstjóri, Valur
Arnþórsson stjórnarformaður og Erlendur Einarsson forstjóri. Ljósm. Atli.
Helgi Ólafsson tryggöi sér annan áfanga að stórmeistaratitli á skákmótinu í Neskaupstað sem lauk um helgina.
Hér sést hánn taka við sigurlaununum úr hendi Loga Kristjánssonar bæjarstjóra undir fagnaðarópum félaga
sinna og keppinauta. Ljós. Ólöf.
Hegðun Arna var
móðgun við skólann
segir í yfirlýsingu nemenda Stýrimannaskólans
„Við nemendur Stýrimanna-
skólans í Reykjavík hörmum þann
atburð er varð á kynningardegi
skólans sl. laugardag er Árni
Johnsen alþingismaður beitti cinn
sýningargesta okkar, Karl Olsen
hönnuði, ofbeldi“, segir í fréttatil-
kynningu sem nemendur Stýri-
mannaskólans sendu fjölmiðlum í
gær.
„í okkar huga er hegðan Árna
móðgun við skólann og þá kynn-
ingu sem fram fór þennan dag á
starfsemi hans.
Við mótmælum einnig harðlega
þeirri fullyrðingu þingmannsins,
að það sé að hætti sjómanna að
útkljá mál á þennan hátt. Telja
verður að svona háttarlag sé lítt til
framdráttar öryggismálum sjó-
manna á hafi úti.
Mörg atriði eru í ólagi hvað varð-
ar öryggismál sjómanna. Til þess
að þessum málum sé borgið á við-
unandi hátt, hlýtur að vera heilla-
vænlegast að allir taki höndum
saman og vinni að lausn þessara
mála.“ •
Undir þessa yfirlýsingu rita 49
stýrimannaskólanemar nafn sitt eða
allir þeir sem voru við nám í skól-
anum í gær.
-lg
Fágætt einkabókasafn til sölu
Ætlum ekki að bjóða I safnið
segir talsmaður Bókasafns Seðlabankans
„Nei, þaS stendur ekki til að Seðla-
bankinn bjóði i þetta safn cn hitt er
rétt að við höfum skoðað það að und-
anförnu, sagði Ólafur Pálmason hjá
Seðlahanka Islands er Þjóðviljinn bar
undir hann sögusagnir um að bankinn
hefði ætlað að kaupa eitt giæsilcgasta
einkabókasafn sem verið hcfur til sölu
um mörg undanfarin ár. Er talið að
safnið leggi sig á hundruð þúsunda
króna tii sölu.
Bókasafnið sem hér um ræðir er úr
dánarbúi Ragnars Ólafssonar hæsta-
réttarlögmanns, en hann lagði stund á
bókasöfnun með góðum árangri. Það
er fyrirtækið Klausturhólar sem hefur
safnið til sölumeðferðar en ekki feng-
ust uppiýsingar um það hvort þar væri
um umboðssölu að ræða eða hvort
Kiausturhólar hefðu þegar fest kaup
á bókunum. Ætlunin er að safn Ragn-
ars heitins fari í aimenna söiu í versl-
un fyrirtækisins eftir heigina en fram
að þeim tíma munu mcnn eiga þess
kost að bjóða í gripina. Að sögn eins
þeirra sem hefur skoðað bókasafnið
er þar um að ræða mörg fágæt rit og
kvað hann ehgan vafa leika á að
margir vildu eignast en fáum væri
fært. - v.
Viðtal við Helga Ólafsson skákmeistara
Frá Neskaup-
stað til
Nýju Jórvíkur
- Það er hálfur mánuður í næsta
mót í Nýju jórvík (New York) og
það er kappnógur tími til að hlaða
batteríin, sagði Helgi Ólafsson sem
varð sigurvegari á skákmótinu í
Neskaupstað á dögunum og er ör-
fáum spönnum frá stórmeistaratitli
í skák.
- Jú því er ekki að leyna að törn-
in undanfarna mánuði hefur
gengið að manni. Ég hef ekki unn-
ið heiðarlega vinnu frá því í janúar,
þó deila megi um það hversu
heiðarleg blaðamennska er. í al-
vöru talað hef ég tekið þátt í fjórum
stórum mótum þessa mánuði; Bún-
aðarbankamótinu, Grindavíkur-
mótinu, Reykjavíkurskákmótinu
og nú í Neskaupstað. Þennan tíma
hef á köflum stúderað mjög
grimmt en ég finn að ég er ansi
tómur af hugmyndum sem ég var
með. En hálfur mánuður er í næsta
mót og það er rúmur tími til að
hlaða batteríin.
- í New York eru tvö skákmót
sem ég ætla að taka þátt í. Hið fyrra
hefst 18. apríl en hið seinna 24.
sama mánaðar.
- í sambandi við þennan bless-
aðan titil spyrð þú? Eftir því sem
mér skilst þarf 24 vinninga til að ná
stórmeistaratitli en ég hef 21 slíkan
vinning. Þannig að ég er ekki „hálf-
ur“ stórmeistari einsog þú gafst í
skyn heldur sjö/áttundu. Það er nú
eitthvað annað, en vera hálfur. Um
þetta gilda nokkuð almennar regl-
ur þ.e. að í móti sé ákveðinn fjöldi
stórmeistara og ákveðinn fjöldi
meðalstiga keppenda og eitthvað
þess háttar. Mótin eru síðan af
ýmsum styrkleika - „kategoríum“
sem reiknast inní þetta dæmi.
- Nei, stórmeistaratitillinn er
ekki jafn auðfenginn og áður-
nefndur fjöldi skáka segir til um.
Árangurinn þarf að vera hiðstæður
á næstu mótum sem ég tek þátt í til
að það dæmi gangi upp.
- Á fyrra mótinu eru um 1000
þátttakendur, en slík opin stór mót
tíðkast í þvísa landi, þarsem allt er
stórt. Þarna munu keppa sterkustu
skákmenn Bandaríkjanna, skák-
menn frá Evrópu, Austur og Vest-
ur.
Mótið sem hefst 24. apríl hefur á
að skipa milli 50 og 70 keppendum,
flestir eru þeir titilhafar. Verð-
launin eru allhá á þessum mótum, -
mig rninnir að hæstu verðlaunin á
seinna mótinu séu 18 þúsund dalir.
Þetta mót er eins konar arftaki
Lone Pine mótanna sem nutu
mikilla vinsælda í skákheiminum
áður fyrr. En það var fjármagnað
af bandarískum auðkýfingi sem nú
hefur safnast á vit feðra sinna.
- Helgarskákmótin og stór-
mótin sem haldin hafa verið að
undanförnu og orðið skáklífinu í
landinu mikil lyftistöng, eru fyrst
og fremst að þakka einum manni,
Jóhanni Þóri Jónssyni. Ég held að ’
þess séu fá dæmi að einstaklingar
séu jafn miklar vítamínsprautur í
menningarlífinu og sá maður er,
það væru þá helst menn einsog
Ragnar í Smára og Kristinn E.
Andrésson. Jóhann Þórir hefur
unnið hér markvert hugsjónastarf
sem seint verður fullþakkað.
- Því er ekki að leyna að aðstæð-
ur á svona mótum skipta geysi
miklu máli og geta ráðið úrslitum
um árangurinn. Þannig bjó ég við
aldeilis frábærar aðstæður í Nes-
kaupstað og ég held að keppend-
urnir hafi verið verulega ánægðir
með aðbúnaðinn.
- Máske er kosturinn við ís-
lensku skákmennina sá, að það er
mikil breidd hjá okkur. íslendingar
búa greinilega við skákhefð ríkari
en annars staðar. Ætli sé nokkurs-
staðar annars staðar jafn út-
breiddur áhugi á skák, nema þá í
Sovétríkjunum? Ég held að við
séum allir á svipuðu róli í styrkleika
Jón L. Árnason, Jóhann Hjartar-
son og Margeir Pétursson.
- Nei það er ekkert kapphlaup á
milli okkar Jóhanns. Ég held líka
að tilviljanir ráði miklu um það
hvernig áðurnefndum mönnum
gengur í titlatoginu, við erum allir
svipaðir og Jón L. og Margeir eru
mjög áþekkir okkur Jóhanni að
styrkleika. Ég giska líka á að við
verðum allir um svipað leyti orðnir
stórmeistarar. En það er kannski
tilviljun hvénær það gerist ná-
kvæmlega. Við skulum bara sjá til,
sagði Helgi Ólafsson að lokum.
-6g