Þjóðviljinn - 04.07.1987, Blaðsíða 10
ERLENDAR FRÉTTIR
Nicaragua
Málaliðar Reagans í
Stríðsátökinhinhörðustusíðanl982. Skóla, sjúkrahús og
bóndabœir helstu skotmörk Kontrahyskisins
Kontrarnir: Fjáraustur Bandaríkjamanna í hryðjuverkasveitirnar segir til sín.
Stríðsátökin í Niraragua eru nú
hin hörðustu síðan árið 1982
er bardagar hófust. Frá ársbyrj-
un hafa á fjórða þúsund manns
látið lífíð. Ástæðan er öðrum
fremur sú að stjórn Reagans hef-
ur stutt máialiða sína, Kontrana,
með framlagi upp á hundrað
milljónir bandaríkjadala.
Fulltrúadeild Bandaríkjaþings
lagði blessun sína yfir hernaðar-
aðstoðina á síðasta hausti, og fór
hún að berast til Kontranna
snemma á þessu ári. Segja má að
hún nái yfir flest það sem að gagni
má koma í stríði, allt frá stígvél-
um og upp í hátækniflugskeyti.
Fjöldi fallinna hefur enda haldist
í hendur við aukin umsvif mála-
liðanna; samkvæmt tölum
Varnarmálaráðuneytisins í Nic-
aragua hafa tuttugu manns látið
lífið að meðaltali á dag, og er það
ógnvænleg tala í landi með aðeins
3,2 milljónir íbúa.
Samkvæmt hernaðarskýrslum
Sandínistastjórnarinnar frá því
fyrir mánuði hafa 534 hermenn
hennar fallið það sem af er árinu,
134 óbreyttir borgarar og 2,481
málaliði. Samtals er hér um að
ræða 3.149 fallna á tæpum sex
mánuðum, en til samanburðar
má geta þess að allt árið í fyrra
féllu 5.119 manns.
Málaliðarnir hafa nú tekið upp
breyttar baráttuaðferðir. í fyrstu
var markmið þeirra að ná land-
svæði á sitt vaid og setja þar
stjórn á laggirnar til höfuðs vald-
höfum landsins. Þetta ætlunar-
verk hefur þeim aldrei tekist, og
því einbeita þeir sér nú að fyrir-
sátum og tilfallandi árásum á
„mjúk skotmörk,“ eins og vest-
rænir hernaðarsérfræðingar orða
það svo smekklega.
Þessi „mjúku skotmörk“ eru
skólar, sjúkrahús, félagsbú til
sveita, orkustöðvar, samgönguk-
erfið, uppistöðulón og fleira í
þeim dúr.
Hernaðaráætlun Kontranna
beinist að því að valda þvílíkum
spjöllum á efnahagslífinu að
Sandínistar hrökklist frá völdum
vegna óánægju almennings.
Ef þetta herbragð misheppnast
þá er það ekki vegna þess að Re-
ham
agan Bandaríkjaforseti liggi á liði
sínu. Hann hefur veitt málaliðum
sínum, Kontrunum, alla þá að-
stoð sem hann hefur megnað,
enda lítur hann svo á að stjórn
Sandínista sé upphaf og endir
allrar ógæfu í Mið-Ameríku.
Vestrænum heimildarmönnum
og Sandínistum ber saman um
það að Kontrunum hafi borist
meira en tvö hundruð tonn af út-
búnaði síðan í apríl, og halda
þessir flutningar áfram í ómældu
umfangi. Kontrarnir fá glaðning-
inn flugleiðis frá Bandaríkjun-
um, og er hér um að ræða að
minnsta kosti flugvélafarm á dag,
eftir því sem helsta hjálparhella
varnarmálaráðherrans Humb-
erto Ortega, Adolfo Chamorro,
hefur sagt fréttamönnum. Þeir
vstrænir sendimenn í Nicaragua
sem fylgst með stríðsrekstrinum
staðfesta þessa tölu og segja að
milli 30 og 40 flugferðir hafi verið
farnar á mánuði í þessu skyni síð-
an í apríl.
Sandínistar telja að um fimm
þúsund málaliðar Kontra stundi
nú sína iðju í landinu, og er það
meiri fjöldi en nokkru sinni síðan
í ársbyrjun ’83. Þá hófu þeir
mikla sökn og spáðu því að þeir
myndu hertaka höfuðborgina
Managua og steypa stjórn Sand-
ínista innan hálfs árs.
Tíminn vinnur með Sandínist-
um. Reagan verður við völd í 18
mánuði í viðbót og síðan ekki
söguna meir, segja þeir. Reagan
leitar nú leiða til að auka stuðn-
inginn við Kontramálaliðana á
næsta ári, en tvö Ijón eru helst á
þeim veginum: demókratar eru í
meirihluta í báðum deildum
þingsins, og eins verður
Iran-Kontrahneykslið til að
veikja forsetann.
Reagan hefur heitið því að
leysa „Nicaraguavandamálið"
áður en valdaferli hans lýkur. Ba-
yardo Arce, einn níu meðlima í
Þjóðarráði Sandínista hefur ekki
mikla trú á að honum takist það
ætlunarverk: „Við erum þess
fullviss að árið 1989 verður Reag-
an ekki lengur við völd, og að við
munum fagna tíu ára afmæli bylt-
ingarinnar.“ HS
INNLAUSNARVERÐ
VAXTAMIÐA VERÐTRYGGÐRA
SPARISKÍRTEINA RÍKISSJÓÐS
Í1.FL.B1985
Hinn 10. júlí 1987 er fjórði fasti gjalddagi vaxtamiða verðtryggðra
spariskírteina ríkissjóðs með vaxtamiðum í 1. fl. B1985.
Gegn framvísun vaxtamiðanr. 4 verðurfráog með 10. júlí n.k. greittsem hérsegir:
Vaxtamiði með 5.000,- kr. skírteini kr. 282,26
Vaxtamiði með 10.000,- kr. skírteini kr. 564,53
Vaxtamiði með 100.000 kr. skírteini kr. 5.645,31
Ofangreind fjárhæð er vextir af höfuðstól spariskírteinanna fyrir tímabilið
10. janúar 1987 til 10. júlí 1987 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu 1006 hinn 1. janúar 1985
til 1721 hinn 1. júlí n.k.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða nr.4 ferfram gegn framvísun þeirra í afgreiðslu Seðlabanka Islands,
Kalkofnsvegi 1, Reykjavík, og hefst hinn 10. júlí 1987.
Reykjavík, 30. júní 1987
SEÐLAB ANKIÍSLANDS
A
Fóstra -
Skóladagheimili
Fóstra eða starfsmaður með aðra uppeldis-
menntun óskast til starfa að skóladagheimilinu
Ástúni. Upplýsingar gefur forstöðumaður í síma
641566.
Umsóknum skal skilað á þar til gerðum eyðu-
blöðum sem liggja frammi á Félagsmálastofnun
Kópavogs, Digranesvegi 12, og veitir dagvistar-
fulltrúi nánari upplýsingar um starfið í síma
45700.
Félagsmálastjóri
»1 REYKJKSIÍKURBORG HF*
*** <«*** r*«
MT Jauáar Störáir W
Þjónustuíbúðir aldraðra
Starfsfólk óskast í afleysingar. Upplýsingar gefur
forstöðumaður í síma 685377 milli kl. 10:00 og
14:00 daglega.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.