Dagblaðið Vísir - DV - 07.03.1996, Blaðsíða 12

12
FIMMTUDAGUR 7. MARS 1996
Útgáfufélag: FRJÁLS FJÖLMIÐLUN HF.
Sljómarformaður og útgáfustjóri: SVEINN R. EYJÓLFSSON
Framkvæmdasljóri og úlgáfustjóri: EYJÓLFUR SVEINSSON
Ritstjóri: JÓNAS KRISTJÁNSSON
Aðstoðarrilstjóri: ELÍAS SNÆLAND JÓNSSON
Fréttastjóri: JÓNAS HARALDSSON
Auglýsingastjóri: PÁLL STEFÁNSSON
Ritstjóm, skrifstofur, auglýsingar, smáauglýsingar: ÞVERHOLT111,
blaðaafgreiðsla, áskrift: ÞVERHOLT114,105 RVÍK, SÍMI: 550 5000
FAX: Auglýsingar: 550 5727 - Aðrar deildir: 550 5999
GRÆN númer: Auglýsingar: 800 6272. Áskrift: 800 6270
Stafræn útgáfa: Heimasíða: http://www.skyrr.is/dv/
Ritstjórn: dvritst@centrum.is - Auglýsingar dvaugl@centrum.is. - Dreifing: dvdreif@centrum.is
AKUREYRI: Strandgata 25, sími: 462 5013, blaðam.: 462 6613, fax: 461 1605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1550 kr. m. vsk. Lausasöluverð 150 kr. m. vsk., helgarblað 200 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgjalds.
Misjafnt skömmtuð samúð
Forsætisráðherra og utanríkisráðherra hafa sent
stjóm ísraels samúðarkveðjur vegna nýrra hermdar-
verka Hamas-samtaka öfgaftillra Palestínumanna. Ráð-
herramir hafa aldrei sent Palestínumönnum samúðar-
kveðjur vegna hryðjuverka ísraelshers í Palestínu.
Átakasaga síðasta áratugar á hemumdu svæðunum í
Palestínu hefur verið næsta eindregin saga ríkisrekins
ofbeldis ísraels gegn vopnlausum Palestínumönnum.
Nokkur hundruð Palestínumanna hafa á þessum tíma
failið fyrir vopnum hryðjuverkasveita ísraelshers.
Framkvæmd hemáms ísraels í Palestínu hefur allan
þennan tíma strítt gegn alþjóðlegum sáttmálum um rétt-
indi fólks á hernumdum svæðum. Þessi framkvæmd hef-
ur magnað stuðning almennings við öfgasamtök á borð
við Hamas, sem hafiia friðarsamningum.
Samkvæmt ísraelskum lögum má herinn beita pynt-
ingum í fangelsum sínum. Enn fremur eru sakir á hend-
ur einstaklingum látnar leiða til ofbeldis gegn ættingjum
þeirra. Til dæmis eru þeir reknir úr húsum sínum og
þau jöfnuð við jörðu, svo sem nú er að gerast.
Núverandi forsætisráðherra ísraels, Símon Peres, er
sem fyrrverandi hermálaráðherra persónulega ábyrgur
fyrir tugum bamamorða í Palestínu og fyrir eyðingu
þúsunda heimila í hefndarskyni fyrir meinta glæpi ein-
hverra skyldmenna þeirra, sem í húsunum bjuggu.
Um hemumdu svæðin fara ísraelskir trúarofstækis-
menn alvopnaðir og ögra heimamönnum, sem ekki mega
bera vopn. Engar ráðstafanir em gerðar til að koma í veg
fyrir hryðjuverk ofstækismannanna, sem hafa með
bandarískum stuðningi reist sér heimili í Palestínu.
í friðarferli undanfarinna ára hefur ísraelsstjóm nán-
ast neytt Frelsissamtök Palestínumanna til uppgjafar.
Yassir Arafat hefúr mátt kyngja þungbærum samninga-
niðurstöðum, sem stjóm ísraels hefúr síðan ekki staðið
við, nema þegar hún telur sér það henta.
Engin furða væri, þótt meirihluti íbúa Palesttnu hefði
hafnað forsjá Arafats og styddi öfgasinnaða hryðjuverka-
hópa á borð við Hamas. Það er raunar mesta furða, að
meirihluti fólksins í landinu skuli enn styðja friðarferil-
inn sem leiðtogar þjóðanna hafa stundum verið að feta.
ísraelum er enginn greiði gerður með einhliða samúð-
arkveðjum valdamanna, sém enga samúð hafa sýnt á
hinum vængnum. Slíkt hvetur valdamenn ísraels til að
halda áfram hryðjuverkum, er flokkast sem glæpir gegn
mannkyninu samkvæmt alþjóðlegri skilgreiningu.
Betra væri, að vestrænir valdamenn segðu valda-
mönnum ísraels, að þeirra ábyrgð felist í að hafa komið
upp krumpuðu þjóðskipulagi, þar sem Herrenvolk ísra-
elsmanna kúgar Untervolk Palestínumanna og beitir
eins konar Gestapósveitum til að kúga þá til undirgefhi.
Vestrænir valdamenn eiga að segja valdamönnum
ísraels, að í því ástandi, sem þeir hafi komið upp í Palest-
ínu, sé ekki lengur auðvelt að gera greinarmun á frelsis-
hetjum annnars vegar og hryðjuverkamönnum hins veg-
ar. Hemámsríkið geti sjálfu sér um kennt.
Hryðjuverkamennirnir, sem hafa stjómað ísrael frá
því að Palestína var hemumin, em valdamenn í.skjóli
kjósenda. Almenningur í ísrael ber ábyrgð á valdamönn-
um sínum og hefur raunar hvatt til þeirrar hörku, sem
enn einu sinni hefur kallað á hryðjuverk á móti.
Erlendis er spakmæli, er segir, að þeir, sem kjósa að
lifa með sverði, hætti líka á að deyja með sverði. Þeir
þurfa ekki meiri samúð en fómardýr þeirra.
Jónas Kristjánsson
„Og ég skil ekki hvernig samanlögð prestastétt landsins getur setið aðgerðalaus hjá og horft á kirkjuna drabb-
ast niður í svaðið..." segir greinarhöfundur m.a.
Eftir höfðinu dansa limirnir:
Syndafyrirgefning
fyrir síðustu 1000 ár
Málefni kirkjunnar og ýmissa
þjóna hennar eru mikiö til um-
fjöllunar um þessar mundir. Ann-
ars vegar eru það vandamál Lang-
holtskirkjusóknar og hins vegar
ásakanir á hendur núverandi bisk-
upi um kynferðislega áreitni. Með-
ferð þessara mála og sérílagi þess
síðamefnda sýnir að kirkjan er
ófær um að taka á innri vandamál-
um.
Þannig hefúr ítrekað mátt horfa
uppá vandræðalega fulltrúa kirkj-
unnar velta málinu miUi sín og í
besta faUi hafa þeir beðið þjóðina
afsökunar á öUu þeim miska sem
kirkjunnar þjónar kunna að hafa
unnið henni fyrr og síðar. Semsagt
syndafyrirgefning fyrir síðustu
1000 ár eða svo á einu bretti!
Sérstaka athygli vekur þó að
prestastéttin megnar ekki einu
sinni að lýsa trausti á yfirmann
sinn og segir það meira en mörg
orð um stöðu hans.
Ótraustvekjandi
málsmeðferð
AUt þetta hefur markvisst graf-
ið undan trausti á kirkjunni og
ekki hefur biskup sjálfur haldið
þannig á spUum að traustvekjandi
sé. Hann hefur tU dæmis í hótun-
um við Stígamót í sjónvarpi vegna
fjárveitinga frá kirkjunni en þegar
hann verður ber að buUi reynir
hann að telja fólki trú um að þetta
hafi verið gálgahúmor af sinni
hálfu! Biskup með gálgahúmor í
máli sem getur svipt hann kjóli og
kaUi og rúið þjóðkirkjuna öUu
trausti?
Og hann kaUar þessi mál heUa-
spuna og fjarstæðu; konumar eigi
bágt og að kirkjan eigi að hjálpa
þeim að ná bata. En hvað gerist
svo? Jú, hann hótar málaferlum ef
Kjallarinn
Sigurður Þór Saivarsson
sjálfstætt starfandi blaðamaður
þær segja söguna frá sinni hlið þó
hann sé búinn að útskýra hana op-
inberlega frá sínum sjónarhóli.
Siðferðisbrot fyrnast ekki
Vissulega geta þessi mál verið
lagalega fymd. ÖUum má þó ljóst
vera að siðferðisbrot af því tagi
sem biskup er sakaður um fýmast
ekki þótt liðinn sé einhver lagaleg-
ur árafjöldi frá meintum atburð-
um. í mínum huga er það afar
ósennilegt aö á sama tíma komi
fram þrjár og jafnvel fleiri konur
sem skáldi blákalt framaní þjóðina
upplognum sökum á biskup.
Hverjum dettur í hug að konur
héðan og þaðan úr þjóðfélaginu
frnni skyndilega hjá sér hvöt tU að
leggja mannorð sitt að veði fyrir
það að ljúga uppá biskup? AUar
líkur benda tU að málin eigi við
einhver rök að styðjast; sú skýring
biskups að aUar þessar konur séu
handbendi hins Ula dugir ekki.
Vantraust þjóðarinnar
í málum þeim sem í hámæli eru
stendur orð gegn orði og reynir
því á trúverðugleika málsaðUa.
Samkvæmt nýlegri könnun DV
tekur meirihluti þjóðarinnar af-
stöðu gegn biskupi og viU að hann
segi af sér.
Sú niðurstaða gefur eindregið
tU kynna að stór hluti þjóðarinnar
trúir ekki málflutningi biskups.
Það ætti að vera áhyggjuefhi
fyrir hann og prestastéttina þvi
traust þjóðarinnar á biskupi hlýt-
ur aö haldast í hendur við traust á
þjóðkirkjunni. Og ég skil ekki
hvernig samanlögð prestastétt
landsins getur setið aðgerðalaus
hjá og horft á kirkjuna drabbast
niður í svaðið einsog nú er að ger-
ast.
Sigurður Þór Salvarsson
„Hverjum dettur í hug að konur héðan og
þaðan úr þjóðfélaginu finni skyndilega hjá
sér hvöt til að leggja mannorð sitt að veði
fyrir það að ljúga uppá biskup?“
Skoðanir annarra
Breytingar og markmið
„Það er ekki nóg aö hafa þekkingu. Það þarf einn-
ig að kunna að nýta hana. Læra þarf af mistökum,
reynslu og árangri annarra. . . . Örar breytingar án
stöðugleika leiða til stjómleysis. Stjórnlausar breyt-
ingar valda óróleika og skila ekki nægum árangri.
Með sama hætti og skip þarfnast leiðsagnar, sigl-
ingakorts og stefnu að ákveðnum áfangastað, þurfa
breytingar að hafa markmið í sjálfu sér og að byggja
á skýrri stefnu og stöðugleika.“
Þorkell Sigurlaugsson í Viðskiptabl. 6. mars.
Einbeitt almenningsálit
„Augljóst mætti vera, að það sem varðar mestu er
einbeitt almenningsálit, sem fordæmir fíknaró-
mennskuna án linkindar og uppgerðar-málsbóta. Og
hollast er öllum, að þar sé hvaðeina nefnt réttu
nafni. . . . Að sjálfsögðu er skylt að gera allt sem
verða má til að draga upp úr svaðinu þá afglapa sem
þangað hafa flanað. Hitt skiptir þó ekki minna máli,
að í augmn þeirra, sem eru að stálpast, sé afglapinn
afglapi, og svaðið svað, en ekki vettvangur djarf-
mannlegrar hegðunar, sem ástæða sé til að kynna
sér af eigin raun. Þar kæmi sér öðrubetur sú brýn-
ing, að sá er alls volað skauð, sem lætur hafa sig að
slíku fífli.“
Helgi Hálfdanarson í Mbl. 2. mars.
Biskupsmálin
„Um sinn beinist athyglin að stofnunum kirkjimn-
ar, að því hvemig hún ætlar að taka á siðferðisþætti
málsins. Þaö væri verulegt áfall fyrir stöðu kirkj-
unnar ef henni væri ekki unnt að afgreiða þessi mál
með fullnægjandi hætti, meðal annars vegna þess að
þá reyndi verulega á þá pólitísku ábyrgð sem óhjá-
kvæmilega fylgir tengslum þjóðkirkjunnar við ríkis-
valdið, fyrst og fremst ráðuneyti kirkjumála og al-
þingi Islendinga."
Úr forystugreinum Þjóvakablaðsins 6. mars.