Dagblaðið Vísir - DV - 30.12.1995, Blaðsíða 36
40
LAUGARDAGUR 30. DESEMBER 1995
minnisstæðustu atburðir á árinu 1995
—
Jóhannes Jónsson:
Ofurtollar á
innflutt kjöt
Mér er
minnisstætt að
við opnuðum
bensínstöðvar á
árinu og allt
hefur gengið vel í
sambandi við
það,“ sagði
Jóhannes Jónsson
í Bónusi þegar
hann var spurður hvað honum
væri minnisstæðast frá árinu og
hvers hann vænti á því nýja.
„Gatt-samningurinn tók gildi og
við reyndum að flytja inn kjöt frá
Svíþjóð. Það var stoppað með ofur-
„> tollum. Ég átti von á unnum
kjötvörum í október en vegna
ofurtollanna varð ég að senda þær
til Færeyja.
Samt horfi ég bjartsýnn fram á
nýtt ár í viðskiptalífinu og vona að
umhverfíð verði hliðhollt, jafnvægi
ríki og engin upphlaup verði.“ -ÞK
Ásta Kristín Árnadóttir:
Afmæli á spítalanum
Það er kannski
ferðin út til
Bandaríkjanna,
við flugum fyrst
til Baltimore og
_ > síðan til Boston.
Svo er mér
minnisstætt að ég
átti afmæli
daginn eftir
aðgerðina og hjúkrunarkonan og
hjúkrunarfólkið á spítalanum gáfu
mér afmælisgjöf og afmælistertu,“
sagði Ásta Kristín Árnadóttir
nýmaþegi sem fór í aðgerð alla leið
til Boston í Bandaríkjunum í
september á þessu ári.
„Svo þegar við komum heim
kom fullt af fólki að taka á móti
okkur á flugvellinum." -ÞK
Heimir Steinsson:
Hörmungarnar
fyrir vestan
„Mér era efstar
í huga hörmung-
arnar fyrir vestan
í ársbyrjun og í
október. Það fer
ekki á milli mála
að þær era okkur
íslendingum
minnisstæðastar,
að minnsta kosti
sjálfum mér, og fréttaflutningurinn
'rog allt þeim tengt,“ sagði Heimir
Steinsson útvarpsstjóri þegar hann
var spurður hvað væri honum
minnisstæðast frá árinu 1995.
„Einnig að ég dvaldi eina viku í
Vatíkaninu á miðju sumri mér til
óblandinnar ánægju og gægðist þar
um gáttir á ýmsa vegu. Svo heim-
sótti ég barnabömin mín I Uppsöl-
um i Svíþjóð í nóvemberbyrjun.
Ég er bjartsýnismaður og vænti
hins besta af nýju ári. Þá eru ofar-
lega í huga aldamót og árþúsunda-
skipti. -ÞK
Ólafur Helgi Kjartansson:
Snjáfláðin
„Minnisstæðust
úr mínu starfi eru
snjóflóðin í Súða-
vík og á Flateyri.
Þar er ofarlega í
huga sá styrkur
sem býr í íbúum
þessara byggða og
sá kraftur sem
býr í björgunar-
sveitarmönnum," segir Ólafur
Helgi Kjartansson, sýslumaður á
. ísafirði.
- „Ég vænti þess að komandi ár
verði mildara en það sem nú er að
líða. I ljósi sameiningar sveitarfé-
laganna á norðanverðum Vestfjörð-
um verður kraftur byggðanna þar
meiri. Ég vil lika koma á framfæri
þakklæti til þjóðarinnar fyrir
stuðninginn sem hún hefur veitt
fólki hér vestra.“ -GK
Séra Flóki Kristinsson:
Gífurleg vonbrigði
„Efst í mínum
huga eru fyrst og
fremst gífurleg
vonbrigði eftir að
ég kom erlendis
frá í sumar eftir
yndislegt náms-
leyfi. Bæði varð
það hálfgert
menningarsjokk
vegna þess hversu gæði tímans eru
lakari hér en erlendis og ekki síður
vegna þeirra vonbrigða sem ég hef
orðið fyrir með þá stofnun sem ég
starfa fyrir, kirkjuna, hvernig ásig-
komulag hennar er og stjórnleysið
algert. Mér sýnist allt stefna í upp-
lausn. Ég óska þess helst fyrir
framtíðina að þessi stofnun fái ein-
hverja stjórn og taki á sig ein-
hverja viðunandi mynd,“ segir
Flóki Kristinsson, sóknarprestur i
Langholtskirkju. -sv
Friðrik Karlsson:
Vann með Madonnu
„Það sem stend-
ur upp úr á árinu
sem er að líða er
hið óvænta at-
vinnutækifæri
sem ég fékk þegar
mér bauðst að
spila í bíómynd-
inni Evitu með
Madonnu og Ant-
onio Banderas. Það var lærdóms-
ríkt og gerði miklar kröfur til
manns. Það ævintýri gekk allt sam-
an mjög vel og í framhaldinu hef
ég fengið það mörg tilboð um
vinnu að ég er að hugsa um að
flytja af landi brott til London í að
minnsta kosti eitt ár og freista gæf-
unnar. Ég vona að dæmið gangi
upp hjá mér á komandi ári og að
ég nái fótfestu þama úti.“ -ÍS
Kristján Jóhannsson:
Snjóflóðin á Flateyri
„Það sem óneit-
anlega kemur í
hugann þegar lit-
ið er yfir liðið ár
eru hörmungarn-
ar á Flateyri en
þær höfðu mikil
áhrif á mann.
Annars hefur árið
gengið prýðilega
hjá mér persónulega þó varla sé
hægt að segja að neinn sérstakur
atburður standi þar upp úr. Hins
vegar verður næsta ár mjög við-
burðaríkt hjá mér og miklar vænt-
ingar hjá mér vegna þess. Ég mun
deputera í þremur óperam á næsta
ári, syng Othello í Bologna á Ítalíu,
einnig hér á íslandi en fyrir því er
ég mjög spenntur. Einnig syng ég í
tveimur óperum við ríkisóperana í
Hamborg, Canio í Pagliacci og
Samson í Samson og Dalíla. Þessi
hlutverk gera það að verkum að ég
get farið að kalla mig dramatískan
söngvara. Annars er mér ofarlega í
huga að óska landsmönnum gleði-
legra jóla og farsældar á næsta
ári.“ -ÍS
Steinunn J. Kristjánsdóttir:
Kumlið minnisstætt
„Mér eru eðli-
lega minnisstæð-
astir atbúrðir sem
tengjast fundi
kumlsins í Skrið-
dal,“ segir Stein-
unn J. Kristjáns-
dóttir, fomleifa-
fræðingur hjá
Minjasafni Austurlands.
„Annars var árið mjög viðburða-
ríkt og annasamt fyrir mig sem
fornleifafræðing. t Viðey, þar sem
ég sá um uppgröft, fundust t.d.
fleiri brot af veggjum gamla klaust-
ursins og svo flutti ég til Egilsstaða
og tók þar við nýju og spennandi
starfi.
Næsta ár verður ekki síður
annasamt en það sem er að líða og
kannski Austfirðingar fái þá kuml-
búann úr Skriðdalnum aftur?" -GK
Jóhannes Gunnarsson:
Gatt-samningur
„Frá liðnu ári
er nýr Gatt-samn-
ingur efst í mín-
um huga. Hann
átti meðal annars
að auka frelsi
með landbúnaðar-
vörur. Ekki síður
er mér minnis-
stætt að íslensk
stjómvöld hafa gert allt til þess að
koma i veg fyrir að neytendur nytu
góðs af þessum samningi. Þá er of-
arlega í mínum huga að samkeppn-
isyfirvöld telja samráð banka og
sparisjóða eðlileg vinnubrögð, sem
og fákeppni á þessum markaði.
Ég vænti þess að mikilvægi neyt-
endamála renni upp fyrir stjórn-
völdum og stjómmálamönnum og
að í stað orða tali verkin. Það er
von okkar að við getum áfram
haldið að tryggja neytendum að-
gang að úrlausn ágreiningsmála
við seljendur á ódýran og fljótvirk-
an hátt með stofnun enn fleiri
kvörtunarnefnda en nú eru starf-
andi.“ -sv
Snorri Hermannsson:
Náttúruhamfarirnar
„Náttúraham-
farirnar hér
vestra á árinu
sem er að líða eru
mér eðlilega
minnisstæðar.
Þetta eru atburðir
sem ekki gleym-
ast,“ segir Snorri
Hermannsson hjá almannavama-
nefndinni á ísafirði og stjórnandi
björgunaraðgerða eftir snjóflóðin í
Súðavik og á Flateyri.
„Við hér væntum góðs af
sameiningu sveitarfélaganna sem
nýlega var samþykkt í kosningum.
Ég hef þá sannfæringu að við mun-
um í vor velja gott fólk til að móta
það samfélag sem við munum búa
við í framtíðinni." -GK
Guðjón Magnósson:
Snjóflóðin tvö
„Af innlendum
viðburöum era
mér minnisstæð-
ust snjóflóðin tvö
og hörmulegar af-
leiðingar þeirra.
Samkennd lands-
manna og sam-
hugur i verki
sitja eftir sem nauðsynlegt og kær-
komið mótvægi við öfund, óvild og
vaxandi ofbeldi sem einkennt hefur
þjóðfélagsumræðuna mikið og ein-
hverjir héldu kannski að gæfl rétta
mynd af þjóðfélaginu. Menn mættu
muna oftar eftir því að við gætum
verið og ættum að vera ein stór
fjölskylda," segir Guðjón Magnús-
son, formaður Rauða kross íslands.
„Það er bjartara yfir efnahagslíf-
inu nú er verið hefur í 8 til 9 ár og
því hljóta allir að gleðjast. Árið
1995 var þannig á íslandi upphaf
vonar um betri tíð og bætt kjör-
Vonandi tekst okkur að nýta þetta
tækifæri betur en oft áður.“ -GK
Magnús Scheving:
Verðlaun Bjarkar
„Af almennum
vettvangi er mér
minnisstæðast
þegar Björk Guð-
mundsdóttir fékk
MTV-verðlaunin,
það var merkileg-
ur atburður,"
sagði Magnús
Scheving þolfimimeistari.
„Hvað sjálfan mig varðar er mér
ógleymanlegt þegar konan mín
sagði mér að hún væri ófrísk, það
var toppurinn.
Þetta ár hefur verið hálfgert
hlaupaár hjá mér og mikið hefur
verið að gera og ég hef ferðast mik-
ið. Ég varð Evrópumeistari á árinu
og lenti i fimmta sæti á heims-
meistaramótinu í Paris. Svo gaf ég
út mina fyrstu bók, það er auðvitað
minnisstætt." -ÞK
Magnea Guðmundsdóttir:
Hörmungarnar
hér á Flateyri
„Mér eru eðli-
lega minnisstæðar
hörmungarnar
sem dundu yfir
hér á Flateyri.
Álagið fyrsta dag-
inn var gífurlegt
og óraunverulegt
að heyra fréttir af
öllum þeim sem
höfðu látist. Næstu dagar fóru í að
átta sig á því sem hafði gerst,“ seg-
ir Magnea Guðmundsdóttir, oddviti
á Flateyri.
„Við verðum að læra að lifa með
þessu. Hér er dugmikið fólk og við .
eigum marga að sem styðja okkur.
Ég vil því koma á framfæri þakk-
læti til allrar þjóðarinnar fyrir
stuðninginn. Hér hefur á stuttum
tíma mikið verið gert og hér verð-
ur aftur eðlilegt mannlíf."
-GK
Jóhann G. Bergþórsson:
Varð afi
á árinu
„Meirihluta-
skiptin i bæjar-
stjórn Hafnar-
fjarðar og það
sem þeim fylgdi
eru auðvitað mjög
minnisstæð en ég
varð lika afi á ár-
inu og það var
mjög ánægjulegur
atburður. Ég er orðinn meira en
fimmtugur og það þykir víst ekki
bera vott um mikinn brþðþroska
að verða fyrst afi á þessum aldri,"
segir Jóhann G. Bergþórsson, verk-
fræðingur og fyrrum forstjóri Hag-
virkis.
„Þá var mjög ánægjulegt að
koma á bók uppgjöri við fortíðina.
Þar er 15 ára starf gert upp og von-
andi lærdómsrík lesning fyrir unga
menn á uppleið.
Ég á von á að næsta ár verði
spennandi og lít björtum augum til
þess. Ég er að takast aftur á við
ráðgjafastörf sem verkfræðingur og
það verður líka spennandi að sjá
hvernig stjórn Hafnaifjarðarbæjar
gengur.
Auk þessa má vænta uppsveiflu í
atvinnulífinu, sérstaklega hér í
hafnarfirði með stækkun álvers-
ins.“
-GK
Ólafur Jóhann Ólafsson:
Fæddist
annar sonur
„Af persónuleg-
um högum er það •
helst að í minni
fjölskyldu eins og
öðrum létust og
fæddust einstak-
lingar. Okkur
hjónunum fæddist
annar sonur,“
sagði Ólafur Jó-
hann Ólafsson, rithöfundur og
stjómarformaður hjá Sony. „Ég
ákvað að stíga fyrsta skrefið í því
að losna úr daglegu amstri hjá
Sony og færði mig um set.
Af innlendum atburðum ber
hæst snjóflóðin á árinu. Þegar snjó-
flóðið féfl á Flateyri var ég staddur
hér heima, var á leið suður á
Keflavíkurflugvöll. Þegar svona lag-
að kemur fyrir hefur það mikil
áhrif á mann.
Af erlendum atburðum er það
morðið á Rabín. Það sýnir okkur
að gangan til friðar í heiminum er
erfið.
Svo vona ég bara að nýja árið
verði gjöfult sem flestum og að
maður sjáflúr láti betra af sér leiða
en áður.“
-ÞK
Hugo Þórisson:
Þakklátur fyrir
að vera á lífi
„Ég lenti í
óhappi þar sem ég
var hársbreidd frá
dauðanum. Ég er
þakklátur fyrir að
vera á lífi. Þetta
fær mann til að
hugsa um hve
stutt er milli lífs
og dauða og hug-
urinn hvarflar til þeirra sem lent
hafa í hörmungum, t.d. í Súðavík
og á Flateyri," sagði Hugo Þórisson
sáflræðingur sem lenti í lífsháska
þegar stór steinn lenti á bíl sem
hann var i í Vattarnesskriðum.
„Ég starfa með unglingum og
verð var við vaxandi álag á þeim
sem vinna að málefnum þeirra.
Mótorsmiðjan er jákvætt dæmi um
það sem gert hefur verið. Mér
fínnst áberandi hve margir detta út
úr skóla og vinnu og eru þunglynd-
ir. Ég vona bara að þessi þróun
snúist við, meiri bjartsýni verði
ríkjandi og umræðan í þjóðfélaginu
verði ekki til að draga unglingana
niður.“
-ÞK
Linda Björg Árnadóttir:
Sigurinn í
S-Afríku
„Það er óneit-
anlega þessi sigur
minn í Suður-Afr-
íku,“ sagði Linda
Björg Árnadóttir
sem fékk fyrstu
verðlaun fyrir
kjól sem hún
gerði úr keppum
úr sauðfé í alþjóð-
legri keppni hönnunamema sem
fram fór í Suður-Afríku í nóvem-
ber.
„Það var brjálað að gera í kring-
um keppnina. Svo flutti ég til Par-
ísar á árinu. Þetta hefur verið gott
ár og öll plön hafa gengið upp hjá
mér.
Ég sé fram á að mikið verði að
gera áfram og ég verð að vera dug-
leg en ég er í hönnunarnámi í Par-
ís.
Sonur minn, sem hefur verið hjá
pabba sínum hér heima i haust, fer
með mér út eftir áramótin og en ég
hlakka til að hafa hann hjá mér.
Svo ætla ég bara að taka mér
gott frí með fjölskyldunni."
-ÞK
Guðjón Petersen:
Viðburðaríkt ár
en ekki
ánægjulegt
„Þær miklu
hörmungar sem
gengu yfir Súða-
vík í byrjun árs-
ins og Flateyri nú
í október verða
mér minnisstæð-
ar. Þetta er búið
að vera viðburða-
ríkt ár en því
miður ekki ánægjulegt. Á árinu tók
ég ákvörðun um að skipta um starf
og væntanlega mun það hafa mikil
áhrif á mitt líf,“ segir Guðjón Pet-
ersen, framkvæmdastjóri Almanna-
vama.
Guðjón segist hlakka mjög til að
hefja störf sem bæjarstjóri Snæ-
fellsbæjar 1. febrúar næstkomandi.
t því starfi muni hann einsetja sér
að þjóna Snæfellingum sem best.
„Ég vænti alls góðs af næsta ári
og leyfi mér að vona fyrir hönd
allra að það verði betra en árið
sem núna er að líða. Það verður
gaman að kynnast nýju fólki og
takast á við ný verkefni," segir
Guðjón.
-kaa