Þjóðviljinn - 04.04.1984, Blaðsíða 5
Miðvikudagur 4. aprfl 1984 ÞJÓÐVILJINN - SÍÐA 5
Seina-
gangur
á þing-
störfum
Laust fyrir síðustu helgi
skýrði forseti Sameinaðs þings,
Þorvaldur Garðar Kristjáns-
son, frá því, að tekin hefði verið
saman skýrsla um það, hvernig
yfirstandandi þing væri á vegi
statt með afgreiðslu mála, sem
fyrir það hafa verið lögð.
Skýrslan leiðir í ljós að fluttar
hafa verið 69 þingsályktunartil-
lögur en einungis 8 þeirra hafa ver-
ið afgreiddar frá nefndum. Allar
hinar bíða ennþá byrjar. Fyrir
allsherjar- og atvinnumálanefnd-
um liggja yfir 40 mál óafgreidd.
Forseti sagði að rætt hefði verið
við formenn nefnda þingsins um að
gera hér á bragarbót og yrði að
vænta að það leiddi til þess að betur
yrði róið framvegis.
- mhg.
Leið-
rétting
í frétt Þjóðviljans í gær um hung-
urverkfall Jóhönnu Tryggvadóttur
misritaðist orðið sjúkraliði á einum
stað fyrir sjúkraþjálfara. Rétt er
setningin þannig: „Björn sagði að
með uppsögn samningsins væri
Heilsuræktin aðeins sett jafnfætis
öðrum þjálfunarstöðvum í borg-
inni, svo sem stöð Sjálfsbjargar,
Lamaðra og fatlaðra og sjálfstætt
starfandi sjúkraþjálfara." Eru við-
komandi beðnir velvirðingar á
þessum mistökum.
Þessi fallegi hundur er að vísu úr Kópavoginum en bræður hans frá Reykja-
vík munu geta átt náðuga daga næstu tvö árin að minnsta kosti ef tillaga
borgarstjóra nær fram að ganga. Ljósm.: eik.
Tillaga borgarstjóra:
Hundahald leyft
í Reykjavík
Kosið um málið eftir 2 ár
Borgarstjóri hefur lagt til að
hundahald verði heimilað með
undanþágum í Reykjavík svipað og
nú gerist í Garðabæ fram til 1986,
en þá verði kosið um málið um leið
og sveitarstjórnarkosningar fara
fram. Skulu þeir sem þá hafa leyfi
til hundahalds sæta þeim ákvörð-
unum sem teknar verða í framhaldi
af niðurstöðu kosninganna.
Tillagan byggir á ábendingum
nefndar sem sérstaklega var skipuð
til að fjalla um hundahald sl. haust.
í fyrsta lið hennar er gert ráð fyrir
því að hundahald í Reykjavík sé
bannað en síðan koma margir liðir
um hvernig veita megi undanþágu
frá því banni. M.a. skal hundurinn
skráður og merktur sérstaklega,
eigandi hans skal greiða árgjald
fyrir hann, færa hann til hreinsunar
og skoðunar og tryggja hann hjá
viðurkenndu tryggingafélagi.
Hunda skal hafa í bandi innan
borgarmarka, óheimilt verði að
vera með hunda í almenningsgörð-
um á daginn, eigandi skal skyldug-
ur til að þrífa upp óþrif eftir hund-
inn utan dyra að viðlögðum sektum
og sæta upptöku hans ef hann er
lausbeislaður innan borgarmark-
anna.
Borgarstjórn fjallar um þessa til-
lögu á fundi sínum á fimmtudag.
- AI.
Ráðstefnan um
velferðarríkið
Umfjöllun um velferðarríkið
hefur sett svip á opinbera umræðu
og pólitíska framvindu á Vestur-
löndum á undanförnum misserum.
Svo hefur einnig verið hér á landi í
nokkrum mæli og að undanförnu
hafa ýmsir sterkir forréttindahópar
látið mikið í sér heyra um velferð-
arríkið íslenska. Önnur sjónarmið
hafa þar lítt verið áberandi. Hópur
einstaklinga hefur því ákveðið að
boða til ráðstefnu undir heitinu: ís-
land: velferðarríki fyrir hvern?
Ráðstefnan verður haldin í Gerðu-
bergi, menningarmiðstöðinni í
Breiðholti, laugardaginn 7. apríl
nk. Ráðstefnan hefst kl. 13.00 og
verðuröllum opin. Ráðstefnugjald
er kr. 200 og er kaffi innifalið.
Dagskrá ráðstefnunnar verður
þannig:
Kl. 13.00-15.00 Framsöguerindi:
1) Stefán Ólafsson: Er Island velferð-
arríki?
2) Árni Gunnarsson: Er velferðarríkið
á undanhaldi?
3) Svanur Kristjánsson: Atvinnurek-
endur, velferðarríki og íslensk þjóðar-
vitund.
4) Guðrún Jónsdóttir: Hugmynda-
fræði velferðarþjónustunnar - tæki til
Breytingar á innheimtu gatnagerðargjalda:
Gjöld af eignarlóðum
Lóðareigendur fá 2ja ára frest til að byggja án gatnagerðargjalda
undirokunar eða frelsis?
Kl. 15.00-16.30: Kaffi. Umræðuhópar
um efni framsöguerindanna starfa.
Umræðustjórar: 1) Ingibjörg Haf-
stað og Jón Sæmundur Sigurjónsson,
2) Birgir Björn Sigurjónsson og Mar-
grét S. Björnsdóttir, 3) Geir Gunn-
laugsson og Ingibjörg Sólrún Gísla-
dóttir og 4) Guðmundur Óiafsson og
Jónína Leósdóttir.
Kl. 16.30-18.00: Greinargerðir umræð-
uhópa. Skipulag áframhaldandi
starfs. Almennar umræður.
í tillögum að nýrri reglugerð
um innheimtu gatnagerðar-
gjalda í Reykjavík, sem lögð
verður fyrir borgarstjórn á
fimmtudag, er gert ráð fyrir því
að eftir 1. janúar 1986 verði
tekin gatnagerðargjöld af
eignarlóðum. Gatnagerðar-
gjöld hafa aðeins verið inn-
Nýr samningur um Landakotstún:
Garður og bílastæði
Gerður hefur verið nýr samning-
ur milli Kaþólsku kirkjunnar og
borgaryfirvalda um austurhluta
Landakotstúns, en samkvæmt
samningi frá 1977 skuldbatt borgin
sig til að gera skrúðgarð á þeim
hluta túnsins. Gerður hefur verið
uppdráttur af skrúðgarðinum með
göngustígum, leikhorni fyrir börn
og gróðri en einnig verður tekinn
skiki af túninu við Túngötu undir
bílastæði. Uppdrátturinn var sam-
þykktur með 4 atkvæðum gegn 1 í
umhverfismálaráði í síðustu viku
og staðfesti borgarráð hann í gær.
í bókun Álfheiðar Ingadóttur
sem greiddi atkvæði gegn tillög-
unni í umhverfismálaráði er bent á
að íbúum hefur ekki verið gefinn
kostur á að segja álit sitt á henni, 15
x 75 metra spilda sé tekin af túninu
undir bílastæði, betur mætti vanda
hönnun á barnaleikvellinum og
nauðsynlegt sé að opna leiðir inn á
túnið frá Hólavallagötu með
göngustígum og tröppum í stað
þess að loka það af með eins metra
háum stoðvegg.
-JP-
Breikkun Fríkirkjuvegar:
Tillagan felld
Tillaga borgarverkfræðings um tvö-
földun Fríkirkjuvegar út í Tjörnina var
felld í borgarráði í gær. Þess í stað var
ákveðið að gera við Fríkirkjubakkann
og bakkann framan við Iðnó til bráða-
birgða í sumar og bíða með allar hug-
leiðingar um breikkun götunnar þar til
frekari upplýsingar um þörfina fyrir
það Iiggja fyrir.
í umhverfismálaráði urðu miklar um-
ræður um þetta mál og lagði fulltrúi
Alþýðubandalagsins til að ráðið hafn-
aði í eitt skipti fyrir öll hugmyndum um
rúmlega 2 þúsund fermetra skerðingu á
Tjörninni vegna götunnar. Aðeins full-
trúi Kvennaframboðsins studdi þessa
tillögu en síðan var tillaga formanns um
bráðabirgðaviðgerð samþykkt með at-
kvæðum Sjálfstæðisflokksins.
- ÁI.
heimt af leigulóðum í Reykjavík
til þessa.
Þá er gert ráð fyrir því að gatna-
gerðargjöld verði innheimt af við-
byggingum eldri húsa, en heimild
til þess hefur ekki veriö nýtt til
þessa. Hér gæti verið um nokkra
tekjuaukningu fyrir borgarsjóð að
ræðaþar sem 5 rúmmetra viðbygg-
ing við einbýlishús jafngildir 4000
krónum í gatnagerðargjöld. Að
öðru leyti er reglugerðin eins og sú
sem innheimt hefur verið ettir og er
innheimtuhiutfalli af hinum ýmsu
gerðum íbúðar- og atvinnuhúsnæð-
is ekki breytt.
Án efa mun ákvörðun um gatna-
gerðargjald af eignarlóðum hafa
víðtæk áhrif ef samþykkt verður.
Fjölmargar lóðir í einkaeign standa
auðar í miðbæ Reykjavíkur og á
öðrum eru gömul hús sem eigendur
vilja losna við og byggja ný á.
Gatnagerðargjöld af venjulegu
einbýlishúsi á leigulóð nema nú 2-
400 þúsund krónum en eigendur
lóða hafa getað byggt án þess að
greiða þau. Svo verður áfram til 1.
janúar 1986 og er víst að fyrir þann
tíma munu allir sem vettlingi geta
valdið hafa byggt, - ef þeir á annað
borð ætla sér það. Nægir að benda
á auðar lóðir við Aðalstræti og
eignarlóðir stórfyrirtækjanna við
Skúlagötu, þar sem samþykkt hef-
ur verið að reisa stórhýsi.
- ÁI.
Breiðfirðingabúð:
Mælt gegn
niðurrifi
Á fundi umhverflsmálaráðs í
fyrri viku var lögð fram beiðni um
niðurrif Skólavörðustígs 6B
(Breiðfirðingabúðar) og mælti
ráðið gegn niðurrifinu.
í bókun segir: „Umhverfismála-
ráð telur ákvörðun um niðurrif á
Breiðfirðingabúð, Skólavörðustíg
6B ekki tímabæra fyrr en deili-
skipulag að reitnum liggur fyrir og
vísar umhverfismálaráð til um-
sagnar borgarminjavarðar."
Þessi bókun var samþykkt með
atkvæðum allra ráðsmanna, en
sem kunnugt er hefur verið tekin
ákvörðun um deiliskipulagningu
Skólavörðustígs og fleiri svæða í
gamla bænum og var Guðrúnu
Jónsdóttur arkitekt falið það verk-
efni frá og með 1. apríl. - ÁI.
DJOOVIUINN
blaðið
sem vitnað er í