Þjóðviljinn - 10.04.1984, Blaðsíða 16
DIOÐVILIINN
Þriðjudagur 10. aprfl 1984
Aðalsimi Þjóðviljans er 81333 kl. 9-20 mánudag til föstudags. Utan þess tima er hægt að ná í blaðamenn og aðra starlsmenn blaðsins í þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
Ríkisskattstjóri um
nýju spariskírteinin:
Nýju spariskírteinin renna út:
Ortröð í
bönkum í gær
„Það hefur verið stanslaus ör-
tröð hér í allan dag“, sagði Sigurð-
ur Eiríksson í sparisjóði Lands-
bankans í gær. „Þetta hefur gengið
stórkostlega vel“, sagði Reynir Jón-
asson aðstoðarbankastjóri Útvegs-
bankans um sölu nýju spariskír-
teinanna. Ekki vildu forsvarsmenn
bankanna gefa upp neinar tölur eða
Ráðherra gefur
ríkisstjórn sinni
einkunn:
Stjórnin
óttalegur
boli
„Þessi ríkisstjórn er óttalegt afl,
hún er óttalegur boli.“ Þessi orð lét
Albert Guðmundsson fjármálaráð-
herra falla í umræðum á Alþingi í
gær og var hann þá að svara
Svavari Gestssyni.
Svavar hafði spurt að því hvenær
vænta mætti frumvarps frá ríkis-
stjórninni um ráðstafanir í ríkis-
fjármálum og efnahagsmálum.
Engum dyldist raunar að engin
samstaða væri innan ríkisstjórnar-
innar um neinar ráðstafanir í þess-
um efnum og hver höndin upp á
móti annarri.
Fjármálaráðherra: „Þetta er
bara blástur í Svavari. Það þýðir
ekkert fyrir hann að reyna að reka
fleyg á milli ráðherranna. Þeir eru
alltof ábyrgir til þess að það takist.
Á stjórnarheimilinu ríkir full-
komin eining andans. Einmitt
þessvegna er þessi ríkisstjórn ótta-
legt afl, óttalegur boli.“
Svavar Gestsson: Hvernig í ó-
sköpunum stendur á því að svona
samhent stjórn kemur sér ekki
saman um úrræði? Fjármálaráð-
herra líkti stjórninni við naut. Það
skyldi þó aldrei vera að þarna væri
á ferðinni okkar frægasti boli, sjálf-
ur Þorgeirsboli? Og nú hefur þess-
um nautpeningi verið sleppt
lausum á almenning í landinu.
-mhg
fjölda seldra skírtcina, en mikið
mun hafa verið um tiiflutninga,
einkum af almennum sparisjóðs-
bókum sem bera 6% lægri vexti en
nýju skírteinin.
Það var Landsbanki íslands sem
reið á vaðið og varð fyrstur til að
notfæra sér heimild bankanna til að
ákveða innlánskjörin sjálfir. Út-
vegsbankinn brást hart við, þá
Búnaðarbankinn og nú eru Versl-
unarbankinn, Samvinnubankinn,
Alþýðubankinn og SPRON komn-
ir í kapphlaupið um sparifé lands-
manna. Kjörin sem bankarnir
bjóða eru ekki þau sömu. Lægsta
bréf hjá Landsbankanum er t.d. 10
þúsund krónur, 2 þúsund hjá Út-
vegsbankanum, 1000 hjá Búnaðar-
bankanum sem að auki tryggir við-
skiptavinum sínum sömu kjör og
þau sem best kunna að bjóðast á
hverjum tíma. Alþýðubankinn
hyggst gefa út skírteini með sér-
stökum kjörum til handa ákveðn-
um hópum þjóðfélagsins og svo
mætti lengi telja.
Gunnar Helgi Hálfdánarson hjá
Verðbréfamarkaði Fjárfestingafé-
lagsins sagðist í gær ekki hafa haft
tíma til að reikna út hvaða banki
byði best. „Þetta helltist allt yfir
um helgina og það eina sem við
höfum fengið í hendur eru frétta-
tilkynningar og auglýsingar“, sagði
hann. „Við getum ekki lagt mat á
þetta fyrr en öll gögn eru komin
fram.“
Bönkunum er eins og öðrum
kaupahéðnum bannað að hafa
samráð sín á milli um verðlagningu
vöru og þjónustu og greinilegt er af
skjálftanum sem um sig hefur grip-
ið að svo var ekki í þetta sinnið.
Hins vegar er ekkert sem bannar
að bankarnir bjóði sömu kjör á
innlánum, svo fremi sem engu sam-
ráði er til að dreifa. _ÁI
Fundurinn í Háskólabíói á sunnudaginn tóksi prýðis vel. Mynd: Atli.
Stórfundur húsnœðissamvinnufélagsins Búseta:
Skorað á alþíngi
að styðja Búseta
Þúsundir félaga í Búseta,
félög stofnuð um allt land
Milli 7 og 8 hundrað manns sóttu stórfund húsnæðissam-
vinnufélagsins Búseta, sem haldinn var í Háskólabíói sl. sunnudag. Sam-
þykktar voru áskoranir á Alþingi um að húsnæðisfrumvarp fél-
agsmálaráðherra verði samþykkt á yfirstandandi þingi, en eins og er eiga
húsnæðissamvinnufélög hvergi inni í húsnæðislánakerfi landsmanna. Þar
hlýtur að verða breyting á, því nú eru á þriðja þúsund manns í Búseta og
verið að stofna og búið að stofna svipuð félög víða um landið.
Áskoranir fundarins til Alþingis
eru svohljóðandi:
„Stórfundur húsnæðissam-
vinnufélagsins Búseta, haldinn í
Háskólabíói 8. apríl 1984, beinir
eftirfarandi áskorun til Alþingis:
Kasparov vann
Sovéski skáksnillingurinn Garí
Kasparov ávann sér í gær réttinn til
að heyja einvígi við Antolí Karpov
um heimsmeistaratitilinn í skák.
Kasparov gerði í gær jafntefli við
Vasilí Smyslov landa sinn og hlaut
þar með 8 og hálfan vinning.
Á bls. 5 er greint frá 12. einvígis-
skák þeirra Kasparovs og Smyslovs
en þá skák vann sá fyrrnefndi um
helgina. Skákina skýrir Lárus Jó-
hannesson sem hefur tekið að sér
skákskýringar fyrir Þjóðviljann.
1. Alþingi tryggi að húsnæðis-
frumvarp félagsmálaráðherra, er
nú bíður afgreiðslu þingsins, verði
að lögum á þessu þingi og að við
afgreiðslu frumvarpsins verði
tryggð réttindi húsnæðissamvinnu-
félaga til lána úr hinum félagslega
byggingarsjóði.
2. A yfirstandandi Alþingi verði
búseturéttur viðurkenndur í lögum
og ótvíræð ákvæði um búseturétt
felld inn í húsnæðislöggjöfina.
3. Bæði húsnæðissamvinnufé-
lögin og verkamannabústaðakerfið
eigi ótvíræðan rétt á a.m.k. 90%
lánum til a.m.k. 43 ára.
4. Tryggt verði aukið fjármagn
til hins félgaslega lánakerfis, þann-
ig að lán til húsnæðissamvinnufé-
laga verði ekki á kostnað þeirra fé-
lagslegu íbúðabygginga, sem fyrir
eru í landinu.“
Mikill fjöldi sjálfboðaliða úr
Búseta lagði á sig mikla vinnu fyrir
fundinn og allir sem komu fram á
fundinum gáfu sína vinnu. Mikill
áhugi virðist ríkja á þessu húsnæð-
isformi, enda óþarfi að útlista þá
erfiðleika, sem fólk á í við að kom-
ast í öruggt húsnæði. Þetta er enda
húsnæðisform, sem á miklu fylgi að
fanga víða um heim, m.a. á
Norðurlöndunum. Nefna má sem
dæmi, að um 20 prósent þess íbúð-
arhúsnæðis, sem byggt er í Noregi,
er byggt innan húsnæðisamvinnu-
félagskerfis.
Barátta fyrir búsetu var yfirskrift
fundarins og var þar vísað til þess,
að húsnæðisfrumvarp félags-
málaráðherra virðist hafa mætt
einhv. andstöðu á þingi - a.m.k.
hefur það ekki verið lagt fram enn.
Hér eiga þúsundir landsmanna
undir högg að sækja og því ströng
barátta framundan sem lýkur ekki
fyrr en þessu húsnæðisformi verður
veittur aðgangur að lánakerfinu og
sett lög um húsnæðissamvinnufé-
lög. Það verður því áframhaldandi
Barátta fyrir búsetu.
ast
Skattskyld!
Breytum orða-
laginu, segir
Landshankinn
Ríkisskattstjóri tilkynnti í gær að
spariskírteinin sem bankarnir nú
keppast um að bjóða til sölu, séu
ekki undaþegin eignarskatti né
vextir af þeim undanþegnir tekju-
skatti. Bréf sem gangi kaupum og
sölum séu venjuleg verðbréf og
jafnist ekki á við innistæðu í banka.
Mikill órói greip um sig í banka-
heiminum í gær vegna þess. Þeir ku
hafa kæst sem ekki voru búnir að
feta í fótspor Landsbankans en á
þeim bæ voru bankastjórar, hag-
fræðingar og lögfræðingar á
löngum og ströngum fundum í gær.
í auglýsingum frá bankanum hafði |
verið tekið skýrt fram, að skírt-
einin væru skattfrjáls með sama
hætti og sparifé. í tilkynningu
Landsbankans í gær er bent á að
haft hafi verið samráð við Seðla-
bankann um útgáfu skírteinanna
og hafi Seðlabankinn staðfest fyrra
álit sitt að um einfalt innlán sé að
ræða.
Engu að síður hefur Landsbank-
inn ákveðið að fara eftir ábending-
um ríkisskattstjóra og sendi hann
út tilkynningu í gær um að orðalagi
bréfanna verði breytt á þá lund að
þau „uppfylli skilyrðislaust ákvæði
laga um skattfrelsi sparijár." Megi
viðskiptavinir því treysta því að
spariféð verði skattfrjálst á sama
hátt og aðrar innistæður. _ÁI