Þjóðviljinn - 09.12.1986, Blaðsíða 3
FRETTIR
Töluverð
hækkun
Vilborg Þorsteinsdóttir:
Samningarnir hefðu get-
að verið verri
Ég hef nú ekki alveg gert upp
hug minn gagnvart þessum samn-
ingum. En á þessu stigi finnst mér
að þessir samningar hefðu getað
verið verri, sagði Vilborg Þor-
steinsdóttir formaður verka-
kvennafélagsins Snótar í
Vestmannaeyjum.
„Þótt ýmislegt megi segja um
lágmarkslaunin sem við sömdum
um þá eru þau vissulega töluverð
hækkun fyrir fólk sem hefur verið
á stríbuðum töxtum og þeirra
sem lifa á tryggingabótum einum
saman. Ég er líka nokkuð ánægð
með nýju bónusreglurnar, en þær
koma vel út í okkar nýtingarkerfi
sem er ekki fastnýtingarkerfi.
Hins vegar finnst mér svekkjandi
að við skyldum ekki ná fram því
sem við stefndum að með fisk-
vinnslunámskeiðin, en markmið-
ið var að þau yrðu metin meira en
fram til þessa. Okkur skildist að
það myndi verða tekið vel í þessa
kröfu okkar, en svo reyndist ekki
vera,“ sagði Vilborg.
-K.Ól.
Tiltölulega
ánægð
Hildur Kjartansdóttir:
Lágmarkslaunin hefðu
mátt vera hœrri
Ég er tiltölulega ánægð með
samningana, en alls ekki á allan
hátt. Eg hefði viljað hafa lág-
markslaunin hærri, sagði Hildur
Kjartansdóttir varaformaður
Iðju félags verksmiðjufólks.
„Samningarnir eru engu að
síður heilmikið skref fyrir þá sem
sem hafa verið á stríbuðum töx-
tum og það eru heilmargir. Ég tel
jafnframt að rammasamningur-
inn sem við gerðum í bónusnunt
hafi verið mjög til bóta. Nú er
komið inn í hann starfsþjálfun-
arákvæði sem er afar mikilvægt
fyrir okkur þar sem við höfum
verið að byrja á átaki í starfs-
menntun fyrir fólk í fata og vefj-
araiðnaði,“ sagði Hildur.
-K.Ól.
Gríðarlegt
stökk
Magnús L. Sveinsson:
Hefði viljað sjá hœrri lág-
markslaun
Ég er ánægður með samning-
ana að því leyti að átakið fólst í
því að hækka lægstu launin þó svo
að ég hefði viljað sjá hærri tölur,
sagði Magnús L. Sveinsson for-
maður Verslunarmannafélags
Reykjavíkur.
„Stökkið er engu að síður gríð-
arlega mikið og mér heyrist að
flestir séu sammála um það að
hækkun lægstu launanna hafi átt
að hafa forgang og hinir sem bet-
ur eru settir ættu að bíða um sinn.
Eftir áramótin verður síðan unn-
ið að launakönnun sem mun
leggja grundvöllinn að uppstokk-
un launaflokkakerfisins sem felst
í því að taxtarnir verða fluttir að
greiddum launum. Forgangshóp-
arnir sem verða teknir fyrir hjá
okkur strax eftir áramót eru af-
greiðslufólk í lyfjaverslunum,
fólk sem vinnur við almenn skrif-
stofustörf og fólk sem starfar við
ferðaþjónustu."
- K.ÓI.
Samningarnir innsiglaðir með undirskrift eftir langar vökunaetur. Mynd Sig.
Er sáttur við samningana
Sigurður Óskarsson: Við mátum stöðuna þannig að við kœmumst ekki lengra
Með allt í huga þá er ég sáttur
við þessa samninga, sagði
Sigurður Óskarsson formaður
Alþýðusambands Suðurlands.
„Okkur var ljóst að við urðum
að taka ákvörðun og meta það
sem á borðinu var með tilliti til
þess sem í boði var varðandi lof-
orð sem okkur bárust frá ríkis-
stjórninni og þá sérstöku hækkun
sem lá fyrir um hækkun lægstu
launanna. Við mátum stöðuna
þannig að við kæmumst ekki
lengra. Með það jafnframt í huga
að hið kolbrjálaða taxtakerfi
verði lagað sætti ég mig við niður-
stöðuna“.
-K.ÓI.
Menn æstir yfír samningunum
Benedikt Bragason: Verkmenntun iðnaðarins sýnd lítilsvirðing
að er hrikalegt dæmi fyrir Al-
þýðusambandið að hafa látið
það viðgangast að einn hópur sé
skilinn eftir undir lágmarks-
launum, sagði Benedikt Bragason
formaður Iðnncmasambandsins
um samningana en eins og kunn-
ugt er gengu iðnnemar út af
samningafundi þegar það varð
Ijóst að laun þeirra yrðu reiknuð
scm prósenta af lágmarkslaunum
en ekki af sveinslaunum eins og
tíðkast hefur hingað til.
„Menn eru mjög æstir yfir
þessu og símhringingum hingað
nefur ekki linnt. Það eru ekki
bara iðnnemar sem láta í sér
heyra heldur meistarar líka sem
telja að með samningnum sé
verkmenntun iðnaðarins sýnd lít-
ilsvirðing. Það er ljóst að með
svona samningi hlýtur aðsókn í
iðngreinar að minnka því fólk er
ekki tilbúið til þess að lækka
mánaðartekjurnar um 5500 krón-
ur eins og mun verða raunin í
flestum tilfellum“.
Hvað ætlið þið að grípa til
bragðs?
„Sveinafélögin hafa lýst yfir
miklum stuðningi við okkur og
það er ekki annað fyrir okkur að
gera en að leita eftir því að fá
okkar sérkjarasamninga í gegn-
um þau,“ sagði Benedikt.
-K.Ól.
Lágmarks-
laun mættu
vera hærri
Aðalheiður Bjarnfreðs-
dóttir: Gleður okkur að
tillit var tekið til þeirra
lægst launuðu
Það gleður okkur að f þessum
samningum var tekið mest tillit til
þeirra sem hafa lægstu launin.
Það er algjörlega í samræmi við
okkar kröfur“, sagði Aðalheiður
Bjarnfreðsdóttir formaður
verkalýðsfélagsins Sóknar.
„Ég held nú samt að þótt ekki
hafi tekist að semja um hærri lág-
markslaun núna þá séu flestir
sammála um það að lámarks-
launin mættu vera hærri. En svo
er að sjá hvort það tekst að varð-
veita kaupmátt launa á samnings-
tímabilinu,“ sagði Aðalheiður.
-K.Ól.
Það segir
sögu að
Dagsbrún
gekk út
Þröstur Ólafsson: Við
förum okkur hœgt
Dagsbrún gekk út, það segir
sína sögu, sagði Þröstur Ólafsson
framkvæmdastjóri Dagsbrúnar
aðspurður um þá afstöðu sem
stjórn Dagsbrúnar hefur á ný-
gerðum sanmingum, en Þröstur
tók jafnframt fram að engin á-
lyktun hefði enn verið samþykkt
innan stjórnarinnar um samning-
ana.
Að sögn Þrastar gerðist lítið
markvert á stjórnarfundi Dags-
brúnar í gær vegna fjarveru ein-
staka meðlima, en á fundinum
var farið í gegnum kjarasamning-
inn og ákveðið að leita eftir skýr-
ingum á ákveðnum þáttum hans.
Þar á meðal voru atriði sem
tengjast álögum ýmiss konar og
starfsaldurshækkanakerfið eins
og það verður með þessum samn-
ingi.
Þröstur reiknaði með að lín-
urnar hjá Dagsbrún skýrðust
seinni part vikunnar. „Við förum
okkur hægt. Það er mikil kúnst að
kunna að bíða“ sagði Þröstur að
lokum.
-K.ÓI.
Arangur í þremur megin málum
Asmundur Stefánsson: Stœrra stökk í kaupmáttaraukningu lœgstu
að er ýmislegt sem maður
hefði kosið að hafa öðruvísi í
þessum samningum, en við verð-
um að skoða lausnina núna í því
Ijósi að við erum að fá þessa
hækkun væntanlega 2-2 1/2 mán-
uði fyrr en við hefðum fengið ef
samningar hefðu ekki tekist í
þessari lotu, sagði Ásmundur
Stefánsson forseti ASÍ.
„Við náðum þremur megin-
málum í gegn. I fyrsta lagi þá
hækka lægstu laun um 30% að
kaupmætti á milli áranna 1986 og
1987 ef allar forsendur standast
og sú kaupmáttaraukning er
komin fram strax í desember.
Það er væntanlega stærra stökk í
kaupmáttaraukningu lægstu
launa en dæmi eru til um“.
„f öðru lagi er það ónýta taxta-
kerfi sem við höfum búið við lagt
í rúst með þessum samningum því
lágmarkstölurnar fyrir verkafólk
og iðnaðarmenn eru hærri en
tölur almennu taxtanna. Jafn-
framt eru í samningnum lögð
drög að uppbyggingu nýs launa-
kerfis með fastlaunasamningum
á samningstímanum“.
„í þriðja lagi eru bónuskerfin
stokkuð upp þannig að fasta-
kaupið hækkar verulega. Þetta
gefur bónusfólki aukið öryggi,
hækkar yfirvinnukaup mikið og
kaup þann tíma sem ekki er unn-
ið í bónus auk þess sem þeir sem
hafa haft lítinn eða engan bónus
hækka í mánaðarlaunum," sagði
Ásmundur.
Þá sagði Ásmundur að að hin
hliðin á samningunum væri sá
samningur sem gerður var við
ríkisstjórnina um stöðugt gengi,
takmörkun á opinberum verð-
hækkunum og almennt aðhald í
efnahagsmálum. Ef ríkisstjórnin
stendur við sitt, sagði Ásmundur,
þá ætti verðbólgan að haldast
innan við 8% á árinu 1987. „Með
þessu er verið að halda áfram
þeirri viðleitni sem uppi var í
samningunum í febrúar að reyna
að festa báða enda málsins þann-
ig að raunveruleikinn sé á bak við
tölurnar,“ sagði Ásmundur.
Teystir þú því að næsta ríkis-
stjórn standi við þau loforð sem
þessi ríkisstjórn hefur gefið?
„Ég hef ekki mestar áhyggjur
af A-flokkunum í því sambandi“
sagði Ásmundur.
-K.ÓI.
launa en dœmi eru til
Ásmundur: Raunveruleiki á bakvið
tölurnar.
Þrlðjudagur 9. desember 1986, ÞJÓÐVILJINN - SÍÐA 3