Dagblaðið Vísir - DV - 10.05.1997, Blaðsíða 10
REYKJAVÍKVRLISTANS
ÁR
T/l KOSNlHO^
Borgarstjóri og borgaríulltrúar
Reykjavíkurlistans bjóða tU
hvítasunnuhátíðar á Hótel Borg
á annan í hvítasunnu, 19. maí.
Hátíðin hefst kl. 19.00
með fordrykk.
Á meðan á borðhaldi stendur
verður glæsileg dagskrá
undir stjórn
Ingibjargar Sólrúnar Gísladóttur
borgarstjóra.
Ræðumaður kvöldsins verður
Einar Már Guðmundsson
rithöfundur
Dagskrá:
Margrét Pálmadóttir
kórstjóri Kvennakórs Reykjavíkur
og
Halldór Gunnarsson
tónlistarmaður leiða sönggleði gesta.
Hinn óvenjulegi sönghópur
Emil og Anna Sigga
flytja þjóðlög og lög frá ýmsurn tímum.
Sönghópinn skipa þau
Anna Sigríður Helgadóttir
Bergsteinn Björgúlfsson
Ingólfur Helgason
Sigurður Halldórsson
Skarphéðinn Þór Hjartarson
Sverrir Guðjónsson
Jóhannes Kristjánsson
stjómmálaskýrandi
bregður sér á borgastjómarfund
Leynigestur með leyninúmer
leynist meðal gesta
Undir lok borðhalds
mæta Rússíbanar til leiks
og með þeim dansparið
Hany Hadaya
og
Bryndís Halldórsdóttir
sem sýna eldheitan atgentínskan tangó
á miðnætti
Húsið veröur opnað fyrir aðra en
matargesti ki. 23.30
og munu
Rússibanarnir leika
með samba og
suður-amerískri sveiflu
til kf. 01.00
Verð fyrir þríréttaða glæsimáltíð
erkr. 3.200
en miðaverð eftir að borðhaldi lýkur
er kr. 1000
Miðasala er í höndum borgarfúlltrúa
og varaborgarfulltrúa
Reykjavíkurlistans.
Einnig er hægt að kaupa miða
í bókaverslun
Máls og menningar á Laugavegi
viðtal
LAUGARDAGUR 10. MAÍ 1997
y Sendiherrahjónin í Þýskalandi tekin tali á heitum sumardegi í Berlín:
Islendingar í Þýskalandi
eru þióðinni til sóma
Ingimundur Sigfússon og Valgeröur Valsdóttir fyrir framan Gedáchtniskirche í Berlín, eitt helsta tákn borgarinnar.
DV-mynd bjb
DV, Berlín:_____________________
„Þetta er búinn að vera mjög góð-
ur tími fyrir okkur bæði. Ég hlakka
til hvers dags í vinnunni," sagði
Ingimundur Sigfússon, sendiherra
íslands í Þýskalandi, þegar blaða-
maður DV hitti þau Valgerði Vals-
dóttur á heitum sumardegi í Berlín
í vikunni. Þau voru þá komin til að
vera viðstödd skóflustungu að sam-
eiginlegu sendiráðssvæði Norður-
landanna. Eftir tvö ár mun sendi-
ráðið flytjast til Berlínar en í dag
hafa þau Ingimundur og Valgerður
aðsetur í Bonn. Umfjöllun um
skóflustunguna og sjálfa sendiráðs-
bygginguna er að finna aftar i helg-
arblaðinu.
Ingimundur var sem kunnugt er
forstjóri Heklu til langs tíma og síð-
ar stjómarformaður, eða til ársins
1994 að hann seldi sinn hlut i fyrir-
tækinu og hætti þar störfum.
Skömmu síðar, um áramótin 1995,
var hann skipaður sendiherra í
Þýskalandi. Þau eru því búin að
vera úti í rúm tvö ár. Aðspurð
sögðu þau breytingu á högum
þeirra ekki hafa verið svo mikla í
raun. Bæði þessi störf, þ.e. í Heklu
og utanríkisþjónustunni, felist fyrst
og fremst í því að eiga samskipti við
annað fólk.
Vel kunnug Þýskalandi
Þýskaland er þeim hjónum ágæt-
lega vel kunnugt. Á unglingsár-
unum var Ingimundur þrjú sumur í
Hamborg. Hann dvaldi hjá þýskri
fjölskyldu, Ulrich Marth og konu
hans, Lore. Ulrich er umboðsmaður
Baader-fiskvinnsluvélanna á íslandi
en hann rak þá einnig fyrirtæki í
Hamborg. Vann Ingimundur i fyrir-
tækinu. Hann segir dvöl hans hjá
þeim hjónum hafa verið honum
mikið happ og gagnast honum vel í
gegnum lífið. í tengslum við starfið
hjá Heklu átti hann jafnframt mikil
samskipti við Þjóðverja og saman
hafa þau Valgerður ferðast mikið
um Þýskaland. Valgerður dvaldi
einnig sumarlangt í Berlín á ung-
lingsárum sínum.
Eins og gefur að skilja eru verk-
efni sendiherrans íjölbreytt og geta
oft og tíðum verið mjög annasöm.
„Við erum stöðugt að vinna að
auknum samskiptum íslendinga og
Þjóðverja á öllum sviðum. Við þurf-
um að eiga samskipti við yfirvöld í
Bonn, sérstaklega utanríkisráðu-
neytið og viðskiptaráðuneytið. Ég
er i góðu sambandi við íslendinga
sem reka hér fyrirtæki og reyni að
greiða götu þeirra. Þannig mætti
lengi telja um verkefnin hér,“ sagði
Ingimundur.
Starfsvettvanpur víða
um Þýskalanu
Aðspurður kvaðst Ingimundur
ferðast töluvert í tengslum við starf-
ið enda valddreifing mikil í Þýska-
landi. Víða annars staðar sé starfs-
vettvangur sendiherrans bundinn
við höfuðborg viðkomandi rikis.
Ingimundur sagði sambandslöndin
t.d. hafa með öll sín mennta- og
menningarmál að gera, svo og lög-
reglumál að mestu leyti. Þá væru
verslunarráð í flestum borgum en
þau gegna miklu hlutverki varðandi
viðskiptatengsl.
„Þó að sendiráðið sé í Bonn þá
koma íslendingar sem eiga erindi til
Þýskalands sjaldnast þangað. Bók-
menntakynningar hafa verið haldn-
ar í mörgum borgum Þýskalands.
Svipaða sögu má segja um viðskipt-
in. íslensku fyrirtækin eru t.d. í
Frankfurt, Hamburg, Bremerhaven,
Cuxhaven og Rostock. Viðskipti
með íslenska hestinn eru einnig
mjög umfangsmikil hérna í Þýska-
landi og höfum við sinnt þeim mál-
um taisvert," sagði Ingimundur.
Varðandi útgerðarfyrirtæki eins
og t.d. Mecklemburger Hochsee-
fischerei i Rostock og Deutsche
Fischfang Union í Cuxhaven þá
sagði Ingimundur að íslendingar
ættu góða möguleika á auknum við-
skiptum við Þýskaland, sérstaklega
á þeim sviðum sem þeir kynnu vel
til verka eins og í sjávarútvegi.
Áhugi á vetni
Sem dæmi um viðskiptamál á
öðru sviði en sjávarútvegi sagði
Ingimundur frá miklum áhuga í
Þýskalandi á að nota vetni sem
orkugjafa í framtíðinni. Þjóðverjar
vilji að það sé framleitt með hreinni
orku.
„Þama gætu leynst mikil mögu-
leikar fyrir okkur þó langt sé enn í
það að hægt verði að nota vetni svo
hagkvæmt sé. Sjálfsagt er fyrir okk-
ur að rækta þau samhönd sem þeg-
ar hafa komist á til þess að vera til-
búinn þegar þar að kemur. Þá er
það verkefni sendiráðsins að vera
stöðugt að litast um eftir flárfestum
sem gætu haft áhuga á að fjárfesta á
íslandi," sagði Ingimundur.
Þau segja viðmót Þjóðverja gagn-
vart íslendingum vera mjög já-
kvætt, þeir séu hvarvetna boðnir
velkomnir. Að mörgu leyti séu þjóð-
imar líkar en Þjóðverjai- þó form-
fastari og agaðri. íslendingar standi
sig vel erlendis og þeim gangi vel að
aðlaga sig.
„íslendingar sem starfa hér í
Þýskalandi eru þjóðinni til sóma.
Þeir era duglegir, hvort sem þeir
eru í viðskiptum, listum eða íþrótt-
um, og góð landkynning," sagði Val-
gerður.
Tveir sendiherrar í raun
Eins og lesandinn hefur kannski
tekið eftir þá segir Ingimundur
gjarncm „við“ enda lítur hann svo á
að hann sé ekki einn í starfinu held-
ur sé Valgerður honum mikil stoð
og stytta. í raun eigi íslendingar tvo
sendiherra i Þýskalandi. Valgerður
segist nú ekki vera reiðubúinn til
að taka undir þetta en segist engu
að síður hafa nóg að gera. Hún þurfi
m.a. að hugsa um stóran bústað í
Bonn þar sem oft og tíðum sé mjög
gestkvæmt.
„Ég held mig á mínum stað en er
svo heppin að við getum ferðast
saman. Þannig fæ ég meiri innsýn í
starf Ingimundar en ella. Ég kynnist
fólki sem hann er í stöðugu sam-
bandi við. Þetta hefur verið mjög
skemmtilegur tími hérna í Þýska-
landi. Með því að búa erlendis um
einhvern tíma þá verður maður víð-
sýnni,“ sagði Valgerður.
Þau eiga tvo uppkomna syni, þá
Val, 36 ára sagnfræðing sem býr í
New York í Bandarikjunum, og Sig-
fús, 31 árs framkvæmdastjóra
Ferskra kjötvara í Reykjavík. Fjöl-
skyldur þeirra hafa heimsótt Ingi-
mund og Valgerði til Þýskalands eft-
ir að þau fluttu þangað og þau náð
að heimsækja þá. Svo vill til að
doktorsritgerð Vals við Columbia-
háskólann fjallaði um samskipti
Austur- og Vestur-Þýskalands við
Bandau-íkin á tímum kalda stríðsins
þannig að fjölskyldan tengist Þýska-
landi á margan hátt.
Aöspurð hvað þau ætluðu að vera
lengi í Þýskalandi sögðu þau það
óráðið.
„Við fáumst við mjög skemmtileg
og spennandi verkefni og reiknum
með að flytjast aftur heim að þeim
loknum," sagði Ingimundur Sigfús-
son að lokum.
-bjb